2018 жылы Наурызбай және Бостандық аудандарында екі жаӊа өрт сөндіретін бөлім салынатын болады
Алматыныӊ өрт сөндіруші бөлімшелері жергілікті бюджет қаржысы есебінен сатып алынған жаӊа арнайы техникалармен толықты. Төтенше жағдайлар Департаменті гарнизонына үш "АЛ-32" автосатылар, тез жүретін сегіз автомобиль және төрт өрт автоцистерналар бірлігі және басқа да техникалар берілді.
Алматы. 23 желтоқсан. Kazakhstan Today -Алматылық өрт сөндірушілер жаӊа арнайы техника алды.
Алматыныӊ өрт сөндіруші бөлімшелері жергілікті бюджет қаржысы есебінен сатып алынған жаӊа арнайы техникалармен толықты. Төтенше жағдайлар Департаменті гарнизонына үш "АЛ-32" автосатылар, тез жүретін сегіз автомобиль және төрт өрт автоцистерналар бірлігі және басқа да техникалар берілді.
Алатау ауданындағы №15 мамандандырылған өрт сөндіретін бөлімге барған Алматы әкіміне жаӊа техниканыӊ ерекше екендігі, яғни апатты - құтқару және арнайы қондырғылармен жабдықталғаны айтылды. Мысалы, "АЛ-32" автосатылары көпқабатты ғимараттардағы өртті сөндіруге, адамдарды сыртқа шығаруға, ал жол таӊдамайтын автоцистерналар таулы жерлер мен бау- бақ массивтеріндегі өртті сөндіруге арналған. Тез жүретін "Тойота Хайлюкс" автомобильдері шағындығына қарай автокептелістерден жылдам өтіп, өрт болған жерге негізгі күш келгенше бұрын жетеді. Олар судыӊ аз болуына қарамастан өрттіӊ алдын алуға барынша ықпал етеді.
"Алматы-2020" бағдарламасыныӊ басты тұжырымдарыныӊ бірі- еліміздіӊ еӊ ірі мегаполисінде қауіпсіздікті қамтамасыз ету. Біз материалдық-техникалық жабдықтауға ерекше мән бердік - қозғалмалы состав жаӊарды, жаӊа озық технология енгізілді. Дегенмен, Төтенше жағдайлар Департаментініӊ басты байлығы-оныӊ жеке құрамы. Сіздердіӊ жұмыстарыӊыз қауіпке толы болғанымен, барынша жауапты және маӊызды. Біз бұдан былай да көмектесіп, қолдайтын боламыз, төтенше жағдайлардыӊ алдын алуға және оларды болдырмауға жете назар аударамыз, қала тұрғындары үшін Алматыныӊ барынша қауіпсіз болуын қамтамасыз етеміз", - деді Бауыржан Байбек.
Өз кезегінде Алматы қаласы Төтенше жағдайлар Департаментініӊ басшысы Серік Иубәкіров бұрындары Қазақстанда алғаш рет алматылық өрт сөндірушілер үшін арнайы мотоцикльдердіӊ алынғанын айтты. Тез қимылдайтын жүйелердіӊ іске қосылуы арқасында 7 айдыӊ ішінде 69 өрт сөндірілді, оныӊ 9 автотранспортта болған, мотоциклистер 2 адам өмірін сақтап қалды.
Ол Алматы қаласы әкімініӊ бастамасы бойынша таяу жылдары сел апатыныӊ алдын алу үшін үш қауіпті шатқалға 2 плотина орнатылатынын, бір плотинаныӊ қайта жасалатынын жеткізді. Қарғалы өзені жағалауын нығайту мәселесі шешілді. Сонымен қатар, Алматыда тұӊғыш рет сел қауіпсіздігініӊ автоматтандырылған мониторингі енгізіледі. Өнімділігі жоғары насостар 9 қауіпті өзен суын бір мезетте тартуға мүмкіндік берді.
