Алматының Медеу ауданында 38 жыл бойы пайдаланылған құбыр ауыстырылды

02.12.2024, 17:25 4026

Қостанайда есірткіге қарсы форум өтті

Қостанай қаласындағы Жастар сарайында облыстық полиция департаментінің ұйымдастыруымен ауқымды форум өтті, - деп хабарлайды Polisia.kz.

Бұл шара мыңнан астам оқушы мен студенттің басын қосып, жастардың есірткі қылмысының алдын алудағы белсенді рөлін айқындауға арналды. Іс-шара бағдарламасы ерекше мазмұнға толы болды. Алдымен қатысушылар арнайы техника, криминалистикалық зертхана және жауынгерлік қару-жарақ қойылған көрмені тамашалады. Бұл көрме Полиция департаментінің есірткіге қарсы күресте қандай құралдар мен әдістерді қолданатынын айқын көрсетті.

Біз қызметіміздің жұмысын ашық көрсету арқылы жастарға есірткі мәселесінің ауқымын түсіндіргіміз келеді. Олар бұл мәселеге бейжай қарамай, оның шешімінің бір бөлігі бола алатынын сезінулері керек", - деді Қостанай облысы полиция департаменті бастығының орынбасары Нұрбол Сәден.

Форум барысында жастар арасында есірткі қылмысының алдын алу және құқық бұзушылықтың салдары туралы мәселелер кеңінен талқыланды. Талқылауға Қостанай облысы әкімінің орынбасары Ринат Мұхаметқалиев, облыстық мәслихат депутаты Махаббат Жұтаев, психикалық денсаулық орталығының психолог-наркологы Гүлсім Бисімбаева және пара пауэрлифтинг бойынша жаттықтырушы Дмитрий Царенко қатысты.

Студенттер есірткімен күрес шаралары және қылмыс үшін қарастырылатын жазалар туралы белсенді сұрақтар қойып, талқылауға қатысты.

Есірткі - тек денсаулыққа қауіп төндіріп қана қоймай, заң бұзушылыққа алып келетін ауыр мәселе. Жастар осыны түсініп, өз өмірлеріне жауапкершілікпен қараулары тиіс", - деп атап өтті Қостанай облысы әкімінің орынбасары Ринат Мұхаметқалиев.

Форум аясында "Есірткіге қарсы үздік бейнеролик" байқауының жеңімпаздары марапатталды. Байқауға қатысқан 30 жұмыстың ішінен үздіктер таңдалып, үшінші орынды Қазтұтынуодағы Қостанай жоғары колледжінің студенті Бекзат Құбжасаров, екінші орынды Қостанай гуманитарлық колледжінің студенті Шыңғыс Шелдебаев, ал бірінші орынды Гуманитарлық колледждің студенті Константин Щербинин иеленді. Барлық жеңімпаздарға естелік сыйлықтар табысталды.

Біз студенттерді мұндай байқауларға қатысуға белсенді түрде ынталандырамыз. Бұл жастардың өзекті мәселелерді көтеріп қана қоймай, олардың шешімін іздеуге де атсалысуын қамтамасыз етеді", - деді Константин Щербинин.

Сонымен қатар студенттер жеңіл ақша табуға итермелейтін есірткі қылмысының түрмеге алып келетін салдары туралы бейнероликтер тамашалады. Форумның ерекше сәті - есірткі іздеуге маманданған бельгиялық овчарка Тесланың жұмысы болды. Студенттер жасырған заттарды Тесла әп-сәтте тауып, көрермендерді тәнті етті.

Іс-шара соңында есірткісіз жарқын болашаққа шақыратын музыкалық композициялар орындалып, жастарға салауатты өмір салтын ұстануға деген ынта-ықылас ұялатты. Бұл форум жастардың әлеуметтік жауапкершілігін арттырып, есірткіге қарсы күресте олардың белсенді рөл атқаруына түрткі болды.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

02.12.2024, 10:21 5041

Мүгедектікті белгілеу бойынша 86 мыңнан астам өтінім сырттай форматта қаралды

2023 жылы 76,4 мыңнан астам өтінім сырттай форматта қаралды

2024 жылдын басынын бастап мүгедектік тобын белгілеу үшін медициналық-әлеуметтік сараптама жүргізудің сырттай форматы бойынша пилоттық жобаны іске асыру шеңберінде Қазақстанның барлық өңірлерінен 86 мыңнан астам өтінім қаралды. Бүгінде сырттай форматта куәландыру 30 нозологиялық нысан бойынша жүргізіледі, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.

