Қаржы полициясының 19 қызметкері кезектен тыс аттестаттаудан өтуден бас тартты
Кезектен тыс аттестаттаудан қаржы полициясының 533 қызметкері өтуі керек болатын, оның 19-ы өз атқарып жатқан қызметтерінен босату туралы баянат жазып, аттестаттаудан өтуден бас тартты, деп хабарлайды BNews.kz ақпараттық агенттігі.
Астана. 7-тамыз. Kazakhstan Today - Қаржы полициясының 19 қызметкері кезектен тыс аттестаттаудан өтуден бас тартты, деп хабарлайды Kazakhstan Today агенттігінің тілшісі.
Кезектен тыс аттестаттаудан қаржы полициясының 533 қызметкері өтуі керек болатын, оның 19-ы өз атқарып жатқан қызметтерінен босату туралы баянат жазып, аттестаттаудан өтуден бас тартты, деп хабарлайды BNews.kz ақпараттық агенттігі.
Ведомство мәліметі бойынша, 2 қызметкер Искери-дәрігерлік комиссия орталығына тексеруден өтуге жіберілген, 4 қызметкер сырқатына байланысты жұмысқа қабілетсіз болғандықтан аттестаттаудан өтпеген.
Сонымен Орталық аттестаттау комиссиясының аттестаттауынан 508 қызметкер өтті. Оның 283-і - Агенттік қызметкері, 225-і - Қаржы полициясының Академиясы мен аймақтық департаменттерінің қызметкерлері.
Аттестаттаудан өтушілер Қазақстан Республикасының заңнамалары туралы біліміне, логикалық ойлауға және физикалық және әскери дайындық нормативтеріне тест тапсырып, сондай-ақ психологпен әңгімелесуден өтті.
Қаржы полициясы агенттігінің төрағасының басшылық етуімен Орталық аттестаттау комиссиясы қызметкерлермен өткізген әңгімелесу қорытындысы бойынша мына нәтижелерге қол жеткізілді:
1) 52 қызметкер немесе 10,3%-ы атқарып жатқан қызметіне сай және кадрлық резервке енгізу немесе жоғары қызметке тарту ұсынылады;
2) 393 қызметкер немесе 77,3%-ы атқарып жатқан қызметіне сай деп табылды;
3) 38 - атқарып жатқан қызметіне сай емес және қызметін төмендету ұсынылады;
4) 16 - атқарып жатқан қызметіне сай емес және басқа қызметке ауыстыру ұсынылады;
5) 9 қызметкер атқарып жатқан қызметіне сай емес және қаржы полициясы органынан жұмыстан босатылу ұсынылады.
Сонымен, Орталық аттестаттау комиссиясында аттестаттаудан өткен 508 қызметкердің 63-і немесе 12,4%-ы аттестаттаудан өте алмады. Оның 38 қызметкері - Қаржы полициясының Академиясы мен аймақтық департаменттердің бөлімдері мен басқармаларының бастықтары.
Кезектен тыс аттестаттаудың қорытындысы бойынша қаржы полициясының аймақтық бөлімшелерінің орта басқарушы құрамы 27%-ға жаңартылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.