Экономикалық даму және сауда министрлігі өткен жылдың қорытындысын жасады
Экономикалық даму және сауда министрлігі алқа мәжілісінің кеңейтілген отырысы өтіп, онда 2011 жылғы ведомство жұмысының қорытындысы қаралды және 2012 жылға арналған міндеттер анықталды.
Астана. 1-ақпан. Kazakhstan Today - Экономикалық даму және сауда министрлігі өткен жылдың қорытындысын жасады, деп хабарлайды Kazakhstan Today агенттігінің тілшісі.
ҚР премьер-министрінің ресми сайтының хабарлауынша, Экономикалық даму және сауда министрлігі алқа мәжілісінің кеңейтілген отырысы өтіп, онда 2011 жылғы ведомство жұмысының қорытындысы қаралды және 2012 жылға арналған міндеттер анықталды.
ҚР премьер-министрі Кәрім Мәсімовтің тапсырмасы бойынша алқа отырысын оның орынбасары Қайрат Келімбетов жүргізді.
Экономикалық даму және сауда министрі Бақытжан Сағынтаевтың айтуы бойынша, ел экономикасының 2011 жылдағы дамуының негізгі қорытындылары "өсімнің сенімді траекториясына шығу туралы айтуға мүмкіндік береді". 2011 жылы ЖІӨ 7,5 % өсті. Бұған тауар нарықтарындағы қолайлы баға конъюнктурасы, шикізаттық тауарларға сыртқы сұраныстың сақталуы, сонымен қатар, ішкі тұтыну мөлшерінің артуы себепші болған. Экономика дамуындағы негізгі шарттардың бірі макроэкономикалық тұрақтылықтың қамтамасыз етілуі болды. Жылдық инфлация 7,4% құрады.
2011 жылы Қазақстанның ДСҰ-ға қосылуы бойынша жүргізіліп жатқан келіссөздерде айтарлықтай ілгерілеуге қол жеткізілді.
Ағымдағы жылдың 1 қаңтарынан бастап Бірыңғай экономикалық кеңістік жұмысын бастады.
"Бизнестің жол картасы-2020" Бағдарламасының аясында сыйақы мөлшерлемесін субсидиялау бойынша жалпы құны 259 млрд. теңге болатын 895 жоба мақұлданды. Кепілдендіру бойынша жалпы несие сомасы 4,9 млрд. теңге болатын 25 жоба мақұлданды. 243 кәсіпорын үшін жалпы құны 45,3 млрд. теңгені құратын инженерлік инфрақұрылым жүргізілді.
Ішкі сауданың тиімділігін арттыру үшін Қазақстан өңірлеріннің сауда алаңдарымен қамтамасыз етілу нормативтері бекітіліп, коммуналдық базарлар үшін талаптар қойылып, алғаш рет сауда базарларын төлқұжаттау жүргізілді. Тауар биржаларын дамыту үшін онда сатылатын биржалық тауарларының тізімі мен саудаланатын партиялардың ең төменгі мөлшері бекітілді.
Еліміздің 2020 жылға дейінгі аумақтық-кеңістіктік дамуының Болжамды кестесі аясында "Аймақтарды дамыту" Бағдарламасы қабылданып, іске асырыла бастады, қажетті әдістемелік база қалыптасуда.
Елбасының Қазақстан халқына арнаған Жолдауын жүзеге асыру мақсатында Экономикалық даму және сауда министрлігінің 2012 жылдағы қызметі макроэкономикалық тұрақтылық пен экономика өсімінің жоспарланған параметрлерін қамтамасыз ету, экономикалық ықпалдастық, кәсіпкерлікті дамыту, әкімшілік реформалар саясатын, сондай-ақ сауда және аймақтық саясатты жүзеге асыруға бағытталады.
Илеуметтік-экономикалық дамудың стратегиялық міндеттерін орындау мен орта мерзімді уақыт ішінде экономиканың 7 пайыздық өсімін қамтамасыз ету үшін елдің қаржы ресурстары мен экономикалық саясатты салааралық үйлестіру шаралары күшейтілетін болады.
Азық-түлік тағамдары бағаларының негізсіз өсуіне жол бермеу үшін Экономикалық даму және сауда министрлігі әлеуметтік маңызды азық-түлік тауарларының бөлшек сауда бағаларының деңгейлі мәнін орнату бойынша жұмыстарды жалғастырады.
Сонымен қатар, ведомство Кеден одағы мен Бірыңғай экономикалық кеңістіктің келісімшарттық-құқықтық базасын құрайтын халықаралық келісімшарттарды кодификациялайды.
