25.09.2020, 23:12 7183

Сарыөзек гарнизоны нысандарының қысқы уақытқа дайындығы қорғаныс министрінің бірқатар ескертулерін тудырды

Жұмыс сапары барысында қорғаныс ведомствосының басшысы генерал-лейтенант Нұрлан Ермекбаев Сарыөзек гарнизонындағы ғимараттар мен қазандықтарды жөндеу жұмыстарының барысын қатаң сынға алды.

Алматы. 25 қыркүйек. Kazakhstan Today - Сарыөзек гарнизоны нысандарының қысқы уақытқа дайындығы қорғаныс министрінің бірқатар ескертулерін тудырды.

Жұмыс сапары барысында қорғаныс ведомствосының басшысы генерал-лейтенант Нұрлан Ермекбаев Сарыөзек гарнизонындағы ғимараттар мен қазандықтарды жөндеу жұмыстарының барысын қатаң сынға алды.

Гарнизонда орналасқан шабуыл және артиллериялық бригадалардың жауынгерлік әзірлігінің жай-күйі, жауынгерлік даярлық нәтижелері, техникасы мен қару-жарағын ұстау қорғаныс министрінен жоғары баға алды. Карантиндік шектеу шараларына қарамастан, барлық жоспарланған іс-шаралар толық көлемде орындалды. Оқ атулар мен тактикалық оқу-жаттығулардың нәтижелері әскери қызметшілердің мақсаты бойынша міндеттерді орындауға жақсы дайындығын көрсетті.

Алайда, гарнизон нысандарын қысқа уақытқа дайындау бірқатар маңызды ескертулер тудырды. Атап айтқанда, министрмен келген комиссияның бағалауы бойынша жылу желілерінің жылыту маусымына дайындығы жеткіліксіз. Ал қараша айына жоспарланған әскери қалашық, казарма ғимараттарын жөндеу жұмыстарын аяқтау мерзімін аутсорсинг бойынша тартылған компаниялар қатарынан мердігерлер сақтамайды. Қорғаныс ведомствосының басшысы атап өткендей, бұл әскери қызметшілердің жоғары далалық дағдысын ескере отырып, алдағы суық ауа райында қолайсыз болады.

Қорғаныс министрлігінің мердігерлері ең үлгілі ұйымдар ғана болуы керек деп атап өткен генерал-лейтенант Нұрлан Ермекбаев, мердігер ұйым басшыларынан нысандарды тапсыру мерзімдерін сақтауды талап етті.

Гарнизонда қысқа мерзімде салынған модульдік үлгідегі казарманы аралау кезінде әскери ведомство басшысы оны әскерлерді ең аз қаржылық шығындармен пәтерлерге орналастырудағы көптеген проблемалық мәселелерді перспективалық шешудің мысалы ретінде келтірді.

Қорғаныс министрі десанттық-шабуылдау әскерлерінің қолбасшысына бағынысты гарнизондардағы мердігерлік ұйымдардың жұмысына тұрақты бақылауды жүзеге асыру жөнінде міндеттер қойды және объектілерді қысқа дайындау аяқталатын қатаң мерзімдерді айқындады.

Кейде конкурстық рәсімдерді өткізу шарттары, объектілердің аумағына рұқсаттама режимі, ұйымдарды лицензиялау, сондай-ақ конкурстарда жеңіске жеткен компаниялардың міндеттемелерді жиі орындамауы мерзімдердің бұзылуына және орындалатын жұмыстардың сапасының жеткіліксіздігіне әкелетініне назар аударылды.

Мердігерлердің өздері-жеке компаниялар, әскери нысандарға рұқсаттамаларды келісудегі ұзақ мерзімдерге шағымданады.

Қалыптасқан жағдайға байланысты, министр байқауларды өткізу тәртібі мен шарттарын жетілдіру, командирлер, ҚР ҚК әскерлерін пәтерлерге орналастыру Бас басқармасы, аудандық пайдалану бөлімдері мен мердігерлер арасында міндеттерді бөлу бойынша кешенді жүйелі ұсыныстар әзірлеуді тапсырды. Сондай-ақ, әскери қалашықтардың инфрақұрылымын қамтамасыз ету мақсатында осы қызметтерді ұсыну үшін бірыңғай операторды айқындау жөніндегі жұмысты жандандыру тапсырылды.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны