07.06.2019, 19:52 8602
Батыс Қазақстан облысында бизнес өкілдері арасында анкеттеу жүргізілді
Достарға айту
Орал. 7 маусым. Kazakhstan Today - "Ақжайық - адалдық алаңы" жобалық кеңсесінің шеңберінде Батыс Қазақстан облысы әкімдігінің қолдауымен жоба үйлестіруші Ғабидолла Оспанқұлов арқылы Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Батыс Қазақстан облыстық департаменті 2019 жылдың 23 және 27 мамыры аралығында бизнес өкілдері арасында анонимді анкеттеу жүргізілді.
Әлеуметтік сауалнамаға бүкіл облыс көлемінен 199 кәсіпкер қамтылды. Анкета толтыру нәтижесінде анықталғандай, олардың 68% -дан астамы сауда саласында, қалғандары ауылшаруашылығы және қызмет көрсету саласында жұмыс істейтін болып шықты. Басым бөлігі (76,7%) - шағын бизнес субъектілері және небәрі 8% -ы ірі бизнес өкілдері екен.
Сауалнамаға қатысқандардың 92%-ы бизнес жүргізуді жүзеге асыру барысында әкімшілік кедергілерге душар болмағандарын атап көрсеткен. Қалғандары жер телімін алудағы төрешілдікке шағым айтқан, несиелендіруде мемлекет тарапынан қолдау керектігін, банктерде және жергілікті өзін-өзі басқару барысында кедергі кездесетінін, сондай-ақ, Халыққа қызмет көрсету орталықтарында кезек көптігін айтқан. Анкета толтырушылардың 86,4 %-ы нысандарды тексеру кезінде мемлекеттік органдардың өкілдері заң бұзбайтынын айтса, небәрі 3,7 %-ы осындай заң бұзушылықты анықтаған. Бұл ретте 7 кәсіпкер мемлекеттік билік өкілдері тарапынан ақшалай сыйақы бопсалау дерегімен бетпе-бет келген. Ал басым бөлігі (89%) мұндай оқиғаға душар болмапты.
Сауалнамаға қатысқандардың 35,3 %-ы "мәселені сол жерде" шешу үшін мемлекеттік билік өкілдеріне ұсынылған сыйақы мөлшері 2000 теңгеден аспағанын, 17% -ы бұл соманың 2000 теңге мен 5000 теңге аралығында екенін, тағы да 17% -ы 5000 теңге мен 10000 теңге аралығында екенін, ал 23% - дан астамы сыйақы мөлшері 20 мың теңгеден астам болғанын мойындаған.
Мемлекеттік билік өкілдері тарапынан қысым көрсетілу немесе ақша бопсалау оқиғаларында, сауалнама қорытындысы бойынша, кәсіпкерлер прокуратураға (53%), "Атамекен" ҰКП (14,9%), Ұлттық бюроға (8,8%) жүгінген жөн деп санайды.
Осы социологиялық сауалнама мәліметтері тұрмыстық сыбайлас жемқорлықты жою тетіктерін әзірлеуге жәрдемдеседі деп күтіліп отыр, деп қорытады "Ақжайық - адалдық алаңы" жобалық кеңсесіндегілер.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
23.04.2024, 17:22 1851
Тасқынға қарсы төселген құмқаптар жиналады
Достарға айту
Төтенше жағдайлар вице-министрі Бауыржан Сыздықов Үкімет отырысынан кейін өткен брифингіде тасқынға қарсы төселген құмқаптарды экологияға әсері туралы пікір білдірді, деп хабарлайды ҚазАқпарат.
Ерте ме, кеш пе тасқын аяқталады. Сол кезде қалың құмқапты не істейсіздер? Бұл жаңа экологиялық апатқа әкелмей ме? Осы күйі қалдырып кетпейсіздер ме? Ертең оны кім жинастырады№" - деп сұрады БАҚ өкілі.
Бауыржан Сыздықов журналист айтқан құмқаптар қазіргі күйінде қалмайтынына сендірді.
