Астанада бүгін Оӊтүстік Қазақстан облысыныӊ күндері басталды
Астана. 14 қазан. Kazakhstan Today - Астанада Қазақстан Тәуелсіздігініӊ 25 жылдығын мерекелеу аясында "Қуатты өӊір - қуатты Қазақстан" деген атаумен өӊірлердіӊ күндері өтіп жатқаны белгілі. Аталмыш іс-шараны өткізу кезегі Оӊтүстік Қазақстан облысына келді.
Астанада қазан айыныӊ 14 мен 16 күндері осыған орай "Қуатты өӊір - қуатты Қазақстан" атты Оӊтүстік Қазақстан облысыныӊ Астана қаласындағы күндері өтеді.
Облыс күндері 14 қазан күні сағат 15.30-да "Қазмедиа" ақпараттық орталығында облыс әкімі орынбасарыныӊ өӊірдіӊ әлеуметтік-экономикалық дамуы жөніндегі баспасөз конференциясынан басталады деп күтілуде.
Ал 15 қазан күні Оӊтүстік Қазақстан облысыныӊ Астана қаласындағы күндері аясында төрт іс-шара қарастырылған. Атап айтатын болсақ, сағат 10.00-де Қазақстан Республикасыныӊ Ұлттық музейінде "Шырайлы Оӊтүстіктіӊ шежіресі" атты тақырыпта Оӊтүстік Қазақстан облысы бейнелеу өнері музейі көрмесініӊ салтанатты ашылуы өтеді.
Сондай-ақ, осы күні сағат 11.00-де Қазақстан Республикасыныӊ Ұлттық музейінде ақын, жазушы, Қазақстанныӊ еӊбек сіӊірген қызметкері, "Алаш" сыйлығыныӊ иегері Ханбибі Есенқарақызыныӊ шығармашылық кеші өтеді.
Сол күні Ұлттық академиялық кітапханасы сағат 15.00-де "Ұлысымныӊ ұйытқысы - Оӊтүстік" атты облыс ақын-жазушыларыныӊ кездесу кеші мен кітап көрмесімен көрерменді күтеді.
15 қазан күнгі кеш сағат 18.00-де Жастар орталығындағы "Оӊтүстік жайдарманшылары" жайдарман ойындарымен аяқталады.
Іс-шара аясында бірнеше экономикалық шаралар да ойластырылған.
Мәселен, 15-16 қазан күндері сағат 09.00-19.00 аралығында Астананыӊ "Хан шатыр" ойын-сауық орталығыныӊ алаӊында "Қазақстанда жасалған" акциясыныӊ шеӊберінде ауыл шаруашылығы өнімдерініӊ жәрмеӊкесі өткізіледі.
Бұдан бөлек, 15-16 қазанда сағат 09.00-19.00 аралығында Елордасыныӊ "Конгрес холл" залында "Қазақстанда жасалған" акциясыныӊ шеӊберінде оӊтүстік өӊірдіӊ кәсіпорындары өнімдерініӊ жәрмеӊкесі де өтеді.
Іс-шараныӊ соӊғы күні -16 қазанда сағат 17.00-де "Конгрес холл" залында екі іс-шара жоспарланып отыр.
Тұӊғыш Президент - Елбасыныӊ Тәуелсіз Қазақстанныӊ қалыптасуындағы рөлін көрсету мақсатында "Нұрын шашқан Оӊтүстік" фотокөрмесі ұйымдастырылмақшы.
Сондай-ақ, 16 қазан күнгі сағат 17.00-де "Конгрес холл" залында "Ин - шашуым өзіӊе, мерейлі Астанам!" атты Оӊтүстік Қазақстан облысы өнер шеберлерініӊ гала-концертімен облыстыӊ Елордасындағы күндері қорытындыланады.
Бұдан бұрын да хабарлағанымыздай, Оӊтүстік Қазақстан облысыныӊ Елордасы - Астанадағы күндері аясында облыстық өнеркәсіп өндірушілердіӊ көрмесі мен ауыл шаруашылығы өнімдерініӊ жәрмеӊкесі өтеді, деп хабарлайды ОҚО әкімініӊ баспасөз қызметі.
Осыған орай, өӊірден Астанаға 300 тоннадан астам ауыл шаруашылығы өнімдері тиелген керуен жолға шықты. Мерейтойға тарту ретінде оӊтүстікқазақстандық дихандар өз өнімдерін нарықтағы бағадан 15-20 пайызға арзан саудаламақ.
Сонымен, жалпы көлемі 304 тонна болатын өнімдердіӊ құрамында 60 тонна ет және ет өнімдері, 126 тонна көкөніс, 29 тонна жеміс-жидек, 7 тонна сүт өнімдері, 5 тонна шұбат, 25 мыӊ дана жұмыртқа, 40 тонна бақша өнімдері, 7 тонна балық, 7 тонна бал, 3 тонна өсімдік майы мен 5 тонна кептірілген жеміс, 15 тонна басқа да өнімдер бар.
Мұндағы ауыл шаруашылық өнімдерініӊ жалпы құны 100,8 млн.теӊгені құрайды. Елордада "Хан Шатыр" сауда-ойын-сауық орталығы маӊында 15-16 қазан күндері өтетін ауыл шаруашылығы жәрмеӊкесіне Оӊтүстік өӊірдіӊ 50-ден астам тауар өндірушілері сапалы әрі балғын өнімдерін тұрғындарға ұсынбақ.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.