Система Orphus

Алматыда ұлтаралық араздықты өршіту мақсатында қазақ халқының ар-намысына нұқсан келтіретін жазбаларды қасақана жасаған азаматтар ұсталды - ІІМ

27.01.2010, 14:08 1143

Астана. 27 қаңтар. Kazakhstan Today - Алматыда ұлтаралық араздықты өршіту мақсатында қазақ халқының ар-намысына нұқсан келтіретін жазбаларды қасақана жасаған азаматтар ұсталды. Бұл туралы ҚР ІІМ-нің тіл саясаты және ақпарат департаментінің жетекшісі Қуанышбек Жұманов бүгін өткен брифингте мәлім етті, деп хабарлайды Kazakhstan Today.

"Алматы қаласының ішкі істер органдары үйлердің қабырғалары мен шарбақтарына қазақ халқының ар-намысына нұқсан келтіретін жазбаларды салу үстінде Борамбаевты, Жуасбайды және Жалғабаевты ұстады. Жалғабаев бұрын Маңғыстау облысында алаяқтық жасағаны үшін мемлекетаралық іздестіруде жүрген",- деді ІІМ өкілі.

Оның айтуынша, "жоғарыда аталған барлық азаматтардың ұлты қазақ, алайда олар ұлтаралық араздықты өршіту мақсатында Қазақстанда тұратын басқа ұлттардың атынан қазақ халқының ар-намысына нұқсан келтіретін жазбаларды қасақана жасаған".

"Ұсталғандар өздерін "Арман" қоғамдық қозғалысының жақтаушылары болып табылатынын хабарлады",- деді Қ.Жұманов.

"Психологиялық-физиологиялық сараптаманың қорытындысы бойынша бұл жазбалар ұлтаралық араздықты қасақана өршіту мақсатында жазылған. Қазақстан Республикасының Конституциясы мен еліміздің қолданыстағы заңнамасында әлеуметтік, ұлттық, нәсілдік немесе діни араздықты қоздыру қылмыстық жазаланатын іс-әрекет болып табылады. Қазіргі уақытта ұсталғандарға қатысты Қазақстан Республикасы Қылмыстық кодексінің 164-бабына сәйкес қылмыстық іс қозғау туралы мәселе шешілуде. Ішкі істер министрлігі заңнамаға сәйкес мұндай іс-әрекеттердің жолын қатаң кесіп отырады",- деді Қ.Жұманов.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны