"Ақ жол" ҚДП газдандыру жоспарына Павлодар мен Шығыс Қазақстан облыстарын қосуды ұсынады
Үкімет газдандыру жөніндегі осы тапсырманы қоса алғанда, Президент Жолдауын орындау жөніндегі жалпыұлттық жоспарды қалыптастыруға және іске асыруға кіріскені мәлім.
Астана. 25-сәуір. Kazakhstan Today - "Ақ жол" ҚДП газдандыру жоспарына Павлодар мен Шығыс Қазақстан облыстарын қосуды ұсынады, деп хабарлайды Kazakhstan Today агенттігінің тілшісі.
"Ақ жол" ҚДП Фракциясы жоғарыда аталған мәселе бойынша Қазақстан Республикасының Премьер-Министрінің атына депутаттық сауал жолдады, деп хабарлайды партияның баспасөз қызметінен.
Биылғы Жолдауында Елбасы Үкіметке "...Астананы қоса алғанда, еліміздің орталық өңірін газдандыруды қамтамасыз ететін құбыр желісін іске асыруды жоспарлау мен оған кірісуді" тапсырды (аталған жолдау тапсырмаларының 6-т.), деп көрсетілген.
Сонымен қатар Президент "Қазақстан - мұнай мен газ шығаратын ел. Біз елімізді газдандыруға міндеттіміз", - деп атап көрсетті.
Үкімет газдандыру жөніндегі осы тапсырманы қоса алғанда, Президент Жолдауын орындау жөніндегі жалпыұлттық жоспарды қалыптастыруға және іске асыруға кіріскені мәлім.
Сондай-ақ сайлаушылармен жақын арада өткен кездесулер барысында газдандыру жоспарына Павлодар мен Шығыс Қазақстан облысы енгізілмегені айқындалды. Осылайша, республиканың 16 әкімшілік-аумақтық бірлігінің ішінен 2 облыстың тұрғындары басқа отандастарымен салыстырғанда осал жағдайда болады.
Дәл осы өңір, Семей ядролық полигоны салдарының әсерін айтпағанның өзінде, экологиялық тұрғыдан қолайсыз болып саналатынын атап өту қажет. Айталық, Өскемен қаласы атмосфералық ауаның, әсіресе аса жоғары уытты заттармен (кадмий, мышьяк, хлор, күкірт ангидриді, қорғасын және т.б.), ластануының ең жоғары деңгейімен көзге түседі. Семей мен Павлодар қалаларындағы жағдайдың бұдан асып тұрғаны шамалы.
Сондықтан табиғи газбен қамтамасыз ету атмосфераға залалды заттардың шығарылуын едәуір қысқартып, өңірдегі экологиялық жағдайды жақсартқан болар еді.
Оның үстіне, Шығыс Қазақстан мен Павлодар облыстарының елді мекендерін газдандыру осы облыстардың тұрғындарын еліміздің басқа өңірлерінде тұратын Республиканың барлық азаматтарымен қатар өмірдің замануи стандарттарына араластыруда маңызды рөл атқаратын еді.
"Ақ жол" партиясы Конституциямен кепілдік берілген тең құқылы болу қоғамдық салаға ғана емес, біздің мұнай мен газ шығаратын елімізде қазақстандықтардың арзан және экологиялық таза көгілдір отынға тең қол жетімділігі болып табылатын ең маңызды факторы - ең алдымен отандастарымыздың лайықты өмір сапасына таралуы тиіс деп санайды.
Осыған байланысты "Ақ жол" демократиялық партиясының депутаттық фракциясы Республика Үкіметінен мынаны сұрайды:
1) Газдандыру жоспарына Павлодар мен Шығыс Қазақстан облыстарын қосып, сол арқылы Қазақстан аумағын толық газдандыруды қамтамасыз ету.
2) Биылғы жылы қажетті қаржы жоқ болған жағдайда орталық өңірлерді газдандыру барысында газдандыруды жалғастыру және болашақта қалған облыстарға табиғи газдың тиісті көлемін беру үшін құбырдың техникалық мүмкіндіктерін қамтамасыз етуді ұсынамыз.
3) Ресей Федерациясында жоспарланған Батыс Сібірден Батыс Қытайға дейін "Алтай" газ құбырының салынуы Қазақстанның қалған бөлігін газдандырудың тағы бір мүмкіндігі болып табылады. Осы газ құбырының трассасы Шығыс Қазақстан облысындағы Риддер қаласынан 150 км жерде өтетіні белгілі. Осылайша, өңірді газдандыру перспективаларын көрші мемлекеттермен жемісті келіссөз өткізу жағдайларында Шығыс Қазақстанды "Алтай" газ құбырына қосу арқылы жүзеге асыруға болады.
Жоғарыда баяндалғанның негізінде, Павлодар мен Шығыс Қазақстан облыстарын да газдандыру бойынша барлық мүмкіндіктерді зерделеуді сұраймыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.