Ақ жол Қазақстанда техникалық реттеудің еуропалық жүйесін енгізу жөнінде парламентке ұсыныс енгізбек
Бұл тақырып өткен жұма күні Техникалық реттеу және метрология комитетінде ұйымдастырылған "Техникалық реттеу туралы" заң жобасы бойынша дөңгелек үстелде көтерілген.
Астана. 14-ақпан. Kazakhstan Today - Ақ жол Қазақстанда техникалық реттеудің еуропалық жүйесін енгізу жөнінде парламентке ұсыныс енгізбек, деп хабарлайды Kazakhstan Today агенттігінің тілшісі.
Қазақстанның "Ақ жол" демократиялық партиясының баспасөз қызметінің хабарлауынша, бұл тақырып өткен жұма күні Техникалық реттеу және метрология комитетінде ұйымдастырылған "Техникалық реттеу туралы" заң жобасы бойынша дөңгелек үстелде көтерілген. Соның ішінде Азат Перуашев тауардың шығуын сертификаттау үрдісіндегі кемшіліктер туралы айтты (ТШС): "Қазіргі кездегі ТШС жүйесі тым бюрократияланған, көп көлемдегі қаржы мен уақыт шығынын талап етеді, сонымен бірге нақты алғанда мәнсіз. Қалыптасқан жағдай қазақстандық экспортты кеңейту бойынша жұмсалып жатырған күш-жігерге, отандық өндірісті қолдау бойынша Мемлекет басшысының тапсырмаларына қарама-қайшы".
Естеріңізге сала кетсек, ТШС сараптама Актісінің негізінде беріледі, ал оны алу үшін барлық келісім-шарттардың көшірмелерін, олардың сипаттама құжаттарын, шикізат пен қаптамаға берілген сертификаттарды, кедендік жүк декларацияларын, теміржол жүк құжаты мен шот-фактураларды, экспортқа шығарылатын тауардың әрбір құрамдас бөлігі бойынша төлем тапсырмаларын тапсыру қажет. Алынған Акт осының алдында, сараптама жүргізу кезінде тапсырылған сол құжаттардың жиынтығын қайтадан қосымша ретінде тапсыру міндеттемесімен ТШС-ты рәсімдеу үшін ұсынылады. Бұл құжаттар жиынтығын тауардың әрбір партиясына рәсімдеу қажет және оның құны 30-80 мың теңге аралығын құрайды. Осылайша бір ТШС-ты алу үшін кейде 350-400 бетті құрайтын құжаттарды жинау қажет.
Сондай-ақ, бір ғана келісім-шарттың аясында болғандығына қарамастан сертификаттың өзі тауардың әрбір партиясына рәсімделеді. Мысалы, егер де тауар партиясы сатып алушыға бірнеше көлік құралдарымен жөнелтілетін болса (вагондармен, автофургондармен), ол кезде ТШС оның әрқайсысына талап етіледі. Ал бұл кезде сертификаттау үшін қажетті құжаттардың көлемі мыңнан аса бетті құрайды! Барлық осы еңбек және қаржылай шығындар тауар өндірушілерге ауырлық түсіреді және қазақстандық компаниялардың экспорттық мүмкіндіктерін нақты түрде төмендететін айтарлықтай бюрократиялық кедергі болып табылады.
"Мәселенің ең оғаштығы, тауардың қайдан шыққандығын көрсететін сертификаттар әлем бойынша міндетті болып табылмайды, тек ерікті түрде ұсынылатын құжат. Және бұл пост-кеңестік мемлекеттерде ғана экспортталатын тауарларды жаппай сертификаттау бақылаушы органдардың міндетті талабына айналды", - деп мәлімдеді А.Перуашев.
"Ақ жол" партиясы сертификаттаудың еуропалық моделіне өтуді тиімді жол ретінде есептейді, себебі оның аясында тауарды сертификаттау жүргізілмейді, берілген тауар түрін өндіруге қабілеттілігі бойынша кәсіпорындар (тауар өндірушілер) сертификатталады. Одан әрі кәсіпорын тек берілген тауар партиясының өндірісі үшін жауапты екендігін декларациялайды.
Бұл қадамдарды қолға алу қаржылай және еңбек шығындарын айтарлықтай қысқартады, отандық тауар өндірушілерді өнімді экспортқа шығару кезіндегі қисынсыз бюрократиялық қысымдардан босатады.
Мәжіліс депутаты айтқандай, "Ақ жол" партиясы жоғарыда көрсетілген ұсыныстарды Парламентте "Техникалық реттеу туралы" заң жобасын қарау кезінде енгізетін болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Оралда су тасқынының келесі толқынына дайындық қызу жүргізілуде
Қазақстан Премьер-Министрі Олжас Бектенов су тасқынына қарсы іс-шараларды үйлестіру үшін Орал қаласында жүр. Үкімет басшысы өңірге келісімен Жайық өзенінің жағалауын нығайту және бөгет құрылыстарын салу жұмыстарының барысын тексерді, деп хабарлайды Үкіметтің баспасөз қызметінен.
Сонымен қатар Олжас Бектенов жағдайды бақылау үшін өңір аумағында орналасқан су қоймаларының өзен арнасын тікұшақпен аралайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
БҚО үлкен суға дайындық үстінде
Батыс Қазақстан облысында ауқымды су тасқынының алдын алу шаралары қабылдануда. Су тасқынына қарсы жұмыстарды жүргізу үшін өңірде шоғырланған күштер тобы 6,3 мың адамнан асты, деп хабарлайды ҚР ПРемьер-министрінің баспасөз қызметінен.
Үкіметтің тапсырмасы бойынша елді мекендерден үлкен суды бұрып әкету және су тасқынынан келетін шығынды азайту үшін барлық күштер мен құралдар жұмылдырылды.
Облыста ТЖМ-ның 1 мыңнан астам қызметкері, Ұлттық ұланның 700-ден астам, Қорғаныс министрлігінің 600 әскери қызметшісі жұмылдырылды. Жұмысқа волонтерлік ұйымдардың қатысушылары тартылды. 1,5 мың арнайы техника жұмылдырылды, оның 790-ы БҚО-ға еліміздің басқа өңірлерінен келген.
Негізгі міндет - елді мекендердің тұрғындары мен олардың үйлерін су тасқынынан қорғау. Жайық, Шаған, Деркөл өзендерінің бойындағы жағалауды нығайту жұмыстары жүргізілуде. Атап айтқанда, 700 мың құм толтырылған қапшық және 3 710 мың тонна инертті материал төселді. Қорғаныс үйінділері 4-5 метр биіктікке дейін көтерілді.
Қазіргі уақытта Оралда жедел-эвакуациялау пункттері ашылды, өңірде "Жедел желі" жұмыс істейді - оған 512 қоңырау келіп түсті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Әскери билеттер цифрлық форматқа ауыстырылды
Әскери билеттер цифрлық форматқа ауыстырылды, деп хабарлайды ҚР Қорғаныс министрлігінің баспасөз қызметінен.
Жұмысқа орналасу немесе оқу орнына қабылдау кезінде құжатты түпнұсқада ұсыну туралы талап алынып тасталды.
Енді жұмыс беруші азаматтың әскери қызметке қатынасы туралы мәліметтерді egov.kz электрондық үкімет ресурсын пайдалана отырып, автоматты түрде алады.
Заңнама бойынша заңды тұлғалар азаматтардың әскери қызметіне қатынасы туралы деректерді тіркеуге міндетті. Сондықтан кадр қызметтері бұрын әскери есепке алу құжаттарын (әскери билеттер, тіркеу туралы куәлік, әскери қызмет өткергенін растау туралы анықтама және т.б.) талап еткен.
Қорғаныс министрлігі Еңбек және халықты әлеуметтік қорғау, Цифрлық даму, инновациялар және аэроғарыш өнеркәсібі министрліктерімен, ҚР Мемлекеттік қызмет істері агенттігімен бірлесіп жұмыс берушінің сұрауына автоматты түрде жауап алуға мүмкіндік беретін интеграциялық жұмыстар жүргізді.
- Өткен жылдан бастап біз осы процестерді цифрландыру жөнінде жұмыс жүргіздік. Атап айтқанда, ақпараттық жүйені әзірлеп, оны іргелес мемлекеттік органдардың мәліметтер базасымен біріктірдік. Инновация кадрлық қызметтердің жұмысын жеңілдетіп, азаматтарды анықтама алу үшін уақыт жұмсаудан босатады. Егер бұрын бұл процестер бірнеше аптаға созылса, бүгінде бұл бір күнде жасалады, - деді Қорғаныс министрінің орынбасары Дархан Ахмедиев.
Жеке ұйымдар "Е-Еңбек" ақпараттық жүйесінде, мемлекеттік мекемелерде "Е-Қызмет" ресурсын пайдалана отырып, қызметкерлердің есебін жүргізетін болады.
Сонымен қоса әскери билет Қарулы күштер қатарында, басқа да әскерлер мен әскери құралымдарда әскери қызмет өткергендерге ғана берілетінін атап өткен жөн.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда арнайы сейсмологиялық зерттеу жүргізіледі
Алматыда Қазақстан президенті Қасым-Жомарт Тоқаевтың тапсырмасы бойынша арнайы сейсмологиялық зерттеу жүргізіледі, деп хабарлайды Ақорданың баспасөз қызметінен.
Тараздағы гидромелиоративтік-құрылыс институтын қайта қалпына келтіру жөнінде шешім қабылдадық. Оқу орнын материалдық-техникалық тұрғыдан толық жабдықтау керек. Сейсмология институтының жағдайы да мәз емес. Үкіметке осы институттың ғылыми әлеуетін арттыруға қатысты нақты ұсыныстар дайындауды тапсырдым. Сондай-ақ сейсмологияны және сейсмикалық режимді бақылау құралдарын дамыту бойынша пайдалы ұсыныстар әзірленуге тиіс.
Менің тапсырмаммен Алматы аумағына арнайы сейсмологиялық зерттеу жүргізіледі. Әкімдік үш жылдық зерттеу жұмыстарына қаржы бөледі. Энергетикалық апатты, эпидемияны, қуаңшылықты болжау және оның алдын алу мәселесі аса маңызды. Жауапты министрліктер тиісті саланы, ал әкімдіктер аймақтарды дамыту бағдарламаларын қайта қарауы керек. Әсіресе, төтенше жағдай туындау қаупі бар-жоғын мұқият зерттеу қажет. Бұл жұмысқа ғылыми қауымдастықты жұмылдырған жөн. Яғни гидрология, климатология, география, инженерия және өзге де сала мамандарын тарту қажет.
Тағы да қайталап айтқым келеді, мемлекеттік органдар барлық істе, ең алдымен, сапалы ғылыми қорытындыға сүйенуі керек. Бұл - өте маңызды міндет. Шешімдер әбден пысықталып, нақты негізделіп барып, қабылдануға тиіс. Талдау жүргізіп, ахуалды болжау үшін ғалымдардың қолында, зерттеу орталықтарында қажетті құрал-жабдықтар болуға тиіс"
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.