Система Orphus

Әскерилер ауқымды дезинфекциялауды Нұр-Сұлтан мен Алматы қалаларында жалғастыруда

24.03.2020, 23:41 9181

Алматы. 24 наурыз. Kazakhstan Today - Әскерилер ауқымды дезинфекциялауды Нұр-Сұлтан мен Алматы қалаларында жалғастыруда.

Қалалық аумақтар мен нысандарды арнайы өңдеудегі ауқымды іс-шараларды Қарулы Күштерді биологиялық қорғау бөлімшелерінің Нұр-Сұлтан мен Алматыдағы әскери қызметшілері жалғастыруда.

?скерилер күнделікті ондаған нысандарды дезинфекциялау жұмыстарын жүргізеді. Олардың басты мақсаты - коронавирустың таралуына жол бермеу және қазақстандықтардың денсаулық қауіпсіздігін қамтамасыз ету болып табылады.

Аталмыш дезинфекциялық өңдеулер қалалық сызбада бөлінген секторлар бойынша жүргізіледі, адамдар көп жиналатын орындар мен коронавирустық инфекцияның таралу қаупі жоғары аймақтар зарарсыздандырылады.

Сондай-ақ мамандар мектептерді, балабақшаларды, медициналық мекемелерді, сауда орталықтарын, базарларды, мешіттерді, теміржол вокзалдарын, ғимараттарға іргелес аумақтарды, жаяу жүргіншілер жолдарын, қоғамдық көлік аялдамаларын, даңғыл жолдар мен ескерткішкерді дезинфекциялайды.

Әскери қызметшілер арнайы жеке қорғаныс киімдерімен жұмыс істейді. Өңдеу үшін арнайы жуу құралдарын, "Рубеж" дезинфекциялық ерітіндісі бар жеке газсыздандыру жинақтарын пайдаланады. Ерітінді адамдар мен жануарларға қауіпсіз саналады, сондай-ақ бес сағатқа дейін әрекет етеді. Дезинфекциялау үшін қажетті реагенттер қорын арнайы техника - АРС-14KZ автомобиль құю станциялары қамтамасыз етеді.

Әскери қызметшілердің айтуынша, олар үшін карантин аясында өткізілетін барлық іс-шараларға тұрғындардың түсіністікпен қарауы аса маңызды. Өйткені, жеке жауапкершілік пен тәртіпке барлық қабылданған шаралардың нәтижесі тәуелді болып саналады.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

Комментарии

тақырып бойынша жаңалықтар

    Экология, геология және табиғи ресурстар вице-министрі тағайындалды

    15.10.2021, 17:25 35479
    Экология, геология және табиғи ресурстар вице-министрі тағайындалды
    Сурет: primeminister.kz

    НҰР-СҰЛТАН. 15 ҚАЗАН - Талғат Момышев экология, геология және табиғи ресурстар вице-министрі болып тағайындалды, деп хабарлайды KAZAKHSTAN TODAY ҚР Премьер-Министрінің баспасөз қызметіне сілтеме жасап.

    ҚР Үкіметінің Қаулысымен Талғат Амангелдіұлы Момышев Қазақстан Республикасының экология, геология және табиғи ресурстар вице-министрі қызметіне тағайындалды. Бұл туралы ҚР Премьер-Министрінің баспасөз қызметі хабарлайды.

    Талғат Момышев 1968 жылы Ақмола облысында дүниеге келген.

    Жамбыл гидромелиоративтік-құрылыс институтын, Алматы экономика және статистика институтын тәмамдаған. Мамандығы бойынша біліктілігі: инженер-құрылысшы, бухгалтер-экономист.

    1994-1996 жж. — қазақ-түрік бірлескен кәсіпорнының атқарушы директоры.

    1997-1998 жж. — Жамбыл стандарттау және метрология орталығы директорының мемқадағалау жөніндегі орынбасары. Әр жылдары жеке компанияларда жұмыс істеді.

    1998-1999 жж. — Жамбыл облысы әкімі аппаратының аға референті.