"Бизнестің жол картасы-2020" бағдарламасының аясында жобаларды қарастыру мен мақұлдау тәртібін жеңілдету үшін Бағдарламаның шарттары мен тетіктерін жетілдіруде өзгертулер енгізілетін болады. Сондай-ақ, моноқалаларда жұмыс істейтін кәсіпкерлерге мемлекеттік қолдау көрсету бойынша салалық шектеулер алынып тасталатын болады.
Бизнес климатты бұдан да жақсарту мақсатында лицензиялау мен рұқсат беруді тағы 30 пайызға қысқарту туралы, олардың бір бөлігін ескерту тәртібіне ауыстыру туралы заң қабылданады.
2012 жылы барлық орталық және жергілікті мемлекеттік органдарда "Е-лицензиялау" мемлекеттік мәліметтер базасын енгізу аяқталады.
"Аймақтарды дамыту" Бағдарламасы аясында ағымдағы жылдың бірінші жартыжылдығында агломерациялар (бірігістер) мен моноқалаларды дамыту Бағдарламасы әзірленеді, Бағдарлама шағын және орта кәсіпкерлікті белсенді дамыту мен еңбек ресурстарының икемділігін арттыру арқылы Астана, Алматы, Ақтөбе, Ақтау, Шымкент қалаларының экономикаларын әртараптандыруға бағытталатын болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан Президенті су тасқынынан кейін өңірлерді қалпына келтіру мерзімдерін белгіледі
Сурет: ТЖМ
Қазақстан президенті Қасым-Жомарт Тоқаев Қазақстан халқы Ассамблеясының "Бірлік. Жасампаздық. Өрлеу" атты ХХХІІІ сессиясының отырысында сөйлеген сөзінде су тасқынынан кейін өңірлерді қалпына келтіру мерзімдерін белгіледі, деп хабарлайды Мемлекет басшысының баспасөз қызметі.
Қазақта "Алпыс күн тасыған дария, алты күнде қайтады" деген сөз бар. Көп ұзамай қарғын су кетіп, жұрт күнделікті өмірге оралады. "Әр қиындықтың қайыры бар" дейді халқымыз.
Біріншіден, тасқын кезінде ел бірлігі нығая түсті. Арқадағы ағайынға, Жайықтағы жұртқа бүкіл Қазақстан халқы көмектесуге ұмтылды. Апат аймағында тұратын адамдар барша отандасымыздың шынайы жанашырлығын сезінді.
Екіншіден, елдің жағдайын жақсарту үшін ешкім қиындықтың келуін күтіп отырмайтыны анық. Дегенмен, мұндай апаттар біраз шаруаны шұғыл қолға алуға себепкер болады.
Тасқын аяқталған соң кейбір ауылдар тың жерге қоныстанып, жаңадан бой көтереді. Жол салынады, су тартылады. Ауылдарымыз мүлде жаңа келбетке ие болады. Жалпы, әлемдегі үлкен дағдарыстардың қарқынды дамуға жол ашатыны белгілі", деді президент.
Қазіргі алапат тасқын да, түптеп келгенде, елімізге оң әсерін тигізеді деп ойлаймын. Сын сағатта жұдырықтай жұмылған жұртымыз осы қалпында өрлеу, жаңғыру кезеңіне қадам басады. Бәрі де жақсы болады.
Бәріміз - бір елдің азаматымыз. Тарих тоғыстырған тағдырымыз - бір, сеніммен қадам басатын келешегіміз - бір. Біз біртұтас ұлт ретінде әрдайым бабалар аманатына адал боламыз. Қасиетті қара шаңырағымыз - Қазақстанның жарқын болашағын бірге жасаймыз. Біздің мақсатымыз - айқын, бұл - Әділетті Қазақстанды құру.
Мен Қазақстан Республикасының Тәуелсіздігін қорғауды Президент ретіндегі ең басты міндетім деп санаймын. Осы қастерлі міндет Әділетті Қазақстанды құру және белсенді әрі сындарлы сыртқы саясат жүргізу арқылы ғана орындалады. Биік мақсатқа жету үшін түрлі кедергіден өтеміз, барлық қиындықты жеңеміз. Ауқымды міндеттерді орындаймыз. Біз еліміздің басты құндылықтары мен бағыт-бағдарынан айнымаймыз. Мемлекеттілігімізді нығайтып, тәуелсіздік туын әрдайым биік ұстаймыз. Мен бұған нық сенемін және сол үшін бәрін жасаймын. Бұл - менің президенттік әрі перзенттік парызым.
Еліміз аман, жұртымыз тыныш болсын!", деп түйіндеді өз сөзін Қасым-Жомарт Тоқаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.