БҰҰДБ жаңа COVID-19 вирусының пандемиясы кезінде Қазақстанға қолдау көрсетуде
Осы мақсатта БҰҰДБ жаңа құрылған COVID-ке жедел ден қою қорынан Қазақстанға арнап 100,000 АҚШ доллары мөлшерінде бастапқы грант бөлді.
Алматы. 21 сәуір. Kazakhstan Today - БҰҰДБ жаңа COVID-19 вирусының пандемиясы кезінде Қазақстанға қолдау көрсетуде.
Біріккен Ұлттар Ұйымының Даму бағдарламасы (БҰҰДБ) халықтың осал топтары үшін COVID-19 пандемиясының әлеуметтік-экономикалық салдарын жеңілдетуде Қазақстан үкіметіне қолдау көрсету бойынша ден қою шараларын қабылдауда. Осы мақсатта БҰҰДБ жаңа құрылған COVID-ке жедел ден қою қорынан Қазақстанға арнап 100,000 АҚШ доллары мөлшерінде бастапқы грант бөлді.
COVID-19 вирусының қарқынды таралуы дамушы елдер үшін қысқа мерзімді келешектегі денсаулық сақтау жүйесінің дағдарысынан, сондай-ақ көптеген айлар мен жылдарға ұласатын елеулі әлеуметтік-экономикалық салдарлардан көрініс табатын үлкен тәуекелдер төндіреді. Дамушы елдердегі кіріс шығындары 220 миллиард доллардан асып, 2020 жылы әлемдік экономика 3 пайызға күрт қысқарады деп күтілуде.
Климаттың өзгеруі сияқты, жаңа коронавирус пандемиясы экономиканың барлық секторларында және қоғамдық денсаулық сақтау, әлеуметтік қорғау және мемлекеттік басқарудан бастап елдердің тиімді дағдарыстық коммуникациялары мен экономикалық саясатына дейін барлық даму салаларында елдердің тұрақтылығына сын-қатер тудыруда.
"БҰҰ-ның COVID вирусымен күрес жөніндегі бірлескен күш салулары шеңберінде, БҰҰДБ әлеуметтік-экономикалық ден қою жөніндегі қызметке, оның ішінде COVID-19 вирусы пандемиясының әлеуметтік және экономикалық салдарларын және оның халықтың неғұрлым осал топтарына - мүмкіндігі шектеулі адамдарға, жастарға, көп балалы аналарға, ауыл тұрғындары мен қарттарға әсерін бағалай отырып басшылық етеді. Осы бағыттағы жұмыс нәтижелері дағдарыстан кейін қалыпқа келу жөніндегі үкіметтің ұзақ мерзімді шараларын нығайтуға көмектеседі", - деді Қазақстандағы БҰҰДБ тұрақты өкілі Якуп Бериш.
Сондай-ақ Қазақстандағы БҰҰДБ бастамалары дағдарыстан зардап шеккен тәуекел тобындағы жастар үшін жұмыс орындарын құруға бағытталған. Осы мақсатта БҰҰДБ қолданыстағы жастарды арнайы оқыту бағдарламасын психологиялық-әлеуметтік қолдауды, тәлімгерлікті және бағдарлауды қамтитын жұмыспен қамту жөніндегі кешенді құралдарға бейімдейді.
БҰҰДБ ел Үкіметіне өзін-өзі оқшаулау режимі шеңберінде мемлекеттік қызметшілердің көп санының қашықтан жұмыс жасауын талап ететін мемлекеттік аппараттың барлық буындарының бизнес-процестерінің үздіксіздігін қамтамасыз етуге көмектесу үшін цифрлық технологиялар мүмкіндіктерін пайдаланады.
Климаттың өзгеру салдары пандемия жағдайында да өзектілігін жоғалтпайтынын ескере отырып, БҰҰДБ қоршаған ортаны қорғау саласындағы инновациялар мен технологияларды пайдалана отырып, "жасыл" жобаларды ілгерілетуде елдерге қолдау білдіруде. Даму жөніндегі серіктестермен бірлесе отырып, БҰҰДБ Қазақсан Үкіметіне COVID-19 науқастарын қабылдайтын елдің емдеу мекемелерінде зарарлы медициналық элементтерді жағуды талап етпейтін қалдықтарды кәдеге жаратудың қазіргі заманғы технологияларын енгізу арқылы медициналық қалдықтарды жинау мен олардың айналымын қауіпсіз басқаруды қамтамасыз етуде қолдау көрсетуді жоспарлауда.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.