    1999-2000 жж. — Жамбыл облыстық инвестициялар және ЖЭС комитетінің төрағасы.

    2000 ж. — "Метрология" РМК Алматы бөлімшесінің басшысы, "Ұлттық аккредиттеу орталығы" АҚ директорының бірінші орынбасары.

    2000-2005 жж. — "Ұлттық сараптама және сертификаттау орталығы" ААҚ Астана қаласы бойынша өндірістік басқармасының басшысы.

    2005-2010 жж. — Индустрия және сауда министрлігінің Техникалық реттеу және метрология комитеті төрағасының орынбасары.

    2010-2014 жж. — Мұнай және газ министрлігінің Мұнай-газ кешеніндегі мемлекеттік инспекция комитетінің төрағасы.

    2014-2016 жж. — Энергетика министрлігінің Мұнай-газ кешеніндегі Экологиялық реттеу, бақылау және мемлекеттік инспекция комитетінің төрағасы.

    2016-2018 жж. — ҚР Президенті Әкімшілігінің мемлекеттік инспекторы.

    2018-2019 жж. — Жамбыл облысы әкімінің орынбасары.

    2019-2021 жж. — ҚР Энергетика министрлігінің жауапты хатшысы.

    2021 жылдың қаңтарынан қазіргі уақытқа дейін ҚР Энергетика министрлігінің аппарат басшысы болды.

    Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

    Қазпоштада 163,9 млн теңге сомасына бұзушылықтар анықталды

    15.10.2021, 17:13 36586
    НҰР-СҰЛТАН. 15 ҚАЗАН - "Қазпошта" АҚ-да 2018 жылдан 2020 жылға дейінгі кезеңге жүргізілген аудит қорытындылары бойынша бірқатар анықталған проблемалар бар, деп хабарлайды KAZAKHSTAN TODAY Республикалық бюджеттің атқарылуын бақылау жөніндегі есеп комитетінің баспасөз қызметіне сілтеме жасап.
     

    Мемлекеттік аудит нәтижелері бойынша 163,9 млн. теңге сомасына қаржылық бұзушылықтар, оның ішінде бухгалтерлік есептілік бойынша 0,6 млн. теңге сомасына, тиімсіз жоспарлау - 678,3 млн. теңге, тиімсіз пайдалану - 47,4 млн. теңге, 6,9 млн. теңге сомасына экономикалық шығындар, сондай-ақ 32 рәсімдік бұзушылық фактісі және 2 жүйелі жетіспеушілік анықталды", - деп хабарлады Есеп комитеті.

     
    Атап айтқанда, "Қазпошта" АҚ қызметтің түйінді стратегиялық көрсеткіштерін орындамаған. Мәселен, 2018 жылы ҚТК 29% (7 көрсеткіштің 2), 2019 жылы 72% (7 көрсеткіштің 5) және 2020 жылы қызметтің түйінді көрсеткіштерінің 86% (7 көрсеткіштің 6) қол жеткізілмеген.
     
    Соңғы 3 жылда "Қазпошта" АҚ Дүниежүзілік пошта одағының рейтингісінде жүйелі түрде төмен түсуде (2017 жылы - 46 орын, 2018 жылы – 49 орын, 2019 жылы – 52 орын). "Қазпошта" АҚ-ның рейтингтегі төмендеу қарқынын ескере отырып, Дүниежүзілік пошта одағының нұсқасы бойынша 20 жетекші пошта компанияларының қатарына кіру қойылған мақсатына қол жеткізе алмау тәуекелі бар.
     
    2017 жылдан бастап "Қазпошта" АҚ-ның ауылдық жерде байланыстың әмбебап қызметтерін көрсетуден болған шығындары субсидиялануда.
     
    Есеп комитетінің ақпараты бойынша, Қазақстан Республикасы Цифрлық даму, инновациялар және аэроғарыш өнеркәсібі министрлігі "Қазпошта" АҚ-ның пайдасына негізделмеген субсидиялар төлеуге әкеп соққан бұзушылықтарға жол берді. Осылайша, қалалық жерде жазылу бойынша мерзімді баспасөз басылымдарын тарату жөніндегі қызметтерді көрсету кезінде шығындар өтелген.
     
    Түркістан қаласында бір жыл бұрын салынған және пайдалануға берілген құны 1 млрд. теңге болатын Цифрлық офис ғимараты қазіргі уақытта пайдаланылмайды. Ғимарат толық дайын болмай және жобалық-сметалық құжаттамаға сәйкессіздікте пайдалануға қабылданды.
     
    Отырыс қорытындысы бойынша Есеп комитеті Үкіметке, Қазақстан Республикасы Цифрлық даму, инновациялар және аэроғарыш өнеркәсібі министрлігіне нормативтік құқықтық актілерді жетілдіру, активтерді басқарудың, бюджеттік субсидияларды басқару мен пайдаланудың тиімділігін қамтамасыз ету бойынша тиісті ұсынымдар берді. "Қазпошта" АҚ-на анықталған бұзушылықтарды жою, салалық заңнама талаптарын сақтауды қамтамасыз етпеген лауазымды тұлғалардың жауапкершігін қарау бойынша тапсырмалар берілді.
     
    Әкімшілік құқық бұзушылықтар туралы істерді қарауға уәкілетті органдарға 2 материал жіберілді.
     
     Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

    Қазақстан БҰҰ Адам құқықтары жөніндегі кеңесіне 2022–2024 жылдарға сайланды

    15.10.2021, 16:56 43066
    Қазақстан БҰҰ Адам құқықтары жөніндегі кеңесіне 2022–2024 жылдарға сайланды
    Сурет: әлеуметтік желілер

    НЬЮ-ЙОРК. 15 ҚАЗАН - БҰҰ Бас Ассамблеясының 76-шы сессиясы барысында Қазақстан Республикасы 2022–2024 жылдарға БҰҰ Адам құқықтары жөніндегі кеңесінің мүшесі болып сайланды, деп хабарлайды KAZAKHSTAN TODAY ҚР Сыртқы істер министрлігінің баспасөз қызметіне сілтеме жасап.

    Қазақстан Кеңестегі жұмысының басым бағыттары гендерлік теңдікті ілгерілету және әйелдердің құқықтары мен мүмкіндіктерін кеңейту, өлім жазасын жаппай жою, төзбеушіліктің барлық нысандарына қарсы күрес, дін мен сенім бостандығы, инклюзивті және жалпыға бірдей білім беруді қамтамасыз ету, сондай-ақ COVID-19 пандемиясы жағдайында адам құқықтарын құрметтеу болады.

    Еліміздің дүниежүзілік ұйымның бас құқық қорғау органына сайлануы оның Адам құқықтары мен бостандықтарын қорғау саласындағы халықаралық нормалар мен стандарттарды ілгерілету процесіне белсенді және жауапты қатысушы ретіндегі рөлін мойындау болып табылады.

    Қазақстанмен бірге БҰҰ Адам құқықтары жөніндегі кеңесінің құрамына АҚШ, Люксембург, Финляндия, Литва, Черногория, Аргентина, Гондурас, Парагвай, Бенин, Камерун, Эритрея, Гамбия, Сомали, Үндістан, Малайзия, Қатар және Біріккен Араб Әмірліктері кірді.

    Бұған дейін еліміз Адам құқықтары жөніндегі кеңеске 2013–2015 жылдары сайланған болатын.

    Адам құқықтары жөніндегі кеңес – БҰҰ жүйесінің үкіметаралық органы, оның құрамына әлемдегі адам құқықтарын көтермелеуге және қорғауға жауапты 47 мемлекет кіреді. Кеңес құзыретіне оның назарын талап ететін адам құқықтары саласындағы барлық тақырыптық мәселелер мен жағдайларды талқылау кіреді. Кеңес мүшелері бес өңірлік топтан сайланады және өз міндеттерін үш жыл бойы атқарады. Адам құқықтары жөніндегі кеңестің отырыстары БҰҰ-ның Женевадағы бөлімшесінде өтеді.

    Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Ең көп оқылғаны