28.02.2024, 21:00 50016

Дүниежүзілік банк өкілдері еліміздің әлеуметтік саласындағы қызметтерді цифрландыру деңгейін жоғары бағалады

ҚР Премьер-Министрінің орынбасары Тамара Дүйсенова Дүниежүзілік банк өкілдерімен кездесті, деп хабарлайды Үкіметтің баспасөз қызметінен.

Жүздесуге халықаралық ұйымның Қазақстандағы тұрақты өкілі Андрей Михневтен өзге әлеуметтік қорғау, адами капиталды дамыту жөніндегі мамандары да қатысты.

Тамара Дүйсенова Қазақстан Үкіметі мен Дүниежүзілік банк арасындағы әріптестік қатынасқа оң баға беріп, халықты әлеуметтік қорғау саласында атқарылып жатқан шаралар туралы айтты. Вице-премьер әлеуметтік қорғау, білім беру және денсаулық сақтау салаларын дамыту ісінде әдістемелік, техникалық тұрғыда бірлесе жұмыс атқаруға шақырды.

Дүниежүзілік банктің Еуропа мен Орталық Азиядағы әлеуметтік қорғау тәжірибесінің жетекшісі Паоло Белли еліміздегі әлеуметтік төлемдерді тағайындау мен берудегі цифрландыру үрдісін ерекше атап өтті. Оның пікірінше, бұл тәжірибені өзге елдерде пайдалануға болады.

Халықаралық ұйым өкілдері алдағы уақытта әлеуметтік қорғау жүйесі мен бағдарламаларды, зейнетақы саясатын дамытуға, әріптестік қарым-қатынас деңгейін жоғарылатуға мүдделі екендерін жеткізді.
 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны