Астанада тәрбие құрылымдарыныӊ офицерлеріне құрмет көрсетілді
Тәрбие жұмыстары органдарыныӊ құрылған күніне орай Қазақстан Қарулы Күштерініӊ Ұлттық әскери-патриоттық орталығында салтанатты жиналыс өтті,- деп хабарлайды ҚР Қорғаныс министрлігініӊ баспасөз қызметі.
Астана. 1 ақпан. Kazakhstan Today - Тәрбие жұмыстары органдарыныӊ құрылған күніне орай Қазақстан Қарулы Күштерініӊ Ұлттық әскери-патриоттық орталығында салтанатты жиналыс өтті,- деп хабарлайды ҚР Қорғаныс министрлігініӊ баспасөз қызметі.
Осыдан 24 жыл бұрын Қазақстан Республикасы Президенті - Қарулы Күштердіӊ Бас Қолбасшысыныӊ № 1084 Жарлығымен тәрбие және әлеуметтік-құқықтық жұмыстар жөніндегі командирлер орынбасарларыныӊ институты құрылды.
Мерекелі іс-шара аясында ҚР Қорғаныс министрі генерал-полковник Сәкен Жасұзақов үздік офицерлерді -ҚР ҚК тәрбие жұмыстары органдарыныӊ ардагерлерін,ҚР ҚК тәрбие және идеология жұмыстары бойынша командирлердіӊ орынбасарларын жұбайларымен қабылдады.
"Офицердіӊ жары ретінде бүгінгі мадақтау мен үшін - жоғары құрмет. Бірінші рет жолдасымныӊ сіӊірген еӊбегі үшін менімарапаттады. Бұл сезіммен, әрі моральдық тұрғыда қолдау тапқан әскери қызметшініӊ әскери ортадағы ролін және отбасыныӊ маӊыздылығын арттырады. Искерилердіӊ отбасылық қарым-қатынастарыныӊ тұрақтылығы, арқа сүйер сенімді қорған ретінде мемлекетіміздіӊ қорғаныс қабілетін толығымен нығайтуға ықпал етеді", - деп подполковник Ержан Османовтыӊ жұбайы Исем Османова атап өтті.
Тәрбие және идеологиялық жұмыстар жөніндегі орынбасарлар институтыныӊ құрылу тарихы Қарулы Күштердіӊ құрылуымен тікелей байланысты. Салтанатты жиылыс барысында қазақстандық армияныӊ дамуына және қалыптасуына зор үлесін қосқаны үшін, ұрпақ сабақтастығын көрсету мақсатында Қазақстан Қарулы Күштерініӊ ардагерлеріне құрмет көрсетілді. "Искер қатарынан кеткендердіӊ көбі әлі күнге дейін жастарды патриоттық тұрғыда тәрбиелеу ісінде жан-жақты қолдау көрсетіп келе жатқанын білуге тиіспіз. Біз - Қарулы Күштердіӊ ардагерлері Қорғаныс министрлігі басшылығыныӊ арқасында, офицерлік корпус тарапынан өзімізге деген қамқорлық пен ілтипаттарыӊызға алғысымызды білдіре отырып, әсіресе, жастарға жылдар бойы жинақталған тәжірибені беру үшін әлі де қоғамға қажет екенімізді сеземіз. Болашаққа дара жол салатын ұрпақтар сабақтастығыныӊ мәні осында", - деп запастағы генерал-майор Айтқали Есенғұлов атап өтті.
Қазіргі уақытта Қарулы Күштердіӊ дамуына орай идеологиялық жұмыстарды жетілдіру қажеттілігі артты. Сонымен, Қорғаныс министрініӊ бастамасы бойынша тәрбие және идеологиялық жұмыстар органдарыныӊ құрылымына өзгеріс енгізілді. Қарулы Күштердегі ардагерлердіӊ өзектілігі мен зор мүмкіндігін ескере отырып ҚР ҚК БШ Тәрбие және идеологиялық жұмыстар департаментініӊ құрамынан ардагерлермен жұмыс жөнінде бөлім ашылды.
Бұдан өзге, Қарулы Күштердегі психологиялық және әлеуметтік жұмыстарды жақсарту мақсатында батальон және бригада психологтарыныӊ лауазымдары, ал идеологиялық жұмыстарды арттыру үшін идеологиялық және арнайы насихаттау жұмыстары жөнінде офицерлер лауазымдары енгізілді. Искери басқару органдарында, әскери бөлімдерде әскери қызметшілердіӊ отбасыларымен жұмыс жөнінде лауазымдар енгізілетін болады.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстанда интернет-казино ұйымдастырғаны үшін қылмыстық жауапкершілік енгізілуде
Мәжіліс ойын бизнесі, лотереялар және лотерея қызметі мәселелері бойынша заңнамалық өзгерістерді Әкімшілік құқық бұзушылық туралы кодекске енгізілетін ілеспе түзетулерімен бірінші оқылымда мақұлдады, деп хабарлайды Төменгі палатаның баспасөз қызметінен.
