Алматыда "Мигрант" шұғыл алдын алу шарасының қорытындысы шығарылды
Алматыда "Мигрант" шұғыл алдын алу шарасының қорытындысы шығарылды
Алматы. 23 шілде. "Қазақстан Бүгін" - Алматыда "Мигрант" шұғыл алдын алу шарасының қорытындысы шығарылды, деп хабарлайды агенттік тілшісі Алматы қалалық ІІД-нің баспасөз қызметіне сілтеме жасап.
Шараның негізгі мақсаты Алматыға заңсыз келіп, жұмыс істеп жүрген жақын және алыс шетелдік азаматтарды анықтау.
"Аталған шараны жүзеге асыру барысында полиция қызметкерлері түрлі сауда орындары мен ірі базарларды, сонымен қатар олардың маңындағы тұрғын жайлар мен үйлерді тексерді. Сондай-ақ, "Мигрант" шарасының өту мерзімінде шетелдік азаматтар оқитын 50 оқу орындары және шетелдік жұмыс күшін пайдаланатын 65 кәсіпорын мен ұйымдарда тексерулер болып өтті", - деді Алматы қалалық ІІД-нің миграциялық полиция басқармасының бастығы, полиция подполковнигі Марат Кезембаев.
Миграциялық полиция қызметкерлерімен Заря Востока ауылы, "Дорожник", "Шаңырақ", "Думан", "Айнабұлақ" ықшам аудандарында өткізген рейдтік шаралардың бір күні нәтижесінде миграциялық заңды бұзған 102 шетел азаматы құрықталды. 28 азамат тұлғасын анықтау мақсатында қабылдап тарату орнына жеткізілді. Шетелдік азаматтарды уақытылы тіркеуге тұрғызбаған қазақстандық 13 азамат әкімшілік жауапкершілікке тартылды.
"Шараның нәтижесінде миграциялық заңды бұзған 1357 шетелдік азаматтар анықталып, әкімшілік жауапкершілікке тартылды, оның 212 алыс шетелден келген азаматтар (125 ҚХР-ның азаматы, 64 Түркия азаматы, 10 Пәкістан , қалғандары Ауғанстан, Нигерия, Иран, АҚШ, Италия, Босния, Латвия, Оңтүстік Корея, Израиль мемлекетерінен бір-екі адамнан) және 1145 ТМД азаматтары. ТМД мемлекеттерінен жауапқа тартылғандардың көбі Өзбекстан азаматтары - 906. Қырғызстан азаматтары - 121, Ресей - 67, Тәжікстан - 40. Алыс шетелден келген 21 (ҚХР, Нигерия, Түркия, Ауғанстан және АҚШ азаматтары) азамат және 92 ТМД азаматтары, жалпы саны 137 адам республикамыздан қудаланды", -деп мәлімдеді Марат Кезембаев.
Осылайша "Көктем" ықшам ауданында жүргізілген шара барысында тиісті құжатсыз еңбек атқарған, ҚХР-нан келген 5 азамат қолға түсті. Сол күні тәртіп сақшылары мерзімі өтіп кеткен визамен жүрген Нигериядан келген 2 қонақты ұстады. Барлық ұсталған азаматтар әкімшілік жауапкершілікке тартылып Қазақстан Республикасының шекарасынан аластатылды.
"Қабылдап тарату орнына жеке куәлігінсіз немесе құжатсыз жүрген 1 алыс шетел азаматы және 172 ТМД азаматы жеткізілді. Елімізге шақырумен келген шетел азаматтарының еліміздің аумағында жүріп-тұру Ережесін бұзған 453 ҚР азаматы және лауазымды орын иелері әкімшілік жауапкершілікке тартылды. Іздеуде жүрген 7 қылмыскер құрықталды. Шара барысында миграциялық полиция қызметкерлері ізін суытпай шетел азаматтарымен жасалған екі қылмысты тіркеп, бетін ашты", - деп сөзін жалғастырды Марат Кезембаев.
Жетісу АІІБ-ның қызметкерлерімен кісі тонаған Қырғызстан азаматы ұсталды. 38 жастағы азамат көшеде кетіп бара жатқан әйелді қорқытып, 25 мың теңге тұратын "Самсунг Е-200" маркалы ұялы телефонын тартып алған. Медеу ауданында бұзақылық әрекеттер жасағаны үшін Түркия азаматтары құрықталды. Олар "Самал" ықшам ауданының бірінде орналасқан мейрамхананың жиһаздарын және ыдыстарын сындырған.
Қазіргі таңда заңсыз миграцияны анықтап, жолын кесуге бағытталған жұмыстар жалғасын тауып, ІІД басшылығының бақылауына алынған.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Тоқаев су тасқыны кезінде имидждік және басқа да ірі іс шараларды өткізуден бас тартуды тапсырды
Сурет: akorda
Мемлекет басшысы еліміздің бірқатар өңіріндегі су тасқынына байланысты қалыптасқан күрделі жағдайды ескере отырып, сондай-ақ бюджет қаржысын үнемдеу мақсатында Үкіметке, орталық мемлекеттік және жергілікті атқарушы органдарға имидждік және басқа да ірі іс-шараларды өткізбеу жөнінде тапсырма берді, деп хабарлайды Ақорданың баспасөз қызметінен.
Мен бюджет қаржысын үнемдеу мақсатында ірі халықаралық форумды өткізуден бас тарттым. Сонымен қатар Дүниежүзілік көшпенділер ойындарына жұмсалатын шығынды қысқартамыз. Әрине, қазір бұл шарадан түпкілікті бас тарту мүмкін емес. Бірақ оған жұмсалатын қаржы көлемі айтарлықтай азаяды. Бұдан бөлек, еліміздің Токиода өтетін Дүниежүзілік көрмеге қатысуына бөлінген бюджет те қысқарады", – деді Президент.
Қасым-Жомарт Тоқаев барлық мемлекеттік органға су тасқыны салдарынан сабақ алуы керек екенін айтты.
Бізде мұндай апаттарды алдын ала ескерту жүйесі жетіспейді. Қажетті мамандар да тапшы. Қазір гидротехник кадрларды даярлау туралы шұғыл шешім қабылданды", – деді Мемлекет басшысы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Оралда су тасқынының келесі толқынына дайындық қызу жүргізілуде
Қазақстан Премьер-Министрі Олжас Бектенов су тасқынына қарсы іс-шараларды үйлестіру үшін Орал қаласында жүр. Үкімет басшысы өңірге келісімен Жайық өзенінің жағалауын нығайту және бөгет құрылыстарын салу жұмыстарының барысын тексерді, деп хабарлайды Үкіметтің баспасөз қызметінен.
Сонымен қатар Олжас Бектенов жағдайды бақылау үшін өңір аумағында орналасқан су қоймаларының өзен арнасын тікұшақпен аралайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
БҚО үлкен суға дайындық үстінде
Батыс Қазақстан облысында ауқымды су тасқынының алдын алу шаралары қабылдануда. Су тасқынына қарсы жұмыстарды жүргізу үшін өңірде шоғырланған күштер тобы 6,3 мың адамнан асты, деп хабарлайды ҚР ПРемьер-министрінің баспасөз қызметінен.
Үкіметтің тапсырмасы бойынша елді мекендерден үлкен суды бұрып әкету және су тасқынынан келетін шығынды азайту үшін барлық күштер мен құралдар жұмылдырылды.
Облыста ТЖМ-ның 1 мыңнан астам қызметкері, Ұлттық ұланның 700-ден астам, Қорғаныс министрлігінің 600 әскери қызметшісі жұмылдырылды. Жұмысқа волонтерлік ұйымдардың қатысушылары тартылды. 1,5 мың арнайы техника жұмылдырылды, оның 790-ы БҚО-ға еліміздің басқа өңірлерінен келген.
Негізгі міндет - елді мекендердің тұрғындары мен олардың үйлерін су тасқынынан қорғау. Жайық, Шаған, Деркөл өзендерінің бойындағы жағалауды нығайту жұмыстары жүргізілуде. Атап айтқанда, 700 мың құм толтырылған қапшық және 3 710 мың тонна инертті материал төселді. Қорғаныс үйінділері 4-5 метр биіктікке дейін көтерілді.
Қазіргі уақытта Оралда жедел-эвакуациялау пункттері ашылды, өңірде "Жедел желі" жұмыс істейді - оған 512 қоңырау келіп түсті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Әскери билеттер цифрлық форматқа ауыстырылды
Әскери билеттер цифрлық форматқа ауыстырылды, деп хабарлайды ҚР Қорғаныс министрлігінің баспасөз қызметінен.
Жұмысқа орналасу немесе оқу орнына қабылдау кезінде құжатты түпнұсқада ұсыну туралы талап алынып тасталды.
Енді жұмыс беруші азаматтың әскери қызметке қатынасы туралы мәліметтерді egov.kz электрондық үкімет ресурсын пайдалана отырып, автоматты түрде алады.
Заңнама бойынша заңды тұлғалар азаматтардың әскери қызметіне қатынасы туралы деректерді тіркеуге міндетті. Сондықтан кадр қызметтері бұрын әскери есепке алу құжаттарын (әскери билеттер, тіркеу туралы куәлік, әскери қызмет өткергенін растау туралы анықтама және т.б.) талап еткен.
Қорғаныс министрлігі Еңбек және халықты әлеуметтік қорғау, Цифрлық даму, инновациялар және аэроғарыш өнеркәсібі министрліктерімен, ҚР Мемлекеттік қызмет істері агенттігімен бірлесіп жұмыс берушінің сұрауына автоматты түрде жауап алуға мүмкіндік беретін интеграциялық жұмыстар жүргізді.
- Өткен жылдан бастап біз осы процестерді цифрландыру жөнінде жұмыс жүргіздік. Атап айтқанда, ақпараттық жүйені әзірлеп, оны іргелес мемлекеттік органдардың мәліметтер базасымен біріктірдік. Инновация кадрлық қызметтердің жұмысын жеңілдетіп, азаматтарды анықтама алу үшін уақыт жұмсаудан босатады. Егер бұрын бұл процестер бірнеше аптаға созылса, бүгінде бұл бір күнде жасалады, - деді Қорғаныс министрінің орынбасары Дархан Ахмедиев.
Жеке ұйымдар "Е-Еңбек" ақпараттық жүйесінде, мемлекеттік мекемелерде "Е-Қызмет" ресурсын пайдалана отырып, қызметкерлердің есебін жүргізетін болады.
Сонымен қоса әскери билет Қарулы күштер қатарында, басқа да әскерлер мен әскери құралымдарда әскери қызмет өткергендерге ғана берілетінін атап өткен жөн.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда арнайы сейсмологиялық зерттеу жүргізіледі
Алматыда Қазақстан президенті Қасым-Жомарт Тоқаевтың тапсырмасы бойынша арнайы сейсмологиялық зерттеу жүргізіледі, деп хабарлайды Ақорданың баспасөз қызметінен.
Тараздағы гидромелиоративтік-құрылыс институтын қайта қалпына келтіру жөнінде шешім қабылдадық. Оқу орнын материалдық-техникалық тұрғыдан толық жабдықтау керек. Сейсмология институтының жағдайы да мәз емес. Үкіметке осы институттың ғылыми әлеуетін арттыруға қатысты нақты ұсыныстар дайындауды тапсырдым. Сондай-ақ сейсмологияны және сейсмикалық режимді бақылау құралдарын дамыту бойынша пайдалы ұсыныстар әзірленуге тиіс.
Менің тапсырмаммен Алматы аумағына арнайы сейсмологиялық зерттеу жүргізіледі. Әкімдік үш жылдық зерттеу жұмыстарына қаржы бөледі. Энергетикалық апатты, эпидемияны, қуаңшылықты болжау және оның алдын алу мәселесі аса маңызды. Жауапты министрліктер тиісті саланы, ал әкімдіктер аймақтарды дамыту бағдарламаларын қайта қарауы керек. Әсіресе, төтенше жағдай туындау қаупі бар-жоғын мұқият зерттеу қажет. Бұл жұмысқа ғылыми қауымдастықты жұмылдырған жөн. Яғни гидрология, климатология, география, инженерия және өзге де сала мамандарын тарту қажет.
Тағы да қайталап айтқым келеді, мемлекеттік органдар барлық істе, ең алдымен, сапалы ғылыми қорытындыға сүйенуі керек. Бұл - өте маңызды міндет. Шешімдер әбден пысықталып, нақты негізделіп барып, қабылдануға тиіс. Талдау жүргізіп, ахуалды болжау үшін ғалымдардың қолында, зерттеу орталықтарында қажетті құрал-жабдықтар болуға тиіс"
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.