Астанада өткен BaiQymyz-2026 фестиваліне 70 мыңнан астам адам қатысты
Сурет: Астана әкімдігі
Астанада өткен BaiQymyz-2026 халықаралық гастрономиялық фестивалі екі күн ішінде 70 мыңнан астам қонақты қабылдады. Фестиваль барысында келушілерге 56 тонна қымыз ұсынылды. Бұл рекордтық көрсеткіш Қазақстанның рекордтар кітабына енгізу үшін ұсынылады, деп хабарлайды агенттік тілшісі.
Фестиваль аясында халықаралық қымыз байқауы өттіп, оған Қазақстан мен Ресейден (Саха Республикасы - Якутия) 60-қа жуық қымыз өндірушілер қатысты.
Байқаудың бас жүлдесі Ақмола облысы Бурабай ауданындағы Qymyznai Qymyzy өндірушісіне бұйырды. Ал, бірінші орын Ақмола облысы Ақкөл ауданындағы "Ағабек ата ерекше қымызы" кәсіпорны жеңіп алды.
Байқаудың жеңімпаздары арнайы номинациялар бойынша да анықталды. "Ем қымыз" номинациясында Ұлытау облысындағы "Баянның бал қымызы" өндірушісі бірінші орынға ие болды. "Халық таңдауы" номинациясы бойынша Қарағанды облысының "Теректінің текті қымызы" үздік деп танылды. Сондай-ақ, өзге де арнайы аталымдар бойынша жеңімпаздар марапатталды.
Қонақтар ұлттық сусындар мен тағамдардың дәмін татып қана қоймай, этноауылдарды, қолөнершілер жәрмеңкесін, шеберлік сабақтарын, концерттерді және ұлттық спорт түрлерінің тұратын жарыстарды тамашалады. Әсіресе, бәйге, көкпар, қыз қуу, аударыспақ, жылқылар шеруі және шабандоздардың көрсетілімдері көпшіліктің ерекше қызығушылығын тудырды. Фестивальдің басты сахнасында Қазақстанның танымал өнерпаздары мен шығармашылық ұжымдары өнер көрсетті.
Елорда әкімдігінің мәліметінше, фестивальге Қазақстанның әртүрлі өңірлерінің тұрғындарымен қатар шетелдік туристер де қатысқан. Олардың көпшілігі үшін BaiQymyz-2026 қазақ халқының мәдениетімен, салт-дәстүрімен және ұлттық тағамдарымен жақынырақ танысуға мүмкіндік берді. Шетелдік қонақтарға әсіресе қазақтың ұлттық тағамдары, ұлттық ойындары мен ат спорты ерекше әсер қалдырды.
"Біз қазақ мәдениетімен жақынырақ танысу үшін қымыз фестиваліне Америкадан арнайы келдік. Қазақстанда тұрып, адамдарға көмектесу бізге ұнайды, бұл - керемет тәжірибе. Біз қазақ мәдениеті туралы барған сайын көбірек біле түсудеміз, көптеген тамаша адамдармен таныстық. Ең бастысы - қымызды өте жақсы көреміз, сондықтан мүмкіндігінше оның көп түрінен дәм татқымыз келеді", - деді АҚШ-тан келген қонақтар Уайт пен Томас.
Шетелдік туристердің айтуынша, фестиваль олардың Қазақстанды ұлттық салт-дәстүрі, музыкасы, ұлттық спорт түрлері және қонақжай халқы арқылы жаңа қырынан тануына мүмкіндік берді.
BaiQymyz-2026 аясында экологиялық акция және қоғамдық қауіпсіздік мәселелеріне арналған ақпараттық-профилактикалық науқан да ұйымдастырылды.
Ұйымдастырушылардың айтуынша, BaiQymyz бүгінде жай ғана гастрономиялық мереке емес, қазақ мәдениетін насихаттайтын, отандық өндірушілерді қолдайтын және қызықты оқиғаларға толы туризмді дамытатын ірі халықаралық алаңға айналып келеді. Биылғы фестивальдің ойдағыдай өтуі Қазақстанның ұлттық дәстүрлеріне деген қызығушылықтың ел ішінде ғана емес, шетелде де артып келе жатқанын көрсетті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Елімізде қалдықтарды басқаруды цифрландырып, қайта өңдеуді қолдау тетіктері қарастырылуда
Қазақстанда қалдықтарды басқарудың жаңа жүйесін қалыптастырылуда, деп хабарлайды ҚР Экология және табиғи ресурстар министрлігінің баспасөз қызметінен.
