Батыс Қазақстанда су алу көлемі 25 млрд текше метрге жетті
Сурет: Depositphotos
Батыс Қазақстан облысында су алу көлемі 25 млрд текше метрге жетті, деп хабарлады "Байтақ" жасылдар партиясының V кезектен тыс съезінде партия төрағасы Азаматхан Әміртаев.
"Біз елде арнайы орган - Су ресурстары және ирригация министрлігін құруды ұсындық, ол құрылды. Бүгінде Батыс Қазақстанда су алу көлемі 25 млрд текше метрге дейін өсті. Осы жетістікпен су шаруашылығы саласының қызметкерлерін құттықтаймын", - деді Азаматхан Әміртаев.
Оның айтуынша, "Байтақ" партиясы айналым экономикасы туралы заң әзірлеп, қабылдау бастамасын көтеріп отыр.
"Елдің әл-ауқаты жер қойнауы мен табиғи ресурстарды игеру арқылы ғана емес, қолда бар байлыққа ұқыпты қарау арқылы да қамтамасыз етіледі", - деді партия төрағасы.
Естеріңізге сала кетсек, бұған дейін Қазақстанда су шаруашылығы саласын дамытуға 3 трлн теңгеден астам қаржы бағытталатыны хабарланған болатынбыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Маңғыстауда бала қайтыс болғаннан кейін балалар ауруханасының директоры қызметінен босатылды
Сурет: Depositphotos
Маңғыстау облыстық көпбейінді балалар ауруханасының директоры бала қайтыс болғаннан кейін қызметінен босатылды. Бұл туралы Денсаулық сақтау министрі Ақмарал Әлназарова мәлімдеді.
Министрдің айтуынша, қайғылы оқиғадан кейін Медициналық және фармацевтикалық бақылау комитеті мен жергілікті атқарушы органдардың комиссиясы облыстық балалар ауруханасы мен Ақтау қаласының №2 қалалық емханасында жоспардан тыс тексеру жүргізген.
Тексеру нәтижесінде медициналық көмекті ұйымдастыру және көрсету барысында өрескел заңбұзушылықтар анықталған.
"Тексеру қорытындысы бойынша облыстық балалар ауруханасының директоры қызметінен босатылды", - деп нақтылады министр.
Медициналық көмек көрсету фактісі бойынша прокуратура қылмыстық іс қозғаған. Сотқа дейінгі тергеу аяқталып, іс материалдары сотқа жолданды.
Ақмарал Әлназарова жағдайды жеке бақылауында ұстап отырғанын мәлімдеді. Сондай-ақ, министр Астанада қайтыс болған баланың анасын жеке қабылдайтынын айтты.
"Бұл отбасы үшін орны толмас қайғы. Кінәлілер әділ жазасын алады", - деп атап өтті министр.
Еске салайық, Lada.kz мәліметінше, бала қаңтар айында ішінің ауырғанына кенеттен шағымданған. Оны аппендицитке күдікпен балалар ауруханасына жеткізген. Алайда үш сағат бақылауда болғаннан кейін үйіне жіберілген.
Кейінгі күндері баланың іші ауырып, дене қызуы көтерілген. Отбасы бірнеше рет медициналық көмекке жүгінгенімен, нақты диагноз қойылмаған.
Баланың жағдайы күрт нашарлағаннан кейін ол ауруханаға жатқызылып, ота жасалған. Анасының айтуынша, операция кезінде баланың соқыр ішегі мен ішегінің едәуір бөлігі алынған. 19 ақпанда бала санитариялық авиациямен әрі қарай ем алу үшін Алматыға жеткізілді. Дәрігерлер тарапынан жүргізілген медициналық шараларға қарамастан, 13 сәуірде бала қайтыс болды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ІІМ WhatsApp аккаунттарына алаяқтардың шабуылы туралы ескерту жасады
Сурет: Depositphotos
Жеке деректерді қорғау мақсатында Ішкі істер министрлігі WhatsApp мессенджеріндегі аккаунттарға рұқсатсыз қол жеткізу фактілері туралы ескертеді, - деп хабарлайды Polisia.kz.
ІІМ аккаунтыңыздың қауіпсіздігін күшейту үшін екі сатылы тексеруді қосуды ұсынады. Ол үшін WhatsApp қосымшасын ашып, "Баптаулар" бөліміне өтіңіз, "Аккаунт", одан кейін "Екі сатылы тексеру" бөлімін таңдап, "Қосу" батырмасын басыңыз. Алты таңбалы PIN-код орнатып, қолжетімділікті қалпына келтіруге арналған электрондық пошта мекенжайын енгізіңіз. Орнатылған PIN-кодты ешкімге хабарламаңыз.
