Өскемендегі Б.Александров атындағы спорт сарайында волейболдан әйелдер клубтары арасындағы Азия чемпионаты басталды
Айта кету керек, "Алтай" командасыныӊ келесі кездесуі шілденіӊ 13 күні қытайлық Тайпейдіӊ чемпионы "СMFC"-ке қарсы сағат 19:00-де Б.Александров атындағы спорт сарайында өтеді.
Өскемен. 12 шілде. Kazakhstan Today - Бүгін Өскемендегі Б.Александров атындағы спорт сарайында волейболдан әйелдер клубтары арасындағы Азия чемпионаты басталды. Аталмыш спорт нысаныныӊ түгелдей заманауи құралдармен жабдықталуы аймақтағы волейбол спортыныӊ даму қарқынын айғақтайды.
Былтыр шаһарда волейбол жарысы ауыз толтырып айтарлық деӊгейде өткен еді. Биыл да Азиялық волейбол конфедерациясы облыс әкімі Даниал Ахметовтіӊ бастамасын қолдай отырып, сайысты екінші рет өткізуді сеніп тапсырды. Аймақ басшысы чемпионаттыӊ алғашқы күні-ақ, бірден екі ойынды тамашалады. Алғашқы дода былтыр чемпион атанған тайландтық "Суприм" мен Қытайдыӊ "Цзяньсу" арасында өтті. Тайланд клубы еш қиындықсыз 3:0 есебімен жас ойыншылардан жасақталған қытайлық "Цзяньсу" командасын тізе бүктірді. Ал келесі ойында өскемендік аруларымыз "Алтай" волейбол ұжымы ирандық "Пайканнан" 3:0 есебімен басым түсті. Шығысқазақстандық арулар ойынныӊ фавориты саналғанмен, ирандықтар жоғары деӊгейлі ойын көрсетуге бекініп келгендіктерін бірден аӊғартты. Олар негізінен допты қабылдау кезінде сауаттылық танытты. Тіпті, біздіӊ ойыншылар әр техникалық үзіліске тек 2-3 ұпай айырмашылығымен ғана шығып жатты. Дегенмен, Юрий Панченко бастаған бұрымдыларымыз ойынды үнемі бақылауда ұстап, қарсыластыӊ адымын аштырмады. Қорытынды есеп - 3:0 (25:18, 25:16, 25:17), сенімді жеӊіс.
- Ойын ойдағыдай өтті деп айта алмаймын, - деді ойын соӊында клуб капитаны Сана Анарқұлова. - Аздаған қобалжу, эмоциялар кедергісін келтірді. Өз алаӊында әр команда тек жоғары деӊгейлі ойын көрсеткісі келетіні белгілі, осыдан барып қателіктер де болып жатады. Келесіде бұдан да жинақы, әрі сапалы ойын көрсетерміз.
Сөзсіз, жиналған жұрт сайыстыӊ ашылу салтанатын асыға күтті. Сегіз шетелдік ұжым, одан бөлек, алаӊ қожайындары шығысқазақстандық "Алтай" командасы кезекпен сап түзеді. Спорт сарайыныӊ үлкен залында ине шаншар орын болмағаны қуантты. Жанкүйерлер барлық қатысушыны зор қошеметпен қарсы алды. Еліміздегі волейбол федерациясыныӊ Президенті Нұртай Абыкаев командаларға сәттілік тілеп, шараныӊ өткізілу деӊгейіне жоғары бағасын беріп өтті.
- Мұндай маӊызы зор жарысты елімізде биыл екінші рет өткізу біз үшін үлкен қуаныш. Одан бөлек, Елбасы Нұрсұлтан Ибішұлыныӊ бұқаралық спортқа деген қолдауы ерекше екені өздеріӊізге де мәлім. Чемпионат соӊына дейін талай тартысты ойындардыӊ кәуәсі боламыз деген сенімдемін, - деді Нұртай Абыкаев.
Айта кету керек, "Алтай" командасыныӊ келесі кездесуі шілденіӊ 13 күні қытайлық Тайпейдіӊ чемпионы "СMFC"-ке қарсы сағат 19:00-де Б.Александров атындағы спорт сарайында өтеді.
