Қазақстан халқы Ассамблеясы Төрағасының орынбасарлары тағайындалды (толықтырулармен)
Қазақстан халқы Ассамблеясы Төрағасының орынбасарлары тағайындалды, деп хабарлайды Kazakhstan Today агенттігінің тілшісі ҚР президентінің баспасөз қызметіне сілтеме жасай отырып.
Астана. 21 - қазан. Kazakhstan Today - Қазақстан халқы Ассамблеясы Төрағасының орынбасарлары тағайындалды, деп хабарлайды Kazakhstan Today агенттігінің тілшісі ҚР президентінің баспасөз қызметіне сілтеме жасай отырып.
"Мемлекет басшысының өкімімен Юрий Евгеньевич Тимощенко Қазақстан халқы Ассамблеясы Төрағасының орынбасары болып тағайындалды",- деп хабарлады баспасөз қызметінен.
Сондай-ақ, "мемлекет басшысының өкімімен Ахметжан Бакримович Шардинов Қазақстан халқы Ассамблеясы Төрағасының орынбасары болып тағайындалды".
Сонымен қатар, мемлекет басшысының өкімімен Юрий Филиппович Захаров пен Александр Федорович Дедерер Қазақстан халқы Ассамблеясы Төрағасының орынбасары қызметінен босатылды.
Естеріңізге сала кетсек, кеше Астанадағы Бейбітшілік және келісім сарайында Елбасы, Қазақстан халқы Ассамблеясының Төрағасы Нұрсұлтан Назарбаевтың төрағалығымен "Қазақстан халқы Ассамблеясы: Сенім. Дәстүр. Транспаренттік. Толеранттылық" атты күн тәртібімен Ассамблеяның XVI сессиясы өткен болатын.
"Біздің Ассамблеяның тарихы - бұл біздің тұрақтылығымыздың тарихы",- деп атап өтті Н. Назарбаев.
Елбасы осы жылдар ішінде қыруар істердің атқарылғанын атап өтті. Елімізде этникааралық және конфессияаралық теңдіктің құқықтық базасы құрылды. Ассамблеяның жұмысы стратегиялық жоспарларға сәйкес, мемлекеттің "алуан түрлілік бірлігі" қағидатына сай этникааралық саладағы саясаты негізінде қалыптасып, этникааралық қатынастардың қаржылық және материалдық базасы нығайды. Бұдан басқа, еліміздің Парламентінде және мәслихаттарда барлық этностардың өкілдіктерінің жұмысы қамтамасыз етілген.
Бүгінде еліміздің барлық өңірлерінде 820 этномәдени бірлестік табысты жұмыс істейді.
"Қазақстанда діни себептерге байланысты кикілжің ешқашан болған емес. Біздің Астана жаһандық дінаралық диалогтың орталығы ретінде әлемге белгілі. Біз үш рет Илемдік және дәстүрді діндер көшбасшыларының съезін өткіздік. Осылайша Қазақстанда ұлтаралық және конфессияаралық келісімнің тиімді жүйесі қалыптасты", - деп атап өтті Нұрсұлтан Назарбаев.
Президент бүгінде Қазақстан халқы Ассамблеясының алдында ұлттық бірлікті нығайтуға байланысты тәуелсіздіктің 20 жылдығына дайындықтың жалпыұлттық жоспарын әзірлеуге атсалысу және елдің орасан табыстарын насихаттау сияқты бірқатар жаңа міндеттер тұрғанына тоқталып өтті.
Мемлекет басшысы сондай-ақ Қазақстан халқы Ассамблеясы ЕҚЫҰ-ның Астанадағы Саммитіне дайындық пен оны өткізуге белсене қатысуы қажеттігіне тоқталды.
"Исерлі кездесулерді ұйымдастырып, біздегі алуан түрлілікті көрсету қажет, біздің этномәдени орталықтардың, соның ішінде Ассамблеяның жұмыс тәжірибесімен таныстыру керек. Мен қазірдің өзінде әлемдік тарихқа енетін Астана рухы ұғымының сенім, келісім, толеранттылық пен алуан түрлілік бірлігі қағидаттарына негізделген әлемдік құрылысқа жаппай ұмтылудың символына айналатынына сенемін", - деді мемлекет басшысы.
