ІІМ халықтан қару-жарақ сатып алуға қосымша 260 млн теңге сұрады
ІІМ халықтан қару-жарақ сатып алуға қосымша 260 млн теңге сұрады
Астана. 12 мамыр. "Қазақстан Бүгін" - ІІМ халықтан қару-жарақ сатып алуға республикалық бюджеттен қосымша 260 млн теңге сұрады. Бұл туралы ҚР ІІМ-нің баспасөз хатшысы Бағдат Қожахметов бүгін өткен брифингте мәлім етті, деп хабарлайды агенттік тілшісі.
Оның айтуынша, бүгінгі жағдаймен қару-жарақты өз еркімен беру шарасының аясында комиссиялар қару-жарақ сатып алу жөнінде 5318 шешім қабылдаған. Жалпы төлемдер көлемі 228, 6 млн теңгені құрайды. "Бұл 135 млн теңге көлеміндегі бұған дейін көзделген қаржыдан әлдеқайда артық. Осыған байланысты Экономика және бюджетті жоспарлау министрлігіне 2008 жылға арналған республикалық бюджетті нақтылау барысында заңсыз сақталған қару-жарақ, оқ-дәрі мен жарылғыш заттарды сатып алуға қосымша 258,6 млн теңге бөлу туралы бюджеттік өтінім жолданды", - деі Б. Қожахметов.
Қазіргі жағдаймен ішкі істер органдарына азаматтардан өз еркімен қару-жарақ тапсыруға 9252 өтініш түскен.
Жалпы алғанда жыл басынан бері 10,5 мың қару, соның ішінде ойындылы - 2449, тегіс оқпанды - 7860, жарақаттағыш - 211 қару тапсырылды, олар криминалистік сараптамадан өтіп, біріккен мәліметтер базасында тексерілуде. Сонымен бірге 110 килограмнан аса жарылғыш зат пен 90 жарылғыш қондырғы тапсырылды.
"ІІМ штабының сараптау тобының мәліметінше, осы шараның арқасында ағымдағы жылы қару қолданып жасалған қылмыстардың саны 27,6%-ға дейін азайды", - деді баспасөз хатшысы.
ІІМ мәліметінше, бүгінгі жағдаймен тапсырылған қару-жарақ үшін ақшалай төлемақыға 1791 азаматқа 76,6 мың теңге төленді.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
650 мыңнан астам қазақстандық тұрғын үйге кезекте тұр
Үкімет отырысында Премьер-Министр Олжас Бектенов тұрғын үй құрылысы және проблемалық объектілерді аяқтау мәселесі бойынша өнеркәсіп және құрылыс министрі Қанат Шарлапаевтың, сондай-ақ бірқатар өңірлер әкімдерінің баяндамасын тыңдады, деп хабарлайды ҚР Үкіметінің баспасөз қызметінен.
Олжас Бектенов Үкімет алдына биыл тұрғын үй құрылысына қатысты көптеген маңызды міндеттер қойылғанын атап өтті. Бұл - рекордтық 18 млн шаршы метр тұрғын үйді тапсыру, Мемлекет басшысының жаңа ипотекалық бағдарламаны іске қосу туралы тапсырмасын жүзеге асыру, сондай-ақ үлестік құрылыс пен заңсыз құрылыстың қордаланып қалған проблемаларын түпкілікті шешу.
Премьер-Министр қазіргі уақытта 650 мыңнан астам адам үй кезегінде тұрғанын атап өтті. 2023 жылы өңірлер әкімдіктері тұрғын үй бағдарламасына қатысуға өтініш берушілердің талаптарға сәйкестігін тексеру бойынша жұмыстарын бастады. Мәселен, Мысалы, Ақмола облысында баспана кезегінде тұрғандардың ішінде талаптарды бұзған 16 мыңға жуық азамат, Шымкент қаласында 36 мыңнан астам адам анықталды. Бірақ, олардың аз ғана бөлігі кезектен шығарылған.
Премьер-Министр әкімдіктерге тізімдерді бірінші жартыжылдықтың соңына дейін өзектендіруді және тұрғын үй бағдарламасының іске асырылуына мониторинг жүргізуді тапсырды.
Барлық әкімдіктер осы тізімдерді қайта қарап, жұмысты І жартыжылдықтың соңына дейін аяқтауы қажет. Бәрі белгіленген ережеге сай болуға тиіс. Кезекке қабылдауды ашық әрі бәріне түсінікті етіп жасау керек. Сондай-ақ тізімге енгізілген адамдарға нақты мониторинг жүргізілуге тиіс", - деп атап өтті Олжас Бектенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда интернет-казино ұйымдастырғаны үшін қылмыстық жауапкершілік енгізілуде
Мәжіліс ойын бизнесі, лотереялар және лотерея қызметі мәселелері бойынша заңнамалық өзгерістерді Әкімшілік құқық бұзушылық туралы кодекске енгізілетін ілеспе түзетулерімен бірінші оқылымда мақұлдады, деп хабарлайды Төменгі палатаның баспасөз қызметінен.
Заң жобалары Мемлекет басшысының құмар ойындарға тәуелділікке қарсы күресті күшейту туралы тапсырмасы аясында әзірленді. Оған депутаттар бастамашы болды.
Заң жобасы бойынша жеке тұлғалардың құмар ойындарға және бәс тігуге қатысу жасы 21-ден 25 жасқа көтеріледі. Сонымен қатар алимент және несие берешегі өтелмеген азаматтардың, яғни борышкерлердің бірыңғай реестрінде тұрған тұлғалардың құмар ойын ойнауына тыйым салынады.
Аталған санаттарға заңсыз ойын ойнауға мүмкіндік берген заңды тұлғалар әкімшілік жауапкершілікке тартылады. Бұл жағдайда орта кәсіпкерлік субъектілеріне - 300 АЕК, ірі кәсіпкерлік субъектілеріне - 1000 АЕК көлемінде айыппұл салынады.
Сондай-ақ ойын бизнесін ұйымдастырушылар құмар ойындар мен бәс тігудің тәуекелдері мен зияны туралы хабарлауға міндеттеледі. Мұндай ақпарат ойын мекемелерінде, ғимараттарда, билет кассаларында және букмекерлік кеңселер мен тотализаторлардың электронды кассаларында, казино кассалары мен ойын автоматтары залдарында, сондай-ақ өздерінің интернет-ресурстарында орналастырылуы тиіс. Талаптарды орындамағандар әкімшілік жауапкершілікке тартылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.