"Жасыл даму" АҚ жаңа жүйе саланы басқаруды орталықтандыруды, процестерді цифрландыруды, қалдықтар нарығын дамытуды және қайта өңдеуді қолдау тетіктерін енгізуді көздейді.
"Жаңа жүйенің маңызды бағыттарының бірі - саланы цифрландыру. Қоғам қалдықтардың түзілуінен бастап қайта өңделуіне дейінгі барлық кезеңде олардың қозғалысын қадағалауға мүмкіндік беретін цифрлық платформаны енгізу мәселесін пысықтауда",- деп айтылған хабарламада.
Платформа аясында қалдық түзушілердің цифрлық паспорттарын, қалдықтардың қозғалысын жоспарлау және мониторингтеу құралдарын, сондай-ақ қалдықтарды басқару инфрақұрылымы нысандарының бірыңғай дерекқорын біріктіру жоспарланып отыр.
Сонымен қатар, қалдықтар нарығын қалыптастыру жұмыстары жүргізілуде. Қалдықтармен электрондық сауда жасау құралдарын енгізу және қайта өңдеу саласында жұмыс істейтін бизнесті экономикалық ынталандыру тетіктерін дамыту көзделген.
Министрлік жұмыстың тағы бір бағыты - ауылдық жерлердегі қатты тұрмыстық қалдықтарды басқару жүйесін жетілдіру екендігін баса айтты. Қажетті инфрақұрылымды дамытуды, сондай-ақ қалдықтарды шығаруды жоспарлау мен ұйымдастырудың заманауи тетіктерін қамтитын ҚТҚ-ны басқарудың цифрлық моделін енгізу жоспарланып отыр.
Өнеркәсіптік қалдықтар саласында қайта өңдеуді қолдау құралдарын енгізу, отандық және халықаралық инвестицияларды тарту, сондай-ақ қалдықтар түзілетін жерлерде қайта өңдеу қуаттарын құру көзделген.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанның Еңбек министрлігіне жаңа өкілеттіктер берілді
Сурет: Depositphotos
Қазақстан үкіметі Еңбек және халықты әлеуметтік қорғау министрлігінің өкілеттіктерін кеңейтті. Тиісті қаулыға премьер-министр Олжас Бектенов 2026 жылғы 10 тамызда қол қойды, деп хабарлайды агенттік тілшісі.
Еңбек министрлігі туралы ережеге бірқатар өзгеріс енгізілді. Атап айтқанда, №704 Қаулыға сәйкес, министрлік құрылыс нысандарының жүріп-тұруы шектеулі адамдар үшін қолжетімді екенін растайтын болады.
Сондай-ақ, ведомство азаматтық қорғау және жұмылдыру даярлығы саласында қосымша функцияларға ие болды. Еңбек министрлігі азаматтық қорғаныс жоспарын әзірлейді, ведомствоға қарасты ұйымдардағы төтенше жағдайлар мен өрттердің алдын алуға қатысады, азаматтық қорғаныс мүлкінің қорларын қалыптастырады және ірі төтенше жағдайлар кезіндегі іс-қимыл жоспарларын дайындайды.
Бұдан бөлек, министрлік әлеуметтік-еңбек саласындағы жұмылдыру резерві мәселелерімен айналысады. Оның өкілеттіктеріне материалдық құндылықтарды жеткізуге тапсырыс беру, оларды сақтау мен жаңартуды ұйымдастыру, сондай-ақ жұмылдыру тапсырыстарын орындау жөнінде ұйымдармен шарттар жасасу кіреді.
Тағы бір жаңа өкілеттік - мемлекеттік мекемелер мен квазимемлекеттік сектор субъектілерінің цифрлық кадр жүйесінде еңбек заңнамасын сақтауына мониторинг жүргізу. Еңбек министрлігі арнаулы әлеуметтік қызметтер көрсететін ұйымдар желісінің нормативін де бекітетін болады.