Дұрыс түсінуіңіз керек. Бәрі ол күйінде қалмайды. Әрине, экологияға жауап беретін органдар бар, әкімдіктер де ондай бөлімшелер бар. Оның бәрімен айналысады. Бүгінгі таңда бөгеттерді, уақытша дөңдерді жасаған болсақ, әшейін қалады деп ойламаймыз. Оны да керек-жараққа, халықты, үйлерді, елді қорғауға жаратамыз. Оны өңдеу жұмыстары болады", - деді Бауыржан Сыздықов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
23.04.2024, 17:15 2081
Бүгінде 5 мыңнан астам тұрғын үй, 18 мыңнан астам саяжай мен 1 мың аула аумағы, сондай-ақ 91 ғимарат су астында қалып отыр
32 мыңнан астам адам су тасқынына қарсы шараларға қатысуды жалғастыруда
Достарға айту
ҚР Үкіметінің отырысында төтенше жағдайлар вице-министрі Бауыржан Сыздықов өңірлердегі ағымдағы су тасқыны жағдайы және елді мекендерді су тасқынынан қорғау шаралары туралы айтты, деп хабарлайды ҚР Премьер-министрінің баспасөз қызметінен.
Бауыржан Сыздықов атап өткендей, қазіргі уақытта Атырау, Батыс Қазақстан және Солтүстік Қазақстан облыстарында су тасқынын жою жалғасуда. Еліміздің батысында Ириклин су қоймасынан (Ресей) Жайық өзеніне су құюылуына байланысты жағдай күрделене түсті. Республиканың солтүстігінде су Ақмола облысынан келеді.
Абай, Ұлытау, Павлодар, Қарағанды, Ақмола және Қостанай облыстарында жағдай тұрақты, жергілікті өзендердегі су деңгейі біртіндеп төмендеп келеді. Елді мекендерді су басу қаупі жоқ.
Министрдің мәліметінше, бүгінде 5 мыңнан астам тұрғын үй, 18 мыңнан астам саяжай мен 1 мың аула аумағы, сондай-ақ 91 ғимарат су астында қалып отыр.
Су тасқынының салдары ауқымды болды, елді мекендерге зиян келтірді. 10 облыста 41 жергілікті ауқымдағы төтенше жағдай жарияланды. Қазір Абай мен Павлодар облысының 3 ауданында ТЖ режимі алынып тасталды",---- деді Шыңғыс Әрінов.
Оның айтуынша, ТЖ аймақтарындағы елді мекендердің тіршілігін қамтамасыз ету мәселелері жедел шешілуде. Бұл ауыз суды жеткізуге, энергиямен жабдықтауды қалпына келтіруге және көлік байланысына қатысты.
Вице-министр су тасқынын жою басталғаннан бері шамамен 11,6 млн текше метр еріген қар суы сорылғанын, 5 млн астам бірлік қаптар салынғанын хабарлады.
Құтқару және шұғыл жұмыстар кезінде жаңа әдістер мен тәсілдер алғаш рет енгізілді. Мысалы, Ақтөбе және Солтүстік Қазақстан облыстарында понтон көпірлерін орнату, қысқа мерзімде су бұру арналарын салу. Бұл көлік қатынасын қамтамасыз етуге және су басу қаупін азайтуға мүмкіндік берді", - деп атап өтті.
Су басу аймақтарынан барлығы 119 мыңға жуық адам алдын ала эвакуацияланды, оның ішінде 44 мыңнан астамы бала. Зардап шеккендерді эвакуациялау және орналастыру бойынша барлық мәселелер сол жерде жедел шешіледі, азаматтар ешнәрседен мұқтаждық көрмейді. Қажет болған жағдайда оларға медициналық және психологиялық көмек көрсетілді.
Құтқарушылар босанған әйелдерді де құтқаруға мәжбүр болған жағдайлар болды, олардың барлығы ауруханаларға аман-есен жеткізілді. Иелері тастап кеткен жануарларды да қиын жағдайда қалдырмады", - деп атап өтті вице-министр.
Ол құтқарушылар мен тартылған барлық қызметкерлер тәулік бойы әрі өте қиын жағдайда жұмыс істеп жатқанын айтты. Бүгінгі таңда төтенше жағдайды жоюға 32 мыңнан астам адам, 5 мыңға жуық техника, 310 жүзу құралдары мен 13 тікұшақ жұмылдырылған.
Апаттық және шұғыл жұмыстарды үздіксіз жүргізу үшін 10 өңірде көптеген арнайы және басқа да техникалар жедел түрде пайдалануға шығарылды.
