Бас прокуратура мемлекеттік органдар мен әкімдіктердегі ішкі қаржылық бақылау қызметінің әділдігіне кепілдік бере алмайды - Кравченко (толықтырылған нұсқа)
Бас прокуратура мемлекеттік органдар мен әкімдіктердегі ішкі қаржылық бақылау қызметінің әділдігіне кепілдік бере алмайды - Кравченко (толықтырылған нұсқа)
Астана. 2 сәуір. "Қазақстан Бүгін" - Бас прокуратура мемлекеттік органдар мен әкімдіктердегі ішкі қаржылық бақылау қызметінің әділдігіне кепілдік бере алмайды. Бұл туралы бүгін өткен "Қазақстан Республикасындағы ішкі мемлекеттік қаржылық бақылауды дамыту" атты дөңгелек үстел барысында Қазақстан Республикасы Бас прокуратурасының мемлекеттік органдар қызметі мен заңдылығын бақылау департаментінің басшысы Андрей Кравченко мәлім етті, деп хабарлайды "Қазақстан Бүгін" агенттігінің тілшісі.
"Бізге ұсынылатын орталық мемлекеттік және жергілікті атқару органдарының ішкі қаржылық бақылау және аудит қызметінің объективтілігі өз деңгейінде келмейді", - деді А. Кравченко.
"Бұның себебі неліктен? Сіздер жасаған баяндамалардың көбісінде бұл сұраққа жауап айтылды. Мен тек қана мұндай объективтілікке кепілдік берілмесе, қаржылық тәртіптің бұзылуын анықтай отырып ішкі қадағалау және аудит органдары тиісті жариялылықтың орнына өздері тексеруі тиіс мемлекеттік органдардағы заң бұзушыларға кеңес беру органына айналу қаупі бар екенін атап айтқым келеді", - деп сөзін толықтырды ол Қаржы министрлігінің өкілдеріне арнап.
Өз кезегінде ҚР Қаржы министрлігінің қаржылық бақылау және мемлекеттік сатып алулар комитетінің өкілі Шолпан Шайназарова ҚР үкіметінің қаулысына сәйкес ішкі бақылау қызметін құру 16 мемлекеттік органға рұқсат етілген. Ал бүгінгі таңда ол 14-інде жұмыс істеуде. "Олардың екеуі мемлекеттік органдарда Транспорт және коммуникация министрлігі мен Туризм және спорт министрлігінде биылғы наурызда ғана құрылды. Бүгінгі таңда көрсетілген тізімнің ішінде тиісті құрылымдар Денсаулық сақтау министрлігі мен Жоғарғы сотта құрылған жоқ", - деп толықтырды ол.
"Қаржылық бақылау комиетінің қызметіне жасалған сараптама олар анықтаған барлық қаржылық заң бұзушылықтардың ішінде бюджет қаражатын тиімсіз және негізсіз пайдалану жиі ұшырасады. Сонымен бірге, аталмыш заң бұзушылықтар ішкі бақылау қызметі құрылған министрліктерде ғана анықталып отыр", - деп атап көрсетті Қаржы министрлігінің өкілі.
Оның пайымдауынша, бұның басты себебі кейбір мемлекеттік органдардың Бюджеттік кодекстің 141-бабын орындамауынан туындап отыр. "Оған сәйкес, ішкі қаржылық бақылау қызметі орталық мемлекеттік орган жетекшісіне жауапты және осы мекеменің өзге құрылымдық бөлімшелерінен ұйымдастырушылық жағынан, сондай-ақ, функционалдық жағынан тәуелсіз болып табылады".
"Бірқатар министрліктерде осы қызметтердің бағыныштылық құрылымы кодекстің аталмыш нормасына қайшы келеді. Мысалы, Иділет министрлігінің орталық аппараты қаржылық жоспарлау және бақылау департаментінің бөлімшесі болып табылады. Яғни, аталмыш департаментке тәуелді болып келеді", - деп сөзін жалғады ол.
"Осы министрлік Қылмыстық атқару жүйесі комитетінде ішкі қаржылық бақылау қызметін құрған. Бұл мұндай қызмет құруға рұқсат берілген мемлекеттік органдар тізімін бекіту туралы үкімет қаулысына қайшы", - деді Ш. Шайназарова.
Оның айтуынша осындай жағдай Ішкі істер министрлігінде де қайталанып отыр. Бұл органдағы ішкі қаржылық бақылау қызметі қаржылық қамтамасыз ету департаментінің алдында жауапты. Сонымен бірге, министрлік осы секілді қызметтерді Ішкі әскер комитетінде, облыстық, сондай-ақ, Алматы мен Астана қалаларындағы ішкі істер департаменттерінде құрған.
"Мұндай жағдайды біз Білім және ғылым министрлігінен де көріп отырмыз", - деп сөзін қорытындылады Ш. Шайназарова.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.