Астанада робототехника мен цифрлық технологиялар саласындағы отандық әзірлемелер таныстырылды
Сурет: Astana IT university
Астанада өткен Astana AI Week 2026 ғылым және инновациялар форумы аясында қатысушылар робототехника, жасанды интеллект және цифрлық технологиялар саласындағы қазақстандық озық әзірлемелерді талқылады, деп хабарлайды Astana IT University.
"Іс-шара алғашқы күні-ақ өзінің халықаралық мәртебесін дәлелдеді. Форумға Қазақстан мен шетелден келген 425 қатысушы, 50 спикер, сондай-ақ бизнес, ғылыми қауымдастық, технологиялық компаниялар, стартаптар және студенттер қатысты", - делінген хабарламада.
Күннің басты оқиғаларының бірі жасанды интеллектті дамытуға арналған пленарлық сессиялар мен сарапшылар пікірталастары болды. Инновациялық әзірлемелер көрмесінде робототехника және цифрлық технологиялар саласындағы 35 жоба таныстырылды. Astana IT University мәліметінше, қатысушылар қазақстандық озық технологияларды іс жүзінде қолдану мүмкіндіктерін талқылады.
Сонымен қатар, AI Hackathon бастау алып, оған 180 қатысушы жиналды. Олар "Өнеркәсіп" және "Денсаулық сақтау" бағыттары бойынша инновациялық шешімдер әзірлейді. Командалар "Қазақмыс" корпорациясы, Astana Innovations және MedHubHAQ ұсынған кейстермен жұмысқа кірісті, деп хабарлайды ұйымдастырушылар.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстанда инфляцияға байланысты тарифтердің өсу қарқыны қайта қаралуы мүмкін
Сурет: Depositphotos
Қазақстанда реттелетін тарифтердің ықтимал өсуі қайта қаралып, азық-түлік пен қызмет көрсету бағаларын тежеу жұмыстары күшейтіледі. Премьер-министрдің орынбасары - ұлттық экономика министрі Серік Жұманғарин инфляция мәселелері жөніндегі кеңесте берді осындай тапсырмалар берді, деп хабарлайды Үкіметтің баспасөз қызметінен.
Қазақстанда жылдық инфляция 10,2%-ды құрайды. Бұл ретте жекелеген өңірлерде оның қарқыны орташа республикалық деңгейден жоғары болып қалып отыр.
Кеңесте реттелетін тауарлар мен қызметтер тарифінің ықтимал өсуі ескеріле отырып, инфляцияның одан арғы серпінінің бірнеше сценарийі қаралды. Серік Жұманғарин Табиғи монополияларды реттеу комитетіне олардың инфляцияға ықтимал үлесін есептей келіп, тарифтердің алдағы өсу параметріне түзету енгізуді тапсырды.
Шілдеде азық-түлік тауарының айлық инфляциясы 0,4% болып, маусыммен салыстырғанда 0,2 п.т. бәсеңдеді. Бұл ретте әлеуметтік маңызы бар азық-түлік тауарлары дефляциясы - 0,3%. Бұл оның баға индексін жыл басынан бері 1,6%-ға дейін төмендетуге мүмкіндік берді.
Сауда және интеграция бірінші вице-министрі Айжан Бижанова атап өткендей, министрлік азық-түлік инфляциясын орташа есеппен 0,2 п.т. бәсеңдету міндетін қойып отыр.
Билік қант бағасын да жеке талқылады. Қазақстанда қант қызылшасын өңдеудің жалпы тәуліктік қуаты 8,7 мың тонна. 2,4 мың тонна қамыс шикізатын өңдейтін төрт зауыт жұмыс істейді. 2026 жылғы қаңтар-маусымда 77 мың тонна қант өндірілсе, оның 9 мың тоннасы қызылша, 68 мың тоннасы қамыс қанты.
Қазақстан қанты импортына тәуелділікті ескере отырып, мемлекет биыл 100 мың тонна шикі қантты бажсыз әкелу шарасын қабылдады. Талқылаудың соңында Серік Жұманғарин Ауыл шаруашылығы министрлігіне қант саласының өкілдерімен жеке кеңес өткізіп, бағаны тұрақтандырудың қосымша шараларын әзірлеуді тапсырды.
Сүт өнімдерінің бағасы маусымдағы 0,7%-дық өсімнен кейін шілдеде іс жүзінде өзгерген жоқ. Ауыл шаруашылығы министрлігіне шикі сүт өндірушілермен кездесіп, өнімнің өзіндік құнына қандай факторлар әсер ететінін анықтау тапсырылды.
