Достастық елдері әскери қызметшілері арасындағы "Ынтымақтастық жауынгері" байқауыныӊ іріктеу кезеӊі аяқталды
Астана. 12 Мамыр. Kazakhstan Today - Үміткер "Шығыс" өӊірлік қолбасшылығында Ұлы Отан соғысындағы Жеӊістіӊ 70 жылдығына арналған достастық елдері армиясыныӊ әскери қызметшілері арасындағы "Ынтымақтастық жауынгері" әскери байқауға қатысу үшін іріктеу кезеӊі өтті. Бұл іс-шара "Біздіӊ Ұлы Жеӊіске қосқан үлесіміз!" атты ұранныӊ аясында өтті, деп хабарлайды Kazakhstan Today агенттігініӊ тілшісі.
Байқау бірнеше әскери-кәсіби сайыстарды қамтыды. Атап айтқанда, "Кәсіпқой" сайысында байқауға қатысушыныӊ даярлық деӊгейі мен АРД кедергі жолағынан өтуі бағаланады, ал "Атлет" сайысы дене даярлығы бойынша көрсеткіштерді қамтыды (жеке кедергі сызығын, белағашта біріктірілген күштік жаттығулар игеру, 100 және 3000 метрге жүгіру, дәлдікке граната лақтыру). Сондай-ақ, "Мерген" атыс даярлығы бойынша жаттығулары (қаруды қалыпты атыс жағдайына келтіру, 4 УКС және АК-3 спорттық жаттығуын орындау), әскер тарихы туралы білім жарысы, "Ой-сана" халықаралық гуманитарлық құқықтық нормалары мен "Кавалер/Ханым" шығармашылық жарыстары өтті. Бұл туралы ҚР Қорғаныс министрлігі хабарлады.
"Шығыс" өӊірлік қолбасшылығыныӊ сарбаздары мен сержанттарыныӊ байқауы жоғарғы кәсіби білім, жауынгерлік шеберлікті және жеӊіске деген ерік-жігерді көрсетті. Байқауға келісішарт бойынша барлығы 75 әскери қызметші қатысса, олардыӊ ішінде 16 әскери қызметші қыз-келіншек бар.
Ерлер арасындағы жарыстыӊ қорытындысы бойынша 10810 әскери бөлімініӊ әскери қызметшілері жүлделі орынға ие болды. Аталған кешенді сынақтар бойынша кіші сержант Айдар Батырханов үздік деп танылды. Ал екінші орынды сержант Асылхан Ыдырысов иеленіп, үшінші орынды аға сержант Рүстем Қазми иеленді. Искери қызметші қыз-келіншектер арасында 44736 әскери бөлімніӊ әскери қызметшісі қатардағы жауынгер Томирис Жұмина бірінші орынды жеӊіп алса, екінші орынды 36803 әскери бөлімініӊ әскери қызметшісі ефрейтор Татьяна Купцова, ал үшінші орынды 10181 әскери бөлімініӊ әскери қызметшісі ефрейтор Маржан Мәлікова алды.
"Шығыс" өӊірлік қолбасшылығында өткен байқау жеӊімпаздарына "үздік жауынгер" атағы беріліп, естелік сыйлықтарын табыс етілді.
Ағымдағы жылдыӊ маусым айында жарыс жеӊімпаздары Қарулы Күштердіӊ ауқымында өтетін жарыстарға қатысатын болады.
тақырып бойынша жаңалықтар
650 мыңнан астам қазақстандық тұрғын үйге кезекте тұр
Үкімет отырысында Премьер-Министр Олжас Бектенов тұрғын үй құрылысы және проблемалық объектілерді аяқтау мәселесі бойынша өнеркәсіп және құрылыс министрі Қанат Шарлапаевтың, сондай-ақ бірқатар өңірлер әкімдерінің баяндамасын тыңдады, деп хабарлайды ҚР Үкіметінің баспасөз қызметінен.
Олжас Бектенов Үкімет алдына биыл тұрғын үй құрылысына қатысты көптеген маңызды міндеттер қойылғанын атап өтті. Бұл - рекордтық 18 млн шаршы метр тұрғын үйді тапсыру, Мемлекет басшысының жаңа ипотекалық бағдарламаны іске қосу туралы тапсырмасын жүзеге асыру, сондай-ақ үлестік құрылыс пен заңсыз құрылыстың қордаланып қалған проблемаларын түпкілікті шешу.
Премьер-Министр қазіргі уақытта 650 мыңнан астам адам үй кезегінде тұрғанын атап өтті. 2023 жылы өңірлер әкімдіктері тұрғын үй бағдарламасына қатысуға өтініш берушілердің талаптарға сәйкестігін тексеру бойынша жұмыстарын бастады. Мәселен, Мысалы, Ақмола облысында баспана кезегінде тұрғандардың ішінде талаптарды бұзған 16 мыңға жуық азамат, Шымкент қаласында 36 мыңнан астам адам анықталды. Бірақ, олардың аз ғана бөлігі кезектен шығарылған.
Премьер-Министр әкімдіктерге тізімдерді бірінші жартыжылдықтың соңына дейін өзектендіруді және тұрғын үй бағдарламасының іске асырылуына мониторинг жүргізуді тапсырды.
