Көкжайлаудағы құрылыс басталғаннан кейін соқпақта экологиялық алым төлеуге арналған QR-код пайда болды
Көкжайлау шатқалына бұрынғы "Просвещенец" демалыс үйі жағынан баратын туристік соқпақта экологиялық төлем төлеуге арналған QR-код орнатылды. Ол аспалы жол құрылысының басталуымен қатар пайда болып, туристер арасында түсінбеушілік туғызды, деп хабарлайды Курсив.
Іле-Алатауы мемлекеттік ұлттық табиғи паркінің түсіндіруінше, экологиялық алымды ұлттық паркке кіреберістегі бақылау-өткізу пунктінде төлемеген келушілер ғана төлеуі тиіс.
"QR-код арқылы төлемді ұлттық паркке кіру ақысын бұрын бақылау-өткізу пунктінде төлемеген келушілер ғана жүзеге асырады. Қайта төлем жасау талап етілмейді", - деп хабарлады ұлттық парктің баспасөз қызметінен.
Сондай-ақ, ұлттық парк өкілдерінің айтуынша, QR-коды бар ақпараттық тақтайша келушілердің бақылау-өткізу пунктіне бармай-ақ экологиялық төлемді төлеуіне қолайлы жағдай жасау үшін орнатылған.
Сонымен қатар, әлеуметтік желілерде туристер маршруттың абаттандырылмағанына, ал селден кейін кейбір учаскелердің бұрынғыдан да қауіпті болып тұрғанына шағымдануда. Сондай-ақ, қолданушылар Көкжайлау шатқалына автокөліктер мен мотоциклдердің кіре бастағанын хабарлап жатыр.
Ұлттық парк бұл аумақта жеке көліктердің жүруінің заңсыз екенін растады.
Естеріңізге сала кетсек, Көкжайлауда тау шаңғысы курортын салу барысында туристік соқпақ бойындағы мыңдаған ағаш кесіледі деп жоспарлануда. Бұған дейін алматылықтар Казачка шатқалы арқылы өтетін бағыттағы ондаған ағаштың діңіне сандар мен түрлі белгілер қойылғанын байқаған еді. Қала тұрғындары бұл белгілер алдағы ағаш кесу жұмыстарына байланысты болуы мүмкін деген алаңдаушылық білдірген.
Іле-Алатауы мемлекеттік ұлттық табиғи паркінің жауабына сәйкес, болашақ тау шаңғысы курортына апаратын жолды салу үшін жалпы аумағы 15,37 гектар болатын жерде 2627 ағашты кесу жоспарланған. Ұлттық парк өкілдерінің айтуынша, бұл Көкжайлау шатқалына дейін ұзындығы 6,02 шақырым автомобиль жолын салу үшін қажет. Жоба аясында қосымша инфрақұрылым нысандарын салу да қарастырылған.
Сонымен қатар, алдағы ағаш кесу туралы ақпарат қала тұрғындарының алаңдаушылығын күшейтуі мүмкін. Бұған дейін тұрғындар белгі қойылған көптеген ағаштың қурамағанын және толықтай сау көрінетінін айтып, алаңдаушылық танытқан болатын.
Ұлттық парктің мәліметінше, жоба бойынша қоршаған ортаға әсерді бағалау құжаты әзірленген, ал 2026 жылдың мамыр айында қоғамдық тыңдаулар өткізілген.
Қоғамдық тыңдаулар барысында жоба әзірлеушілері негізінен ауқатты шетелдік туристерді тартудың экономикалық тиімділігіне назар аударған. Тау кластерінің тұсаукесерінде шетелдік қонақтардың Алматыда ішкі туристерге қарағанда бірнеше есе көп қаржы жұмсайтыны айтылып, жаңа тау курорттарын дамыту жоғары қосылған құны бар "қымбат туристік өнімді" қалыптастыруға бағытталғаны атап өтілді.
Экологтар мен қоғам белсенділерінің пікірінше, іс жүзінде ұлттық парк аумағын игеру арқылы ауқатты аудиторияға арналған премиум санаттағы курорт салу жоспарланып отыр.
"Көкжайлауды сақтайық" қозғалысының белсенділері бірнеше рет жаңа трассалар, аспалы жолдар мен оған ілеспе инфрақұрылым құрылысы табиғи ландшафттың тозуына, су ресурстарына түсетін жүктеменің артуына және Алматының ең құнды табиғи аумақтарының бірінің жойылуына әкелуі мүмкін екенін мәлімдеген болатын.
Kazakhstan Today ақпарат агенттігінің сайтында Көкжайлауда тау шаңғысы курортын салу мәселесіне қатысты жүргізілген сауалнама нәтижесінде респонденттердің 80%-ы жобаны қолдамайтыны белгілі болды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Энергетика министрлігі Алматы мен Алматы облысынның жарықсыз қалу себебін атады
Қазақстанның Энергетика министрлігі Алматы, Алматы облысы мен еліміздің басқа өңірлерінде электр энергиясының жаппай өшу себебін түсіндірді, деп хабарлайды агенттік тілшісі.