Жыл басынан бері нан-тоқаш өніміне бағаның өсуі болжамды деңгейден төмен. Бұған әлеуметтік маңызы бар азық-түлікті, оның ішінде, нан өндірушілерге арзандатылған электр энергиясын беру шарасы ықпал етті. Енді Сауда және интеграция министрлігі әкімдіктермен бірлесіп, жақын арада нан өндірушілермен қарсы міндеттемелерді көздейтін меморандумдар жасасуды жоспарлап отыр.
Кеңесте көтерілген тағы бір мәселе - реттелмейтін нарықтағы ақылы қызметтер. Шілдеде өсу қарқыны маусымдағы 1,1%-ға қарағанда 0,7%-ға дейін төмендеуіне қарамастан, сегменттегі баға қысымы сақталуда. Жылдық мәнде ақылы қызмет құны 9,2%-ға өсті. Ең жоғары қарқын денсаулық сақтау, көлік, білім беру, туризм мен спорт салаларында байқалды.
Билік дәрі-дәрмек бағасына қатысты жағдайды да жеке зерделейді. Енді Бәсекелестікті қорғау және дамыту агенттігі нарыққа талдау жүргізіп, баға белгілеуге әсер ететін факторларды зерделемек.
Инфляция деңгейі ел бойынша орташа көрсеткіштен жоғары өңірлердің әкімдіктеріне негізгі азық-түлік жеткізушілерімен кездесіп, бағаны тұрақтандыру шараларын қабылдауға бір апта уақыт берілді.
"Бүгін біз инфляцияға әсер ететін негізгі факторларды егжей-тегжейлі талдадық. Бұлардың біразына нақты жауап та бар. Қазір инфляция орташа республикалық деңгейден асатын өңірлерде бағаның өсуіне жол бермеу өте маңызды. Қазірде бұл факторлардың едәуір бөлігі жекелеген тауарлар мен өңірлік нарықта қалыптасқандықтан, әрқайсысымен жұмыс атқару қажет. Апта сайын қалыптасқан ахуалды барлап, қабылданған шаралардың нәтижесін талдайтын боламыз", - деді Жұманғарин.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстанның алдағы үш жылға арналған бюджетінің басымдықтарын айқындады
Қазақстан президенті Қасым-Жомарт Тоқаев бюджеттік жоспарлау мәселелері жөніндегі кеңесте 2027-2029 жылдарға арналған бюджетті қалыптастыру кезінде инфрақұрылымдық және әлеуметтік нысандардың құрылысына ерекше назар аударуды тапсырды, деп хабарлайды Ақорда.
Президентке экономиканың қазіргі ахуалы туралы баяндалып, 2027-2029 жылдарға арналған әлеуметтік-экономикалық даму болжамдары, 2027-2029 жылғы республикалық бюджет параметрлері жөнінде мәлімет берілді.
Тоқаев биыл экономикалық өсім көрсеткіштеріне қол жеткізу, сондай-ақ республикалық және жергілікті бюджет теңгерімділігін қамтамасыз ету қажеттігін атап өтті.
Президент алдағы үш жылдағы негізгі бюджеттік басымдықтардың бірі ретінде инфрақұрылымдық және әлеуметтік нысандарды озыңқы қарқынмен салуды атады. Олардың қатарында ауруханалар, балаларды оңалту орталықтары, мәдениет және спорт нысандары бар.
Бұған дейін 2025 жылы республикалық бюджетке 730 млрд теңге көлемінде салық түсімі түспей қалғаны хабарланған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елімізде көмір жеткізілімдерін мониторингтеудің бірыңғай цифрлық жүйесі іске қосылды
Сурет: Depositphotos
Қазақстанда көмір жеткізілімдерін бақылайтын бірыңғай цифрлық жүйе іске қосылады. Ол отынның өндірілуі мен жөнелтілуінен бастап өңірлерге жеткізілуі және халыққа сатылуына дейінгі қозғалысын бақылауға мүмкіндік береді, деп хабарлайды Энергетика министрлігі.
Жүйе нақты уақыт режимінде көмір өндіру және тиеу көлемдері, көмірдің қозғалысы, тұйықтар мен қоймалардағы қорлар, бағалар, сондай-ақ өңірлер бойынша жоспарлардың орындалуы бақыланады.
Қазіргі уақытта елімізде 951 теміржол тұйығы және көмірді өткізумен айналысатын 586 оператор жұмыс істейді. Бұған дейін жеткізу тізбегінің әртүрлі кезеңдері бойынша ақпарат бірнеше дереккөзден келіп түскен. Енді олардың барлығы бірыңғай жүйеге біріктіріледі.
