Алматы тау кластерініӊ бүкіл аумағында белсенді тынығуға арналған жыл бойғы объектілер пайда болады
Алматы. 26 шілде. Kazakhstan Today - Алматыда Алматы және Алматы облысы тау кластерін дамыту бойынша мастер жоспар әзірлене бастады. Құжат тау шаӊғы курорттарын, хайкингке арналған тау соқпақтарын, ұзындығы 500 шақырым, цифрлап белгіленген велосипед маршруттарын және треккингті көздейді. Мастер жоспар "Шымбұлақ", "Табаған", "Лесная Сказка", "Ақ Бұлақ", "Тау Парк", "Алматау" және т.б. сияқты тау шаӊғы курорттары мен базаларын қамтиды деп болжануда.
Құжатты Алматыныӊ және Алматы облысыныӊ әкімдіктері, Іле-Алатау ұлттық саябағы, "Қазақ туризм" және "Мастерконцепт" компаниялары әзірлей бастады. Мастер жоспардыӊ тұжырымдамасын талқылау жөніндегі топқа мемлекеттік органдардыӊ, туризм саласындағы халықаралық компаниялардыӊ, қоғамдық қорлардыӊ, туристік қауымдастықтардыӊ, ЖОО-ныӊ, спорттық туризм федерациясыныӊ өкілдері кірді.
"Қаланыӊ орталығы мен әуежайдан 30 минут жерде орналасқан таулар экотуризмді дамыту үшін орасан зор әлеует болып табылады және тау кластерін дамыту мәселесіндегі біздіӊ жұмысымыз жүйелі түрде жүргізілуі тиіс. Туристтер Алматыға белсенді қызығушылық білдіретіндіктен, мастер жоспарды әзірлеу өте маӊызды. Шетел туристері сапарларыныӊ 40% Алматыда өтеді. "Economist Intelligence Unit" рейтингі бойынша мегаполис өмір сүру үшін еӊ арзан қалалардыӊ тізімінде 3-орынға ие. Соӊғы үш жыл ішінде туристер саны орта есеппен - 14%-ға, ал өткен жылы 20%-ға артты", - деді Алматы әкімініӊ орынбасары Асель Жүнісова.
Икімніӊ орынбасары Visit Almaty туристік ақпарат орталығы өткізген турист бейінін зерттеу деректеріне сәйкес, Еуропадан және Азиядан келген шетел туристерініӊ 60% Алматыны табиғаты бүлінбеген жер ретінде таӊдайтынына, ал қазақстандық туристердіӊ 55% түрлі белсенділіктердіӊ өткізілуі және ойын-сауықтардыӊ бар болуы себебімен келетініне ерекше назар аударды.
"Мастерконцепт" компаниясыныӊ мастер жоспарды әзірлеуге маманданған аймақтық өкілі Асқар Валиевтыӊ айтуы бойынша, жоспарды әзірлеген кезде тау кластерін дамыту үшін еӊ негізгі қажеттіліктер ескерілді.
"Біз демалушыларға арналған жыл бойғы белсенділіктердіӊ түр-түрін, ішкі туристке арналған тартымды табиғи саябақтарды және халықаралық туристке арналған тау шаӊғы бағытын жасау қажет деп санаймыз. Сонымен бірге 3 аумақтық кластерді, 7-ден 10 дейінгі курортты, 95 шақырымға дейінгі арқан жолды, 250 шақырымнан астам трассаларды, шамамен 3 мыӊ орналастыру орнын құру қажет", - деп ескертті Валиев.
Мастер жоспарды әзірлеу ағымдағы жылдыӊ қараша айыныӊ соӊына дейін созылады деп болжануда.
Visit Almaty ТАО туралы ақпарат
Visit Almaty ТАО туристерге Алматы және Алматы агломерациясында уақыт өткізу мүмкіндіктері туралы ақпаратты күнделікті ұсынады.
Орталықтыӊ міндеттері - туристік өнімдерді халықаралық және ішкі нарықтарда алға жылжыту. Visit Almaty жұмысыныӊ маӊызды бөлігі туристік әлеуетті алға жылжыту жөніндегі жобаларды жүзеге асыру, рейтингтер, өӊірдіӊ бәсекеге қабілеттілігі және туризмніӊ даму мүмкіндіктері талдауын жүргізу, сондай-ақ осы салада зерттеулер жүргізу болып табылады.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.