Астанада I Халықаралық ғылыми-тәжірибелік конференция аясында үздік жас ғалымдар марапатталды
Астанадағы ҚР Президенті жанындағы Мемлекеттік басқару академиясында "Зияткерлік көшбасшылық: дамудың жаңа бағыттары" атты I Халықаралық ғылыми-тәжірибелік конференция өтті.
Алматы. 11 сәуір. Kazakhstan today. Астанадағы ҚР Президенті жанындағы Мемлекеттік басқару академиясында "Зияткерлік көшбасшылық: дамудың жаңа бағыттары" атты I Халықаралық ғылыми-тәжірибелік конференция өтті.
Шараға магистранттар, докторанттар, Қазақстан мен шетелдің, соның ішінде мемлекеттік қызмет саласындағы білім және тәжірибемен алмасу бойынша Өңірлік хабқа мүше мемлекеттердің ЖОО жас оқымыстылары қатысты.
ҚР Президенті жанындағы Мемлекеттік қызмет Академиясы ректорының айтуынша, аталмыш конференция жас ғалымдардың шығармашылық белсенділіктерін арттырып, елдің зияткерлік капиталын құруға мүмкіндік береді.
Айта кету керек, шара екі басты бағыт бойынша өрбіді: Қазақстанның сыртқы саясатының құрылғанына 70 жыл толуына және Ғылым күніне орайластырылды. Үздік деген ғылыми-зерттеу жобалары дипломдармен, құнды сыйлықтармен марапатталды.
"Бүгін біздің ғалымдар белсенді түрде ғылыми қызметтерді қаржыландыру бағытының болашағын анықтауға қатысуда. Нәтижесінде соңғы бірнеше жылда қазақстандық ғылым айтарлықтай даму көрсеткішін байқатуда. Өздеріңізге де белгілі, Мемлекет басшысы өз Жолдауында үшінші басым бағыт ретінде бірінші кезекте қазақстандық ғылымды алға сүйреуші күш болып қалыптасатын ғылыми экономика құруды шегелей тапсырды. Қазіргі таңда Академия жаңа технологиялардың дамуы мен оның оқу процесіне енгізілуіне баса назар аударуда", - дейді ректор.
Шара барысында мемлекеттік басқару тиімділігі, басқару мамандарының бәсекеге қабілеттілігі мен көшбасшылығы, экономиканың даму бағыттары, Қазақстанның сыртқы саясатының жаңа тұжырымдамасы мен заңнамалық мәселелер талқыланды.
"Біз Қазақстандық мемлекеттік қызмет пен мемлекеттік басқару мектебі ғылымының жаңа деңгейге көтеріліп, мемлекеттік қызметіміз бен мемлекеттік басқаруымыздың қуатты ғылыми іргетасы ретінде жаңа деңгейге көтерілетінін күтіп отырмыз. Осы орайда Еуроодақ секілді жобалармен тығыз қарым-қатынас орнатудың маңыздылығы орасан", - дейді ҚР Мемлекеттік қызмет істері агенттігінің төрағасы Илихан Бәйменов.
Оның айтуынша, конференция қорытындысы бойынша ұсынылған ұсыныстар мемлекеттік органдар мен Қазақстанның ЖОО-да пайдаланылатын болады.
Естеріңізге сала кеетейік, конференция "Қазақстан Үкіметінің мемлекеттік қызметін жаңғырту мен реформалау" Еуроодақ жобасы мен Астанадағы Мемлекеттік қызмет саласындағы Өңірлік хабтың қолдауымен өткізілді.
"Бүгінгі конференция қол жеткізген зерттеу жұмыстарының мәселелеріне бағытталған. Менің пікірімше, мемлекеттік қызмет реформасын тағы да дамыту түсу үшін осы бағыттағы халықаралық тәжірибені қолданып, Агенттік пен Академияның халықаралық оқу орындарымен тығыз қатынасын қамтамасыз етуіміз керек", - дейді "Қазақстан Үкіметінің мемлекеттік қызметін жаңғырту мен реформалау" Еуроодақ жобасы жетекшісі Дж. Мирогияннис.
тақырып бойынша жаңалықтар
Тоқаев су тасқыны кезінде имидждік және басқа да ірі іс шараларды өткізуден бас тартуды тапсырды
Сурет: akorda
Мемлекет басшысы еліміздің бірқатар өңіріндегі су тасқынына байланысты қалыптасқан күрделі жағдайды ескере отырып, сондай-ақ бюджет қаржысын үнемдеу мақсатында Үкіметке, орталық мемлекеттік және жергілікті атқарушы органдарға имидждік және басқа да ірі іс-шараларды өткізбеу жөнінде тапсырма берді, деп хабарлайды Ақорданың баспасөз қызметінен.
Мен бюджет қаржысын үнемдеу мақсатында ірі халықаралық форумды өткізуден бас тарттым. Сонымен қатар Дүниежүзілік көшпенділер ойындарына жұмсалатын шығынды қысқартамыз. Әрине, қазір бұл шарадан түпкілікті бас тарту мүмкін емес. Бірақ оған жұмсалатын қаржы көлемі айтарлықтай азаяды. Бұдан бөлек, еліміздің Токиода өтетін Дүниежүзілік көрмеге қатысуына бөлінген бюджет те қысқарады", – деді Президент.
Қасым-Жомарт Тоқаев барлық мемлекеттік органға су тасқыны салдарынан сабақ алуы керек екенін айтты.
Бізде мұндай апаттарды алдын ала ескерту жүйесі жетіспейді. Қажетті мамандар да тапшы. Қазір гидротехник кадрларды даярлау туралы шұғыл шешім қабылданды", – деді Мемлекет басшысы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Оралда су тасқынының келесі толқынына дайындық қызу жүргізілуде
Қазақстан Премьер-Министрі Олжас Бектенов су тасқынына қарсы іс-шараларды үйлестіру үшін Орал қаласында жүр. Үкімет басшысы өңірге келісімен Жайық өзенінің жағалауын нығайту және бөгет құрылыстарын салу жұмыстарының барысын тексерді, деп хабарлайды Үкіметтің баспасөз қызметінен.
Сонымен қатар Олжас Бектенов жағдайды бақылау үшін өңір аумағында орналасқан су қоймаларының өзен арнасын тікұшақпен аралайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
БҚО үлкен суға дайындық үстінде
Батыс Қазақстан облысында ауқымды су тасқынының алдын алу шаралары қабылдануда. Су тасқынына қарсы жұмыстарды жүргізу үшін өңірде шоғырланған күштер тобы 6,3 мың адамнан асты, деп хабарлайды ҚР ПРемьер-министрінің баспасөз қызметінен.
Үкіметтің тапсырмасы бойынша елді мекендерден үлкен суды бұрып әкету және су тасқынынан келетін шығынды азайту үшін барлық күштер мен құралдар жұмылдырылды.
Облыста ТЖМ-ның 1 мыңнан астам қызметкері, Ұлттық ұланның 700-ден астам, Қорғаныс министрлігінің 600 әскери қызметшісі жұмылдырылды. Жұмысқа волонтерлік ұйымдардың қатысушылары тартылды. 1,5 мың арнайы техника жұмылдырылды, оның 790-ы БҚО-ға еліміздің басқа өңірлерінен келген.
Негізгі міндет - елді мекендердің тұрғындары мен олардың үйлерін су тасқынынан қорғау. Жайық, Шаған, Деркөл өзендерінің бойындағы жағалауды нығайту жұмыстары жүргізілуде. Атап айтқанда, 700 мың құм толтырылған қапшық және 3 710 мың тонна инертті материал төселді. Қорғаныс үйінділері 4-5 метр биіктікке дейін көтерілді.
Қазіргі уақытта Оралда жедел-эвакуациялау пункттері ашылды, өңірде "Жедел желі" жұмыс істейді - оған 512 қоңырау келіп түсті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Әскери билеттер цифрлық форматқа ауыстырылды
Әскери билеттер цифрлық форматқа ауыстырылды, деп хабарлайды ҚР Қорғаныс министрлігінің баспасөз қызметінен.
Жұмысқа орналасу немесе оқу орнына қабылдау кезінде құжатты түпнұсқада ұсыну туралы талап алынып тасталды.
Енді жұмыс беруші азаматтың әскери қызметке қатынасы туралы мәліметтерді egov.kz электрондық үкімет ресурсын пайдалана отырып, автоматты түрде алады.
Заңнама бойынша заңды тұлғалар азаматтардың әскери қызметіне қатынасы туралы деректерді тіркеуге міндетті. Сондықтан кадр қызметтері бұрын әскери есепке алу құжаттарын (әскери билеттер, тіркеу туралы куәлік, әскери қызмет өткергенін растау туралы анықтама және т.б.) талап еткен.
Қорғаныс министрлігі Еңбек және халықты әлеуметтік қорғау, Цифрлық даму, инновациялар және аэроғарыш өнеркәсібі министрліктерімен, ҚР Мемлекеттік қызмет істері агенттігімен бірлесіп жұмыс берушінің сұрауына автоматты түрде жауап алуға мүмкіндік беретін интеграциялық жұмыстар жүргізді.
- Өткен жылдан бастап біз осы процестерді цифрландыру жөнінде жұмыс жүргіздік. Атап айтқанда, ақпараттық жүйені әзірлеп, оны іргелес мемлекеттік органдардың мәліметтер базасымен біріктірдік. Инновация кадрлық қызметтердің жұмысын жеңілдетіп, азаматтарды анықтама алу үшін уақыт жұмсаудан босатады. Егер бұрын бұл процестер бірнеше аптаға созылса, бүгінде бұл бір күнде жасалады, - деді Қорғаныс министрінің орынбасары Дархан Ахмедиев.
Жеке ұйымдар "Е-Еңбек" ақпараттық жүйесінде, мемлекеттік мекемелерде "Е-Қызмет" ресурсын пайдалана отырып, қызметкерлердің есебін жүргізетін болады.
Сонымен қоса әскери билет Қарулы күштер қатарында, басқа да әскерлер мен әскери құралымдарда әскери қызмет өткергендерге ғана берілетінін атап өткен жөн.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда арнайы сейсмологиялық зерттеу жүргізіледі
Алматыда Қазақстан президенті Қасым-Жомарт Тоқаевтың тапсырмасы бойынша арнайы сейсмологиялық зерттеу жүргізіледі, деп хабарлайды Ақорданың баспасөз қызметінен.
Тараздағы гидромелиоративтік-құрылыс институтын қайта қалпына келтіру жөнінде шешім қабылдадық. Оқу орнын материалдық-техникалық тұрғыдан толық жабдықтау керек. Сейсмология институтының жағдайы да мәз емес. Үкіметке осы институттың ғылыми әлеуетін арттыруға қатысты нақты ұсыныстар дайындауды тапсырдым. Сондай-ақ сейсмологияны және сейсмикалық режимді бақылау құралдарын дамыту бойынша пайдалы ұсыныстар әзірленуге тиіс.
Менің тапсырмаммен Алматы аумағына арнайы сейсмологиялық зерттеу жүргізіледі. Әкімдік үш жылдық зерттеу жұмыстарына қаржы бөледі. Энергетикалық апатты, эпидемияны, қуаңшылықты болжау және оның алдын алу мәселесі аса маңызды. Жауапты министрліктер тиісті саланы, ал әкімдіктер аймақтарды дамыту бағдарламаларын қайта қарауы керек. Әсіресе, төтенше жағдай туындау қаупі бар-жоғын мұқият зерттеу қажет. Бұл жұмысқа ғылыми қауымдастықты жұмылдырған жөн. Яғни гидрология, климатология, география, инженерия және өзге де сала мамандарын тарту қажет.
Тағы да қайталап айтқым келеді, мемлекеттік органдар барлық істе, ең алдымен, сапалы ғылыми қорытындыға сүйенуі керек. Бұл - өте маңызды міндет. Шешімдер әбден пысықталып, нақты негізделіп барып, қабылдануға тиіс. Талдау жүргізіп, ахуалды болжау үшін ғалымдардың қолында, зерттеу орталықтарында қажетті құрал-жабдықтар болуға тиіс"
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.