Қазақстандық команда "Танк биатлоны" сайысын аяқтады
Мәскеу маңындағы "Алабино" полигонында аяқталған жартылай финалдың қорытындысы бойынша қазақстандық танкішілер екінші айналымда жарыс қожайындарынан кейін уақыт бойынша екінші болып, Өзбекстан мен Қырғызстан қарсыластарынан озып шықты.
Алматы. 4 қыркүйек. Kazakhstan Today - Қазақстандық команда "Танк биатлоны" сайысын аяқтады.
Мәскеу маңындағы "Алабино" полигонында аяқталған жартылай финалдың қорытындысы бойынша қазақстандық танкішілер екінші айналымда жарыс қожайындарынан кейін уақыт бойынша екінші болып, Өзбекстан мен Қырғызстан қарсыластарынан озып шықты.
Сайыс қатысушылары жартылай финалда эстафета түрінде өзара бақ сынасты. Әр елден үш экипаж кезектесе отырып, үш атыс шебі мен 10 кедергілері бар жалпы ұзындығы 16 шақырымнан астам қашықтықты жүріп өтті. Қазақстандық жауынгерлер трассадан сенімді өтті. Ал атыс шебіндегі жекелеген дәлсіздіктер әскери қызметшілердің дистанциядан өту шеберлігімен өтелді.
Жарыстың ережесіне сәйкес финалға қатысушыларды іріктеуде, жүру барысында бірінші орынды еншілеу емес, бастысы арақашықтықты өту уақыты болып табылады.
Жартылай финалда осындай нәтиженің болуы біздің танкішілердің қуаты 840 арғымақтың күші бар танктің базалық моделінде, ал Ресей, Беларусь және Қытай қатысушылары жетілдірілген танктерде өнер көрсетуі ықтимал болуы мүмкін. Атап айтқанда, ресейліктер мен белорустер қуаты 1130 арғымақтың күші бар қозғалтқышы және командирдің панорамалық тепловизиялық құралы бар жаңартылған Т-72Б3-М әскери машиналарын қолданады. Қытай командасы өзінің Type-96В танкілерінде жарыстарға қатысады. Ашық көздерден алынған мәліметтерге сәйкес, аталмыш танкіде 1200 арғымақтың күші бар қуат қондырғысы, сонымен қатар визуалдау, басқару және қуаттау механизмдері бар.
Сонымен қатар, қазақстандық команда өнер көрсеткен күні желді ауа-райының қолайсыздығы, негізгі бәсекелестеріміздің алғашқы жартылай финалдық жарысықан қолайлы күндерден қатты ерекшеленді.
Бұл факторлар қазақстандық танкішілердің жоғары кәсібилігі мен шеберліктеріне қарамастан жартылай финалдың нәтижесін алдын ала анықтады. Сонымен қатар, біздің командаға финалға шығу үшін қажетті уақытты көрсетуге мүмкіндік бермеді.
Жартылай финалдың нәтижелеріне сәйкес уақыт бойынша ең жақсы 4 командалар анықталды: Әзірбайжан, Беларусь, Қытай және Ресей. Финалға шыққан аталмыш командалар 2020 жылғы 5 қыркүйекте өтетін Армия халықаралық ойындарының соңғы күнінде өтетін танк биатлонында жарысады.
Айта кету керек, танк биатлонына қатысушылардың дайындық деңгейі, бәсекелестігі жылдан жылға артып келеді. Біздің танкішілер тартысты күресте 16 қатысушы ел арасында бесінші орынға ие болды. Олар қысылтаяң жағдайларда өздерінің берік мінез, мақсатқа жетудегі табандылық, жеңіске деген ерік-жігер сынды қасиеттерін көрсете білді.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
650 мыңнан астам қазақстандық тұрғын үйге кезекте тұр
Үкімет отырысында Премьер-Министр Олжас Бектенов тұрғын үй құрылысы және проблемалық объектілерді аяқтау мәселесі бойынша өнеркәсіп және құрылыс министрі Қанат Шарлапаевтың, сондай-ақ бірқатар өңірлер әкімдерінің баяндамасын тыңдады, деп хабарлайды ҚР Үкіметінің баспасөз қызметінен.
Олжас Бектенов Үкімет алдына биыл тұрғын үй құрылысына қатысты көптеген маңызды міндеттер қойылғанын атап өтті. Бұл - рекордтық 18 млн шаршы метр тұрғын үйді тапсыру, Мемлекет басшысының жаңа ипотекалық бағдарламаны іске қосу туралы тапсырмасын жүзеге асыру, сондай-ақ үлестік құрылыс пен заңсыз құрылыстың қордаланып қалған проблемаларын түпкілікті шешу.
Премьер-Министр қазіргі уақытта 650 мыңнан астам адам үй кезегінде тұрғанын атап өтті. 2023 жылы өңірлер әкімдіктері тұрғын үй бағдарламасына қатысуға өтініш берушілердің талаптарға сәйкестігін тексеру бойынша жұмыстарын бастады. Мәселен, Мысалы, Ақмола облысында баспана кезегінде тұрғандардың ішінде талаптарды бұзған 16 мыңға жуық азамат, Шымкент қаласында 36 мыңнан астам адам анықталды. Бірақ, олардың аз ғана бөлігі кезектен шығарылған.
Премьер-Министр әкімдіктерге тізімдерді бірінші жартыжылдықтың соңына дейін өзектендіруді және тұрғын үй бағдарламасының іске асырылуына мониторинг жүргізуді тапсырды.
Барлық әкімдіктер осы тізімдерді қайта қарап, жұмысты І жартыжылдықтың соңына дейін аяқтауы қажет. Бәрі белгіленген ережеге сай болуға тиіс. Кезекке қабылдауды ашық әрі бәріне түсінікті етіп жасау керек. Сондай-ақ тізімге енгізілген адамдарға нақты мониторинг жүргізілуге тиіс", - деп атап өтті Олжас Бектенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.