Сөзін аяқтай келе, президент өзінің тапсырмасы бойынша қоғамдық награда - "Қазақстан халқы Ассамблеясының қоғамдық "Бірлік" алтын медалі" бекітілгенінен хабардар етті.
"Мен бүгін осы медалді біздің қоғамдағы татулық пен келісімді қамтамасыз ету ісіне елеулі үлестерін қосқан қазақстандықтарға тапсыру туралы шешімге қол қойдым. Осы награданың алғашқы иелерін шын жүректен құттықтаймын!", - деді мемлекет басшысы.
Сөз сөйлегендер Қазақстан халқы Ассамблеясының тыныштық пен қоғамдағы келісімді қамтамасыз етудегі айрықша рөлін атап өтіп, Ассамблея төрағасы, президент Нұрсұлтан Назарбаев алға қойған міндеттерді қолдады.
Қазақстан халқы Ассамблеясының XVI сессиясына қатысушылар ел азаматтарына қазақстандықтарды ортақ құндылықтар - бірлік, ұлтаралық және қоғамдық келісімді сақтау және нығайтуда Ұлт Көшбасшысы Нұрсұлтан Назарбаевтың сара саясатының айналасына топтасуға шақырған Үндеу қабылдады,- деп хабарлады баспасөз қызметінен.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Оралда су тасқынының келесі толқынына дайындық қызу жүргізілуде
Қазақстан Премьер-Министрі Олжас Бектенов су тасқынына қарсы іс-шараларды үйлестіру үшін Орал қаласында жүр. Үкімет басшысы өңірге келісімен Жайық өзенінің жағалауын нығайту және бөгет құрылыстарын салу жұмыстарының барысын тексерді, деп хабарлайды Үкіметтің баспасөз қызметінен.
Сонымен қатар Олжас Бектенов жағдайды бақылау үшін өңір аумағында орналасқан су қоймаларының өзен арнасын тікұшақпен аралайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
БҚО үлкен суға дайындық үстінде
Батыс Қазақстан облысында ауқымды су тасқынының алдын алу шаралары қабылдануда. Су тасқынына қарсы жұмыстарды жүргізу үшін өңірде шоғырланған күштер тобы 6,3 мың адамнан асты, деп хабарлайды ҚР ПРемьер-министрінің баспасөз қызметінен.
Үкіметтің тапсырмасы бойынша елді мекендерден үлкен суды бұрып әкету және су тасқынынан келетін шығынды азайту үшін барлық күштер мен құралдар жұмылдырылды.
Облыста ТЖМ-ның 1 мыңнан астам қызметкері, Ұлттық ұланның 700-ден астам, Қорғаныс министрлігінің 600 әскери қызметшісі жұмылдырылды. Жұмысқа волонтерлік ұйымдардың қатысушылары тартылды. 1,5 мың арнайы техника жұмылдырылды, оның 790-ы БҚО-ға еліміздің басқа өңірлерінен келген.
Негізгі міндет - елді мекендердің тұрғындары мен олардың үйлерін су тасқынынан қорғау. Жайық, Шаған, Деркөл өзендерінің бойындағы жағалауды нығайту жұмыстары жүргізілуде. Атап айтқанда, 700 мың құм толтырылған қапшық және 3 710 мың тонна инертті материал төселді. Қорғаныс үйінділері 4-5 метр биіктікке дейін көтерілді.
Қазіргі уақытта Оралда жедел-эвакуациялау пункттері ашылды, өңірде "Жедел желі" жұмыс істейді - оған 512 қоңырау келіп түсті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Әскери билеттер цифрлық форматқа ауыстырылды
Әскери билеттер цифрлық форматқа ауыстырылды, деп хабарлайды ҚР Қорғаныс министрлігінің баспасөз қызметінен.
Жұмысқа орналасу немесе оқу орнына қабылдау кезінде құжатты түпнұсқада ұсыну туралы талап алынып тасталды.
