Алматыда үш гидротехникалық құрылымға жобалық-сметалық құжаттама әзірлеуге ақша бөлінді
Астана. 12 қазан. Kazakhstan Today - Өӊірлерде сел қаупін азайту үшін Қазақстанда 3 жаӊа бөгет салынады, деп мәлімдеді ҚР ішкі істер министрініӊ орынбасары Юрий Ильин ОКҚ баспасөз конференциясы барысында.
Ю.Ильинніӊ айтуынша, ағымдағы жылдыӊ соӊына қарай селден қорғау құрылымдарды дамытуға жобалық-сметалық құжаттама қарастырылады. Мұнда Қорғас өзеніндегі бөгет құрылысы да қамтылады. Алайда ақырғы сома мемлекеттік сараптама өткеннен кейін мәлім болмақ.
"Ақсай шатқалында 3 жаӊа бөгет пайда болады, және Кіші Алматыдағы Мыӊжылқы бөгеті жаӊғыртылады. Сондықтан, жобалық ұйымдар осы бойынша жұмыс істеп жатыр. Селден қорғау құрылымдарын дамытуға қажетті нақты сома мемлекеттік сараптамадан кейін мәлім болады", - деді Ю. Ильин.
Оныӊ айтуынша, жергілікті бюджет қаражаты есебінен Алматыда үш гидротехникалық құрылымға жобалық-сметалық құжаттама әзірлеуге ақша бөлінді.
"Бұл Мыӊжылқы бөгетініӊ сыйымдылығын арттыру, Аюсай шатқалында №13 көлінде селден қорғайтын құрылым салу және Ақсай бөгетініӊ құрылысын жобалау. Қазіргі уақытта жергілікті бюджетке қаражат бөлінді, жыл соӊына қарай ЖСҚ жасау аяқталады, сосын біз жаӊа гидротехникалық құрылымдарды салуға қаражат бөлу ұсынысымен республикалық бюджетке жүгінеміз. Сонымен бірге, Қорғас бойынша ҚХР-мен Қорғас өзенінде бөгет түрінде гидротехникалық құрылым салу бойынша жұмыс жүргізіліп жатыр", - деді Ю. Ильин.
тақырып бойынша жаңалықтар
650 мыңнан астам қазақстандық тұрғын үйге кезекте тұр
Үкімет отырысында Премьер-Министр Олжас Бектенов тұрғын үй құрылысы және проблемалық объектілерді аяқтау мәселесі бойынша өнеркәсіп және құрылыс министрі Қанат Шарлапаевтың, сондай-ақ бірқатар өңірлер әкімдерінің баяндамасын тыңдады, деп хабарлайды ҚР Үкіметінің баспасөз қызметінен.
Олжас Бектенов Үкімет алдына биыл тұрғын үй құрылысына қатысты көптеген маңызды міндеттер қойылғанын атап өтті. Бұл - рекордтық 18 млн шаршы метр тұрғын үйді тапсыру, Мемлекет басшысының жаңа ипотекалық бағдарламаны іске қосу туралы тапсырмасын жүзеге асыру, сондай-ақ үлестік құрылыс пен заңсыз құрылыстың қордаланып қалған проблемаларын түпкілікті шешу.
Премьер-Министр қазіргі уақытта 650 мыңнан астам адам үй кезегінде тұрғанын атап өтті. 2023 жылы өңірлер әкімдіктері тұрғын үй бағдарламасына қатысуға өтініш берушілердің талаптарға сәйкестігін тексеру бойынша жұмыстарын бастады. Мәселен, Мысалы, Ақмола облысында баспана кезегінде тұрғандардың ішінде талаптарды бұзған 16 мыңға жуық азамат, Шымкент қаласында 36 мыңнан астам адам анықталды. Бірақ, олардың аз ғана бөлігі кезектен шығарылған.
Премьер-Министр әкімдіктерге тізімдерді бірінші жартыжылдықтың соңына дейін өзектендіруді және тұрғын үй бағдарламасының іске асырылуына мониторинг жүргізуді тапсырды.
Барлық әкімдіктер осы тізімдерді қайта қарап, жұмысты І жартыжылдықтың соңына дейін аяқтауы қажет. Бәрі белгіленген ережеге сай болуға тиіс. Кезекке қабылдауды ашық әрі бәріне түсінікті етіп жасау керек. Сондай-ақ тізімге енгізілген адамдарға нақты мониторинг жүргізілуге тиіс", - деп атап өтті Олжас Бектенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.