"Орталық Азияның энергия жүйесі тарапынан электр энергиясы ағынының күрт өзгеруінен энергожүйеде қуаттың кенет артуы болды. Соның салдарынан апатқа қарсы автомат іске қосылып, ҚР-ның кейбір өңірлерінде бірқатар электр энергиясын тұтынушы желіден ажыратылды", - деп түсіндірді ведомство.
Энергетика министрлігінің мәліметінше, қазір "KEGOC" АҚ жүйелік операторы қажетті қалпына келтіру жұмыстарын жүргізіп жатыр. Бірқатар өңірде жарықпен қамтамасыз ету қалпына келтірілді.
"Жағдай Энергетика министрлігінің бақылауында", - деп толықтырды баспасөз қызметі.
Естеріңізге сала кетсек, Қазақстанның ұлттық электр желісі операторы KEGOC-тың электр беру желілерінің апаттық ажыратылуына байланысты Алматы мен Алматы облысының бірнеше ауданында жарық өшкен болатын. Салдарынан Алматыда көлік кептелістері пайда болды.
Бұл ретте бұқаралық ақпарат құралдары Бішкек пен Душанбеде де электр энергиясына қатысты проблемалар болғанын хабарлады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанада қайтарылған активтер есебінен 1200 оқушыға арналған жаңа мектеп салынады
Астанада қайтарылған активтер есебінен 1200 оқушыға арналған жаңа мектеп салу мақсатта Арнаулы мемлекеттік қордан 7 млрд теңге Астанада заманауи мектеп салуға бағытталды, деп хабарлайды Үкіметтің баспасөз қызметінен.
1200 оқушыға арналған жаңа білім беру нысаны елорданың "Нұра" ауданында бой көтеруде. Қазіргі уақытта нысанда құрылыс-монтаж жұмыстары жүргізіліп жатыр. Жобаны келер жылдың соңына дейін аяқтау жоспарланған.
"Мектеп салу қажеттілігі халық санының өсуіне байланысты туындап отыр. Қазіргі уақытта құрылыс аумағында 4 мемлекеттік мектеп жұмыс істейді, алайда оқушы орындарының тапшылығы бар. Жаңа нысан елордадағы №84, №85, №89 және №97 мектептерге түсетін жүктемені азайтуға мүмкіндік береді",- деп айтылған хабарламада.
Жалпы қайтарылған активтер азаматтар үшін практикалық маңызы бар жобаларды жүзеге асыруға бағытталуда. Үкімет 610 млрд теңгеден астам сомаға 500-ден астам әлеуметтік жобаны қаржыландыруды мақұлдады. Қаражат бүкіл ел бойынша білім беру, денсаулық сақтау, спорт және коммуналдық инфрақұрылым нысандарын салуға және жаңғыртуға бөлінуде. Білім беру саласында жалпы құны 64,4 млрд теңге болатын 17 жобаны жүзеге асыру мақұлданды. Бұл қаражат жаңа білім беру инфрақұрылымын салуға және балалар мен жастардың білім алуына заманауи жағдай жасауға бағытталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда егін жинау науқаны басталды
Сурет: Depositphotos
Биылғы жиым-терім қарсаңында премьер-министрдің орынбасары - ұлттық экономика министрі Серік Жұманғариннің төрағалығымен өткен күзгі егіс жұмысы бойынша жедел штаб отырысы барысында егін жинау науқаны жоғары өнімділікпен басталғаны мәлім болды, деп хабарлайды Үкіметтің баспасөз қызметінен.
"Еліміздің көп өңірінде егін жинау жұмысы жүргізілуде. Жиын-терім науқаны тамыздың үшінші он күндігінде басталады",- деп мәлім етті Ауыл шаруашылығы вице-министрі Назгүл Хатепова.
Биыл жалпы жиналатын егіс алқабы 24,2 млн гектар болса, оның 15,6 млн гектары дәнді және бұршақты дақыл. Бүгінде 1,9 млн гектар немесе 12,5% алқаптан дәнді дақыл жиналды. Салыстыру үшін айтатын болсақ, өткен жылы осы кезде 1 млн га немесе 6,1% өнім жиналған. Егін жинаудың ертерек басталуы жаздың әдеттен тыс ыстық болып, дақылдың тез пісуіне байланысты. Бұл ретте дәнді дақылдың өнімділігі өткен жылмен салыстырғанда жоғары: бір жыл бұрынғы 14,8 ц/га-ға қарағанда орта есеппен 16,4 ц/га. 3,2 млн тонна астық жинақталған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Атырау облысында тергеу изоляторына телефон өткізбек болған азамат ұсталды
Сурет: Polisia.kz
Атырау облысында "Тосқауыл" жедел-профилактикалық іс-шарасы аясында тергеу изоляторына тыйым салынған затты өткізу әрекетінің жолы кесілді, - деп хабарлайды Polisia.kz.
30 шілде мен 17 тамыз аралығында өткізіліп жатқан жедел-профилактикалық іс-шара барысында №75 мекемесіне келіп түскен сәлемдемені тексеру кезінде қызметкерлер азық-түлік арасынан жасырылған телефонды анықтады.