Қазіргі уақытта Мемлекет басшысының тапсырмасы бойынша әкімдіктер зардап шеккендерге материалдық шығынды есептеп, төлеп жатыр. Біз су қоймаларын тәулік бойы бақылауды жалғастырамыз, азаматтардың қауіпсіздігін қамтамасыз ету және су басу қаупін азайту үшін барлық қажетті шараларды қабылдап жатырмыз", - деп қорытындылады сөзін Бауыржан Сыздықов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
23.04.2024, 16:12 4381
Қазақстанда мүгедектігі бар адамдарға арналған тегін Digital курстар оқытылады
Онлайн-жобаға 18-35 жас аралығындағы мүгедектігі бар еліміздің кез келген азаматы қатыса алады
Достарға айту
Қазақстанда мүгедектігі бар адамдарға арналған тегін Digital курстар оқытылады, деп хабарлайды ҚР Мәдениет және ақпарат министрлігінің баспасөз қызметінен.
Мемлекеттік тапсырыс аясында "ITeachMe" қоры мемлекеттік Бірыңғай грант операторының қолдауымен мүгедектігі бар жас қазақстандықтарды СММ-копирайтинг және мобилография курстарын оқыту үшін ITM Academy республикалық жобасын іске қосты.
Онлайн-жобаға 18-35 жас аралығындағы мүгедектігі бар еліміздің кез келген азаматы қатыса алады. Іріктеуден өткен 60 студент екі айға созылатын тегін курстан өтеді. Барлық оқу материалдары қазақ, орыс және ымдау тілдерінде қолжетімді. Студенттер курсты аяқтаған соң өз жобаларын қорғайды.
ITeachMe" қорының басшысы Захира Бегалиеваның айтуынша, оқудан кейін студенттер тез арада жұмысқа тұра алады.
Біздің оқушыларымыз түрлі компанияларда оффлайн немесе онлайн жұмыс істей алады. Бірақ тәжірибе көрсеткендей, мүгедектігі бар адамдарға біраз кәсіби қолдау қажет. Сондықтан оқуды бітіргеннен кейін біз алдымен түлектерді өзіміздің СММ-агенттігімізге жұмысқа аламыз. Олар сәл бейімделіп, тәжірибе жинағаннан кейін басқа компанияларға орналастырамыз", - дейді Захира Бегалиева.
Естеріңізге сала кетсек, қазақстандықтарды оқытуға арналған бұл курстар Қазақстан Республикасы Мәдениет және ақпарат министрлігінің тапсырысы бойынша Азаматтық бастамаларды қолдау орталығының мемлекеттік гранты аясында жүргізіледі.
ҚР Мәдениет және ақпарат министрлігінің баспасөз қызметі
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
23.04.2024, 15:59 4831
Су тасқынынан зардап шеккен отбасыларға 150 АЕК-ке дейін өтемақы төленеді
Қазіргі уақытта 11 мыңға жуық отбасы 100 АЕК мөлшерінде төлем алды
Достарға айту
Премьер-Министр Олжас Бектеновтің төрағалығымен өткен Үкімет отырысында төтенше жағдайлар вице-министрі Бауыржан Сыздықовтың, батыс өңірлердің, сондай-ақ Солтүстік Қазақстан облысының әкімдерінің су тасқынына қарсы іс-шаралар туралы баяндамалары тыңдалды, деп хабарлайды Үкіметтің баспасөз қызметінен.
Үкімет басшысы атап өткендей, елімізде су тасқыны жағдайы біртіндеп тұрақталып келеді. Ақмола, Ақтөбе, Қарағанды, Қостанай және Павлодар облыстарында қауіптің беті қайтты. Өте күрделі ахуал қалыптасқан Петропавл және Құлсары қалаларында су тартыла бастады.
Жұмыс уақытында ТЖ аймақтарынан барлығы 119 мыңнан астам адам қауіпсіз аймаққа көшірілді. Бүгінде Үкіметте, Төтенше жағдайлар министрлігінде, өңірлерде жедел штабтар тәулік бойы жұмыс істеуде. Проблемалардың барлығы жергілікті жерлерде жедел қаралып, шұғыл шешімдер қабылдануда.
Үкімет басшысы Министрлер Кабинетінің назарын су тасқыны кезінде зардап шеккендерге келтірілген шығындарды өтеу жұмыстарына аударды. Қазіргі уақытта 11 мыңға жуық отбасы 100 АЕК мөлшерінде төлем алды.
