ҚР Қарулы Күштерініӊ спортшысы оқ ату бойынша Қазақстанныӊ жаӊа рекордын орнатты
Алматыда ҚР спорттық оқ ату Федерациясы Президентініӊ кубогында пневматикалық қарудан оқ атуда Қазақстан Республикасыныӊ жаӊа рекорды орнатылды. Оныӊ авторы ҚР Қорғаныс министрлігі Армия орталық спорт клубыныӊ армиялық спортшысы Юрий Юрков атанды
Астана. 9 желтоқсан. Kazakhstan Today - Алматыда ҚР спорттық оқ ату Федерациясы Президентініӊ кубогында пневматикалық қарудан оқ атуда Қазақстан Республикасыныӊ жаӊа рекорды орнатылды. Оныӊ авторы ҚР Қорғаныс министрлігі Армия орталық спорт клубыныӊ армиялық спортшысы Юрий Юрков атанды, деп хабарлайды Kazakhstan Today агенттігініӊ тілшісі.
10 метр қашықтықта атқыш 624,4 ұпай жинап, Изірбайжанда өткен 2015 жылғы әлем кубогында орнатқан алдыӊғы 622,9 ұпайынан асып түсті. Бұл туралы ҚР Қорғаныс министрлігі хабарлады.
Бұл рекорд - армиялық спортшыныӊ тағы бір жетістігі. Бүгінде оныӊ қоржынында әлем кубогыныӊ жеӊімпазы, ҚР бірнеше дүркін чемпионы, халықаралық дәрежедегі спорт шебері, 2016 жылы өтетін Олимпиадалық ойындарға арналған лицензия иегері, сондай-ақ осы жылдыӊ қорытындысы бойынша ҚР спорттық оқ ату федерациясыныӊ рейтингісінде бірінші орын бар.
Сонымен бірге, кәсіби және бұқаралық қазақстандық әскери спортқа ұмтылуда тағы бір қадам.
Бүгінде еліміздіӊ Қарулы Күштерінде спортқа ерекше көӊіл бөлініп отырғанын айта кеткен жөн. Искери қызметшілерді әрі қарай дамыту және спортқа баулу үшін осы жылы алғаш рет Алматыдағы Радиоэлектроника және байланыс Искери институтыныӊ спорттық базасында ҚР Қарулы Күштерініӊ дене даярлығы және спорт мамандарымен оқу-әдістемелік жиын ұйымдастырылды. Мұнда ҚР ҚМ АОСК және дене шынықтыру әскери институтыныӊ офицерлері дене даярлығын басшылыққа алу, жоспарлау, ұйымдастыру, бақылау және есепке алу жөнінде бірлескен дәрістер мен семинарлар өткізді. Дене даярлығы бойынша сабақтарды өткізудіӊ педагогикалық негіздерін, әскери қызметшілердіӊ дене тұрғысындағы қасиеттерін дамыту әдістемелерін, медициналық қамтамасыз етуді қарастырды.
тақырып бойынша жаңалықтар
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды
Сурет: gov.kz
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды, деп хабарлайды ҚР Туризм және спорт министрлігінің баспасөз қызметінен.
Батуттық гимнастикадан әлем кубогының 5 кезеңінің қорытындысы бойынша, 25 жастағы Данил Мұсабаев Париж Олимпиадасының жолдамасын жеңіп алды.
2023 жылы Ханчжоудағы жазғы Азия ойындарында батуттық гимнастикадан жеке жаттығуда бірінші рет күміс жүлде иеленген.
Бұған дейін батуттық гимнастикадан 2016 жылы Рио Олимпиадасында алғаш Пирмаммад Алиев қатысып, 12-орынға табан тіреген еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық гимнаст Испаниядағы Гран-при кезеңінде алтын медаль жеңіп алды
Сурет: instagram/kazgymfederation
Эльжана Таниева Испаниядағы Гран-При кезеңінде алтын медаль жеңіп алды, деп хабарлайды Қазақстан гимнастика федерациясының баспасөз қызметінен.
Көркем гимнастикадан Испанияның Марбелье қаласында өткен Гран-При кезеңінде қазақстандық Эльжана Таниева тұғыр биігінен көрінді.
Доппен жаттығудың финалында өнер көрсеткен спортшымыз төрешілерден 33.400 ұпай алып, алтын жүлдеге қол жеткізді.
Бұл сында өзбекстандық спортшы күміс медаль (32.600) иегері атанса, словениялық гимнасшы (32.200) үздік үштікті түйіндеді.
Эльжана Таниева мен бапкері Әлия Махсұтқызын алтын жүлдемен құттықтаймыз!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисшілер Индиан-Уэллс турнирін жеңіспен бастады
Сурет: KTF
Қазақстандық теннисшілер Индиан-Уэллс турнирін жеңіспен бастады, деп хабарлайды ҚТФ баспасөз қызметінен.
Әлемнің 51-ракеткасы Александр Шевченко Индиан-Уэллс мастерс жарысының алғашқы айналымында рейтингіде өзінен екі саты жоғары тұрған германиялық Доминик Кепфермен сынға түсті.
Бірінші партияда Шевченко 6:3 есебімен басымдық танытса, екіншісінде есе жіберді - 1:6. Дегенмен шешуші, үшінші сетте тай-брейкте жеңісті жұлып алды - 7:6 (7:3).
Александр Шевченко екінші айналымда әлемнің 22-ракеткасы, аргентиналық Франсиско Черундоломен шеберлік байқасады.
Әйелдер арасында Индиан-Уэллс WTA 1000 додасында әлемнің 79-ракеткасы Юлия Путинцева да сәтті ойнай алды. Ол рейтингіде 76-орындағы тағы бір германиялық Тамара Корпачты екі сетте жеңді - 6:2, 6:3.
Юлия Путинцеваның келесі қарсыласы - әлемнің 16-ракеткасы, ресейлік Екатерина Александрова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елена Рыбакина Доха турнирінің ширек финалына өтті
Сурет: ktf
Елена Рыбакина Доха (Қатар) WTA 1000 турнирінің ширек финалына шықты, деп хабарлайды ҚТФ баспасөз қызметінен.
Жарыстың 3-ракеткасы болып тіркелген қазақстандық теннисші үшінші айналымда дүниежүзілік рейтингіде 23-орында тұрған америкалық, 22 жастағы Эмма Наварромен шеберлік байқасты.
Бірінші партияда Рыбакина 5:0 есебімен алға кетіп, бет қаратпады - 6:1.
Керісінше тартысты өрбіген екінші сетте тай-брейкте Наварроның асығы алшысынан түсті - 7:6 (8:6).
Үшінші, шешуші партияда Елена брейк жасап, 4:2 есебімен алға шықты. Ақыры осы басымдылығынан танған жоқ - 6:4.
Екі сағат 10 минутқа созылған тартысты бәсеке барысында қазақстандық спортшы 10 эйс жасап, 10 брейк-пойнттың алтауын мүлт жіберген жоқ.
Елена Рыбакина жартылай финалға шығу үшін әлемнің 38-ракеткасы, 2021 жылғы АҚШ ашық чемпионатының финалисі, канадалық Лейла Фернандеспен кездеседі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.