Энергетика министрлігі жүйе жеткізілімнің әртүрлі кезеңдеріндегі деректерді салыстыруға және ауытқуларды жедел анықтауға мүмкіндік береді. Мысалы, қордың жеткіліксіз көлемі қалыптасқан, тиеу қарқыны төмендеген немесе жеткізу кестесінің бұзылу қаупі туындаған учаскелерді анықтауға болады. Бұл мәселе түпкілікті тұтынушыға әсер етпей тұрып, алдын ала әрекет етуге мүмкіндік береді.
"Біздің міндетіміз - жеткізілімдердің бүкіл тізбегін ашық әрі әрбір кезеңде көрінетін ету. Ең бастысы - ауытқуларды алдын ала анықтап, олардың халықты көмірмен қамтамасыз етуге әсер етуіне дейін қажетті шараларды қабылдау", - деді Мемлекеттік энергетикалық қадағалау және бақылау комитетінің төрағасы Ержан Ертаев.
Алдағы уақытта платформаның мүмкіндіктерін жасанды интеллект элементтері арқылы кеңейту жоспарлануда. Бұл деректерді тереңірек талдауға және жеткізу тізбегіндегі ықтимал тәуекелдерді дәлірек анықтауға мүмкіндік береді.
Энергетика министрлігінің мәліметінше, 2025-2026 жылдардағы жылыту маусымында өңірлерге шамамен 8,15 млн тонна көмір жеткізілді. Бұл жоспарлы көлемнің 109%-ын құрады. Ал алдағы жылыту маусымына қажеттілік 7,3 млн тонна көлемінде айқындалды.
Маусымға дайындықты коммуналдық-тұрмыстық сектор мен халықты көмірмен қамтамасыз ету жөніндегі республикалық штаб бақылайды. Ол жұмысын 2026-2027 жылдардағы жылыту маусымы аяқталғанға дейін жұмысын жалғастырады.
Әкімдіктерге көмір қорын бақылап, цифрлық платформадағы деректерді уақтылы жаңартып отыру тапсырылды. Көмір өндіруші кәсіпорындар өңірлердің өтінімдерін орындауға, операторлар қажетті қор көлемін сақтауға, ал "ҚТЖ" отын тасымалдауға арналған жартылай вагондарды уақтылы беруге тиіс.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елімізде қалдықтарды басқаруды цифрландырып, қайта өңдеуді қолдау тетіктері қарастырылуда
Қазақстанда қалдықтарды басқарудың жаңа жүйесін қалыптастырылуда, деп хабарлайды ҚР Экология және табиғи ресурстар министрлігінің баспасөз қызметінен.
"Жасыл даму" АҚ жаңа жүйе саланы басқаруды орталықтандыруды, процестерді цифрландыруды, қалдықтар нарығын дамытуды және қайта өңдеуді қолдау тетіктерін енгізуді көздейді.
"Жаңа жүйенің маңызды бағыттарының бірі - саланы цифрландыру. Қоғам қалдықтардың түзілуінен бастап қайта өңделуіне дейінгі барлық кезеңде олардың қозғалысын қадағалауға мүмкіндік беретін цифрлық платформаны енгізу мәселесін пысықтауда",- деп айтылған хабарламада.
Платформа аясында қалдық түзушілердің цифрлық паспорттарын, қалдықтардың қозғалысын жоспарлау және мониторингтеу құралдарын, сондай-ақ қалдықтарды басқару инфрақұрылымы нысандарының бірыңғай дерекқорын біріктіру жоспарланып отыр.
Сонымен қатар, қалдықтар нарығын қалыптастыру жұмыстары жүргізілуде. Қалдықтармен электрондық сауда жасау құралдарын енгізу және қайта өңдеу саласында жұмыс істейтін бизнесті экономикалық ынталандыру тетіктерін дамыту көзделген.
Министрлік жұмыстың тағы бір бағыты - ауылдық жерлердегі қатты тұрмыстық қалдықтарды басқару жүйесін жетілдіру екендігін баса айтты. Қажетті инфрақұрылымды дамытуды, сондай-ақ қалдықтарды шығаруды жоспарлау мен ұйымдастырудың заманауи тетіктерін қамтитын ҚТҚ-ны басқарудың цифрлық моделін енгізу жоспарланып отыр.
Өнеркәсіптік қалдықтар саласында қайта өңдеуді қолдау құралдарын енгізу, отандық және халықаралық инвестицияларды тарту, сондай-ақ қалдықтар түзілетін жерлерде қайта өңдеу қуаттарын құру көзделген.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанның Еңбек министрлігіне жаңа өкілеттіктер берілді
Сурет: Depositphotos
Қазақстан үкіметі Еңбек және халықты әлеуметтік қорғау министрлігінің өкілеттіктерін кеңейтті. Тиісті қаулыға премьер-министр Олжас Бектенов 2026 жылғы 10 тамызда қол қойды, деп хабарлайды агенттік тілшісі.