Сондай-ақ аккаунтыңызға қосылған құрылғыларды тұрақты түрде тексеріп отыру қажет. Ол үшін мәзірді (оң жақ жоғарғы бұрыштағы үш нүкте) ашып, "Байланыстырылған құрылғылар" бөлімін таңдаңыз және қосылған құрылғылар тізімімен танысыңыз. Егер өзіңізге белгісіз құрылғыны байқасаңыз, оны таңдап, "Шығу" пәрменін басу арқылы қолжетімділікті дереу тоқтатыңыз.
Аккаунтыңыздың бұзылғанын білдіретін негізгі белгілер:
- белгісіз құрылғылардың қосылуы;
- сіздің қатысуыңызсыз хабарламалардың жіберілуі;
- таныстарыңыздан сіздің атыңыздан күмәнді өтініштердің келіп жатқаны туралы хабарламалар;
- өзіңіз сұратпаған растау кодтарының SMS арқылы келуі;
- сондай-ақ аккаунттан өздігінен шығып кету жатады.
ІІМ растау кодтарын ешкімге бермеуге кеңес береді.
"Егер күмәнді сілтемелерге өтпеңіз және бейтаныс адамдардың нұсқауымен бөгде қосымшаларды орнатпаңыз. Жеке деректеріңіздің қауіпсіздігіне жауапкершілікпен қараңыз. Аккаунтыңыздың бұзылу белгілері анықталған жағдайда, оны қорғау бойынша шұғыл шаралар қабылдап, құқық қорғау органдарына жүгініңіз. WhatsApp мессенджерінде рұқсатсыз белсенділік анықталған жағдайда "Байланыстырылған құрылғылар" бөліміндегі барлық белсенді сеанстарды дереу аяқтап, екі сатылы тексерудің PIN-кодын өзгертіңіз және аккаунтыңыздың бұзылуы мүмкін екендігі туралы байланыстағы адамдарды хабардар етіңіз",- деп ескертеді күш құрылымдары.
Сонымен қатар, Ішкі істер министрлігі егер танысыңыздан шұғыл түрде ақша аударуды сұраған хабарлама келсе, міндетті түрде оған телефон арқылы немесе басқа байланыс құралы арқылы хабарласып, хабарламаны шынымен сол адамның өзі жібергеніне көз жеткізге кеңес береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бақыт Есімова Президенті әкімшілігінің бөлімінің меңгерушісі лауазымына тағайындалды
Бақыт Амангелдіқызы Есімова Қазақстан Республикасы Президенті Әкімшілігінің Өтініштерді қарауды бақылау бөлімінің меңгерушісі лауазымына тағайындалды.
Президент тиісті өкімге қол қойды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда шекарадан жүк көліктерін өткізуге қойылатын бақылау күшейтіледі
Сурет: Depositphotos
Қазақстанда мемлекеттік шекарадағы автомобиль өткізу пункттерінен жүк көліктерінің өтуіне қойылатын бақылау күшейтіледі. Бұл мәселе Премьер-министрдің бірінші орынбасары Нұрлыбек Нәлібаевтың төрағалығымен өткен Үкіметтегі жедел кеңесте талқыланды.
Кеңес барысында "Әлімбет", "Жайсаң" және "Сырым" өткізу пункттеріндегі жағдай қаралды.
"Қазақстанның өткізу пункттері штаттық режимде тәулік бойы жұмыс істеп тұр",- деп мәлім етті ҰҚК Шекара қызметінен.
Маусымдық кезеңде транзиттік тасымалдардың өсуіне байланысты билік автомобиль өткізу пункттерін жаңғыртуға бақылауды күшейтті. Бұл өз кезегінде бақылау рәсімдерінен өту уақытын қысқартуға мүмкіндік береді.
Сонымен қатар, басым өткізу пункттерінің маңында жүргізушілерге арналған сервистік күту аймақтары салынады және де бұл жұмыстарды 2027 жылы аяқтау жоспарланып отыр.
Кеңес қорытындысы бойынша Көлік министрлігі мен басқа да тиісті мемлекеттік органдарға автокөліктердің үздіксіз әрі жедел өткізілуін қамтамасыз ету тапсырылды. Осы мақсатта жергілікті атқарушы органдармен бірлескен жедел штабтар құрылды.
Жағдай Үкіметтің бақылауында.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев отандастарымызды Абай күнімен құттықтады
Сурет: Ақорда
Президент Қасым-Жомарт Тоқаев отандастарымызды Абай күнімен құттықтады, деп хабарлайды Ақорданың баспасөз қызметі.
"Ұлы ойшылдың шығармашылық әрі зияткерлік мұрасы әлемдік және ұлттық мәдениеттің асыл қазынасы қатарынан айрықша орын алады. Абай ілімі - рухани шамшырағымыз, айнымас темірқазығымыз. Ақын жұртшылықты толғандыратын көкейкесті мәселелерді бүкпесіз айтып, халқымызды бейқамдық пен жалқаулықтан аулақ болуға шақырды", - деді президент.
