Ағымдағы жылдың 1 тоқсанында ішкі істер органдарында 249 мың шетел азаматы тіркелді - ҚР ІІМ
Ағымдағы жылдың 1 тоқсанында ішкі істер органдарында 249 мың шетел азаматы тіркелді - ҚР ІІМ
Астана. 4 мамыр. "Қазақстан Бүгін" - Ағымдағы жылдың 1 тоқсанында ішкі істер органдарында 249 мың шетел азаматы тіркелді. Бұл туралы ішкі істер вице-министрі Алик Шпекбаев Астана қалалық ІІД мен көліктегі орталық ІІД-нің көші-қон полициясының қызметкерлер құрамымен кездесу барысында мәлім етті, деп хабарлайды агенттік тілшісі.
"Елге келу тәртібін бұзғаны үшін 36 мың адам әкімшілік жауапкершілікке тартылып, 3 867 адам елден шығарылды. Заңсыз көші-қонды ұйымдастырушылар мен соттың ел аумағынан аластау жөніндегі қаулысын орындамағандарға қатысты 54 қылмыстық іс қозғалды. Шетелдік жұмыс күшін заңсыз тартып пайдаланғаны үшін 700 жұмыс беруші жауапкершілікке тартылды. Қазақстан азаматтығын 30 915 адам алды, олардың 93,5% оралмандар", - делінген хабарламада.
Астана қалалық ІІД осы мерзімде 25 мыңанн астам шетел азаматын тіркеді, олардың 1266-сы елге келу тәртіптерін бұзғаны үшін әкімшілік жауапкершілікке тартылды.
"Сонымен бірге көші-қон полициясының әлеуеті толық пайдаланылмай отыр. Жекелеген бағыттар бойынша бірқатар кемшіліктер бар", - деді А. Шпекбаев.
Атап айтсақ, заңсыз көші-қонмен күрес жөніндегі арнаулы саптық бөлімшенің іс-қызметінің тиімсіздігіне, көші-қон тәртіптерін бұзған шетелдіктер мен азаматтығы жоқ адамдарды жауапкершілікке тарту жұмыстарын пәрмендендіру қажеттігіне, шетелдіктердің келіп-кетуіне бақылауды күшейтуге, тұрақты тұруға қабылдау құжаттарын сапалы қарауға назар аударылды.
"Астана қалалық көші-қон полициясы қызметкерлеріне заңсыз көші-қонмен күресті пәрмендендіруге, шетелдіктердің Қазақстанда болу тәртіптерін бұзу оқиғаларын анықтауға, шетелдік жұмыс күшін заңсыз пайдаланушы жұмыс берушілерді анықтауға, алимент төлемегендер мен борышкерлерді іздеуге, өз қатарындағы сыбайлас жемқорлықпен және тәртіп пен заң бұзушылықпен күресті күшейтуге бағытталған нақты міндеттер жүктелді", - делінген баспасөз баянында.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
650 мыңнан астам қазақстандық тұрғын үйге кезекте тұр
Үкімет отырысында Премьер-Министр Олжас Бектенов тұрғын үй құрылысы және проблемалық объектілерді аяқтау мәселесі бойынша өнеркәсіп және құрылыс министрі Қанат Шарлапаевтың, сондай-ақ бірқатар өңірлер әкімдерінің баяндамасын тыңдады, деп хабарлайды ҚР Үкіметінің баспасөз қызметінен.
Олжас Бектенов Үкімет алдына биыл тұрғын үй құрылысына қатысты көптеген маңызды міндеттер қойылғанын атап өтті. Бұл - рекордтық 18 млн шаршы метр тұрғын үйді тапсыру, Мемлекет басшысының жаңа ипотекалық бағдарламаны іске қосу туралы тапсырмасын жүзеге асыру, сондай-ақ үлестік құрылыс пен заңсыз құрылыстың қордаланып қалған проблемаларын түпкілікті шешу.
Премьер-Министр қазіргі уақытта 650 мыңнан астам адам үй кезегінде тұрғанын атап өтті. 2023 жылы өңірлер әкімдіктері тұрғын үй бағдарламасына қатысуға өтініш берушілердің талаптарға сәйкестігін тексеру бойынша жұмыстарын бастады. Мәселен, Мысалы, Ақмола облысында баспана кезегінде тұрғандардың ішінде талаптарды бұзған 16 мыңға жуық азамат, Шымкент қаласында 36 мыңнан астам адам анықталды. Бірақ, олардың аз ғана бөлігі кезектен шығарылған.
Премьер-Министр әкімдіктерге тізімдерді бірінші жартыжылдықтың соңына дейін өзектендіруді және тұрғын үй бағдарламасының іске асырылуына мониторинг жүргізуді тапсырды.
Барлық әкімдіктер осы тізімдерді қайта қарап, жұмысты І жартыжылдықтың соңына дейін аяқтауы қажет. Бәрі белгіленген ережеге сай болуға тиіс. Кезекке қабылдауды ашық әрі бәріне түсінікті етіп жасау керек. Сондай-ақ тізімге енгізілген адамдарға нақты мониторинг жүргізілуге тиіс", - деп атап өтті Олжас Бектенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда интернет-казино ұйымдастырғаны үшін қылмыстық жауапкершілік енгізілуде
Мәжіліс ойын бизнесі, лотереялар және лотерея қызметі мәселелері бойынша заңнамалық өзгерістерді Әкімшілік құқық бұзушылық туралы кодекске енгізілетін ілеспе түзетулерімен бірінші оқылымда мақұлдады, деп хабарлайды Төменгі палатаның баспасөз қызметінен.
Заң жобалары Мемлекет басшысының құмар ойындарға тәуелділікке қарсы күресті күшейту туралы тапсырмасы аясында әзірленді. Оған депутаттар бастамашы болды.
Заң жобасы бойынша жеке тұлғалардың құмар ойындарға және бәс тігуге қатысу жасы 21-ден 25 жасқа көтеріледі. Сонымен қатар алимент және несие берешегі өтелмеген азаматтардың, яғни борышкерлердің бірыңғай реестрінде тұрған тұлғалардың құмар ойын ойнауына тыйым салынады.
Аталған санаттарға заңсыз ойын ойнауға мүмкіндік берген заңды тұлғалар әкімшілік жауапкершілікке тартылады. Бұл жағдайда орта кәсіпкерлік субъектілеріне - 300 АЕК, ірі кәсіпкерлік субъектілеріне - 1000 АЕК көлемінде айыппұл салынады.
Сондай-ақ ойын бизнесін ұйымдастырушылар құмар ойындар мен бәс тігудің тәуекелдері мен зияны туралы хабарлауға міндеттеледі. Мұндай ақпарат ойын мекемелерінде, ғимараттарда, билет кассаларында және букмекерлік кеңселер мен тотализаторлардың электронды кассаларында, казино кассалары мен ойын автоматтары залдарында, сондай-ақ өздерінің интернет-ресурстарында орналастырылуы тиіс. Талаптарды орындамағандар әкімшілік жауапкершілікке тартылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.