Ақтауда "Даля" шекаралық заставасының бастығы өз қарамағындағыларды соққыға жықты, оған жауап ретінде әскери қызметшілер қызмет орнын тастап кетті
Ақтауда "Даля" шекаралық заставасының бастығы өз қарамағындағыларды соққыға жықты, оған жауап ретінде әскери қызметшілер қызмет орнын тастап кетті
Алматы. 3 шілде. "Қазақстан Бүгін" - Ақтауда 1 шілдеде ҚР ҰҚК Шекара қызметінің №2018 әскери бөлімшесінің "Даля" шекаралық заставасында мерзімді әскери борышын өтеп жүрген әскери қызметшілер қызмет орнын тастап кетті. Бұл туралы бүгін өткен брифингте ҚР Бас әскери прокуратурасының ресми өкілі Болат Тазабеков мәлім етті, деп хабарлайды "Қазақстан Бүгін" агенттігі.
"Ақтау гарнизонының әскери прокуратурасына ҚР ҰҚК Шекара қызметінің №2018 әскери бөлімшесінің "Даля" шекаралық заставасында мерзімді әскери борышын өтеп жүрген әскери қызметшілердің қызмет орнын тастап кеткені туралы хабар келіп түсті", - деді Б. Тазабеков.
"Тексеру барысында белгілі болғанындай, 1 шілдеге қараған түні застава бастығы аға лейтенант Арман Құдайбергенов арақ ішіп алған соң билігін асыра пайдаланып, мерзімді қызметтің бес әскери қызметшісіне түрлі дене жарақаттарын түсіріп, ұрып- соққан", - деді Б. Тазабеков.
"Қорлыққа шыдамай және зардап шеккендерге медициналық көмек көрсету үшін заставаның бүкіл жеке құрамы - мерзімді әскери қызметтегі 21 әскери қызметші - көрші "Фетисово" шекаралық заставасына келген", - деді Б. Тазабеков.
Оның айтуынша, заставаны тастап кеткен шекарашылар өздерімен бірге қару алмаған.
Б. Тазабековтың мәліметінше, қазір соққыға жығылғандардың жағдайы қанағаттанарлық, оларға қажетті медициналық көмек көрсетілген, олардың екеуі медсанбөлімшеде жатыр.
Оның айтуынша, егер тергеу барысында застава бастығының өз қарамағындағыларды соққыға жығу дерегі расталса және олардың әскери бөлімшені тастап шығуға мәжбүр болғандығы дәлелденсе, қызмет орнын өздері біліп тастап шыққан әскери қызметшілерге қатысты қандайбір шара қолданылмайды.
Б. Тазабековтың хабарлауынша, бұл дерек бойынша Ақтау гарнизонының әскери прокуроры 3 шілдеде А. Құдайбергеновтың үстінен ҚР Қылмыстық кодексінің 380-ші бабының 1-тармағы (әскери қызметшілердің заңды мүдделеріне елеулі зиян келтірген бастықтың билікті асыра қолдануы) бойынша қылмыстық іс қозғалды.
Прокуратураның ресми өкілінің хабарлауынша, сонымен қатар, А. Құдайбергенов күдікті ретінде жауап беріп, қамауға алынды. Істі тексеру ҚР ІІМ-нің Ақтау әскери-тергеу бөліміне жүктелді. Бұл іс бойынша тергеу ҚР Бас әскери прокурорының жеке бақылауына алынды.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.