22-24 маусымда Қазақстан Елшісі Ержан Қазыхановтыӊ Ирландияға сапары болып өтті
Алматы. 30 Маусым. Kazakhstan Today - Сапардыӊ мақсаты - Қазақстан және Ирландия ынтымақтастығын кеӊейту, Қазақстан экономикасына жаӊа инвестициялар тарту, бірлескен экономикалық және мәдени-гуманитарлық жобаларды жүзеге асыруға мүмкіндіктер жасау болды, деп хабарлайды Kazakhstan Today агенттігініӊ тілшісі.
Сапар барысында Елші Е. Қазыханов Ирландия Президенті М. Хиггинске сенім грамотасын тапсырып, Қазақстан Республикасыныӊ Президенті Н.И. Назарбаевтыӊ сәлемін жеткізді.
Ирландия басшысымен кездесу кезінде Қазақстан Елшісі екі ел арасындағы байланыстарды кеӊейтудіӊ және нығайтудыӊ маӊыздылығын атай келе, оларды екіжақты құқықтық базаны кеӊейту арқылы іске асыруға болатындығына тоқталды. Ол екі мемлекет арасындағы ынтымақтастықтыӊ экономикалық және саяси әлеуетініӊ жоғары екендігін ерекше атап өтті.
Өз кезегінде М. Хиггинс Қазақстанныӊ Мемлекет басшысыныӊ жетекшілігімен қарқынды дамып келе жатқандығына, сонымен бірге Қазақстанныӊ халықаралық бейбітшілік пен қауіпсіздікті нығайтудағы рөліне жоғары баға берді. Сондай-ақ Ирландия Президенті екіжақты тығыз қарым-қатынас орнату қажеттігіне назар аударды.
Дублинге сапар аясында Елші Е. Қазыханов Ирландия ауыл шаруашылығы министрі С. Ковенимен, Ирландия сыртқы істер министрлігініӊ Бас хатшысы Н. Берджесспен және саяси директоры Б. Робинсонмен, Ирландия Парламенті халықаралық істер және сауда жөніндегі Біріккен комитетініӊ төрағасы П. Бринмен және Ирландияныӊ іскер топтар өкілдерімен бірқатар кездесулер өткізді.
Өткізілген кездесулер барысында Елші Қазақстанда жүргізіліп жатқан ауқымды саяси және әлеуметтік-экономикалық реформаларды атап өтті. Ол біздіӊ еліміздіӊ Орталық Азиядағы экономикалық дамудыӊ локомотивіне, көптеген халықаралық жобалардыӊ бастамашысына, тұрақтылық пен интеграциялық процестердіӊ орталығына, сондай-ақ жаһандық экономикалық және мәдени іс-шаралар өткізілетін орынға айналғандығын ерекше атап өтті.
Е. Қазыханов ирландиялық саяси және іскер топтарды ҚР Президенті Н.И. Назарбаев ұсынған бес реформамен және оларды жүзеге асыруға бағытталған 100 қадаммен таныстырды.
Ирландия басшылығы мен іскер топтар өкілдері Қазақстанныӊ Орталық Азиядағы рөлін, оныӊ бейбітшілік пен тұрақтылықты нығайтудағы күш-жігерін атап өтті және еліміздіӊ халықаралық бастамаларын жоғары бағалады. Сонымен қатар, ирландиялық компаниялар бірлескен экономикалық және инвестициялық жобаларды іске асыруға үлкен қызығушылық танытты.
Сапар барысында Елші Е. Қазыхановтыӊ Қазақстаннан асырап алынған балалардыӊ ирландиялық ата-аналарымен және Ирландияныӊ асырап алу жөніндегі Агенттігініӊ төрағасы Дж. Шеннонмен кездесулері өтті.
Жалпы, Елші Е. Қазыхановтыӊ сапары достық және сындарлы ахуалда өтті. Ол Қазақстан мен Ирландия арасында одан да тығыз қарым-қатынастар орнатуға бастама болды.
тақырып бойынша жаңалықтар
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.