2023 жылы 76,4 мыңнан астам өтінім сырттай форматта қаралды, бұл куәландырудан өткен мүгедектігі бар адамдардың жалпы санының 30,4%-ын құрайды.

Бұған дейін хабарланғандай, Ұлттық қоғамдық сенім кеңесінің VI отырысында Мемлекет басшысы ерекше қажеттіліктері бар адамдар үшін барынша қолайлы жағдай жасауды, олардың инстанциялар мен қағазбастылық бойынша жүруін, сондай-ақ көрсетілетін қызметті берушілердің көрсетілетін қызметті алушылармен байланысын болдырмауды тапсырды.

Осы тапсырманы орындау мақсатында ҚР Еңбек және халықты әлеуметтік қорғау министрлігі Денсаулық сақтау мен Цифрлық даму, инновациялар және аэроғарыш өнеркәсібі министрліктерімен бірлесіп Қазақстанның барлық 20 өңірінде пилоттық режимде медициналық-әлеуметтік сараптама (бұдан әрі - МӘС) жүргізудің сырттай форматы бойынша жобаны іске асыруда.

Мүгедектік тобын белгілеу жөніндегі қызметті алу үшін өтініш берушіге тұрғылықты жері бойынша емханаға жүгіну және қажетті тексеруден өту қажет, қалған процестер ақпараттық жүйелерді интеграциялау есебінен оның қатысуынсыз өтеді.

Сырттай куәландыруға көшу:

- әкімшілік және бюрократиялық кедергілерді жояды;

- МӘС сараптамалық шешімдерінің ашықтығын қамтамасыз етеді;

- мүгедектікті белгілеу және мүгедектігі бар адамдарды әлеуметтік қорғау шараларын анықтау бойынша қызметтерді үйден шықпай-ақ алуға мүмкіндік береді;

- көрсетілетін қызметті алушының көрсетілетін қызметті берушімен тікелей байланысын болдырмайды, сол арқылы сыбайлас жемқорлық тәуекелдерін азайтады.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

29.11.2024, 19:34 58816

Қазақстанда су тасқынын болжау мен модельдеудің жаңа жүйесі қашан пайдалануға беріледі

Мемлекет басшысының тапсырмасы бойынша "Tasqyn" жобасы жүзеге асырылуда. Жүйе автоматтандырылған режимде су қоймасына су ағынын болжауға, көктемгі су тасқыны көлемін анықтауға және су басу аймақтарын модельдеуге мүмкіндік береді, деп хабарлайды Үкіметтің баспасөз қызметінен.

Оны әзірлеуге цифрлық даму, инновациялар және аэроғарыш өнеркәсібі, су және ирригация, төтенше жағдайлар, экология және табиғи ресурстар министрліктері қатысты.

Қазірдің өзінде "Қазсушар" РМК 86 су қоймасы цифрландырылды. "Қазгидромет" РМК және GloFAS жаһандық су тасқынының алдын алу жүйесінің деректері бойынша өзендердегі су шығындары мен деңгейлері бойынша нақты және болжамды деректерді көрсететін 75 өзен ағынының цифрлық гидрографы әзірленді.

Сондай-ақ бізге өз базамызды қалыптастыру және су тасқынын модельдеу дәлдігін жақсарту үшін тарихи деректерімізге сүйену маңызды", - деп атап өткен Қанат Бозымбаев әзірлеушілерге тиісті тапсырмалар берді.

ЦДИАӨМ - су тасқыны құбылыстарын үнемі бастан кешіретін өңірлер аумағының рельефін цифрландыруды аяқтайды.

Қазгидромет - қар жамылғысын, қардың жинақталған қорын және топыраққа тоңның қатуын бағалау үшін бақылауды арттырад.

СРИМ - жыл соңына дейін еліміздің негізгі өзендерінде батиметриялық түсірілім жүргізуді аяқтайды.

Жетілдірілгеннен кейін жүйе мүдделі мемлекеттік органдарды оқытып, осы жылдың соңына дейін өнеркәсіптік пайдалануға енгізіледі.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

29.11.2024, 18:30 59011

HR Enbek порталында жұмыс беруші және жұмыскер жөнінде ой-пікір қалдыру мүмкіндігі пайда болды

HR Enbek еңбек ресурстары порталында пікірлерді орналастыру бойынша жаңа функционал пайда болды. Онда жұмыскерлер - қазіргі және бұрынғы жұмыс орындары туралы, ал жұмыс берушілер - жұмыс жасайтын және жұмыстан шыққан жұмыскерлері туралы пікір қалдыра алады, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.

Пікірлер бес жұлдызды бағалау (өте нашардан өте жақсыға дейін) мен мәтіндік сипаттаманы қамтиды. Функционалдылық жұмыскер мен жұмыс берушінің өзара әрекеттесуінің оң немесе теріс тәжірибесін бағалауға мүмкіндік береді, бірақ бұл міндетті емес.

Пікір қалдырып, оның түпнұсқалығына кепілдік беру үшін оған электрондық цифрлық қолтаңба арқылы қол қою керек. Сіз өзіңіздің жазбаларыңызды "Менің пікірлерім" (пайдаланушы қалдырған) және "Мен туралы пікірлер" (пайдаланушы алған) салымдарындағы тиісті бөлімде көре аласыз. Жасалған және алынған пікірлер туралы барлық деректерді құжат форматында жүктеуге болады.

Сондай-ақ, қызметкер мен жұмыс беруші бір пікір қалдыра алады, бұл ынтымақтастық туралы ақпаратты толықтыруға немесе нақтылауға мүмкіндік береді.

Қазіргі уақытта жұмыс берушілер жұмысқа орналасуға үміткерлерді іріктеу кезінде "Жұмыскерлер" бөлімінде олар бойынша бұрынғы жұмыс орындарынан кері байланыс сұрай алады. Бұл ретте кандидатқа 1414 нөмірінен SMS арқылы немесе порталдағы жеке кабинетке, сондай-ақ HR Enbek мобильдік қосымшасында келісуге сұрау салу жіберіледі. Жұмыс беруші ақпаратқа келісім алғаннан кейін ғана қол жеткізе алады.

Enbek.kz электрондық еңбек биржасының порталында жұмыс берушілер туралы пікірлерді көру мүмкіндігі барлық ізденушілер үшін 2025 жылы қолжетімді болады.

Бұл функционал жұмыс берушілер мен жұмыскерлер арасындағы қарым-қатынастардың ашықтығын арттыруға, жұмыс іздеу және қызметкерлерді жұмысқа алу процесін жеңілдетуге бағытталған.

Пайдаланушы берілген ақпарат үшін толық жауап беретінін ескеру маңызды. Осы онлайн-платформаларда дәйексіз ақпарат қалдырған жағдайда заңдық тұрғыдан жауапкершілік қарастырылған. Жалған ақпаратты тарату әкімшілік жауапкершілікке әкеп соғады.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

29.11.2024, 17:47 64896

Мемлекет басшысы Мәдениет және ақпарат министрі Аида Балаеваны қабылдады

Мемлекет басшысы Мәдениет және ақпарат министрі Аида Балаеваны қабылдады, деп хабарлайды Ақорданың баспасөз қызметінен.

Президентке министрліктің мәдениет, ақпарат, азаматтық қоғам, дін, этносаралық қатынас, жастар саясаты, креативті индустрия, отбасы-демографиялық саясат, мұрағат және кітапхана ісі салаларында биылғы атқарған шаралары, сондай-ақ ведомствоның 2025 жылға арналған перспективті жоспарларын жүзеге асыруға дайындығы жөнінде мәлімет берілді.