Заң жобалары Мемлекет басшысының құмар ойындарға тәуелділікке қарсы күресті күшейту туралы тапсырмасы аясында әзірленді. Оған депутаттар бастамашы болды.
Заң жобасы бойынша жеке тұлғалардың құмар ойындарға және бәс тігуге қатысу жасы 21-ден 25 жасқа көтеріледі. Сонымен қатар алимент және несие берешегі өтелмеген азаматтардың, яғни борышкерлердің бірыңғай реестрінде тұрған тұлғалардың құмар ойын ойнауына тыйым салынады.
Аталған санаттарға заңсыз ойын ойнауға мүмкіндік берген заңды тұлғалар әкімшілік жауапкершілікке тартылады. Бұл жағдайда орта кәсіпкерлік субъектілеріне - 300 АЕК, ірі кәсіпкерлік субъектілеріне - 1000 АЕК көлемінде айыппұл салынады.
Сондай-ақ ойын бизнесін ұйымдастырушылар құмар ойындар мен бәс тігудің тәуекелдері мен зияны туралы хабарлауға міндеттеледі. Мұндай ақпарат ойын мекемелерінде, ғимараттарда, билет кассаларында және букмекерлік кеңселер мен тотализаторлардың электронды кассаларында, казино кассалары мен ойын автоматтары залдарында, сондай-ақ өздерінің интернет-ресурстарында орналастырылуы тиіс. Талаптарды орындамағандар әкімшілік жауапкершілікке тартылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Өнімсіз делдалдар электрмен жабдықтау тізбегінен шығарылады
Мемлекет басшысының экономиканы демонополизациялау және жасанды түрде құрылған делдалдық тізбектерді жою жөніндегі тапсырмасын іске асыру шеңберінде Үкімет энергиямен жабдықтау нарығында тәртіп орнатуға кірісті. Басты мақсат - тұтынушылар үшін электр энергиясының түпкілікті құнын негізсіз көтеретін делдалдарды алып тастау, деп хабарлайды Үкіметтің баспасөз қызметінен.
Премьер-Министр Олжас Бектеновтің тапсырмасы бойынша биылғы 1 сәуірден бастап нарықта 2004 жылдан бері жұмыс істеп келе жатқан және бизнес пен бірқатар бюджеттік ұйымдар үшін тарифтердің мөлшерін дербес белгілей алатын реттелмейтін энергиямен жабдықтаушы ұйымдардың (бұдан әрі - ЭЖҰ) жұмысы тоқтатылды. Бұл ретте талдау көрсеткендей, мұндай компаниялардың табыстылығы 1 кВтсағ үшін шамамен 30-50% немесе 5-20 теңгені құраған. Реттелмейтін ЭЖҰ-дан түскен пайда энергетикалық жүйені жаңғыртуға пайдаланылмады.
ҚР Парламенті Мәжілісінің бірінші оқылымында мақұлданған "Жылу энергетикасы туралы" жаңа заң аясында өнімсіз делдалдарды жою жұмыстары жалғасатын болады. Электрмен жабдықтау нарығындағы қазіргі проблемаларды шешу үшін ҚР Үкіметі бірінші кезеңде реттелмейтін ЭЖҰ қызметін шектеу туралы шешім қабылдады. Екінші кезеңде электрмен жабдықтау саласын өңірлік электр желілері компанияларына беру қарастырылады. Бұл электр энергиясының тарифіне жағымды әсер етеді, сонымен қатар келесідей оң әсерлерге әкеледі:
- заңды тұлғалар үшін тарифтерді төмендету, тиісінше, бизнеске жүктемені азайту, бұл халық үшін түпкілікті өнім бағасының тең шарттары мен төмендеуін қамтамасыз етеді;
- бюджет қаражатын үнемдеуге алып келетін және үнемделген қаражатты әлеуметтік маңызы бар жобаларға бағыттауға мүмкіндік беретін бюджеттік ұйымдар үшін тарифті төмендету;
- соңғы тұтынушылар үшін тарифке ең аз әсер ете отырып, энергетика секторына инвестицияларды ұлғайту.