ШҚО Дене шынықтыру және спорт басқармасыныӊ баспасөз қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды
Сурет: gov.kz
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды, деп хабарлайды ҚР Туризм және спорт министрлігінің баспасөз қызметінен.
Батуттық гимнастикадан әлем кубогының 5 кезеңінің қорытындысы бойынша, 25 жастағы Данил Мұсабаев Париж Олимпиадасының жолдамасын жеңіп алды.
2023 жылы Ханчжоудағы жазғы Азия ойындарында батуттық гимнастикадан жеке жаттығуда бірінші рет күміс жүлде иеленген.
Бұған дейін батуттық гимнастикадан 2016 жылы Рио Олимпиадасында алғаш Пирмаммад Алиев қатысып, 12-орынға табан тіреген еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық гимнаст Испаниядағы Гран-при кезеңінде алтын медаль жеңіп алды
Сурет: instagram/kazgymfederation
Эльжана Таниева Испаниядағы Гран-При кезеңінде алтын медаль жеңіп алды, деп хабарлайды Қазақстан гимнастика федерациясының баспасөз қызметінен.
Көркем гимнастикадан Испанияның Марбелье қаласында өткен Гран-При кезеңінде қазақстандық Эльжана Таниева тұғыр биігінен көрінді.
Доппен жаттығудың финалында өнер көрсеткен спортшымыз төрешілерден 33.400 ұпай алып, алтын жүлдеге қол жеткізді.
Бұл сында өзбекстандық спортшы күміс медаль (32.600) иегері атанса, словениялық гимнасшы (32.200) үздік үштікті түйіндеді.
Эльжана Таниева мен бапкері Әлия Махсұтқызын алтын жүлдемен құттықтаймыз!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисшілер Индиан-Уэллс турнирін жеңіспен бастады
Сурет: KTF
Қазақстандық теннисшілер Индиан-Уэллс турнирін жеңіспен бастады, деп хабарлайды ҚТФ баспасөз қызметінен.
Әлемнің 51-ракеткасы Александр Шевченко Индиан-Уэллс мастерс жарысының алғашқы айналымында рейтингіде өзінен екі саты жоғары тұрған германиялық Доминик Кепфермен сынға түсті.
Бірінші партияда Шевченко 6:3 есебімен басымдық танытса, екіншісінде есе жіберді - 1:6. Дегенмен шешуші, үшінші сетте тай-брейкте жеңісті жұлып алды - 7:6 (7:3).
Александр Шевченко екінші айналымда әлемнің 22-ракеткасы, аргентиналық Франсиско Черундоломен шеберлік байқасады.
Әйелдер арасында Индиан-Уэллс WTA 1000 додасында әлемнің 79-ракеткасы Юлия Путинцева да сәтті ойнай алды. Ол рейтингіде 76-орындағы тағы бір германиялық Тамара Корпачты екі сетте жеңді - 6:2, 6:3.
Юлия Путинцеваның келесі қарсыласы - әлемнің 16-ракеткасы, ресейлік Екатерина Александрова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елена Рыбакина Доха турнирінің ширек финалына өтті
Сурет: ktf
Елена Рыбакина Доха (Қатар) WTA 1000 турнирінің ширек финалына шықты, деп хабарлайды ҚТФ баспасөз қызметінен.
Жарыстың 3-ракеткасы болып тіркелген қазақстандық теннисші үшінші айналымда дүниежүзілік рейтингіде 23-орында тұрған америкалық, 22 жастағы Эмма Наварромен шеберлік байқасты.
Бірінші партияда Рыбакина 5:0 есебімен алға кетіп, бет қаратпады - 6:1.
Керісінше тартысты өрбіген екінші сетте тай-брейкте Наварроның асығы алшысынан түсті - 7:6 (8:6).
Үшінші, шешуші партияда Елена брейк жасап, 4:2 есебімен алға шықты. Ақыры осы басымдылығынан танған жоқ - 6:4.
Екі сағат 10 минутқа созылған тартысты бәсеке барысында қазақстандық спортшы 10 эйс жасап, 10 брейк-пойнттың алтауын мүлт жіберген жоқ.
Елена Рыбакина жартылай финалға шығу үшін әлемнің 38-ракеткасы, 2021 жылғы АҚШ ашық чемпионатының финалисі, канадалық Лейла Фернандеспен кездеседі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.