Мемлекет басшысы Абайдың адамды үнемі өзімен жұмыс істеуге, рухани өсуге және өзін-өзі жетілдіруге үндейтін кемел тұлға тұжырымдамасы - "Толық адам" идеясы туралы еске салды.
Президент биыл Қазақстан Абай күнін мемлекет пен қоғамдағы ауқымды өзгерістер аясында атап өтіп отырғанын айтты.
"Қазақстанның Халық Конституциясы заңды күшіне еніп, биліктің барлық институттарын түбегейлі жаңғырту үдерісі басталды. Бұл - шын мәнінде, ұзақ мерзімге арналған даму бағдарымызды айқындайтын ерекше кезең", - делінген құттықтауда.
Тоқаев сондай-ақ тамыз айында еліміздің тарихында алғаш рет Құрылтай сайлауы өтетінін еске салды. Оның пікірінше, бір палаталы Парламент реформаларға жаңа сапа береді.
"Бұл өзгерістердің түпкі мәні - жасампаздық құндылықтарын азаматтардың санасына сіңіріп, Қазақстанның тың қарқынмен дамуына жол ашу. Біз қоғамда жаңа этиканы қалыптастыру, ұлттық бірегейлікті нығайту және гуманистік идеалдарды дәріптеу барысында әрдайым Абайға жүгінеміз. Ұлы ақын халықтың болашағы үшін білімпаздық, еңбекқорлық, жауапкершілік сынды қасиеттер өте маңызды екенін ұғындырды, көрегендік танытып, жұртты бірлік пен келісімді сақтауға шақырды", - деді мемлекет басшысы.
Тоқаев "Қара сөздерді" қазіргі Қазақстан құндылықтарының қайнар көзі деп атады. Оның айтуынша, "Адал азамат", "Таза Қазақстан", "Заң және тәртіп" идеялары Абай армандаған үйлесімді қоғамның негізін құрайды.
"Енді біз Әділетті, Озық әрі Қуатты Қазақстанды құрып жатырмыз", - деп атап өтті Президент.
Сөз соңында Тоқаев қазақстандықтарға зор денсаулық, бақ-береке және жаңа жетістіктер тіледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Қытай Алматыдағы жер сілкіністерін бірлесіп зерттеуге кірісті
Сурет: ЖИ
Алматыда болашақ Қазақстан-Қытай бірлескен жер сілкіністерін зерттеу орталығы ғимаратының ашылу рәсімі өтті, деп хабарлайды ҚР Төтенше жағдайлар министрлігінің баспасөз қызметінен.
Ғимараттың ашылуы сейсмикалық қауіпсіздік саласындағы Қазақстан мен Қытай арасындағы ынтымақтастықты дамытудың маңызды кезеңіне айналды. Қазақстан тарапы болашақ бірлескен орталықтың жұмыс істеуі үшін қажетті инфрақұрылымды құрды. Екіжақты ғылыми өзара іс-қимылды жүйелі түрде дамыту мақсатында Қазақстан-Қытай бірлескен жер сілкіністерін зерттеу орталығын құру туралы үкіметаралық келісімге қол қойылғанға дейін Ұлттық сейсмологиялық бақылаулар мен зерттеулер ғылыми орталығының құрылымында үш мамандандырылған зертхананы қамтитын Жер сілкіністерін зерттеу орталығы құрылды.
Аталған зертханалардың функционалдық бағыты болашақ бірлескен орталықтың жоспарланған жұмыс моделіне сәйкес келеді. Бұл қазіргі кезеңнің өзінде бірлескен ғылыми зерттеулерді бастауға мүмкіндік береді. Осы мақсатта Қазақстан мен Қытайдың ғылыми ұйымдары Қазақстан Республикасы Төтенше жағдайлар министрлігінің "Ұлттық сейсмологиялық бақылаулар мен зерттеулер ғылыми орталығы" ЖШС мен ҚХР Жер сілкіністері жөніндегі әкімшілігінің Геофизика институты арасында геофизика және сейсмология саласындағы ғылыми-техникалық ынтымақтастық туралы өзара түсіністік туралы меморандумға қол қойды.
Іс-шараға төтенше жағдайлар министрі, генерал-лейтенант Шыңғыс Әрінов, Алматы қаласының әкімі Дархан Сатыбалды, Қытай Халық Республикасының Алматыдағы Бас консулы Су Фанцю, ҚХР Жер сілкіністері жөніндегі әкімшілігінің Геофизика институтының өкілдері, мемлекеттік органдардың, ғылыми қоғамдастықтың өкілдері және шақырылған қонақтар қатысты.
Бірлескен жобаны іске асыру Қазақстан мен Қытай арасындағы ғылыми өзара іс-қимылдың жаңа кезеңіне жол ашады. Зерттеу нәтижелері сейсмикалық белсенділікті мониторингілеу мен болжаудың заманауи әдістерін дамытуға, сондай-ақ екі елдің сейсмикалық қауіпсіздік деңгейін арттыруға елеулі үлес қосады деп күтілуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.