Барлық әкімдіктер осы тізімдерді қайта қарап, жұмысты І жартыжылдықтың соңына дейін аяқтауы қажет. Бәрі белгіленген ережеге сай болуға тиіс. Кезекке қабылдауды ашық әрі бәріне түсінікті етіп жасау керек. Сондай-ақ тізімге енгізілген адамдарға нақты мониторинг жүргізілуге тиіс", - деп атап өтті Олжас Бектенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда интернет-казино ұйымдастырғаны үшін қылмыстық жауапкершілік енгізілуде
Мәжіліс ойын бизнесі, лотереялар және лотерея қызметі мәселелері бойынша заңнамалық өзгерістерді Әкімшілік құқық бұзушылық туралы кодекске енгізілетін ілеспе түзетулерімен бірінші оқылымда мақұлдады, деп хабарлайды Төменгі палатаның баспасөз қызметінен.
Заң жобалары Мемлекет басшысының құмар ойындарға тәуелділікке қарсы күресті күшейту туралы тапсырмасы аясында әзірленді. Оған депутаттар бастамашы болды.
Заң жобасы бойынша жеке тұлғалардың құмар ойындарға және бәс тігуге қатысу жасы 21-ден 25 жасқа көтеріледі. Сонымен қатар алимент және несие берешегі өтелмеген азаматтардың, яғни борышкерлердің бірыңғай реестрінде тұрған тұлғалардың құмар ойын ойнауына тыйым салынады.
Аталған санаттарға заңсыз ойын ойнауға мүмкіндік берген заңды тұлғалар әкімшілік жауапкершілікке тартылады. Бұл жағдайда орта кәсіпкерлік субъектілеріне - 300 АЕК, ірі кәсіпкерлік субъектілеріне - 1000 АЕК көлемінде айыппұл салынады.
Сондай-ақ ойын бизнесін ұйымдастырушылар құмар ойындар мен бәс тігудің тәуекелдері мен зияны туралы хабарлауға міндеттеледі. Мұндай ақпарат ойын мекемелерінде, ғимараттарда, билет кассаларында және букмекерлік кеңселер мен тотализаторлардың электронды кассаларында, казино кассалары мен ойын автоматтары залдарында, сондай-ақ өздерінің интернет-ресурстарында орналастырылуы тиіс. Талаптарды орындамағандар әкімшілік жауапкершілікке тартылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Өнімсіз делдалдар электрмен жабдықтау тізбегінен шығарылады
Мемлекет басшысының экономиканы демонополизациялау және жасанды түрде құрылған делдалдық тізбектерді жою жөніндегі тапсырмасын іске асыру шеңберінде Үкімет энергиямен жабдықтау нарығында тәртіп орнатуға кірісті. Басты мақсат - тұтынушылар үшін электр энергиясының түпкілікті құнын негізсіз көтеретін делдалдарды алып тастау, деп хабарлайды Үкіметтің баспасөз қызметінен.
Премьер-Министр Олжас Бектеновтің тапсырмасы бойынша биылғы 1 сәуірден бастап нарықта 2004 жылдан бері жұмыс істеп келе жатқан және бизнес пен бірқатар бюджеттік ұйымдар үшін тарифтердің мөлшерін дербес белгілей алатын реттелмейтін энергиямен жабдықтаушы ұйымдардың (бұдан әрі - ЭЖҰ) жұмысы тоқтатылды. Бұл ретте талдау көрсеткендей, мұндай компаниялардың табыстылығы 1 кВтсағ үшін шамамен 30-50% немесе 5-20 теңгені құраған. Реттелмейтін ЭЖҰ-дан түскен пайда энергетикалық жүйені жаңғыртуға пайдаланылмады.
ҚР Парламенті Мәжілісінің бірінші оқылымында мақұлданған "Жылу энергетикасы туралы" жаңа заң аясында өнімсіз делдалдарды жою жұмыстары жалғасатын болады. Электрмен жабдықтау нарығындағы қазіргі проблемаларды шешу үшін ҚР Үкіметі бірінші кезеңде реттелмейтін ЭЖҰ қызметін шектеу туралы шешім қабылдады. Екінші кезеңде электрмен жабдықтау саласын өңірлік электр желілері компанияларына беру қарастырылады. Бұл электр энергиясының тарифіне жағымды әсер етеді, сонымен қатар келесідей оң әсерлерге әкеледі:
- заңды тұлғалар үшін тарифтерді төмендету, тиісінше, бизнеске жүктемені азайту, бұл халық үшін түпкілікті өнім бағасының тең шарттары мен төмендеуін қамтамасыз етеді;
- бюджет қаражатын үнемдеуге алып келетін және үнемделген қаражатты әлеуметтік маңызы бар жобаларға бағыттауға мүмкіндік беретін бюджеттік ұйымдар үшін тарифті төмендету;
- соңғы тұтынушылар үшін тарифке ең аз әсер ете отырып, энергетика секторына инвестицияларды ұлғайту.
Осындай жұмыстар өнімсіз делдалдар кесірінен бағаның негізсіз көтерілуі байқалатын өзге де салаларда жүргізілетін болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.