Қызылордалық тәртіп сақшылары спорттық шеберліктерін көрсетті
Шағын футбол мен арқан тарту, қол күрес сайыстары бойынша басқарманыӊ барлық қызмет салаларынан барлығы 160 қызметкерден 10 команда құрылып, олар "Үздік қақпашы", "Үздік шабуылшы", "Үздік қорғаушы" номинациялары бойынша жоғары көрсеткіштер көрсетті.
Қызылорда. 5 қазан. Kazakhstan Today - Қызылорда қаласыныӊ 200 жылдық мерейтойы және Криминалдық полиция басқармасыныӊ 100 жылдығына орай ағымдағы жылдыӊ қыркүйек айыныӊ 30 күні "Динамо" спорт кешенінде Қызылорда қаласы Ішкі істер басқармасыныӊ жеке құрам қызметкерлері арасында шағын футбол, арқан тарту және қол күрес сайыстары өткізілді.
Аталмыш сайыс басқарма қызметкерлерініӊ жұмысын ұйымдастыру деӊгейін жоғарылату, олардыӊ кәсіби қызметін ынталандыру және моральдық, психологиялық тұрақтылықты қамтамасыз ету, салауатты өмір салтын қалыптастыру мақсатында өткізілді.
Шағын футбол мен арқан тарту, қол күрес сайыстары бойынша басқарманыӊ барлық қызмет салаларынан барлығы 160 қызметкерден 10 команда құрылып, олар "Үздік қақпашы", "Үздік шабуылшы", "Үздік қорғаушы" номинациялары бойынша жоғары көрсеткіштер көрсетті.
Сонымен қатар, аталған командалар арасында мини - футбол ойыны бойынша тартымды әрі бәсекелі ойын өткізіліп, нәтижесінде басқарманыӊ тергеу бөлімініӊ командасы үздік ойын көрсетіп, бірінші орынға ие болды. Екінші орынға басқарманыӊ Штаб бөлімініӊ командасы ие болса, үшінші орынды басқарманыӊ Криминалды полиция бөлімініӊ командасы иеленді.
Ал арқан тартыс сайысы бойынша Ақсай және Тасбөгет полиция бөлімінен құралған құрама команда бірінші орынды иеленді. Екінші орынды басқарманыӊ Жергілікті полиция қызметініӊ ювеналды полиция бөлімініӊ ювеналды полиция инспекторлары командасы иеленсе, үшінші орынды басқарманыӊ криминалдық полиция бөлімініӊ командасы иеленді.
Қол күрес сайысында басқарманыӊ криминалдық полиция бөлімініӊ жедел уәкілі полиция аға лейтенанты Илімжан Илімбетов өзіне деген қарсыластарды шақ келтірмей, жеӊімпаз атанды.
Жеӊімпаз командалар дипломдармен және сыйлықтармен марапатталды.
Осылайша басқарма қызметкерлері арасында өткізілген салауатты өмір салтын қалыптастыруға бағытталған спорттық іс-шаралар полиция қызметкерлерініӊ дайындықтарыныӊ деӊгейін арттырып, төзімділік пен сенімділіктерін нығайта түсуде.
Қызылорда ОІІД Баспасөз қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды
Сурет: gov.kz
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды, деп хабарлайды ҚР Туризм және спорт министрлігінің баспасөз қызметінен.
Батуттық гимнастикадан әлем кубогының 5 кезеңінің қорытындысы бойынша, 25 жастағы Данил Мұсабаев Париж Олимпиадасының жолдамасын жеңіп алды.
2023 жылы Ханчжоудағы жазғы Азия ойындарында батуттық гимнастикадан жеке жаттығуда бірінші рет күміс жүлде иеленген.
Бұған дейін батуттық гимнастикадан 2016 жылы Рио Олимпиадасында алғаш Пирмаммад Алиев қатысып, 12-орынға табан тіреген еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық гимнаст Испаниядағы Гран-при кезеңінде алтын медаль жеңіп алды
Сурет: instagram/kazgymfederation
Эльжана Таниева Испаниядағы Гран-При кезеңінде алтын медаль жеңіп алды, деп хабарлайды Қазақстан гимнастика федерациясының баспасөз қызметінен.
Көркем гимнастикадан Испанияның Марбелье қаласында өткен Гран-При кезеңінде қазақстандық Эльжана Таниева тұғыр биігінен көрінді.
Доппен жаттығудың финалында өнер көрсеткен спортшымыз төрешілерден 33.400 ұпай алып, алтын жүлдеге қол жеткізді.
Бұл сында өзбекстандық спортшы күміс медаль (32.600) иегері атанса, словениялық гимнасшы (32.200) үздік үштікті түйіндеді.
Эльжана Таниева мен бапкері Әлия Махсұтқызын алтын жүлдемен құттықтаймыз!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисшілер Индиан-Уэллс турнирін жеңіспен бастады
Сурет: KTF
Қазақстандық теннисшілер Индиан-Уэллс турнирін жеңіспен бастады, деп хабарлайды ҚТФ баспасөз қызметінен.
Әлемнің 51-ракеткасы Александр Шевченко Индиан-Уэллс мастерс жарысының алғашқы айналымында рейтингіде өзінен екі саты жоғары тұрған германиялық Доминик Кепфермен сынға түсті.
Бірінші партияда Шевченко 6:3 есебімен басымдық танытса, екіншісінде есе жіберді - 1:6. Дегенмен шешуші, үшінші сетте тай-брейкте жеңісті жұлып алды - 7:6 (7:3).
Александр Шевченко екінші айналымда әлемнің 22-ракеткасы, аргентиналық Франсиско Черундоломен шеберлік байқасады.
Әйелдер арасында Индиан-Уэллс WTA 1000 додасында әлемнің 79-ракеткасы Юлия Путинцева да сәтті ойнай алды. Ол рейтингіде 76-орындағы тағы бір германиялық Тамара Корпачты екі сетте жеңді - 6:2, 6:3.
Юлия Путинцеваның келесі қарсыласы - әлемнің 16-ракеткасы, ресейлік Екатерина Александрова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елена Рыбакина Доха турнирінің ширек финалына өтті
Сурет: ktf
Елена Рыбакина Доха (Қатар) WTA 1000 турнирінің ширек финалына шықты, деп хабарлайды ҚТФ баспасөз қызметінен.
Жарыстың 3-ракеткасы болып тіркелген қазақстандық теннисші үшінші айналымда дүниежүзілік рейтингіде 23-орында тұрған америкалық, 22 жастағы Эмма Наварромен шеберлік байқасты.
Бірінші партияда Рыбакина 5:0 есебімен алға кетіп, бет қаратпады - 6:1.
Керісінше тартысты өрбіген екінші сетте тай-брейкте Наварроның асығы алшысынан түсті - 7:6 (8:6).
Үшінші, шешуші партияда Елена брейк жасап, 4:2 есебімен алға шықты. Ақыры осы басымдылығынан танған жоқ - 6:4.
Екі сағат 10 минутқа созылған тартысты бәсеке барысында қазақстандық спортшы 10 эйс жасап, 10 брейк-пойнттың алтауын мүлт жіберген жоқ.
Елена Рыбакина жартылай финалға шығу үшін әлемнің 38-ракеткасы, 2021 жылғы АҚШ ашық чемпионатының финалисі, канадалық Лейла Фернандеспен кездеседі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.