Аида Балаеваның айтуынша, биыл алғаш рет қазақ өнері әлемге әйгілі арт-алаңдарда, атап айтқанда, Венеция биенналесінде, Гиме Азия өнері музейінде таныстырылды. Қазақстанның баспа өнімдері Франкфурт кітап жәрмеңкесінде көрсетілді.

Сегіз тілде Qazaq сulture ақпараттық-ағартушылық платформасын іске қосу еліміздің тарихын, мәдениетін және салт-дәстүрін дәріптеу тұрғысынан маңызды жобаға айналды. Бұдан бөлек, Астанада өткен V Дүниежүзілік көшпенділер ойындарының ашылу және жабылу салтанаты айтулы мәдени-бұқаралық іс-шара ретінде бағаланды.

Қасым-Жомарт Тоқаевқа министрліктің заң жобаларын әзірлеу бағытында атқарған жұмысы туралы баяндалды. Атап айтқанда, биыл елімізде журналистердің мәртебесін арттыруды көздейтін жаңа БАҚ туралы заң қабылданды. "Қазақфильм" киностудиясын тікелей қаржыландыруды қарастыратын заңнамалық өзгерістер Парламент қарауына ұсынылды.

Мемлекет басшысына еріктілер қозғалысын дамыту шаралары жөнінде есеп берілді. Министрдің айтуынша, 2022 жылмен салыстырғанда, белсенді еріктілер саны 240 мың адамға дейін артты. Жыл сайын 50-ден астам волонтерлік жоба жүзеге асырылады, сондай-ақ 7 қазақстандық ерікті БҰҰ құрылымдарына жіберілді.

Аида Балаева креативті индустрияны қолдау шаралары әзірленгенін жеткізді. Олардың қатарында Креативті индустрия қорын құру, орталық және жергілікті атқарушы органдардың құзыретін кеңейту бастамалары бар. Креативті индустрия субъектілеріне арнайы салық режимі енгізілді. Жыл басынан бері елімізде 10 креативті орталық пен хаб ашылды.

Кездесу соңында Президент келесі жылы өтетін Қазақстан халқы Ассамблеясының 30 жылдығы, Ұлы Жеңістің 80 жылдығы, Әлемдік және дәстүрлі діндер көшбасшыларының съезі секілді мерейтойлық әрі маңызды іс-шараларға дайындық барысын жіті бақылауға алуды тапсырды.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

29.11.2024, 13:22 64186

Қазақстанда 2025 жылғы көктемгі егіс және егін жинау жұмыстарын қаржыландыру басталды

Қазақстанда 2025 жылғы көктемгі егіс және егін жинау жұмыстарын қаржыландыру басталды, деп хабарлайды Үкіметтің баспасөз қызметінен.

Мемлекет басшысы жақында өткен агрофорумда агроөнеркәсіптік кешен экономикалық өсімнің негізгі күштерінің бірі саналатынын атап өтті.

Үкімет АӨК дамыту жөніндегі міндеттерге қол жеткізу мақсатында кешенді шаралар қабылдауда. Қазақстанда Премьер-министрдің тапсырмасы бойынша фермерлердің өтініш-тілектерін ескере отырып, осы жылдың 29 қарашасынан бастап 2025 жылғы көктемгі егіс және егін жинау жұмыстарын жүргізуді қаржыландыру басталды.

Президенттің тапсырмасын орындау шеңберінде 2025 жылғы көктемгі егіс және егін жинау жұмыстарына 700 млрд теңгеге дейін бағытталады, оның 560 млрд теңгесі капиталдың нарықтық көздерінен тартылатын болады.

Бүгіннен бастап "Аграрлық несие корпорациясы" АҚ жылдық 5% деңгейінде жеңілдікті сыйақы мөлшерлемесімен "Кең дала 2" бағдарламасы бойынша қаржыландыру тетігі іске қосылды. 684 ауыл шаруашылығы тауарын өндірушілерден шамамен 82 млрд теңге сомаға өтінімдердің жалпы пулы қалыптастырылды, оның ішінде 176 өтінім жұмысқа қабылданды. Тағы 508 өтініш бойынша 59,9 млрд теңгеге құжаттар жиналады.