Енді жұмыс беруші азаматтың әскери қызметке қатынасы туралы мәліметтерді egov.kz электрондық үкімет ресурсын пайдалана отырып, автоматты түрде алады.
Заңнама бойынша заңды тұлғалар азаматтардың әскери қызметіне қатынасы туралы деректерді тіркеуге міндетті. Сондықтан кадр қызметтері бұрын әскери есепке алу құжаттарын (әскери билеттер, тіркеу туралы куәлік, әскери қызмет өткергенін растау туралы анықтама және т.б.) талап еткен.
Қорғаныс министрлігі Еңбек және халықты әлеуметтік қорғау, Цифрлық даму, инновациялар және аэроғарыш өнеркәсібі министрліктерімен, ҚР Мемлекеттік қызмет істері агенттігімен бірлесіп жұмыс берушінің сұрауына автоматты түрде жауап алуға мүмкіндік беретін интеграциялық жұмыстар жүргізді.
- Өткен жылдан бастап біз осы процестерді цифрландыру жөнінде жұмыс жүргіздік. Атап айтқанда, ақпараттық жүйені әзірлеп, оны іргелес мемлекеттік органдардың мәліметтер базасымен біріктірдік. Инновация кадрлық қызметтердің жұмысын жеңілдетіп, азаматтарды анықтама алу үшін уақыт жұмсаудан босатады. Егер бұрын бұл процестер бірнеше аптаға созылса, бүгінде бұл бір күнде жасалады, - деді Қорғаныс министрінің орынбасары Дархан Ахмедиев.
Жеке ұйымдар "Е-Еңбек" ақпараттық жүйесінде, мемлекеттік мекемелерде "Е-Қызмет" ресурсын пайдалана отырып, қызметкерлердің есебін жүргізетін болады.
Сонымен қоса әскери билет Қарулы күштер қатарында, басқа да әскерлер мен әскери құралымдарда әскери қызмет өткергендерге ғана берілетінін атап өткен жөн.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда арнайы сейсмологиялық зерттеу жүргізіледі
Алматыда Қазақстан президенті Қасым-Жомарт Тоқаевтың тапсырмасы бойынша арнайы сейсмологиялық зерттеу жүргізіледі, деп хабарлайды Ақорданың баспасөз қызметінен.
Тараздағы гидромелиоративтік-құрылыс институтын қайта қалпына келтіру жөнінде шешім қабылдадық. Оқу орнын материалдық-техникалық тұрғыдан толық жабдықтау керек. Сейсмология институтының жағдайы да мәз емес. Үкіметке осы институттың ғылыми әлеуетін арттыруға қатысты нақты ұсыныстар дайындауды тапсырдым. Сондай-ақ сейсмологияны және сейсмикалық режимді бақылау құралдарын дамыту бойынша пайдалы ұсыныстар әзірленуге тиіс.
Менің тапсырмаммен Алматы аумағына арнайы сейсмологиялық зерттеу жүргізіледі. Әкімдік үш жылдық зерттеу жұмыстарына қаржы бөледі. Энергетикалық апатты, эпидемияны, қуаңшылықты болжау және оның алдын алу мәселесі аса маңызды. Жауапты министрліктер тиісті саланы, ал әкімдіктер аймақтарды дамыту бағдарламаларын қайта қарауы керек. Әсіресе, төтенше жағдай туындау қаупі бар-жоғын мұқият зерттеу қажет. Бұл жұмысқа ғылыми қауымдастықты жұмылдырған жөн. Яғни гидрология, климатология, география, инженерия және өзге де сала мамандарын тарту қажет.
Тағы да қайталап айтқым келеді, мемлекеттік органдар барлық істе, ең алдымен, сапалы ғылыми қорытындыға сүйенуі керек. Бұл - өте маңызды міндет. Шешімдер әбден пысықталып, нақты негізделіп барып, қабылдануға тиіс. Талдау жүргізіп, ахуалды болжау үшін ғалымдардың қолында, зерттеу орталықтарында қажетті құрал-жабдықтар болуға тиіс"
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.