Система Orphus

Қазақстанның әскери теңізшілері 2019 жылдың Халықаралық армиялық ойындарына дайындалуда

10.06.2019, 19:52 4051

Нұр-Сұлтан. 10 маусым. Kazakhstan Today - Қазақстан Республикасы Қарулы Күштері Әскери-теңіз күштерінің "Маңғыстау" кемесінің экипажы тамыз айында Әзербайжан елінің Каспий теңізі акваториясында өтетін Халықаралық армиялық ойындарға дайындалуда.

"Теңіз Кубогі" сайысында Қазақстан Қарулы Күштерінің намысын "Маңғыстау" кемесі қорғайтын болады. Оның құрамына 65 әскери қызметші кіреді. Олар сайыстың үш түріне қатысатын болады, ол кеменің мақсаты бойынша қолданылуы (артиллериялық оқпен атыс), кеменің сақталуы үшін күрес және теңіз машықтылығы мен құтқару жұмыстары сайысы.

Осы күндері, "Маңғыстау" кемесінің экипажы әуедегі, теңіздегі нысаналар бойынша атыс жаттығуларын жүргізіп, жүзіп жүрген миналарға қарсы тұру бойынша дайындықтар жүргізуде. Әрбір жаттығу сайын, жеке құрам өз біліктілігі мен үйлесімділігін арттырып, тәжірибелерін арттыруда.

Аталмыш сайысқа қатысуға каспий маңы елдерінің су сыйымдылығы 1000 тоннадан аспайтын кіші кемелерінің қатысуына рұқсат етілген. Шарт бойынша, олардың артиллериялық және атыс қаруларымен қоса, құтқару шараларын орындау үшін кіші көлемдегі жүзу құралдары (катер, шлюпка) болуы тиісті. Бұл Ресей Федарциясы, Иран Ислам Республикасы, Әзербайжан Республикасы мен Қазақстан Республикасы Қарулы Күштерінің кемелеріне қатысуына мүмкіндік береді.

Естеріне сала кетсек, "Теңіз Кубогы-2019" (әскери биатлон) сайысы 2019 жылғы Халықаралық армиялық ойындардың бағдарламасына енген және осы сайысқа Қазақстан Қарулы Күштерінің Әскери-теңіз күштері қатысатын болады.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны