Қазақстан делегаттары Мексикадағы халықаралық конференцияда ядроға қарсы бастаманы таныстырды
Егер алғашқы форумның қатысушылары ядролық қаруды таратудан келер әсер мен жалпы ядролық қару жайлы ойларын ортаға салса, екінші форум негізінен сараптамалық деңгейдегі тәжірибе бөлісу сипатында өткізілді.
Алматы. 17 ақпан. Kazakhstan today. Қазақстан делегаттары биылғы жылдың 13-14 ақпанында Мексикада өткен ядролық қаруды қолданудың гуманитарлық әсерлері жайлы Екінші халықаралық конференцияда ядролық қарулануды қысқарту туралы әлемдік қауымдастықтың арықарай координациялық бірігуінің қажеттілігі туралы елдің бағытын таныстырды.
Қазақстанның Сыртқы істер министрлігінің хабарлауынша, ҚР Сыртқы істер министрлігі дипломаттары ядролық сынақтардан зиянға ұшыраған өңірлерді қалыпқа келтіру мен Қазақстан Республикасы Президенті Н.Назарбаевтың халықаралық бастамасы АТОМ жобасын қосқанда жаһандық ядролық қарусыздану процесіне қатысуға бағытталған халықаралық аренадағы нақты қадамдар туралы республиканың қолға алған істері жайы конференция қатысушыларына ақпарат берді.
Конференция барысында ҚР СІМ ерекше тапсырмалар бойынша елшісі Роман Василенко "Семей полигоны мәселесінің шешімінің қажеттілігі 1997 жылдан бастап халықаралық қауымдастықтың келісіміне ие болып отыр. БҰҰ Бас Ассамблеясы жағдайдың күрделілігін мойындап, халықаралық қауымдастықтың ат салысуын қажет ететін алты резолюция қабылдап, Қазақстандағы Семей өңірінің экологиялық және экономикалық дамуы мен халықтың оңалуы мақсатында координациясын қабылдады. Бүгінде қабылданып жатқан мемлекеттік, салалық және өңірлік бағдарламалармен және халықаралық көмектермен қатар аталмыш процестердегі халықаралық қауымдастықтың қатысу керектігі күн тәртібінен түспей отыр".
АТОМ жобасы аясындағы шараларға келер болсақ, қазақстандық дипломаттың айтуынша, ҚР Президентінің бейбітшілікке шақыратын бастамасы кең көлемде халықаралық қолдауға ие болып отыр. Сонымен қатар, бүгінде АТОМ жобасының Ядролық сынақты тыю туралы келісімінің күшіне енуіне бағытталған әлем елдері үкіметіне деген онлайн-петициясын әлемнің 100 елінен 80 000 адам қолдап отыр.
Хабарламада айтылғандай, Қазақстан тәуелсіздігінің алғашқы күнінен бастап әлем елдерін ядролық қарусыздануға шақыруы ҚР Президентінің жеке басының саяси беделін өсіретін шара болуымен қатар барлық қазақстандық дипломаттардың да мерейін үстем етеді және 2014-2020 жылдарға арналған елдің сыртқы саясаты тұжырымдамасының басым бағыты болмақ.
"Біздің байқағанымыз, мемлекет неғұрлым осындай адамзаттық қатынастардың фундаменттік ұстанымдарына көбірек мән беретін болса, соның ішінде келісім, бейбітшілік, түсіністік, сыйластық пен өзара пайдалы әріптестік секілді құндылықтарды жоғары қоятын болса, соғұрлым ол елдің ұстанған саясатында өзге елдермен қырғи-қабақтық орын алмай, әлемнің бейбітшілігіне өзінше үлес қоспақ", - дейді Қазақстаннан барған өкіл.
Шараға қатысушылар әлемде толықтай ядролық қарудың тыйылуының қажеттілігі мен ядролық сынақтардың адамзат баласына алып келген қасіретін баяндайтын және ядролық қарудың көзін жоюға шақыратын АТОМ халықаралық жобасы қатысушыларының қысқаметражды деректі фильмін көрсетті.
Аталмыш конференция екінші халықаралық форум болып отыр. 130 ел қатысқан, соның ішінде Қазақстан да бар, алғашқы конференция 2013 жылдың наурыз айында Осло қаласында өткен болатын. Егер алғашқы форумның қатысушылары ядролық қаруды таратудан келер әсер мен жалпы ядролық қару жайлы ойларын ортаға салса, екінші форум негізінен сараптамалық деңгейдегі тәжірибе бөлісу сипатында өткізілді.
тақырып бойынша жаңалықтар
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.