Система Orphus

Қазақстан Қарулы Күштерінің әскери қызметшілері блок-бекеттерді күшейтуге қатысады

19.03.2020, 19:33 4402

Алматы. 19 наурыз. Kazakhstan Today - Қазақстан Қарулы Күштерінің әскери қызметшілері блок-бекеттерді күшейтуге қатысады.

Нұр-Сұлтан мен Алматы қалаларында карантин режимін қамтамасыз ету жөніндегі іс-шаралар аясында ҚР ҚК әскери қызметшілері полиция және Ұлттық ұлан өкілдерімен бірге блок-бекеттерде қызмет атқарады.

Карантиндік аймақтарға кіру мен шығудың шектелуін сақтау үшін атқарылатын бірлескен қызмет 2020 жылдың 19 наурызынан бастап Ішкі істер министрлігінің басшылығымен ұйымдастырылды.

Өткен тәулікте Нұр-Сұлтан қаласының аумағындағы блок-бекеттерде Қарулы Күштер әскери қызметшілері атқаратын қызметтердің ұйымдастырылуын Қорғаныс министрі генерал-майор Нұрлан Ермекбаев пен ҚР ҚК Бас штабы бастығы генерал-майор Мұрат Бектанов тексерді. Тексеру барысында әскери қызметшілердің моральдық-психологиялық жағдайына көңіл бөлу, олардың барлық керек-жарақпен қамтамасыз етілуі, қызмет кезіндегі кез-келген жағдайда өзінің іс-қимыл тәртібін білуі басты назарға алынды.

Бұрын айтылғандай, нысандарды дезинфекциялайтын бөлімшелерден басқа Қарулы Күштерден блок-бекеттерін күшейту үшін тиісті дайындықтан өткен және осындай іс-қимылда тәжірибесі бар Десанттық-шабуылдау әскерлерінің келісімшарт бойынша әскери қызметшілері, бітімгершілік полкі және әскери полиция тартылады.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны