АСТАНА. 12-шілде. Kazakhstan Today. Бас прокуратура мал дәрігерлігі саласындағы орталық уәкілетті орган - Қазақстан Республикасының Ауылшаруашылық министрлігіне қарасты Агроөнеркәсіп кешеніндегі мемлекеттік инспекция комитетінің қызметіндегі заңдылықтың сақталуына жүргізген тексерісін аяқтап, оның барысында бірқатар кемшіліктердің бетін ашты, деп хабарлайды Kazakhstan Today тілшісі.
Атап айтсақ, ҚР Бас прокуратурасының ресми өкілі Сапарбек Нұрпейісовтың бүгін өткен абспасөз мәслихатында мәлімдегеніндей, "тексеріс барысында осы уәкілетті органның тыйым салу сипатындағы заңсыз нұсқаулары, мемлекеттік ветеринарлық қадағалауға жататын жүктерге рұқсат беру мерзімдерін бұзу, бұрын берілген рұқсаттарды заңсыз ұзарту, жекелеген адамдардың кәсіпкерлік қызметтерін жөнсіз қолдау көрсету, мемлекеттік ветеринарлық инспекторлардың жекелеген кәсіпорындар есебінен және олардың мүддесін көздеп шетелге іс-сапарға барып қайтуы және ветеринарлық талаптарды бұзғандарға шара қолданбау сияқты кемшіліктер анықталды".
Атап айтқанда, 2006 жылы және 2007 жылдың 5 айында Қазақстан Республикасының бас мемлекеттік ветеринарлық инспекторы мен оның орынбасары мемлекеттік ветеринария басқармасының аумақтық органдарына мемлекеттік ветеринарлық қадағалауға жататын жүктердің импортына, экспортына және транзитіне тыйым салатын он екі нұсқау жолдаған.
Жалпы Заң мемлекеттік ветеринарлық қадағалауға жататын жүктерді эпизоотиялық жағдайы нашар аумақтардан экспорт яки импорт жасауға, сондай-ақ транзитпен алып өтуге бақылауды арнайы құқықтық акті - белгіленген түрде рұқсат беру арқылы жүзеге асыруды көздейді. Бұл ретте әлгіндей жалпы тыйым салу туралы нұсқаулар жүрмейді.
Прокурорлық тексеру барысында мемлекеттік ветеринарлық қадағалауға жататын жүктерді Қазақстан Республикасының мемлекеттік шекаралары арқылы өтуге рұқсат беру тәртібінің бұзылуына қатысты бірқатар деректер анықталды.
Уәкілетті органда қолданыстағы заңдылық талаптарын бұза отырып, бұрын берілген рұқсаттардың мерзімін ұзарту және оларды жүктерді өткізу кезінде берудің жөнсіз тәжірибесі қалыптасқаны белгілі болып отыр.
"Республиканың бұрынғы бас мемлекеттік ветеринарлық инспекторы Асылбек Қожамұратов заңда қарастырылған ветеринарлық талаптарды бұзғандарға шараларды қолданудың орнына жүк алып өтуге рұқсатты оңды-солды бере берген", делінген қадағалаушы органның хабарламасында.
Атап айтқанда, Мемлекеттік реестр мәліметтеріне қарағанда бас мемлекеттік ветеринарлық инспектор мен оның орынбасары 2006 жылы және 2007 жылдың қаңтарынан мамыр айына дейінгі аралық ішінде ғана мемлекеттік ветеринарлық қадағалауға жататын жүктердің импортына - 3615, экспортына - 4056, транзитіне - 1351, барлығы 9022 рұқсат берген.
Соңғы бір жарым жыл ішінде республиканың бас мемлекеттік ветеринарлық инспекторы бұрын берілген рұқсаттың 1829-ын заңсыз ұзартқан.
2006 жылы мұндай заң бұзушылықтар жүйелі сипат алып кеткен.
"Сондай-ақ осы уақытқа дейін Қазақстан Республикасының бас мемлекеттік ветеринарлық инспекторы мен оның орынбасары бір де бір әкімшілік іс қарастырмағаны да назар аударарлық жәйт", дейді С.Нұрпейісов.
"Қолда бар мәліметтерге қарағанда, бас мемлекеттік ветеринарлық инспекторының кем дегенде он заңды тұлғаларды әкімшілік жауапкершілікке тартып, 2007 жылдың 5 айының ішінде ғана ветеринария саласында нормативтік құқықтық актілердің талаптарын бұзған үшін мемлекеттік кірісіне бес миллионнан астам теңге айыппұл салуға мүмкіндігі болған. Алайда өкінішке орай олай болған жоқ",- деді ресми өкіл.
Тексеріс барысында, мемлекеттік ветеринария басқармасының лауазымды адамдары мемлекеттік ветеринарлық қадағалауға жататын жүктерді тасумен айналысатын жекелеген заңды тұлғалардың мұдделерін қолдағаны анықталды.
Халықаралық эпизоотиялық бюросының Қытайдағы құс тұмауы мен аусыл ауруларының басталғаны жөніндегі хабарламасына байланысты 2005 жылдан бастап уәкілетті орган осы елден барлық мемлекеттік ветеринарлық қадағалауға жататын жүктерді әкелуге рұқсат беруге шектеу қойған болатын.
С.Нұрпейісовтың айтуынша, "алайда Республиканың бас мемлекеттік инспекторы Қожамұратов осы шектеуге қарамастан Қытайдан елімізге жүк әкелуге кейбір кәсіпкерлерге рұқсат беріп, кейбіреулеріне бермеген. Мұндай мысалдар аз емес".
Қазақстан Республикасының "Сыбайлас жемқорлық туралы" Заңына заңды және жеке тұлғаларға заңсыз қолдау көрсету сыбайлас жемқорлық үшін жағдай туғызатын заң бұзушылық болып саналады.
Сонымен қатар прокурорлық тексеру қорытындысы бойынша уәкілетті органның заңды және жеке тұлғаларға рұқсат беру мерзімін бұзғаны, Мемлекеттік реестрді салдыр-салақ жүргізгені анықталды.
2007 жылдың екі айының ішінде ғана жүктерге берілген рұқсат мерзімдерін асырып жіберудің жиырмадан астам фактісі анықталды.
Тексеру барысында уәкілетті орган заңды және жеке тұлғаларға рұқсат беру үшін негіз болған құжаттарды көрсете де алмады.
Мысалы, реестрге тіркелеген және жүктердің транзиті, экспорты және импорты үшін берілген жеті жүз он үш рұқсаттың бір жүз елу бірінде тиісті құжат және аумақтық басқармалардың жазбаша сұратуы болмаған.
Осы үстіміздегі жылдың ақпан айында осындай бес жүз сексен сегіз рұқсаттың бір жүз елу үшінде дәл осындай тиісті құжаттар болмаған.
Аталмыш уәкілетті органда коммерциялық кәсіпорындардың мүдделеріне орай жөнелтілетін жүктерге рұқсатты олардың шын берілген мерізімін бұрмалап беру дәстүрге айналып кеткен.
Осы тексеру барысында мемлекеттік ветеринарлық инспекторлардың ветеринарлық қадағалауға жататын жүктерді әкелумен шұғылданатын заңды тұлғалардың есебінен коммерциялық мақсатпен шетелге іс-сапарға бару фактілері де анықталды.
Бас прокуратура осы тексеру нәтижесінде Ауыл шаруашылығы министрлігіне осы анықталған заң бұзушылықтарды жою жөнінде ұсыныс жасады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Бас прокуратура мал дәрігерлік қадағалау саласында бірқатар кемшіліктердің бетін ашты
тақырып бойынша жаңалықтар
Қонаев қаласының әкімі тағайындалды
Сурет: gov.kz
Алматы облысы әкімінің өкімімен Бердіханов Асхат Ермекұлы Қонаев қаласының әкімі болып тағайындалды, деп хабарлайды Алматы облысы әкімдігінің баспасөз қызметінен.
Асхат Бердіханов 1975 жылы туған, білімі-жоғары. 1995 жылы Павлодар каласының машина жасау колледжін "Өнеркәсіптік кәсіпорындардың электр жабдығы" мамандығы бойынша, 2005 жылы С.М. Торайғыров атындағы Павлодар мемлекеттік университетін "Заңгер" мамандығы бойынша, 2015 жылы Еуразиялық технологиялық университетін "Электроэнергетика" мамандығы бойынша, 2017 жылы С.М. Торайғыров атындағы Павлодар мемлекеттік университетін "Энергетика және электротехника" мамандығы бойынша, 2022 жылы А.Сагинов атындағы Қарағанды техникалық университетін "Құрылыс" мамандығы бойынша бітірген. Еңбек жолын 1995 жылы Павлодар трактор зауытында электромонтер болып бастаған.
Әр жылдары құқық қорғау органдарында әртүрлі лауазымдарда жұмыс істеді. Балқаш жылу электр станциясы Басқарма төрағасының орынбасары, "Самұрық-Энерго" акционерлік қоғамының бас менеджері, "Алатау Жарық компаниясы" АҚ бас инженері, "Samruk-Kazyna Construction" басқармасының бастығы, Түркістан облысының энергетика және тұрғын үй-коммуналдық шаруашылық басқармасы басшысының орынбасары, Ұ.Қантаев атындағы Мойнақ гидроэлектростанциясының Басқарма төрағасының бірінші орынбасары - бас инженері қызметтерін атқарды.
2023 жылдың наурыз айынан бастап қазіргі уақытқа дейін Алматы облысының энергетика және тұрғын үй-коммуналдық шаруашылық басқармасының басшысы болып жұмыс істеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда вейпке тыйым салынады: Тоқаев заңға қол қойды
Сурет: Depositphotos
Мемлекет басшысы "Қазақстан Республикасының кейбір заңнамалық актілеріне денсаулық сақтау мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды, деп хабарлайды Ақорданың баспасөз қызметінен.
Заң медицина қызметкерлерін құқықтық және қаржылық тұрғыдан қорғау жүйесін енгізуге және олардың жауапкершілігін арттыруға, сондай-ақ жастар арасында құрамында никотині бар заттардың таралуының алдын алу және оған қарсы күресу үшін жүйелі шаралар қабылдауға бағытталған.
Заң арқылы медицина қызметкерлерінің кәсіби жауапкершілігін сақтандыру тетігі енгізілді (Заң ресми жарияланғаннан кейін 6 ай өткен соң қолданысқа енеді).
Сонымен қатар медицина қызметкерлерін қолдауға бағытталған түзетулер қабылданды. Атап айтқанда:
- тұрғылықты жері бойынша мектепке дейінгі ұйымдардан балалары үшін басым тәртіппен орын алу, кәсіби қызметіне заңсыз араласудан және кедергі келтіруден қорғау, мамандығына құрметпен қарау, медициналық мамандығы бойынша әскери қызметін өткеру немесе әскери қызметке шақыруды кейінге қалдыру құқықтары берілді;
- "Қазақстанның еңбек сіңірген дәрігері" құрметті атағы - мемлекеттік наградасы белгіленді;
- Басы артық есеп немесе ақпарат беруден босату үшін денсаулық сақтау саласындағы уәкілетті орган бұдан былай медицина қызметкерлері толтыруға міндетті құжаттама тізбесін бекітеді;
- Аса тапшы мамандықты меңгерген медицина қызметкерлері ауылдық жерге кемінде 5 жыл жұмыс істеуге келген жағдайда, оған ең төменгі жалақының 100 еселенген мөлшерінде бірреттік ақшалай төлем беріледі.
Бұдан бөлек, Заңда шегуге келмейтін темекі өнімдерін, вейптерді, хош иістендіргіштерді және оларға арналған сұйықтықтарды сатуға, таратуға, сондай-ақ оларды жарнамалауға тыйым салу қарастырылған (Бұл норма ресми жарияланғаннан кейін 60 күн өткен соң қолданысқа енгізіледі).
Заңның мәтіні баспасөзде жарияланады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандағы су тасқынынан зардап шеккендерге үкімет қандай көмек көрсетеді
Сурет: akorda
Елімізде ауқымды су тасқынынан зардап шеккен азаматтарға келтірілген залалды өтеу процесі жалғасуда. Үкімет бұл жұмысты Мемлекет басшысы Қасым-Жомарт Тоқаевтың тапсырмасы бойынша жүргізуде, деп хабарлайды Үкіметтің баспасөз қызметінен.
Атырау, Батыс Қазақстан, Қостанай, Солтүстік Қазақстан және республиканың басқа да бірқатар облыстарының тұрғындары арнайы құрылған өңірлік комиссияларға тиісті өтініштер береді. Бүгінгі таңда 16 343 өтініш қабылданған.
Биылғы 19 сәуірдегі жағдай бойынша, зардап шеккен өңірлерде 2787 отбасы шамамен 2,4 млрд теңге сомасына 100 АЕК мөлшерінде біржолғы төлем алды. Келтірілген материалдық шығын үшін өтемақы көлемі 565,7 млн теңгеге жетті. Бұл қолдау шарасы 1377 отбасын қамтыды.
Бүгінгі таңда зардап шеккен өңірлерде 3053 тұрғын үй тексеріліп, 1807 нысан бойынша бағалау жүргізілді.
Қазірдің өзінде 206 отбасы 254 млн теңгеден астам сомаға жөндеу жұмыстарын жүргізуге төлем алып үлгерді.
Келтірілген шығынды өтеу жұмыстары жалғасуда және Үкіметтің қатаң бақылауында. Ел Президентінің тапсырмасы бойынша барлық зардап шеккен барлық азаматтарға жан-жақты көмек пен қолдау көрсетіледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қасым-Жомарт Тоқаев пен Садыр Жапаров екі ел өнерпаздарының гала-концертін тамашалады
Сурет: akorda
Қасым-Жомарт Тоқаев пен Садыр Жапаров екі ел өнерпаздарының гала-концертін тамашалады, деп хабарлайды Ақорданың баспасөз қызметінен.
Бейбітшілік және келісім сарайында өткен шарада Қазақстан мен Қырғызстанның танымал мәдениет қайраткерлері өнер көрсетті.
Бұдан бөлек, концертте "Астана опера" мемлекеттік опера және балет театрының әртістері, "Гүлдер", "Астана сазы", "Аркасыры" (Қырғызстан) ансамбльдері сияқты шығармашылық ұжымдар көрермендерге керемет көңіл күй сыйлады.
Бағдарлама аясында "Манас" эпосынан үзінді оқылып, қос халыққа кең тараған әндер мен күйлер орындалды. Сондай-ақ бірнеше хореографиялық композиция ұсынылды.
Сонымен қатар концертті Қырғызстанның ресми делегациясы мүшелері мен зиялы қауым өкілдері тамашалады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
"Семей орманы" резерваты мен Қазақстандағы үш облыс өрт болған жағдайда дайын емес
Сурет: ТЖМ
Семей орманы" резерваты мен Қазақстандағы үш облыс өрт болған жағдайда дайын емес, деп хабарайды Үкіметтің баспасөз қызметінен.
ҚР Премьер-Министрінің орынбасары Қанат Бозымбаев экология және табиғи ресурстар министрі Ерлан Нысанбаев пен төтенше жағдайлар министрі Шыңғыс Әріновтың қатысуымен өрт қаупі жоғары кезеңге дайындық мәселелері бойынша кеңес өткізді.
Бүгінгі таңда ТЖМ-де 441 өрт сөндіру бөлімшесі жұмыс жасайды. Өңірлерде 230 ерікті құрылым, сондай-ақ жергілікті атқарушы органдардың 709 бекеті бар. Вице-премьер мемлекеттік өртке қарсы қызмет жоқ жерлерде тағы 49 өрт сөндіру бекетін құруды жеделдетуді тапсырды.
Өрт қаупі жоғары кезеңге дайындық шеңберінде 272,5 млн га алаңда ғарыштық мониторинг жүргізілуде, алайда жер серіктерінен алынған деректер, тек ел аумағы толық барланған соң, бірнеше сағаттан кейін ТЖМ станциясына жіберіледі. Бүгінде ЦДИАӨМ виртуалды станция құру бойынша жұмыс істеуде. Бұл өрт ошағын анықтау және жер серіктен түсірілімді жүктеу арасындағы уақытты 20-40 минутқа дейін қысқартуға мүмкіндік береді.
Орман қорының қауіпсіздігін қамтамасыз ету және өрт қаупі жоғары кезеңге дайындық барысы Президент пен Үкіметтің ерекше бақылауында. Экология және табиғи ресурстар министрлігі 158 мемлекеттік орман иеленушіні тексерді. Тексеру қорытындысы бойынша ведомство басшысы Ерлан Нысанбаев "Семей орманы" резерваты, сондай-ақ Павлодар, Ақмола және Қостанай облыстары өрт қаупі жоғары кезеңге толық дайын емес деп мәлімдеді.
Сонымен қатар ЖЖМ резервінің жоқтығы, орман өрт сөндіру станциялары ғимараттарының апатты күйде не тіптен болмауы, өрт сөндіру мұнараларының жетіспеушілігі, арнайы техниканың тозуы сынды кемшіліктер анықталған. Рациялардың болмауы және арнайы киімдердің жетіспеушілігі мәселелері де өзекті.
Қанат Бозымбаев былтырғы "Семей Орманы" резерватының трагедиясы қайталанбауы тиіс екенін атап өтіп, анықталған кемшіліктерді жою бойынша шұғыл шаралар қабылдауды тапсырды.
Абай және Қостанай облыстарында болған ірі табиғи өрттердің салдары әлі де есімізде. Әрбір қызметкерді өртке қарсы арнайы киіммен, рациялармен және қажетті құрал-жабдықтармен міндетті түрде қамтамасыз ету қажеттігіне ерекше назар аударғым келеді", - деді Қанат Бозымбаев.
Кеңес қорытындысы бойынша вице-премьер өңірлердің әкімдіктеріне бір аптада табиғи өрттер қаупін төмендету бойынша өңірлік іс-шаралар жоспарын әзірлеуді және бекітуді тапсырды.
Облыс әкімдері өңірлік іс-шаралар жоспарларын іске асыруға тікелей жауапты", - деді Қанат Бозымбаев.
Сондай-ақ ТЖМ-ге бір апталық мерзімде аэровизуалды бақылау және өртті сөндіру үшін көрсетілетін тікұшақ қызметінің көлемін ұлғайту бойынша ұсыныстар енгізу тапсырылды.
Экология министрлігіне орман қоры аумағында өрттерді ерте анықтау жүйелерін орнату, орман және табиғатты қорғау мекемелерін материалдық-техникалық жарақтау жұмыстарын жандандыру тапсырылды.
Бұдан бөлек, ІІМ мен әкімдіктер өрт қаупі жоғары кезеңде жеке тұлғалардың орман қоры аумағында болуына жол бермеу, оның ішінде ықтимал қасақана өртеуден сақтау шараларын қабылдайды. Мұндай фактілер анықталған жағдайда азаматтар заңға сәйкес жауапкершілікке тартылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.