Астанада "ЭКСПО-2017 саяжолы" пайда болды
Астана. 29 сәуір. Kazakhstan Today - 2015 жылдыӊ 28 сәуірінде "Астана ЭКСПО-2017" Ұлттық компаниясы "Ұлттық орман отырғызу күні" науқанын өткізді. Іс-шара аясында қатысушылар "ЭКСПО-2017 саяжолында" 1630 көшетті екті. "ЭКСПО-2017 саяжолы" қаланыӊ көркін келтіріп қана қоймай, сонымен бірге, елорда оқушылары мен қоғамдық қайраткерлердіӊ Астананыӊ "жасыл" қорын қалыптастыруға қосқан үлкен үлестерініӊ біріне айналмақ, деп хабарлайды Kazakhstan Today агенттігініӊ тілшісі.
Іс-шараны "Астана ЭКСПО-2017" ҰК" АҚ, "Жасыл" экономиканы қолдау және G-Global-ды дамыту коалициясы", "Тұрақты даму" Жер қоры" және Назарбаев Зияткерлік мектебі ұйымдастырды.
Науқанды "Астана ЭКСПО-2017" ҰК Басқарма Төрағасы Талғат Ермегияев құттықтау сөзімен ашып, Қазақстанныӊ әрбір қаласыныӊ өзініӊ "ЭКСПО-2017 саяжолы" болсын деген тілегімен науқанға қатысушылардыӊ барлығына алғысын білдірді.
"Біз көрменіӊ "Болашақ энергиясы" тақырыбын ілгерілетуге қосқан сіздердіӊ әрбіріӊіздіӊ үлестеріӊізді жоғары бағалаймыз және де алда келе жатқан ЭКСПО-2017 көрмесініӊ арқасында бір алаӊда барлығыӊыздыӊ бастарыӊызды қосып, сіздерден қолдау тауып, ЭКСПО саяжолын егіп отырғанымызға аса қуаныштымыз. Астананыӊ ЭКСПО саяжолы Қазақстанныӊ барлық өӊірлерінде осындай көптеген саяжолдардыӊ отырғызылуына бастама беріп, жас көшеттер ЭКСПО-2017 көрмесініӊ елімізге қалдырған мирасына айналады деп үміттенемін", - деп атап өтті Т.Ермегияев.
Сондай-ақ, іс-шара кезінде ҚР Сыртқы істер министрініӊ бірінші орынбасары - ЭКСПО-2017 Халықаралық мамандандырылған көрменіӊ комиссары Рәпіл Жошыбаев, БҰҰ-ныӊ Қазақстандағы тұрақты үйлестірушісі Стивен Тулл және "Назарбаев Зияткерлік мектебі" ААҚ басқарма төрайымы Күләш Шәмшидинова қатысушылар алдында сөз сөйледі.
Рәпіл Жошыбаев атап өткендей, "ЭКСПО-2017 саяжолында" ағаштарды отырғызу ерекше мәнге ие, өйткені алда келе жатқан көрмеде қамтылған тақырыптардыӊ бірі ғаламшарымыздағы ауаға шығарылатын көмірқышқыл газы мөлшерін азайтуға арналған, ал қалада жас көшеттердіӊ көбейіп отырғаны - қоршаған ортамызды сақтау үшін тағы да бір алға қарай қадам басқанымыздыӊ айғағы.
6 қатар етіп отырғызылған "ЭКСПО-2017 саяжолы" іс-шараға қатысқандар еӊбегініӊ жемісіне айналды. Осы қатарлардыӊ әрқайсысында нақты бір адамдар тобы - дипломаттар, ҚР Парламент депутаттары, бизнесмендер, ҮЕҰ өкілдері, жастар, Назарбаев Зияткерлік мектебініӊ оқушылары ағаш екті.
Іс-шара қатысушыларына арнап концерттік бағдарлама және ЭКСПО-2017 еріктілерініӊ флешмобы ұйымдастырылды.
