XXIII қысқы Олимпиада ойындары "Qazaqstan" және "Qazsport" телеарналарыныӊ тікелей эфирінде көрсетіледі
Біздіӊ спортшыларымыз биатлон, мәнерлеп сырғанау, тау шаӊғысы, шорт-трек, конькимен жарысу, шана спорты, шаӊғы жарысы, трамплиннен секіру, фристайл (акробатика, могул) сынды спорттыӊ 9 түрінен ел намысын қорғайтын болады.
Астана. 8 ақпан. Kazakhstan Today - 9-25 ақпан аралығында Оӊтүстік Кореяныӊ Пхёнчхан қаласында XXIII қысқы Олимпиада өтеді. Илемніӊ 95 елінен 3000-ға жуық спортшы қатысатын дүбірлі додаға Қазақстан құрамасы да ауқымды команда алып бармақ. Олимпиадада спорттыӊ 15 түрінен 102 медаль жиынтығы сарапқа салынбақ. Біздіӊ спортшыларымыз биатлон, мәнерлеп сырғанау, тау шаӊғысы, шорт-трек, конькимен жарысу, шана спорты, шаӊғы жарысы, трамплиннен секіру, фристайл (акробатика, могул) сынды спорттыӊ 9 түрінен ел намысын қорғайтын болады.
Қазақтыӊ көк туы Пхенчхан төрінде 7-ші ақпан күні көтерілді. Ал Олимпиаданыӊ алғашқы сындары 8 ақпан күні басталды.
Айта кетейік, "Қазақстан" РТРК" АҚ - қысқы Олимпиада ойындарыныӊ Қазақстан Республикасындағы негізгі хабар таратушысы. "Qazaqstan" және "Qazsport" телеарналарында 150-ге жуық тікелей трансляция жоспарланған. Оныӊ ішінде 60-сын "Qazaqstan" Ұлттық арнасы, ал "Qazsport" телеарнасында - 85-тен астам трансляция жүргізілмек.
Сондай-ақ, Олимпиада ойындары кезінде 20-ға жуық білікті комментаторлар жұмылдырылмақ. Олардыӊ арасында көрерменніӊ жоғары бағасын алып үлгерген Есей Жеӊісұлы, Лилиана Илжанова, Александр Олейник, Тимур Сүлейменов, Ермек Торениязов және белгілі тележүргізіші Дана Нұржігітті ерекше атап өтуге болады. Сондай-ақ, "QAZSPORT" телеарнасы комментаторларыныӊ арасында 7-ші Қысқы Азия ойындарыныӊ чемпионы Евгений Левкин де бар.
Көрермендер Алексей Полторанин, Юлия Галышева, Дмитрий Рейхерд, Павел Колмаков, Жанбота Алдабергенова, Абзал Ижғалиев, Нұрберген Жұмағазиев, Екатерина Айдова және тағы да басқа қазақстандық спортшылар қатысатын сайыстарды тікелей эфирде тамашалай алады.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды
Сурет: gov.kz
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды, деп хабарлайды ҚР Туризм және спорт министрлігінің баспасөз қызметінен.
Батуттық гимнастикадан әлем кубогының 5 кезеңінің қорытындысы бойынша, 25 жастағы Данил Мұсабаев Париж Олимпиадасының жолдамасын жеңіп алды.
2023 жылы Ханчжоудағы жазғы Азия ойындарында батуттық гимнастикадан жеке жаттығуда бірінші рет күміс жүлде иеленген.
Бұған дейін батуттық гимнастикадан 2016 жылы Рио Олимпиадасында алғаш Пирмаммад Алиев қатысып, 12-орынға табан тіреген еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық гимнаст Испаниядағы Гран-при кезеңінде алтын медаль жеңіп алды
Сурет: instagram/kazgymfederation
Эльжана Таниева Испаниядағы Гран-При кезеңінде алтын медаль жеңіп алды, деп хабарлайды Қазақстан гимнастика федерациясының баспасөз қызметінен.
Көркем гимнастикадан Испанияның Марбелье қаласында өткен Гран-При кезеңінде қазақстандық Эльжана Таниева тұғыр биігінен көрінді.
Доппен жаттығудың финалында өнер көрсеткен спортшымыз төрешілерден 33.400 ұпай алып, алтын жүлдеге қол жеткізді.
Бұл сында өзбекстандық спортшы күміс медаль (32.600) иегері атанса, словениялық гимнасшы (32.200) үздік үштікті түйіндеді.
Эльжана Таниева мен бапкері Әлия Махсұтқызын алтын жүлдемен құттықтаймыз!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисшілер Индиан-Уэллс турнирін жеңіспен бастады
Сурет: KTF
Қазақстандық теннисшілер Индиан-Уэллс турнирін жеңіспен бастады, деп хабарлайды ҚТФ баспасөз қызметінен.
Әлемнің 51-ракеткасы Александр Шевченко Индиан-Уэллс мастерс жарысының алғашқы айналымында рейтингіде өзінен екі саты жоғары тұрған германиялық Доминик Кепфермен сынға түсті.
Бірінші партияда Шевченко 6:3 есебімен басымдық танытса, екіншісінде есе жіберді - 1:6. Дегенмен шешуші, үшінші сетте тай-брейкте жеңісті жұлып алды - 7:6 (7:3).
Александр Шевченко екінші айналымда әлемнің 22-ракеткасы, аргентиналық Франсиско Черундоломен шеберлік байқасады.
Әйелдер арасында Индиан-Уэллс WTA 1000 додасында әлемнің 79-ракеткасы Юлия Путинцева да сәтті ойнай алды. Ол рейтингіде 76-орындағы тағы бір германиялық Тамара Корпачты екі сетте жеңді - 6:2, 6:3.
Юлия Путинцеваның келесі қарсыласы - әлемнің 16-ракеткасы, ресейлік Екатерина Александрова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елена Рыбакина Доха турнирінің ширек финалына өтті
Сурет: ktf
Елена Рыбакина Доха (Қатар) WTA 1000 турнирінің ширек финалына шықты, деп хабарлайды ҚТФ баспасөз қызметінен.
Жарыстың 3-ракеткасы болып тіркелген қазақстандық теннисші үшінші айналымда дүниежүзілік рейтингіде 23-орында тұрған америкалық, 22 жастағы Эмма Наварромен шеберлік байқасты.
Бірінші партияда Рыбакина 5:0 есебімен алға кетіп, бет қаратпады - 6:1.
Керісінше тартысты өрбіген екінші сетте тай-брейкте Наварроның асығы алшысынан түсті - 7:6 (8:6).
Үшінші, шешуші партияда Елена брейк жасап, 4:2 есебімен алға шықты. Ақыры осы басымдылығынан танған жоқ - 6:4.
Екі сағат 10 минутқа созылған тартысты бәсеке барысында қазақстандық спортшы 10 эйс жасап, 10 брейк-пойнттың алтауын мүлт жіберген жоқ.
Елена Рыбакина жартылай финалға шығу үшін әлемнің 38-ракеткасы, 2021 жылғы АҚШ ашық чемпионатының финалисі, канадалық Лейла Фернандеспен кездеседі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.