Оӊтүстік Қазақстан облысынан 5 спортшы қысқы Олимпиадаға барады
Биыл ақпан айыныӊ 9-25 аралығында Оӊтүстік Кореяныӊ Пхенчхан қаласында XXIII қысқы Олимпиада ойындары өтеді. Байрақты бәскеге қатысуға Оӊтүстік Қазақстан облысынан 8 спортшы үміткер болып, оныӊ 5-еуі лицензияға қол жеткізді.
Шымкент. 29 қаӊтар. Kazakhstan Today - Биыл ақпан айыныӊ 9-25 аралығында Оӊтүстік Кореяныӊ Пхенчхан қаласында XXIII қысқы Олимпиада ойындары өтеді. Байрақты бәскеге қатысуға Оӊтүстік Қазақстан облысынан 8 спортшы үміткер болып, оныӊ 5-еуі лицензияға қол жеткізді. Бұл туралы Өӊірлік коммуникация орталығында өткен баспасөз жиынында облыстық дене шынықтыру және спорт басқармасыныӊ басшысы Илібек Нұртаев мәлімдеді.
Аталған спорттық жарыста халықаралық дәрежедегі спорт шебері, Қазақстан Республикасыныӊ бірнеше дүркін чемпионы, 2012 жылы Ресей Федерациясыныӊ Сочи қаласында өткен 22-ші қысқы Олимпиада ойындарыныӊ 6-шы орын иегері, 2017 жылы өткен Бүкіләлемдік қысқы Универсиаданыӊ жеӊімпазы Жанбота Алдабергенова, Қазақстан Республикасыныӊ спорт шеберлері Маржан Ақжігіт, Ақмаржан Қалмұрзаева, Ильдар Бадрутдинов, Қазақстан Республикасыныӊ спорт шеберлігіне үміткер Аяна Жолдас ел намысын қорғайтын болады.
"Қазіргі таӊда спортшыларымыз Мәдениет және спорт министрілігі тарапынан бекітілген жоспарға сәйкес, оқу-жаттығу жиындарына қатысуда. Облыс тарапынан жоғарыда аталған үміткер спортшылардыӊ елде және шет мемлекеттерде өткізілетін халықаралық деӊгейдегі оқу-жаттығу жиындары мен жарыстарға қатысуына толық мүмкіндік жасалынып отыр.", - деді Илібек Нұртаев.
Айта кетейік, бүгінде өӊірімізде спорттыӊ қысқы түрлерін дамыту мақсатында "Оӊтүстік Қазақстан облысыныӊ қысқы спорт түрінен балалар мен жасөспірімдер спорт мектебі" жұмыс істеп келеді. Аталған мекеме шәкірттерді спорттыӊ 6 түріне, яғни фристайл, шорт-трек, конькимен мәнерлеп сырғанау, шайбалы хоккей, әмбебап жекпе-жек және жазғы биатлонға баулуда.
ОҚО әкімініӊ баспасөз қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды
Сурет: gov.kz
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды, деп хабарлайды ҚР Туризм және спорт министрлігінің баспасөз қызметінен.
Батуттық гимнастикадан әлем кубогының 5 кезеңінің қорытындысы бойынша, 25 жастағы Данил Мұсабаев Париж Олимпиадасының жолдамасын жеңіп алды.
2023 жылы Ханчжоудағы жазғы Азия ойындарында батуттық гимнастикадан жеке жаттығуда бірінші рет күміс жүлде иеленген.
Бұған дейін батуттық гимнастикадан 2016 жылы Рио Олимпиадасында алғаш Пирмаммад Алиев қатысып, 12-орынға табан тіреген еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық гимнаст Испаниядағы Гран-при кезеңінде алтын медаль жеңіп алды
Сурет: instagram/kazgymfederation
Эльжана Таниева Испаниядағы Гран-При кезеңінде алтын медаль жеңіп алды, деп хабарлайды Қазақстан гимнастика федерациясының баспасөз қызметінен.
Көркем гимнастикадан Испанияның Марбелье қаласында өткен Гран-При кезеңінде қазақстандық Эльжана Таниева тұғыр биігінен көрінді.
Доппен жаттығудың финалында өнер көрсеткен спортшымыз төрешілерден 33.400 ұпай алып, алтын жүлдеге қол жеткізді.
Бұл сында өзбекстандық спортшы күміс медаль (32.600) иегері атанса, словениялық гимнасшы (32.200) үздік үштікті түйіндеді.
Эльжана Таниева мен бапкері Әлия Махсұтқызын алтын жүлдемен құттықтаймыз!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисшілер Индиан-Уэллс турнирін жеңіспен бастады
Сурет: KTF
Қазақстандық теннисшілер Индиан-Уэллс турнирін жеңіспен бастады, деп хабарлайды ҚТФ баспасөз қызметінен.
Әлемнің 51-ракеткасы Александр Шевченко Индиан-Уэллс мастерс жарысының алғашқы айналымында рейтингіде өзінен екі саты жоғары тұрған германиялық Доминик Кепфермен сынға түсті.
Бірінші партияда Шевченко 6:3 есебімен басымдық танытса, екіншісінде есе жіберді - 1:6. Дегенмен шешуші, үшінші сетте тай-брейкте жеңісті жұлып алды - 7:6 (7:3).
Александр Шевченко екінші айналымда әлемнің 22-ракеткасы, аргентиналық Франсиско Черундоломен шеберлік байқасады.
Әйелдер арасында Индиан-Уэллс WTA 1000 додасында әлемнің 79-ракеткасы Юлия Путинцева да сәтті ойнай алды. Ол рейтингіде 76-орындағы тағы бір германиялық Тамара Корпачты екі сетте жеңді - 6:2, 6:3.
Юлия Путинцеваның келесі қарсыласы - әлемнің 16-ракеткасы, ресейлік Екатерина Александрова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елена Рыбакина Доха турнирінің ширек финалына өтті
Сурет: ktf
Елена Рыбакина Доха (Қатар) WTA 1000 турнирінің ширек финалына шықты, деп хабарлайды ҚТФ баспасөз қызметінен.
Жарыстың 3-ракеткасы болып тіркелген қазақстандық теннисші үшінші айналымда дүниежүзілік рейтингіде 23-орында тұрған америкалық, 22 жастағы Эмма Наварромен шеберлік байқасты.
Бірінші партияда Рыбакина 5:0 есебімен алға кетіп, бет қаратпады - 6:1.
Керісінше тартысты өрбіген екінші сетте тай-брейкте Наварроның асығы алшысынан түсті - 7:6 (8:6).
Үшінші, шешуші партияда Елена брейк жасап, 4:2 есебімен алға шықты. Ақыры осы басымдылығынан танған жоқ - 6:4.
Екі сағат 10 минутқа созылған тартысты бәсеке барысында қазақстандық спортшы 10 эйс жасап, 10 брейк-пойнттың алтауын мүлт жіберген жоқ.
Елена Рыбакина жартылай финалға шығу үшін әлемнің 38-ракеткасы, 2021 жылғы АҚШ ашық чемпионатының финалисі, канадалық Лейла Фернандеспен кездеседі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.