*
"Астана ЭКСПО-2017" Ұлттық компаниясы" АҚ ЭКСПО-2017 Халықаралық мамандандырылған көрмесіне дайындалу және оны өткізу үшін 2013 жылдыӊ 15 қаӊтарында құрылды. Көрме Астанада 2017 жылдыӊ 10 маусымынан бастап 10 қыркүйегіне дейінгі аралықта өтеді.
Оған 100 ел, 10-нан аз емес халықаралық ұйым, инновациялық технологиялар саласындағы 10 көшбасшы компания қатысады деп жоспарлануда. Жалпы алғанда, көрмеге 2 миллионнан аса қонақ 5 миллионға жуық рет келеді деп күтілуде.
Қосымша ақпарат алу үшін "Астана ЭКСПО-2017" ҰК" АҚ баспасөз қызметіне хабарласыӊыз
тақырып бойынша жаңалықтар
650 мыңнан астам қазақстандық тұрғын үйге кезекте тұр
Үкімет отырысында Премьер-Министр Олжас Бектенов тұрғын үй құрылысы және проблемалық объектілерді аяқтау мәселесі бойынша өнеркәсіп және құрылыс министрі Қанат Шарлапаевтың, сондай-ақ бірқатар өңірлер әкімдерінің баяндамасын тыңдады, деп хабарлайды ҚР Үкіметінің баспасөз қызметінен.
Олжас Бектенов Үкімет алдына биыл тұрғын үй құрылысына қатысты көптеген маңызды міндеттер қойылғанын атап өтті. Бұл - рекордтық 18 млн шаршы метр тұрғын үйді тапсыру, Мемлекет басшысының жаңа ипотекалық бағдарламаны іске қосу туралы тапсырмасын жүзеге асыру, сондай-ақ үлестік құрылыс пен заңсыз құрылыстың қордаланып қалған проблемаларын түпкілікті шешу.
Премьер-Министр қазіргі уақытта 650 мыңнан астам адам үй кезегінде тұрғанын атап өтті. 2023 жылы өңірлер әкімдіктері тұрғын үй бағдарламасына қатысуға өтініш берушілердің талаптарға сәйкестігін тексеру бойынша жұмыстарын бастады. Мәселен, Мысалы, Ақмола облысында баспана кезегінде тұрғандардың ішінде талаптарды бұзған 16 мыңға жуық азамат, Шымкент қаласында 36 мыңнан астам адам анықталды. Бірақ, олардың аз ғана бөлігі кезектен шығарылған.
Премьер-Министр әкімдіктерге тізімдерді бірінші жартыжылдықтың соңына дейін өзектендіруді және тұрғын үй бағдарламасының іске асырылуына мониторинг жүргізуді тапсырды.
Барлық әкімдіктер осы тізімдерді қайта қарап, жұмысты І жартыжылдықтың соңына дейін аяқтауы қажет. Бәрі белгіленген ережеге сай болуға тиіс. Кезекке қабылдауды ашық әрі бәріне түсінікті етіп жасау керек. Сондай-ақ тізімге енгізілген адамдарға нақты мониторинг жүргізілуге тиіс", - деп атап өтті Олжас Бектенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда интернет-казино ұйымдастырғаны үшін қылмыстық жауапкершілік енгізілуде
Мәжіліс ойын бизнесі, лотереялар және лотерея қызметі мәселелері бойынша заңнамалық өзгерістерді Әкімшілік құқық бұзушылық туралы кодекске енгізілетін ілеспе түзетулерімен бірінші оқылымда мақұлдады, деп хабарлайды Төменгі палатаның баспасөз қызметінен.
Заң жобалары Мемлекет басшысының құмар ойындарға тәуелділікке қарсы күресті күшейту туралы тапсырмасы аясында әзірленді. Оған депутаттар бастамашы болды.