Зардап шеккендерге келтірілген шығындарды өтеу тәртібіне түзетулер бекітілді. Кеше мен тиісті қаулыға қой қойдым. 100 айлық есептік көрсеткішке тағы 150 АЕК-ке дейін өтемақы төлейтін боламыз. Оған адамдар тоңазытқыш, үстел, орындықтар, ыдыс-аяқ, киім-кешек сияқты жоғалған бірінші кезектегі қажетті заттарды сатып ала алады. Азаматтарға айтатыным, сабырлық сақтаныңыздар. Ешкім де көмексіз қалмайды Бұл мәселелердің барлығы Президенттің және менің жеке бақылауымда. Сондықтан біз осы сынақтан аброймен өтеміз деп білемін", - деп атап өтті Олжас Бектенов.
Сондай-ақ кәсіпкерлердің шығындары өтеледі.
Сонымен қатар Премьер-Министр кейбір өңірлерде су басу қаупі әлі де сейілмегенін атап өтті. Өзендерде су деңгейінің көтерілу фактілері тіркелуде.
Осыған байланысты Төтенше жағдайлар министрлігіне әкімдіктермен бірге су тасқынына байланысты жағдайға бақылауды күшейтуді жалғастыру және және қажет болған жағдайда шұғыл әрекет етіп, халықты көшіруді қамтамасыз ету тапсырылды. Экология министрлігі су объектілері мен өзендерде гидробекеттер санын ұлғайтуы қажет.
Өңір әкімдіктері су басқан үйлерді, ғимараттар мен нысандарды тез арада техникалық тексеруді аяқтасын. Су кеткен жерлерде көпке созбай, тасқыннан кейінгі тазарту, дезинфекциялау және қалпына келтіру жұмыстарын бастау қажет", - деп атап өтті Премьер-Министр.
Өнеркәсіп және құрылыс министрлігіне тұрғын үйлерді, әлеуметтік және инженерлік инфрақұрылымды қалпына келтіру бойынша жергілікті жерлердегі барлық жұмыстарды үйлестіру үшін жедел топ құру тапсырылды.
Құрылыс және жөндеу жұмыстарының нақты жоспары қажет. Бұл жағдай бізге инфрақұрылымды жаңартуға, елді-мекендерді көріктендіруге жаңаша көзқарасты қалыптастырады. Оның үстіне Мемлекет басшысының тапсырмасы бойынша "Таза Қазақстан" ауқымды акциясы басталды. Баршаңызға Президенттің сөзін естеріңізге салғым келеді, бұл бір реттік акция немесе науқан емес, тұрақты жұмысқа айналуы керек. Бұл елді-мекендерді көріктендіруге қатысты жаңаша көзқарас қалыптастырады", - деп атап өтті Олжас Бектенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
23.04.2024, 15:52 5476
Отбасы банкінде жаңа ипотекалық бағдарламалар бойынша тұрғын үй бағасы қандай болатындығы белгілі болды
Достарға айту
ҚР Үкіметінің отырысында өнеркәсіп және құрылыс министрі Қанат Шарлапаев тұрғын үй құрылысын дамыту және проблемалық жобаларды аяқтау шаралары туралы айтты, деп хабарлайды ҚР Премьер-министрінің баспасөз қызметінен.
Министрдің айтуынша, су тасқынынан зардап шеккен азаматтардың тұрғын үй мәселесін жедел шешу үшін қосымша механизмдер әзірленген. Оларға: дайын тұрғын үйді сатып алу, сатып алынатын тұрғын үйді өз бетінше таңдау мүмкіндігі, жөндеу жұмыстарын жүргізу немесе олардың құнын төлеу, сондай-ақ стандартты емес жобаларды пайдалану мүмкіндігі жатады. Саяжай нысандарының иелері де бұл жалғыз баспанасы болған жағдайда, тұрғын үймен қамтамасыз етіледі.
Бүгінде әкімдіктер жаңадан игерілетін жер телімдерін іріктеу жұмыстарын жүргізуде. Ақтөбе облысында үйлердің құрылысы басталды. Ақмола, Қарағанды және Қостанай облыстарында зардап шеккен отбасылар жаңа баспананың кілтін алып жатыр. Бұл жұмыс өзге өңірлерде де жалғастырылады.
ҚР ӨҚМ мәліметінше, жалпы соңғы 5 жылда тұрғын үй құрылысына 12 трлн теңгеден астам инвестиция тартылып, 78,5 млн шаршы метрге жуық жаңа тұрғын үй пайдалануға берілген. Барлық қаржыландыру көздерін ескере отырып, 695 мың отбасы тұрғын үй жағдайын жақсартты.
2030 жылға қарай барлық қаржыландыру көздерінің есебінен 111 млн шаршы метрді қамтитын тұрғын үй құрылысы жоспарлануда, бұл 1 млн-нан астам отбасыны жаңа баспанамен қамтамасыз етуге мүмкіндік береді", - деді Қанат Шарлапаев.
Оның айтуынша, Үкіметтің 2024 жылы Экономикалық өсуді қамтамасыз ету жөніндегі бірінші кезектегі іс-шаралар жоспарын жүзеге асыру үшін тұрғын үйді пайдалануға берудің жоспарланған көлемі азаматтарды тұрғын үймен қамтамасыз ету бойынша қосымша шараларды енгізумен 15,5-тен 18 млн шаршы метрге дейін ұлғайтылды.
Осылайша, халықтың әлеуметтік жағынан осал топтарын жалға берілетін тұрғын үймен қамтамасыз ету мақсатында жалпы сомасы 339 млрд теңгеге 22 мыңнан астам пәтер сатып алу жоспарлануда. Сонымен қатар әкімдіктердің мемлекеттік бағалы қағаздарды шығару арқылы 110 млрд теңге сомасына 10 мың несиелік пәтер салу жоспарлануда.
6 сәуірде Президент қол қойған кәсіпкерлік мәселелері туралы заң жобасы аясында әкімдіктерге нарықта несиелік тұрғын үй салуға ғана емес, сонымен қатар сатып алуға да құқық берілді, бұл қаражат айналымы арқасында тұрғын үй көлемін жыл сайын ұлғайтуға мүмкіндік береді", - деді министр.
Бұл ретте 7 мыңға жуық несие беруге жылдық 2 және 5%-дық мөлшерлемемен жеңілдетілген ипотека беруге 81 млрд теңге бөлінді. 9%-дық мөлшерлемемен "Отау" ипотекалық бағдарламасы бойынша 150 млрд теңгеге 8 мың несие беруді көзделген.
Сонымен қатар 1 мамырдан бастап жаңа ипотекалық бағдарламаны іске қосу жоспарланып отыр, оның аясында 300 млрд теңгеге 12 мың несие беру жоспарлануда. "7-20-25" бағдарламасы бойынша 100 млрд теңгеге 5 мыңға жуық несие беріледі.
Осылайша, биылғы жылы тұрғын үй құрылысын дамытуға 1 трлн теңгеден астам қаржы бөлінді, соның нәтижесінде 64 мың азамат тұрғын үй жағдайын жақсарта алады", - деп мәлімдеді министр.
Министр Президенттің Атырауда өткен Ұлттық Құрылтай отырысында айтқан тапсырмалары аясында Үкіметке сатып алу құқығымен ұсынылатын жалға берілетін тұрғын үй көлемін айтарлықтай ұлғайтып, жаңа жеңілдікті бағдарламаны іске қосу керектігін еске салды.
Осы жұмыс аясында әкімдіктер жеке құрылыс салушылардан ең жоғары тұрғын үй алаңы 80 шаршы метрді құрайтын бастапқы тұрғын үйлерді сатып алады. Үкімет мамыр айында тиісті стандарттарды бекітті, ендігі кезекте сатып алу құқығымен жалға берілетін тұрғын үйлерді сатуды қаржыландыру жұмыстары басталады. Бұл ретте ҚР Мәжілісінде кезекте тұрғандарға жалға берілетін тұрғын үйді жекешелендіру құқығын беретін заң жобасы қаралуда.
Сонымен қатар "Отбасы Банкі" мамыр айынан бастап әлеуметтік жағынан осал азаматтар үшін жылдық 7%-дық мөлшерлемемен 20%, ал қалған санаттағы азаматтар үшін 9%-дық мөлшерлемемен бастапқы төлемі бар жаңа жеңілдетілген бағдарламаны іске қосады. Бірінші жылы 300 млрд теңге сомасында 12 мың несие, одан кейін жыл сайын 200 млрд теңгеден 8 мың несие беру жоспарлануда.
Тұрғын үй құрылысына үлестік қатысу мәселесіне тоқталған министр еліміздің 8 өңірінде 39 проблемалық объект бар екенін хабарлады. Оларды аяқтау үшін мемлекет қаржыландыруды бөлу және инвесторларды табу бойынша қажетті шараларды қабылдауда. Осылайша, бірінші жартыжылдықтың қорытындысы бойынша Астанада 9 үлестік құрылыс объектіні аяқтап, 484 отбасыға кілт беру жоспарлануда.
