К.Мәсімов Астанада өткен ХВҚ Өӊірлік конференциясына қатысты

Астана. 24 мамыр. Kazakhstan Today - Бүгін Астанада Халықаралық Валюта Қорыныӊ (ХВҚ) Өӊірлік конференциясы өтті. Оған Қазақстан Премьер-Министрі Кәрім Мәсімов, ХВҚ басқарушы директоры Кристин Лагард, Орталық Азия елдері, Кавказ, Ресей және Белорустыӊ экономикалық блоктарыныӊ басшылары қатысты, деп хабарлайды Kazakhstan Today агенттігініӊ тілшісі.

Іс-шараға қатысушылар өӊірдегі ағымдағы экономикалық ахуал туралы пікір алмасып, қысқа мерзімді шоктарды еӊсеру және орта мерзімді перспективадағы өсімге жәрдемдесу бойынша шараларды талқылады. Сондай-ақ ХВҚ тарапынан өӊірге жәрдемдесудіӊ мүмкін тәсілдері қозғалды, деп хабарлайды primeminister.kz тілшісі.

Конференция жұмысын ашқан Кәрім Мәсімов ХВҚ Қазақстан үшін жай ғана институционалды серіктес қана емес екенін және солай болып қалатынын айтып өтті. "Бірнеше жылда біз ХВҚ сарапшыларымен тығыз ынтымақтастық орнаттық. Біз олардыӊ қолдауын жоғары бағалаймыз және құрметтейміз", - деді Премьер-Министр Қордыӊ миссиясына қарата сөйлеген сөзінде.

Өз сөзін жалғастырған К.Мәсімов жаһандық қаржы дағдарысы басталғалы бері шамамен 10 жыл өткенін, бірақ әлемде әлі де ахуалдыӊ нашарлау тәуекелдері мен жаһандық тұрақтылық қауіп-қатерлері сақталғанын еске салды.

"Дағдарыс көптеген елдерде бар. Нарығы қалыптасып келе жатқан елдер капиталдыӊ жылыстауына тап болып, шикізат тауарларына бағалар қысқаруда. Қазақстанды қоса алғанда көптеген елдер көбіне шикізат тауарлары нарықтарындағы ахуалға тәуелді", - деп баса айтты К.Мәсімов.

Оныӊ пікірінше, қаржы және экономикалық тұрақтылықты арттыру үшін құрылымдық және макроэкономикалық сипаттағы шұғыл шаралар қабылдау, сондай-ақ өӊірдегі елдер арасындағы тығыз ынтымақтастық талап етіледі, бұл табысты іс-қимылдыӊ маӊызды шарты болып табылады. Экономикалық сын-қатерлерді жеӊудіӊ тиімді шаралары ретінде К.Мәсімов инфляциялық таргеттеу мен икемді айырбас бағамы негізінде жаӊа бағам және ақша-несие саясатын жүзеге асыру бойынша Қазақстанныӊ мысалын келтірді.

Іс-шара қорытындысы бойынша К.Мәсімов пен К.Лагард БАҚ өкілдері үшін бірлескен баспасөз конференциясын өткізді.

ХВҚ басшысы Қазақстанныӊ ақша-несие саясатын қалыптастыруда пайдаланатын әдісін қолдайтынын айтты.

"Бұл расымен күрделі жағдай. Ел ақша-несие саясатындағы сапалы шаралар кешенін пайдалануға бел буды. Бұл шаралар дұрыс болды. Жалпы біз Қазақстанныӊ ресми органдары пайдаланатын ақша-несие саясатын жүргізуге және өӊірдегі барлық елдерге және әсіресе Қазақстанға қатысты елді өзгерген парадигмаға дайындайтын құрылымдық реформаларды жүзеге асыруға бағытталған тәсілді қолдаймыз", - деп баса айтты Кристин Лагард.

"Табиғи ресурстарды, табиғи байлықтарды қоғам игілігі үшін жұмсай білгені, сондай-ақ ?ртүрлі факторлар экономикалық өсімге ықпал ете алмайтын қолайсыз кезеӊдерде резервтердіӊ қалыптастырылғаны маған қатты ?сер етті", - деді ХВҚ басқарушы директоры.

Өз кезегінде К.Мәсімов келіссөздер барысында Қазақстан Үкіметі мен ХВҚ миссиясы Мемлекет басшысы белгілеген бес институционалды реформаны жүзеге асыру бойынша нақты қадамдарды талқылағанын айтып өтті.

"Қазақстан үшін бүгінде әлем экономикасыныӊ, атап айтқанда Қазақстанныӊ алдында тұрған барлық сын-қатерлерден өтудіӊ жалғыз мүмкіндігі - экономикалық реформаларды жалғастыру деп есептеймін. Оған қоса, біздіӊ Мемлекет басшысы жақында реформаларды іске қосып, жүзеге асырмас бұрын оны халыққа түсіндіру қажет екенін айтқан болатын. Сондықтан, Үкіметтіӊ алдында тұрған негізгі сын-қатер - ол реформаларды жүргізу және қатысушылармен, осы реформалар қатысты болатын компаниялармен, адамдармен нақты талқылау", - деп түйіндеді К.Мәсімов.