Қаулы қол қойылған күннен бастап күшіне енеді. Жекелеген ережелер үшін 2026 жылғы 13 тамыздан және 2027 жылғы 1 қаңтарға дейін өзге де мерзімдер белгіленген. Кейбір нормалар 2027 жылғы 1 қаңтарға дейін қолданылады. Құжаттың толық мәтінімен осы сілтеме бойынша таныса аласыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев "Қазақстан Барысы - 2026" турнирінің жеңімпазын құттықтады
Сурет: instagram.com/qazaqstan_barysy
Қазақстан Президенті Қасым-Жомарт Тоқаев Жантілек Нұртілепұлын "Қазақстан Барысы - 2026" турниріндегі айқын жеңісімен құттықтады, деп хабарлайды мемлекет басшысының баспасөз хатшысы Айбек Смадияров.
Президент бұл жетістік спортшының жеңіске деген ерік-жігері мен озық шеберлігінің айқын көрінісі екенін атап өтті.
Президент сондай-ақ мұндай беделді бәсекелер халқымыздың бірегей дәстүрлерін жаңғыртып, өскелең ұрпақты ұлттық спорт түрлерімен айналысуға ынталандыратынына назар аударды. Оның айтуынша, беделді турнирлер қазақ халқының даңқты дәстүрлерін жаңғыртуға ықпал етіп, өскелең ұрпақты ұлттық спорт түрлерімен айналысуға жігерлендіреді.
Естеріңізге сала кетсек, 15 тамызда Астанада қазақ күресінен "Қазақстан Барысы - 2026" республикалық турнирі өткен болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
"Шәмші Қалдаяқов" медалі Қазақстанның мемлекеттік наградалары тізіміне енгізілді
Сурет: gov.kz
Қазақстан президенті Қасым-Жомарт Тоқаев мемлекеттік наградалар тізіміне "Шәмші Қалдаяқов" медалі мен "Қазақстанның еңбек сіңірген суретшісі" құрметті атағын енгізу туралы шешім қабылдады, деп хабарлайды Мемлекет басшысының баспасөз хатшысы Айбек Смадияров.
Бұл мәртебелі марапаттар ұлт мәдениетіне қалтқысыз қызмет етіп, соның ішінде музыка және бейнелеу өнерін дамытуға сүбелі үлес қосқан азаматтарға беріледі.
Бұл шешім ұлттық мәдениетті жан-жақты қолдау мемлекеттің негізгі қағидаттарының бірі ретінде бекітілген жаңа Конституцияның ережелеріне байланысты қабылданды.
Естеріңізге сала кетсек, шілде айында Түркістанда көрнекті қазақ композиторы Шәмші Қалдаяқовтың шығармашылығына арналған "Шәмші әндері" өнер фестивалі өткен болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Энергетика министрлігі Алматы мен Алматы облысынның жарықсыз қалу себебін атады
Қазақстанның Энергетика министрлігі Алматы, Алматы облысы мен еліміздің басқа өңірлерінде электр энергиясының жаппай өшу себебін түсіндірді, деп хабарлайды агенттік тілшісі.
"Орталық Азияның энергия жүйесі тарапынан электр энергиясы ағынының күрт өзгеруінен энергожүйеде қуаттың кенет артуы болды. Соның салдарынан апатқа қарсы автомат іске қосылып, ҚР-ның кейбір өңірлерінде бірқатар электр энергиясын тұтынушы желіден ажыратылды", - деп түсіндірді ведомство.
Энергетика министрлігінің мәліметінше, қазір "KEGOC" АҚ жүйелік операторы қажетті қалпына келтіру жұмыстарын жүргізіп жатыр. Бірқатар өңірде жарықпен қамтамасыз ету қалпына келтірілді.
"Жағдай Энергетика министрлігінің бақылауында", - деп толықтырды баспасөз қызметі.
Естеріңізге сала кетсек, Қазақстанның ұлттық электр желісі операторы KEGOC-тың электр беру желілерінің апаттық ажыратылуына байланысты Алматы мен Алматы облысының бірнеше ауданында жарық өшкен болатын. Салдарынан Алматыда көлік кептелістері пайда болды.
Бұл ретте бұқаралық ақпарат құралдары Бішкек пен Душанбеде де электр энергиясына қатысты проблемалар болғанын хабарлады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанада қайтарылған активтер есебінен 1200 оқушыға арналған жаңа мектеп салынады
Астанада қайтарылған активтер есебінен 1200 оқушыға арналған жаңа мектеп салу мақсатта Арнаулы мемлекеттік қордан 7 млрд теңге Астанада заманауи мектеп салуға бағытталды, деп хабарлайды Үкіметтің баспасөз қызметінен.
1200 оқушыға арналған жаңа білім беру нысаны елорданың "Нұра" ауданында бой көтеруде. Қазіргі уақытта нысанда құрылыс-монтаж жұмыстары жүргізіліп жатыр. Жобаны келер жылдың соңына дейін аяқтау жоспарланған.
"Мектеп салу қажеттілігі халық санының өсуіне байланысты туындап отыр. Қазіргі уақытта құрылыс аумағында 4 мемлекеттік мектеп жұмыс істейді, алайда оқушы орындарының тапшылығы бар. Жаңа нысан елордадағы №84, №85, №89 және №97 мектептерге түсетін жүктемені азайтуға мүмкіндік береді",- деп айтылған хабарламада.
Жалпы қайтарылған активтер азаматтар үшін практикалық маңызы бар жобаларды жүзеге асыруға бағытталуда. Үкімет 610 млрд теңгеден астам сомаға 500-ден астам әлеуметтік жобаны қаржыландыруды мақұлдады. Қаражат бүкіл ел бойынша білім беру, денсаулық сақтау, спорт және коммуналдық инфрақұрылым нысандарын салуға және жаңғыртуға бөлінуде. Білім беру саласында жалпы құны 64,4 млрд теңге болатын 17 жобаны жүзеге асыру мақұлданды. Бұл қаражат жаңа білім беру инфрақұрылымын салуға және балалар мен жастардың білім алуына заманауи жағдай жасауға бағытталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда егін жинау науқаны басталды
Сурет: Depositphotos
Биылғы жиым-терім қарсаңында премьер-министрдің орынбасары - ұлттық экономика министрі Серік Жұманғариннің төрағалығымен өткен күзгі егіс жұмысы бойынша жедел штаб отырысы барысында егін жинау науқаны жоғары өнімділікпен басталғаны мәлім болды, деп хабарлайды Үкіметтің баспасөз қызметінен.
"Еліміздің көп өңірінде егін жинау жұмысы жүргізілуде. Жиын-терім науқаны тамыздың үшінші он күндігінде басталады",- деп мәлім етті Ауыл шаруашылығы вице-министрі Назгүл Хатепова.
Биыл жалпы жиналатын егіс алқабы 24,2 млн гектар болса, оның 15,6 млн гектары дәнді және бұршақты дақыл. Бүгінде 1,9 млн гектар немесе 12,5% алқаптан дәнді дақыл жиналды. Салыстыру үшін айтатын болсақ, өткен жылы осы кезде 1 млн га немесе 6,1% өнім жиналған. Егін жинаудың ертерек басталуы жаздың әдеттен тыс ыстық болып, дақылдың тез пісуіне байланысты. Бұл ретте дәнді дақылдың өнімділігі өткен жылмен салыстырғанда жоғары: бір жыл бұрынғы 14,8 ц/га-ға қарағанда орта есеппен 16,4 ц/га. 3,2 млн тонна астық жинақталған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Атырау облысында тергеу изоляторына телефон өткізбек болған азамат ұсталды
Сурет: Polisia.kz
Атырау облысында "Тосқауыл" жедел-профилактикалық іс-шарасы аясында тергеу изоляторына тыйым салынған затты өткізу әрекетінің жолы кесілді, - деп хабарлайды Polisia.kz.
30 шілде мен 17 тамыз аралығында өткізіліп жатқан жедел-профилактикалық іс-шара барысында №75 мекемесіне келіп түскен сәлемдемені тексеру кезінде қызметкерлер азық-түлік арасынан жасырылған телефонды анықтады.
Тексеру нәтижесінде тыйым салынған затты мекеме аумағына өткізуге әрекет жасаған азаматтың жеке басы анықталды. Аталған факті бойынша азаматқа қатысты заңнамаға сәйкес тиісті шаралар қабылданды.
Қылмыстық-атқару жүйесі органдары мекемелердің ішкі аймағына телефондар мен өзге де тыйым салынған заттарды өткізуге жол берілмейтінін ескертеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.