ҚР ӨҚМ талдау нәтижелері бойынша салынып жатқан 581 үлестік құрылыс объектісі анықталды, оның ішінде 421-і үлескерлердің қаражатын заңсыз тартып, рұқсатсыз салынуда.
Проблемалық объектілердің көбеюіне жол бермеу үшін мемлекеттік реттеуді күшейту шаралары әзірленді. Оларға: алдын ала шарттар жасасуға тыйым салу, айыппұл санкцияларын ұлғайту (300-ден 2000 АЕК-ке дейін), үлескерлердің қаражатын тартуға рұқсатсыз жарнамаға тыйым салу, салынып жатқан тұрғын үйді қолма-қол қаражатсыз сатып алуға тыйым салу. Бұл ұсыныстар мүдделі мемлекеттік органдармен келісіліп жатыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
23.04.2024, 15:44 5746
Қазақстанда 1 маусымға дейін салынып жатқан барлық объектілердің заңдылығына тексеру жүргізіледі
340-қа жуық тұрғын үй кешені заңсыз салынуда және ұзақ мерзімді құрылыс санатына түсу қаупі бар
Достарға айту
Үкімет отырысында Премьер-Министр Олжас Бектенов ұзаққа созылған құрылыс мәселесін шешу және тұрғын үйлерді уақтылы пайдалануға беру үшін құрылыстың заңдылығына тиімді бақылауды қамтамасыз етуді тапсырды, деп хабарлайды ҚР Үкіметінің баспасөз қызметінен.
Өнеркәсіп және құрылыс министрі Қанат Шарлапаевтың, бірқатар өңірлер әкімдерінің алданған үлескерлермен жұмыс, заңсыз құрылыспен күрес, инженерлік желілерді жүргізуге бөлінген қаржының игерілуі туралы баяндамалары тыңдалды.
Бүгінде елімізде 39 барынша проблемалық нысан бар. Олар бойынша алданған үлескерлер жылдар бойы соттасып келеді. 340-қа жуық тұрғын үй кешені заңсыз салынуда және ұзақ мерзімді құрылыс санатына түсу қаупі бар.
Өнеркәсіп министрлігі өңірлермен бірлесіп, 1 маусымға дейінгі мерзімде салынып жатқан барлық объектілерге құрылыс жұмыстарының заңдылығы мен құжаттарына ревизия жүргізуі қажет. Оның қорытындысы бойынша бір айдың ішінде осыған дейін қабылданған Проблемалық объектілерді аяқтау жөніндегі жол картасын өзектендіру керек. Ең бастысы барлық үйлерді мерзімінде тапсыру үшін қатаң бақылауды қамтамасыз ету қажет", - деп атап өтті Олжас Бектенов.
Сонымен қатар өңір әкімдіктеріне коммуникацияларды жүргізу, әлеуметтік инфрақұрылыммен қамтамасыз ету және басқа да ең өзекті мәселелерді тиімді шешу үшін елді мекендердің перспективалы дамуына талдау жүргізу тапсырылды.
Сондай-ақ табиғатты қорғау және сейсмикалық қауіпті аймақтардағы құрылыс мәселесіне де ерекше назар аударылды. 2023 жылғы тексеру қорытындысы бойынша Алматыда негізінен тау бөктерінде құрылыс кезінде 150-ден астам бұзушылық фактісі анықталды. Сейсмикалық аймақтардағы құрылыс бақылауын күшейту мәселесі Үкіметтің бақылауында қалады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
23.04.2024, 12:51 9476
Шығыс Қазақстан облысының таулы аудандарын аэровизуалды тексеру
Ертіс өзенінің бойындағы жағалау сызығын тексеру кезінде қазіргі уақытта елді мекендерді су басу қаупі байқалмайтыны анықталды
Достарға айту
Шығыс Қазақстан облысында облыс әкімінің орынбасары Бақытжан Байахметов пен ТЖ алдын алу басқармасының бастығы Арман Наурызбаевтың қатысуымен арнайы жұмыс тобы "Өскемен-Алтай-Катонқарағай" бағыты бойынша ұшып өтті, деп хабарлайды ШҚО ТЖД баспасөз қызметінен.
Ұшу қардың негізінен таулардың солтүстік беткейлерінде жатқанын көрсетті. Жазық бөлігі мен оңтүстік беткейлері таза.
Ертіс өзенінің бойындағы жағалау сызығын тексеру кезінде қазіргі уақытта елді мекендерді су басу қаупі байқалмайтыны анықталды.
Жағалауды нығайту және түбін тереңдету жұмыстары, бөгеттерді салу, мешокқаптарды төсеу жалғасуда. Комиссия осы жұмыстардың Алтай ауданының Зубовск және Малеевск кенттерінде жүргізілуімен танысты.
Тексерілген аудандарда шұғыл ден қою отрядтарының дайындығы тексерілді.
Облыста 23-26 сәуірге орта таулы аймақта қардың қарқынды еруінің жалғасуына байланысты дауылды ескерту жарияланды. Осыған байланысты көлбеу ағындардың пайда болуы, өзендердегі су деңгейінің көтерілуі, шекті белгілерден асып кетуі мүмкін.
ШҚО-да облыстық жедел штаб жұмыс істеуде, барлық қызметтердің жұмысы үйлестірілуде. Күштер мен құралдар дайын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
23.04.2024, 12:47 9851
Тоқаев елде болған су тасқынына көмек көрсеткені үшін Өзбекстан халқына алғыс айтты
Достарға айту
Мемлекет басшысы Өзбекстан Президенті Шавкат Мирзиёевпен телефон арқылы сөйлесті, деп хабарлайды Ақорданың баспасөз қызметінен.
Қасым-Жомарт Тоқаев еліміздің бірқатар өңірінде болған су тасқынына байланысты тілеулестік танытып, көмек көрсеткені үшін Шавкат Мирзиёевке және бауырлас Өзбекстан халқына алғыс айтты.
Президенттер қазақ-өзбек стратегиялық серіктестігін одан әрі нығайту, сондай-ақ бұған дейін қол жеткізілген уағдаластықтарды жүзеге асыру мәселелерін талқылады. Тараптар екіжақты қатынастар мен өңірлік деңгейдегі кооперацияның қарқынды дамып келе жатқанына назар аударды.
Сонымен қатар мемлекеттер басшылары аймақтық және халықаралық күн тәртібіндегі өзекті мәселелер бойынша пікір алмасты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ең көп оқылғаны
23.04.2024, 11:38Қазақстанда көлік құралдарын тіркеу және жүргізушілерді даярлау қағидалары өзгерді 23.04.2024, 12:47 8461Тоқаев елде болған су тасқынына көмек көрсеткені үшін Өзбекстан халқына алғыс айтты23.04.2024, 12:41 8346650 мыңнан астам қазақстандық тұрғын үйге кезекте тұр23.04.2024, 12:51 8086Шығыс Қазақстан облысының таулы аудандарын аэровизуалды тексеру23.04.2024, 15:44 4356Қазақстанда 1 маусымға дейін салынып жатқан барлық объектілердің заңдылығына тексеру жүргізіледі
18.04.2024, 12:51 107206"Семей орманы" резерваты мен Қазақстандағы үш облыс өрт болған жағдайда дайын емес18.04.2024, 16:22 103081Қазақстанда мемлекетке қайтарылған активтердің бір бөлігі су тасқыны салдарын жоюға жіберілді18.04.2024, 22:15 102356Қасым-Жомарт Тоқаев пен Садыр Жапаров екі ел өнерпаздарының гала-концертін тамашалады19.04.2024, 11:11 97351Қазақстандағы су тасқынынан зардап шеккендерге үкімет қандай көмек көрсетеді19.04.2024, 18:42 93596Көлік прокуратурасы 900-ден астам кәсіпкердің құқықтары қорғады
04.04.2024, 16:35 121151Инвестиция тарту жөніндегі кеңес отырысында жобаларды "жасыл дәліз" тетігіне енгізу критерийлері қаралды04.04.2024, 16:30 120906Президент Батыс Қазақстан облысының су басқан аумақтарын тікұшақпен аралады18.04.2024, 12:51 107206"Семей орманы" резерваты мен Қазақстандағы үш облыс өрт болған жағдайда дайын емес04.04.2024, 16:25 105756Тоқаев су тасқыны туралы: бұл бұрын-соңды болмаған табиғи апат18.04.2024, 16:22 103081Қазақстанда мемлекетке қайтарылған активтердің бір бөлігі су тасқыны салдарын жоюға жіберілді