Қазақстан инвестициялық тартымды елдер қатарында - И. Илімбетова
"Халықаралық сарапшылардың бағалауынша, біздің мемлекет әлем бойынша инвестициялық тартымдылығы жоғары мемлекеттер қатарына кіреді. 2013 жылдың соңына қарай тікелей инвестициялардың жалпы көлемі 180 млрд долларды құрады", - деп И.Илімбетова баса айтты.
Алматы. 19 мамыр. Kazakhstan today. Қазақстан әлем бойынша инвестициялық тартымдылығы жоғары мемлекеттер қатарына кіреді. Бұл туралы бүгін ОКҚ өткен бирфингте ҚР Экономика және бюджетті жоспарлау министрлігі сыртқы сауда қызметін дамыту департаментінің директоры міндетін атқарушы Илия Илімбетова мәлім етті.
"Дүниежүзілік банктің 2014 жылға арналған есебіне сәйкес Қазақстан 189 елдің ішінен 50 орынға табан тіреді. Біз өткен жылмен салыстырғанда 3 позицияға көтеріліп, ТМД елдерінің ішінен көшбасшыға айналдық. Бүгінде Ресей 92, Беларусь 63, Қырғызстан 68 орында. Көптеген елдер біздің артымызда қалып қойды. Біз Doing Business рейтингісі бойынша үздік 50-ке кірдік", - деп И.Илімбетова атап өтті.
Сонымен қатар, ол, бұл бiздiң елдегi сыртқы сауда саясатының бизнес климатының дамуы мен жақсаруына, экспорттық-импорттық операциялардың жетiлуiне септiгiн тигiзедi, деп өз ойын толықтырды.
"Халықаралық сарапшылардың бағалауынша, біздің мемлекет әлем бойынша инвестициялық тартымдылығы жоғары мемлекеттер қатарына кіреді. 2013 жылдың соңына қарай тікелей инвестициялардың жалпы көлемі 180 млрд долларды құрады", - деп И.Илімбетова баса айтты.
Өздеріңізге белгілі болғандай, бүгінде ірі инвестициялар Қазақстанға Нидерланды, Германия, АҚШ, Ұлыбритания, Франция, Жапония, Ресей, Қытай, Канада және өзге де елдерден келуде.
"Дәстүрлі сауда серіктестеріміз Еуропалық одақ елдері. Олар жалпы тауар айналымының 41 %, Ресей - 17,9%, Қытай - 16% алып отыр. Қазақстан үшін еуразия құрылығының қақ ортасында орналасуына байланысты интеграциялық процестерге қатысу өте маңызды", - деді сөз соңында И.Илімбетова.
тақырып бойынша жаңалықтар
650 мыңнан астам қазақстандық тұрғын үйге кезекте тұр
Үкімет отырысында Премьер-Министр Олжас Бектенов тұрғын үй құрылысы және проблемалық объектілерді аяқтау мәселесі бойынша өнеркәсіп және құрылыс министрі Қанат Шарлапаевтың, сондай-ақ бірқатар өңірлер әкімдерінің баяндамасын тыңдады, деп хабарлайды ҚР Үкіметінің баспасөз қызметінен.
Олжас Бектенов Үкімет алдына биыл тұрғын үй құрылысына қатысты көптеген маңызды міндеттер қойылғанын атап өтті. Бұл - рекордтық 18 млн шаршы метр тұрғын үйді тапсыру, Мемлекет басшысының жаңа ипотекалық бағдарламаны іске қосу туралы тапсырмасын жүзеге асыру, сондай-ақ үлестік құрылыс пен заңсыз құрылыстың қордаланып қалған проблемаларын түпкілікті шешу.
Премьер-Министр қазіргі уақытта 650 мыңнан астам адам үй кезегінде тұрғанын атап өтті. 2023 жылы өңірлер әкімдіктері тұрғын үй бағдарламасына қатысуға өтініш берушілердің талаптарға сәйкестігін тексеру бойынша жұмыстарын бастады. Мәселен, Мысалы, Ақмола облысында баспана кезегінде тұрғандардың ішінде талаптарды бұзған 16 мыңға жуық азамат, Шымкент қаласында 36 мыңнан астам адам анықталды. Бірақ, олардың аз ғана бөлігі кезектен шығарылған.
Премьер-Министр әкімдіктерге тізімдерді бірінші жартыжылдықтың соңына дейін өзектендіруді және тұрғын үй бағдарламасының іске асырылуына мониторинг жүргізуді тапсырды.
Барлық әкімдіктер осы тізімдерді қайта қарап, жұмысты І жартыжылдықтың соңына дейін аяқтауы қажет. Бәрі белгіленген ережеге сай болуға тиіс. Кезекке қабылдауды ашық әрі бәріне түсінікті етіп жасау керек. Сондай-ақ тізімге енгізілген адамдарға нақты мониторинг жүргізілуге тиіс", - деп атап өтті Олжас Бектенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда интернет-казино ұйымдастырғаны үшін қылмыстық жауапкершілік енгізілуде
Мәжіліс ойын бизнесі, лотереялар және лотерея қызметі мәселелері бойынша заңнамалық өзгерістерді Әкімшілік құқық бұзушылық туралы кодекске енгізілетін ілеспе түзетулерімен бірінші оқылымда мақұлдады, деп хабарлайды Төменгі палатаның баспасөз қызметінен.
Заң жобалары Мемлекет басшысының құмар ойындарға тәуелділікке қарсы күресті күшейту туралы тапсырмасы аясында әзірленді. Оған депутаттар бастамашы болды.
Заң жобасы бойынша жеке тұлғалардың құмар ойындарға және бәс тігуге қатысу жасы 21-ден 25 жасқа көтеріледі. Сонымен қатар алимент және несие берешегі өтелмеген азаматтардың, яғни борышкерлердің бірыңғай реестрінде тұрған тұлғалардың құмар ойын ойнауына тыйым салынады.
Аталған санаттарға заңсыз ойын ойнауға мүмкіндік берген заңды тұлғалар әкімшілік жауапкершілікке тартылады. Бұл жағдайда орта кәсіпкерлік субъектілеріне - 300 АЕК, ірі кәсіпкерлік субъектілеріне - 1000 АЕК көлемінде айыппұл салынады.
Сондай-ақ ойын бизнесін ұйымдастырушылар құмар ойындар мен бәс тігудің тәуекелдері мен зияны туралы хабарлауға міндеттеледі. Мұндай ақпарат ойын мекемелерінде, ғимараттарда, билет кассаларында және букмекерлік кеңселер мен тотализаторлардың электронды кассаларында, казино кассалары мен ойын автоматтары залдарында, сондай-ақ өздерінің интернет-ресурстарында орналастырылуы тиіс. Талаптарды орындамағандар әкімшілік жауапкершілікке тартылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.