Тексеру нәтижесінде тыйым салынған затты мекеме аумағына өткізуге әрекет жасаған азаматтың жеке басы анықталды. Аталған факті бойынша азаматқа қатысты заңнамаға сәйкес тиісті шаралар қабылданды.
Қылмыстық-атқару жүйесі органдары мекемелердің ішкі аймағына телефондар мен өзге де тыйым салынған заттарды өткізуге жол берілмейтінін ескертеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қостанай облысында ата-ананың шағымынан кейін балалар орталығы жабылды
Сурет: Depositphotos
Қостанайда ата-аналардың бірінің өтініші негізінде жүргізілген жоспардан тыс тексерудің қорытындысы бойынша Қостанай облысында сот шешімімен санитариялық нормалардың өрескел бұзушылықтары анықталған "Светофор" балалар сауықтыру орталығының қызметі тоқтатылды, деп хабарлайды ҚР Денсаулық сақтау министрлігінің баспасөз қызметінен.
Жүргізілген тексеру барысында өтініште көрсетілген барлық фактілер расталды. Мамандар тамақтандыруды ұйымдастыру, сумен қамтамасыз ету, аумақ пен үй-жайлардың санитариялық жай-күйі, сондай-ақ персоналдың міндетті медициналық тексерулерден өту талаптарының бұзылғанын анықтады.
"Іс материалдарын қарау нәтижесінде сот орталықтың қызметін тоқтату туралы шешім қабылдады, ал бұған дейін берілген санитариялық-эпидемиологиялық қорытындының күші жойылды",- деп атап көрсетілген хабарламада.
Сонымен қатар, Денсаулық сақтау министрлігі санитариялық-эпидемиологиялық қорытындыны беру кезінде заң бұзушылықтарға жол берген лауазымды тұлғаларға қатысты қызметтік тергеп-тексеру жүргізді. Оның қорытындысы бойынша кінәлі тұлғалар тәртіптік жауапкершілікке тартылды.
Денсаулық сақтау министрлігі әрбір азаматтың өтініші ерекше бақылауда екенін атап өтеді. Балалардың қауіпсіз демалысы мен сауықтырылуы үшін қолайлы жағдайларды қамтамасыз ету мемлекет үшін сөзсіз басымдық болып қала береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ербол Салихбаев Су үнемдеу технологияларын дамыту департаментінің директоры болып тағайындалды
Сурет: gov.kz
Ербол Салихбаев Су ресурстары және ирригация министрлігінің Су үнемдеу технологияларын дамыту департаментінің директоры болып тағайындалды
Салихбаев Ербол Заурбекұлы 1989 жылы Түркістан облысында дүниеге келген. Қ. И. Сәтбаев атындағы Қазақ ұлттық техникалық университетін "Технологиялық машиналар және жабдықтар" мамандығы бойынша, М. Әуезов атындағы Оңтүстік Қазақстан мемлекеттік университетін "Су ресурстары және суды пайдалану" мамандығы бойынша тәмамдаған.
Еңбек жолын 2012 жылы Шардара қаласындағы "Ер-Серік 2" ЖШС директорының орынбасары қызметінен бастаған. Кейін осы компанияның атқарушы директоры болды.
2014 жылы "Қазсушар" РМК-ның "Су-метрология" филиалы Автоматтандыру және есептеу бөлімінің жетекші маманы қызметін атқарды.
2019-2020 жылдары "Қазсушар" РМК Суармалы жерлер департаментінің басшысы болды. 2020-2022 жылдары "Қазсушар" РМК департамент басшысы, кейін Пайдалану және суды пайдалану бөлімінің басшысы қызметтерін атқарды.
2022 жылдан қазіргі уақытқа дейін "Қазсушар" РМК бас директорының пайдалану жөніндегі орынбасары қызметін атқарып келді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
СІМ шетелдік журналистерге Құрылтай сайлауына аккредиттеуден өту мерзімдерін еске салды
Қазақстанның Сыртқы істер министрлігі шетелдік бұқаралық ақпарат құралдарының өкілдеріне Құрылтай депутаттарының сайлауын жариялау үшін аккредиттеуге өтінім қабылдау мерзімі аяқталып келе жатқанын еске салды.
Өтінім берудің соңғы күні — 2026 жылғы 16 тамыз. Сайлау 23 тамызда өтеді.
Аккредиттеуден өту үшін шетелдік журналистер бас редактордың хатын, жарамды шетелдік паспорттың көшірмесін, толтырылған аккредиттеу нысанын, көлемі 3×4 сантиметр электрондық фотосуретті және БАҚ туралы анықтамалық ақпаратты ұсынуы қажет.
Өтінімдер accreditation@mfa.kz электрондық поштасы арқылы қабылданады. Хаттың тақырыбына «Kurultai Elections 2026» деп жазылуы тиіс.
СІМ шетелдік журналистер Қазақстанда кәсіби қызметін ведомство берген тұрақты немесе уақытша аккредиттеуі болған жағдайда ғана жүзеге асыра алатынын еске салды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.