Еңбек министрлігі туралы ережеге бірқатар өзгеріс енгізілді. Атап айтқанда, №704 Қаулыға сәйкес, министрлік құрылыс нысандарының жүріп-тұруы шектеулі адамдар үшін қолжетімді екенін растайтын болады.
Сондай-ақ, ведомство азаматтық қорғау және жұмылдыру даярлығы саласында қосымша функцияларға ие болды. Еңбек министрлігі азаматтық қорғаныс жоспарын әзірлейді, ведомствоға қарасты ұйымдардағы төтенше жағдайлар мен өрттердің алдын алуға қатысады, азаматтық қорғаныс мүлкінің қорларын қалыптастырады және ірі төтенше жағдайлар кезіндегі іс-қимыл жоспарларын дайындайды.
Бұдан бөлек, министрлік әлеуметтік-еңбек саласындағы жұмылдыру резерві мәселелерімен айналысады. Оның өкілеттіктеріне материалдық құндылықтарды жеткізуге тапсырыс беру, оларды сақтау мен жаңартуды ұйымдастыру, сондай-ақ жұмылдыру тапсырыстарын орындау жөнінде ұйымдармен шарттар жасасу кіреді.
Тағы бір жаңа өкілеттік - мемлекеттік мекемелер мен квазимемлекеттік сектор субъектілерінің цифрлық кадр жүйесінде еңбек заңнамасын сақтауына мониторинг жүргізу. Еңбек министрлігі арнаулы әлеуметтік қызметтер көрсететін ұйымдар желісінің нормативін де бекітетін болады.
Қаулы қол қойылған күннен бастап күшіне енеді. Жекелеген ережелер үшін 2026 жылғы 13 тамыздан және 2027 жылғы 1 қаңтарға дейін өзге де мерзімдер белгіленген. Кейбір нормалар 2027 жылғы 1 қаңтарға дейін қолданылады. Құжаттың толық мәтінімен осы сілтеме бойынша таныса аласыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев "Қазақстан Барысы - 2026" турнирінің жеңімпазын құттықтады
Сурет: instagram.com/qazaqstan_barysy
Қазақстан Президенті Қасым-Жомарт Тоқаев Жантілек Нұртілепұлын "Қазақстан Барысы - 2026" турниріндегі айқын жеңісімен құттықтады, деп хабарлайды мемлекет басшысының баспасөз хатшысы Айбек Смадияров.
Президент бұл жетістік спортшының жеңіске деген ерік-жігері мен озық шеберлігінің айқын көрінісі екенін атап өтті.
Президент сондай-ақ мұндай беделді бәсекелер халқымыздың бірегей дәстүрлерін жаңғыртып, өскелең ұрпақты ұлттық спорт түрлерімен айналысуға ынталандыратынына назар аударды. Оның айтуынша, беделді турнирлер қазақ халқының даңқты дәстүрлерін жаңғыртуға ықпал етіп, өскелең ұрпақты ұлттық спорт түрлерімен айналысуға жігерлендіреді.
Естеріңізге сала кетсек, 15 тамызда Астанада қазақ күресінен "Қазақстан Барысы - 2026" республикалық турнирі өткен болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
"Шәмші Қалдаяқов" медалі Қазақстанның мемлекеттік наградалары тізіміне енгізілді
Сурет: gov.kz
Қазақстан президенті Қасым-Жомарт Тоқаев мемлекеттік наградалар тізіміне "Шәмші Қалдаяқов" медалі мен "Қазақстанның еңбек сіңірген суретшісі" құрметті атағын енгізу туралы шешім қабылдады, деп хабарлайды Мемлекет басшысының баспасөз хатшысы Айбек Смадияров.
Бұл мәртебелі марапаттар ұлт мәдениетіне қалтқысыз қызмет етіп, соның ішінде музыка және бейнелеу өнерін дамытуға сүбелі үлес қосқан азаматтарға беріледі.
Бұл шешім ұлттық мәдениетті жан-жақты қолдау мемлекеттің негізгі қағидаттарының бірі ретінде бекітілген жаңа Конституцияның ережелеріне байланысты қабылданды.
Естеріңізге сала кетсек, шілде айында Түркістанда көрнекті қазақ композиторы Шәмші Қалдаяқовтың шығармашылығына арналған "Шәмші әндері" өнер фестивалі өткен болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.