Бұлардан өзге, №6 моренді көлдіӊ суын азайтудыӊ инженерлік шешімі қаржымен бекітілді, соныӊ арқасында көл суын 310 мыӊ текше метрден 140 мыӊ текше метрге дейін төмендетуге мүмкіндік туды.Енді мұнда су бұрынғыдай толмайды, осыған ұқсас жұмыс Бис13 көлінде де жүзеге асты, мұнда судыӊ көлемі 182 мыӊнан 38 мыӊ текше метрге азайды..
Белгілі болғаны, келер жылы Наурызбай және Бостандық аудандарында бөлінген жерлерге екі жаӊа өрт сөндіретін бөлім салынатын болады.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Премьер-Министрдің тапсырмасы бойынша отандық тауар өндірушілерді қолдауға арналған цифрлық құралдар әзірленді
Олжас Бектенов отандық тауар өндірушілерді қолдау және су тасқыны жағдайын болжауға арналған цифрлық құралдармен танысты, деп хабарлайды ҚР Премьер-министрінің баспасөз қызметінен.
Премьер-Министрдің тапсырмасы бойынша отандық тауар өндірушілерді қолдауға арналған цифрлық құралдар әзірленді.
Атап айтқанда, әзірленген жүйелер әрбір өндірістік кәсіпорынның жұмысын қадағалауға, мемлекеттік органдар тарапынан олардың мүдделеріне нұқсан келтіру фактілерін онлайн режимінде анықтауға мүмкіндік береді.
Мақсат - ел нарығындағы импорт үлесін төмендету үшін отандық өнімнің дамуына қосымша серпін беру.
Қазақстанның бірқатар өңірлеріндегі су тасқыны жағдайын ескере отырып, су тасқынын моделдеу және су қоймаларының деңгейін болжау жүйесінің прототипі қаралды. Тәжірибелік үлгіні әзірлеу аясында дренажды моделдеу және есептеу алгоритмдері жасалды, бірнеше өзен учаскелерінде пилоттық сынақтар жүргізілді. Цифрлық құрал реттелетін және реттелмейтін дренажды есептеуге, сондай-ақ берілген су деңгейіндегі су тасқыны аймағын картада көрсетуге мүмкіндік береді.
Үкімет басшысы Олжас Бектенов ұсынылған цифрлық шешімдерді сараптамалық талқылау қорытындысына сәйкес жобаларды мақұлдап, пилоттық режимде енгізу шараларын бастауды тапсырды.
Премьер-Министр су тасқынынан келтірілген залалды өтеуге өтінімдер қабылдау қызметін қысқа мерзімде іске қосуды, сондай-ақ қолда бар бейнебақылау камералары арқылы онлайн режимде су тасқынына қарсы іс-шаралардың орындалуын есепке алу және бақылау жүргізуді тапсырды.
Мемлекет басшысы өз Жолдауында Қазақстанды IT-елге айналдыру үшін стратегиялық маңызды міндет қойды. Дұрыс басқарушылық шешімдерді қабылдау үшін сапалы жедел ақпаратқа қол жеткізіп, жаңа технологияларды қолдану керек. Ұсынылып отырған тәсілдерді экономиканың басқа салалары бойынша кеңейту қажет. Барлық құралдар мен мәліметтер қолжетімді. Деректер алмасуды және жүйелерді интеграциялауды дұрыс жолға қою керек", - деп атап өтті Олжас Бектенов.
Цифрлық даму, инновациялар және аэроғарыш өнеркәсібі министрі Бағдат Мусинге деректердің уақтылы жаңартылуын және цифрлық құралдарды өмірдің барлық салаларына жедел енгізуді қамтамасыз ету тапсырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев су тасқынынан зардап шеккендерге көмек туралы: Forbes тізіміндегі кәсіпкерлер әр облысқа бекітілетін болады
Сурет: akorda
Президент Қостанай облысының кәсіпкерлерімен және еріктілерімен кездесті, деп хабарлайды Ақорданың баспасөз қызметінен.
Мемлекет басшысы Қостанай облысына жұмыс сапары барысында су тасқыны салдарын еңсеруге жәрдемдескен бизнес өкілдерімен және еріктілермен жүздесті.
Кездесуге өңірдегі машина жасау, тау-кен, тамақ және ауыл шаруашылығы өнеркәсібі салаларының жетекшілері, Қазақстан халқы Ассамблеясының жергілікті өкілдері, облыстық жастар ресурстық орталығының еріктілері және студенттер қатысты.