Заң жобасы бойынша жеке тұлғалардың құмар ойындарға және бәс тігуге қатысу жасы 21-ден 25 жасқа көтеріледі. Сонымен қатар алимент және несие берешегі өтелмеген азаматтардың, яғни борышкерлердің бірыңғай реестрінде тұрған тұлғалардың құмар ойын ойнауына тыйым салынады.
Аталған санаттарға заңсыз ойын ойнауға мүмкіндік берген заңды тұлғалар әкімшілік жауапкершілікке тартылады. Бұл жағдайда орта кәсіпкерлік субъектілеріне - 300 АЕК, ірі кәсіпкерлік субъектілеріне - 1000 АЕК көлемінде айыппұл салынады.
Сондай-ақ ойын бизнесін ұйымдастырушылар құмар ойындар мен бәс тігудің тәуекелдері мен зияны туралы хабарлауға міндеттеледі. Мұндай ақпарат ойын мекемелерінде, ғимараттарда, билет кассаларында және букмекерлік кеңселер мен тотализаторлардың электронды кассаларында, казино кассалары мен ойын автоматтары залдарында, сондай-ақ өздерінің интернет-ресурстарында орналастырылуы тиіс. Талаптарды орындамағандар әкімшілік жауапкершілікке тартылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Өнімсіз делдалдар электрмен жабдықтау тізбегінен шығарылады
Мемлекет басшысының экономиканы демонополизациялау және жасанды түрде құрылған делдалдық тізбектерді жою жөніндегі тапсырмасын іске асыру шеңберінде Үкімет энергиямен жабдықтау нарығында тәртіп орнатуға кірісті. Басты мақсат - тұтынушылар үшін электр энергиясының түпкілікті құнын негізсіз көтеретін делдалдарды алып тастау, деп хабарлайды Үкіметтің баспасөз қызметінен.
Премьер-Министр Олжас Бектеновтің тапсырмасы бойынша биылғы 1 сәуірден бастап нарықта 2004 жылдан бері жұмыс істеп келе жатқан және бизнес пен бірқатар бюджеттік ұйымдар үшін тарифтердің мөлшерін дербес белгілей алатын реттелмейтін энергиямен жабдықтаушы ұйымдардың (бұдан әрі - ЭЖҰ) жұмысы тоқтатылды. Бұл ретте талдау көрсеткендей, мұндай компаниялардың табыстылығы 1 кВтсағ үшін шамамен 30-50% немесе 5-20 теңгені құраған. Реттелмейтін ЭЖҰ-дан түскен пайда энергетикалық жүйені жаңғыртуға пайдаланылмады.
ҚР Парламенті Мәжілісінің бірінші оқылымында мақұлданған "Жылу энергетикасы туралы" жаңа заң аясында өнімсіз делдалдарды жою жұмыстары жалғасатын болады. Электрмен жабдықтау нарығындағы қазіргі проблемаларды шешу үшін ҚР Үкіметі бірінші кезеңде реттелмейтін ЭЖҰ қызметін шектеу туралы шешім қабылдады. Екінші кезеңде электрмен жабдықтау саласын өңірлік электр желілері компанияларына беру қарастырылады. Бұл электр энергиясының тарифіне жағымды әсер етеді, сонымен қатар келесідей оң әсерлерге әкеледі:
- заңды тұлғалар үшін тарифтерді төмендету, тиісінше, бизнеске жүктемені азайту, бұл халық үшін түпкілікті өнім бағасының тең шарттары мен төмендеуін қамтамасыз етеді;
- бюджет қаражатын үнемдеуге алып келетін және үнемделген қаражатты әлеуметтік маңызы бар жобаларға бағыттауға мүмкіндік беретін бюджеттік ұйымдар үшін тарифті төмендету;
- соңғы тұтынушылар үшін тарифке ең аз әсер ете отырып, энергетика секторына инвестицияларды ұлғайту.
Осындай жұмыстар өнімсіз делдалдар кесірінен бағаның негізсіз көтерілуі байқалатын өзге де салаларда жүргізілетін болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.