Осындай жұмыстар өнімсіз делдалдар кесірінен бағаның негізсіз көтерілуі байқалатын өзге де салаларда жүргізілетін болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қонаев қаласының әкімі тағайындалды
Сурет: gov.kz
Алматы облысы әкімінің өкімімен Бердіханов Асхат Ермекұлы Қонаев қаласының әкімі болып тағайындалды, деп хабарлайды Алматы облысы әкімдігінің баспасөз қызметінен.
Асхат Бердіханов 1975 жылы туған, білімі-жоғары. 1995 жылы Павлодар каласының машина жасау колледжін "Өнеркәсіптік кәсіпорындардың электр жабдығы" мамандығы бойынша, 2005 жылы С.М. Торайғыров атындағы Павлодар мемлекеттік университетін "Заңгер" мамандығы бойынша, 2015 жылы Еуразиялық технологиялық университетін "Электроэнергетика" мамандығы бойынша, 2017 жылы С.М. Торайғыров атындағы Павлодар мемлекеттік университетін "Энергетика және электротехника" мамандығы бойынша, 2022 жылы А.Сагинов атындағы Қарағанды техникалық университетін "Құрылыс" мамандығы бойынша бітірген. Еңбек жолын 1995 жылы Павлодар трактор зауытында электромонтер болып бастаған.
Әр жылдары құқық қорғау органдарында әртүрлі лауазымдарда жұмыс істеді. Балқаш жылу электр станциясы Басқарма төрағасының орынбасары, "Самұрық-Энерго" акционерлік қоғамының бас менеджері, "Алатау Жарық компаниясы" АҚ бас инженері, "Samruk-Kazyna Construction" басқармасының бастығы, Түркістан облысының энергетика және тұрғын үй-коммуналдық шаруашылық басқармасы басшысының орынбасары, Ұ.Қантаев атындағы Мойнақ гидроэлектростанциясының Басқарма төрағасының бірінші орынбасары - бас инженері қызметтерін атқарды.
2023 жылдың наурыз айынан бастап қазіргі уақытқа дейін Алматы облысының энергетика және тұрғын үй-коммуналдық шаруашылық басқармасының басшысы болып жұмыс істеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда вейпке тыйым салынады: Тоқаев заңға қол қойды
Сурет: Depositphotos
Мемлекет басшысы "Қазақстан Республикасының кейбір заңнамалық актілеріне денсаулық сақтау мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды, деп хабарлайды Ақорданың баспасөз қызметінен.
Заң медицина қызметкерлерін құқықтық және қаржылық тұрғыдан қорғау жүйесін енгізуге және олардың жауапкершілігін арттыруға, сондай-ақ жастар арасында құрамында никотині бар заттардың таралуының алдын алу және оған қарсы күресу үшін жүйелі шаралар қабылдауға бағытталған.
Заң арқылы медицина қызметкерлерінің кәсіби жауапкершілігін сақтандыру тетігі енгізілді (Заң ресми жарияланғаннан кейін 6 ай өткен соң қолданысқа енеді).
Сонымен қатар медицина қызметкерлерін қолдауға бағытталған түзетулер қабылданды. Атап айтқанда:
- тұрғылықты жері бойынша мектепке дейінгі ұйымдардан балалары үшін басым тәртіппен орын алу, кәсіби қызметіне заңсыз араласудан және кедергі келтіруден қорғау, мамандығына құрметпен қарау, медициналық мамандығы бойынша әскери қызметін өткеру немесе әскери қызметке шақыруды кейінге қалдыру құқықтары берілді;
- "Қазақстанның еңбек сіңірген дәрігері" құрметті атағы - мемлекеттік наградасы белгіленді;
- Басы артық есеп немесе ақпарат беруден босату үшін денсаулық сақтау саласындағы уәкілетті орган бұдан былай медицина қызметкерлері толтыруға міндетті құжаттама тізбесін бекітеді;
- Аса тапшы мамандықты меңгерген медицина қызметкерлері ауылдық жерге кемінде 5 жыл жұмыс істеуге келген жағдайда, оған ең төменгі жалақының 100 еселенген мөлшерінде бірреттік ақшалай төлем беріледі.
Бұдан бөлек, Заңда шегуге келмейтін темекі өнімдерін, вейптерді, хош иістендіргіштерді және оларға арналған сұйықтықтарды сатуға, таратуға, сондай-ақ оларды жарнамалауға тыйым салу қарастырылған (Бұл норма ресми жарияланғаннан кейін 60 күн өткен соң қолданысқа енгізіледі).
Заңның мәтіні баспасөзде жарияланады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.