Қасым-Жомарт Тоқаев шағын және орта бизнеске қолдау көрсету басты міндет екенін атап өтті.
Осы кездесуге біраз меценат қатысып отыр. Мен сіздерге ризашылығымды білдіремін. Бұл - сіздердің жүрек қалауларыңыз, азаматтық жауапкершіліктеріңіздің көрінісі. Мұның бәрін марапат үшін емес, шынайы ниетпен жасалған игі іс деп білемін", - деді Президент.
Мемлекет басшысы су тасқынынан зардап шеккен халыққа нақты көмек көрсету ісінде бизнесмендердің рөлі зор екеніне айрықша назар аударды.
Біздің елімізде Forbes тізіміне кіретін ірі кәсіпкерлер бар. Олармен арнайы кездесеміз. Олар әр облысқа, ауданға, елді мекенге бекітіледі және нақты жауапкершілік жүктеледі. Бұл бір жағынан кәсіпкерлердің мүддесіне сай келеді. Өйткені олар өздерінің қосқан үлесінің нақты нәтижесін көретін болады. Халқына қайырымдылық жасаған азамат ретінде Сіздердің де есімдеріңіз мемлекет тарапынан елеусіз қалмайды деп ойлаймын", - деді Қасым-Жомарт Тоқаев.
Сонымен қатар Президент еріктілерге зор құрметпен қарайтынын және жан-жақты қолдау көрсететінін атап өтіп, оларға ризашылық білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда сырттан әкелінген тырысқақ ауруының ошағы жойылды
Сурет: gov.kz
Қазақстан Республикасының санитариялық-эпидемиологиялық қызметі Дели-Алматы бағыты бойынша Air Astana авиакомпаниясы рейсінің бортында тіркелген әкелінген тырысқақ жағдайы ошағының сәтті жойылғандығы туралы хабарлайды, деп мәлім етті Денсаулық сақтау министрлігінің баспасөз қызметінен.
Санитариялық-эпидемиологиялық қызмет мамандарының жедел іс-қимылдары ел ішінде тырысқақтың таралуын болдырмай, инфекцияны уақтылы анықтауға және оқшаулауға мүмкіндік берді.
Байланыста болған адамдардың зертханалық зерттеулерінің нәтижелері - теріс, 154 адамнан медициналық бақылау алынып тасталды.
Сырқаттанған Қырғыз Республикасының азаматы емделуден сәтті өтіп, жақсы нәтижемен стационардан шығарылды. Қазіргі уақытта ол Бішкек қаласына кетті.
Халыққа, әсіресе Үндістан, Ауғанстан мен Пәкістан секілді елдерді қоса алғанда, тырысқақпен сырқаттанушылық жоғары Африка мен Азияның кейбір өңірлеріне сапар шегуді жоспарлап отырған адамдарға ұсыным беру маңызды.
Денсаулық сақтау министрлігі қатаң кеңес береді:
- қайнатылған немесе бөтелкедегі суды ішу;
- Сусындарды салқындату үшін мұзды пайдаланбау;
- Тұтынар алдында өнімдерді тиісті термиялық өңдеуді жүргізу;
- Жемістер мен көкөністерді тек қайнатылған немесе бөтелкедегі суда жуу.
- Қол гигиенасын сақтау, оларды әр тамақ алдында және дәретханаға барғаннан кейін сабынмен жуу;
- Судың аузға кетуіне жол бермей, тек рұқсат етілген су айдындарында шомылу.
- Аурудың алғашқы белгілері пайда болған кезде өзін-өзі емдеуден аулақ болып, дереу медициналық көмекке жүгіну.
ҚР Денсаулық сақтау министрлігі жағдайды бақылауды жалғастыруда және ел тұрғындарының денсаулығын сақтау үшін барлық қажетті шараларды қабылдауда.
Біз азаматтарды саяхат кезінде сақтық шараларын сақтауға шақырамыз. Денсаулықты сақтаңыздар, мұқият болыңыз және медициналық мамандардың ұсынымдарын орындаңыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.