09.02.2019, 00:12 26142

IFC мен Тұрғын үй құрылыс жинақ банкі ынтымақтастықтың бірінші кезеңін қорытындылады

Екінші кезең барысында қолданыстағы Тұрғын үй құрылыс жинақ банкі өнімдерінің тізбесін жетілдіру, Қазақстандағы тұрғын үй несиесін берудің қолжетімділігін арттыру мақсатында жаңа өнімдер мен қызмет түрлерін іске қосу жоспарлануда.

Астана. 9 ақпан. Kazakhstan Today - Дүниежүзілік банк тобына кіретін IFC мен Тұрғын үй құрылыс жинақ банкі ("Бәйтерек" холдингінің еншілес ұйымы) 2018 жылдың соңында қаржы ұйымдары арасында қол қойылған келісім шеңберіндегі банктің ағымдағы жұмысын талқылады. Аталған келісімнің мақсаты - ҚТҚЖБ үшін жаңа несиелік өнімді жасап шығару.

Екінші кезең барысында қолданыстағы Тұрғын үй құрылыс жинақ банкі өнімдерінің тізбесін жетілдіру, Қазақстандағы тұрғын үй несиесін берудің қолжетімділігін арттыру мақсатында жаңа өнімдер мен қызмет түрлерін іске қосу жоспарлануда.

-Бүгінгі күні Қазақстанда тұрғын үй құрылыс жинақ жүйесі баспана сатып алудың ең қолжетімді тәсілі болып саналады. Оған 1,3 млн. қазақстандық сенім артқан, ал бұл елдегі экономикалық-белсенді халықтың 13,8%-ын құрайды. Банк 172 мың қазақстандық азаматтарға тұрғын үй жағдайын жақсартуға көмектесті, - деді Тұрғын үй құрылыс жинақ банкі Басқарма Төрайымы Ләззат Ибрагимова, - Банк салымшыларының арасында қоныс тойын тойлағандар санынарттырумақсатында біз халықаралық деңгейге шығудамыз. Бұл қосымша инвестицияларды тартуға және де тұрғын үй мәселесін шешудің жаңа құралдарын ендіруге жол ашады. Мұндай ынтамақтастықтан бірінші кезекте банк салымшылары ұтады. Олар көпжылдық халықаралық тәжірибеге негізделген сапалы қызмет түрлерін алып, өз баспаналарына қол жеткізеді.

Сондай-ақ, IFC қазіргі уақытта қазақстандық банктер мен қаржы мекемелерінің әлеуеті тұрғын үйді қаржыландыру жүйесінде жоғары екендігін атап өтті.

Тұрғын үй құрылыс жинақ банкімен ынтымақтастық орнату барысында IFC тұрғын үйді қаржыландыруға қатысты бүкіләлемдік ең озық тәжіриені қолданады, - деп атап өтті Орталық Азия бойынша IFC аймақтық өкілдігінің басшысы Кассандра Колберт, - Тұрғын үй құрылыс жинақ банкі ұсынатын жаңа өнімдер мен қызмет түрлері еліміздегі тұрғын үйді қаржыландыру нарығының қарқынды дамуына жол ашады. Сондай-ақ, Қазақстан халқына қолжетімді ипотекалық несиені ұсынуға мүмкіндік береді, - деп қортындылады Кассандра Колберт.

IFC тұрғын үйді қаржыландыру саласындағы алдыңғы қатарлы халықаралық инвестор болып табылады және тұрғын үйді қаржыландырудың сенімді әрі аса қолжетімді нарығын дамытуға жағдай жасау үшін ең озық тәжірибе мен инвестициялық қызмет түрінің бірегей тәсілін ұсынады.

"Қазақстанның тұрғын үй құрылыс жинақ банкі" АҚ - еліміздегі тұрғын үй құрылыс жинақ жүйесін жүзеге асыратын бірден-бір банк. Ұйым Еуропалық құрылыс жинақ кассалары федерациясына (ЕҚЖКФ) және Халықаралық тұрғын үйді қаржыландыру одағына кіреді. Тұрғын үй құрылыс жинақ банкінің жалғыз акционері - "Бәйтерек" Ұлттық басқарушы холдингі" АҚ.

IFC туралы: IFC Дүниежүзілік банк тобына кіреді, дамушы нарықтардағы жеке секторды қолда үшін қызмет ететін ірі жахандық даму институты болып табылады. Бүкіл әлем бойынша 2000 -нан астам компаниямен жұмыс істей отырып, IFC дүниежүзіндегі дамушы елдерде нарықтар мен мүмкіндіктерді құру мақсатында өз капиталын, сараптамасын және ықпалын пайдаланады. 2018 жылы IFC жалпы әлауқатты арттыру мен кедейшілікті жою жөнінде жеке сектордың әлеуетін күшейту арқылы дамушы елдерге 23 млрд доллар көлемінде ұзақ мерзімді инвестиция берді. Толық ақпарат www.ifc.orgсайтында.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны