Алматыда әлемніӊ 54 елініӊ өкілдері Қызыл крест және Қызыл жарты ай халықаралық декларациясын қабылдайды
Алматы. 2 мамыр. KazakhstanToday - Алматыда әлемніӊ 54 елініӊ өкілдері Қызыл крест және Қызыл жарты ай халықаралық декларациясын қабылдайды.
Алғаш рет Орталық Азияда Қызыл крест және Қызыл жарты ай қоғамдарыныӊ Х Европалық конференциясы өтуде. Алматыдағы 54 елдіӊ делегаттары қатысқан форумды өткізуге испандық Мадрид қаласы да үміткер болатын.
Халықаралық конференцияны ашқан Алматы әкімі мемлекет басшысыныӊ құттықтау сөзін оқып берді, онда ұйымныӊ заманауи өткір проблемаларды шешудегі, әскери шиеленістер мен табиғи апаттар кезінде зардап шеккендерге дер кезінде көмек көрсетудегі ерекше рөлі атап өтілген.
"Қазақстан Қызыл крест және Қызыл жарты ай қозғалысына оныӊ толық құқылы қатысушысы ретінде орасан көмек көрсетуде. Бүгінгі күні БҰҰ Қауіпсіздік Кеӊесініӊ тұрақты емес мүшесі, сонымен қатар Астана процессініӊ бастаушысы ретінде еліміз барынша жетілген, қауіпсіз және тұрақты бейбітшілікті орнықтыруға ықпал етуде. Тек өзара сенімге, құрметке және түсіністікке негізделген іс- қимыл ғана барша адамзатты басты мақсатқа жетелейді. Конференция қорытындысы бойынша қабылданатын Алматы декларациясыныӊ гуманитарлық дағдарыстарды жеӊудіӊ және көмек пен қолдауға зәру жандардыӊ өмірін жақсартудыӊ тиімді жолдарын іздестіруге маӊызды үлес қосатынына сенімдімін", - делінген үндеуде.
Конференция барысында Бауыржан Байбек оқиғалы туризмді дамыта отырып Алматыныӊ іскерлік келіссөздер мен халықаралық бизнес- кездесулердіӊ бас қосу алаӊына айналғанын атап өтті. Тек жыл басынан бері қарай мегаполисте ЭЫДҰ-ныӊ "Еуразия апталығы",ТМД елдері үкімет басшыларыныӊ қатысуымен цифрландыру форумы өтті. Ал күзде бірқатар айтулы халықаралық шаралар, соныӊ ішінде Дүниежүзілік денсаулық сақтау ұйымыныӊ Алматы декларациясыныӊ 40 жылдығына және Еуропадағы "Салауатты қалалар" желісініӊ 30 жылдығына арналған конференциялар өтеді.
"Еліміз Тәуелсіздік алғаннан бері Елбасы Нұрсұлтан Назарбаевтыӊ басшылығымен көп этносты Қазақстан халқы бейбітшілік пен тұрақтылықты және қарқынды экономикалық дамуды таӊдады. Бүгінгі таӊда Қазақстан - Таулы Қарабах пен Тәжікстаннан бастап Иран мен Сирияға дейінгі түйткілді мәселелер мен даулы кикілжіӊдерді шешу мәселесінде медиатор ретінде танылған еуразиялық бірден-бір мемлекет. Соӊғы жылдардыӊ өзінде Ислам конференциясы мен Еуропадағы қауіпсіздік және ынтымақтастық ұйымдарына табысты төрағалық етті. Біз осы күзде Біріккен Ұлттар Ұйымымен бірлесе отырып Өӊірлік хаб ашатын боламыз. Алғашқы кезеӊде мұнда 20-ға жуық халықаралық ұйымдар мен агенттіктер жұмыс істейді деп күтілуде", - деді Бауыржан Байбек.
Өз кезегінде Қызыл крест және Қызыл жарты ай Халықаралық Федерациясыныӊ президенті Франческо Рокка Алматы декларациясыныӊ алдағы төрт жылда ұйым үшін басшылыққа алатын басты құжаттардыӊ біріне айналатынын айтты. Соӊғы рет мұндай декларация 2014 жылы итальяндық Флоренцияда қабылданған еді.
"17 миллионнан астам еріктілердіӊ жұмысы арқасында біз әлемдегі ірі гуманитарлық жүйе болып табыламыз. Дегенмен, біздіӊ бастамаларымыздыӊ жемісті болуы жергілікті жерлердегі жұмыс пен оныӊ сапасына тікелей қатысты. Біздіӊ ұйымныӊ жұмысын жоғары бағалаған Қазақстанға ерекше алғыс білдіреміз", - деп қорытындылады сөзін Франческо Рокка.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.