Қаржыландыру алғаш рет көктемгі егіс және егін жинау жұмыстарын жүргізуден бұрын басталғанын атап өту маңызды, бұл фермерлерге тұқымды, тыңайтқышты алдын-ала сатып алуға, техниканы дайындауға және барлық қажетті жұмысты сапалы жүргізуге мүмкіндік береді. Үкімет қабылдаған шаралардың арқасында шаруалар өздеріне барынша қолайлы жағдайлар бойынша жедел қаржылық қолдау алады. Бұдан басқа, қарыздарды ресімдеу үшін де, оларды кейіннен өтеу үшін де жүгінуге болатын қаржы институттарының саны ұлғайды. Қаражатқа екінші деңгейлі банктер, несиелік серіктестіктер, әлеуметтік-кәсіпкерлік корпорациялар және Аграрлық несие корпорациясы арқылы қол жеткізуге болады. Сондай-ақ кәсіпкерлер жиі көтеретін кепілмен қамтамасыз етудің жетіспеушілігі мәселелерін шешу үшін "Кең дала 2" бағдарламасы бойынша қарыз сомасының 85%-ын "Даму" кәсіпкерлікті дамыту қоры кепілдік береді.

Консультация алу және өтінімдер беру үшін "Аграрлық несие корпорациясы" АҚ-ның жақын маңдағы өңірлік филиалдарына жүгіну қажет. Қосымша ақпаратты Agrocredit.kz сайтынан алуға болады және Kcell, Activ, Beeline абоненттері үшін 5353 Call center нөмірі, Tele 2, Altel үшін 8 701 006 19 91 телефон нөмірі жұмыс істейді.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

29.11.2024, 11:59 64541

Ұялы байланыс абоненттерінің саны артты

Ұялы байланыс абоненттерінің саны артты, деп хабарлайды Qazstat.

2024 жылғы 1 қарашаға Қазақстанда 26 млн ұялы байланыс абоненті тіркелген, бұл өткен жылдың сәйкес кезеңімен салыстырғанда 3,6% көп.

Абоненттердің жалпы санының 18,7 млн интернетке қосылған, бір жылдағы өсім 4,8%.

Ұялы байланыс абоненттерінің тығыздығы 100 адамға шаққанда 129 бірлікті құрады, оның ішінде 93 абонент интернет желісіне қосылған.

2024 жылғы қаңтар-қазан аралығында ұялы байланыс саласында көрсетілген қызметтердің көлемі 191,3 млрд теңгені құрады, бұл өткен жылдың сәйкес кезеңімен салыстырғанда 14,4% төмен.

10 ай ішіндегі жалпы байланыс саласындағы қызметтер көлемі 1,1 трлн теңгеге жетті, оның ішінде 52,5% интернет қызметтеріне тиесілі.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

28.11.2024, 18:20 84796

Көкшетауда "Ұлы даланың ұлтаралық тілі" атты республикалық форумы өтті

Көкшетау қаласының Достық үйінде "Мемлекеттік тіл - этносаралдық қатынас тілі" жобасын іске асыру аясында этностар арасында мемлекеттік тілді насихаттауға және дамытуға бағытталған "Ұлы даланың ұлтаралық тілі" республикалық форумы өтті, деп хабарлайды ҚР Мәдениет және ақпарат министрлігінің баспасөз қызметі.

Форум спикерлері қазақ тілін меңгерудің үздік тәжірибелерімен бөлісті.

Іс-шара соңында форумға қатысушылар үшін Көкшетау қаласының көрікті жерлеріне экскурсия ұйымдастырылды.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Алматының Медеу ауданында 38 жыл бойы пайдаланылған құбыр ауыстырылды

тақырып бойынша жаңалықтар

Ең көп оқылғаны

Өзекті

Мүгедектікті белгілеу бойынша 86 мыңнан астам өтінім сырттай форматта қаралды