Қазақстан Қытайдың қорғаныс-өнеркәсіп кешеніне қарасты ірі компаниялармен тығыз байланыс орнатудан мүдделі - Жақсыбеков
Қазақстан Қытайдың қорғаныс-өнеркәсіп кешеніне қарасты ірі компаниялармен тығыз байланыс орнатудан мүдделі - Жақсыбеков
Астана. 25 желтоқсан. Kazakhstan Today - Қазақстан Қытайдың қорғаныс-өнеркәсіп кешеніне қарасты ірі компаниялармен тығыз байланыс орнатудан мүдделі. Бұл туралы Қазақстан Республикасының Қорғаныс министрі Иділбек Жақсыбеков Қытайдың "Cpmiec" жетекші импорттық-экспорттық нақты машина жасау зауытының Аэроғарыштық технологиялар академиясында болған кезде мәлім етті, деп хабарлайды Kazakhstan Today.
Қорғаныс министрлігінің баспасөз қызметінің хабарлауынша, Пекинде Иділбек Жақсыбеков Қытайдың "Cpmiec" жетекші импорттық-экспорттық нақты машина жасау зауытының Аэроғарыштық технологиялар академиясында болып, жетекшілерімен кездесті. Бұл жерде қазақстандық әскери делегация зенитті-зымыранды қару, ұшқышсыз ұшатын аппараттар және басқа да қару-жарақ пен әскери техниканың жаңа үлгілерімен танысты.
Компания басшыларымен кездесу барысында Қазақстанның Қорғаныс министрі ҚХР қорғаныс-өнеркәсіп кешеніне қарасты ірі компаниялармен тығыз байланыс орнатып, екіжақты тиімді келісімдер негізінде басты бағыттарды айқындауға мүдделі екенінен хабардар етті.
Сонымен қатар Иділбек Жақсыбеков төл әскеріміздің әскери-техникалық қуатын нығайту мәселесінде отандық қорғаныс-өнеркәсіп кешенінің тиімді қатысуына да үлкен сенім артатынын жеткізді.
"Біздің ойымызша ол бәсекеге қабілетті, үздік өндірістік технологияларға ие, кеңінен таратылған жөндеу және техникалық қызмет көрсету орталықтары мен толық циклы бар болуы шарт,- деді министр. - Бізге заманауи технологиясы дамыған қару-жарақ пен әскери техникан үлгісін бірлескен кәсіпорындарда жинақтауға әзір белгілі шет елдік өндірушілерді тарту өте маңызды".
Қазақстан Республикасының қорғаныс министрі Қытай тарапын Қазақстанның Елордасында 2010 жылғы мамырдың аяғы маусымның басына өткізілуі жоспарланған әскери мүлік пен қару-жарақтың халықаралық көрмесіне шақырды.
Қазақстанның әскери делегациясы Пекин және Шанхай гарнизондарының бірқатар әскери бөлімдерінде болды.
Сонымен қатар, Иуе шабуылынан қорғаныс басқару орталығында болып қызмет ету жағдайларымен, қару-жарақ және әскери техникамен танысты.
1941 жылғы сәуірде құрылып соғыс жылдары 2000-нан астам ұрыстарға қатысқан Пекин гарнизонының 3 дивизиясының оқу-жаттығу орталығында келісім-шарт қызметінің әскери қызметшілері автомат және минометтен атыс түрлерін көрсетті. Олар нысаналарды дөп көздеп кәсібилігімен танылса, келесі жасақтар шартты террористермен ұрыс операциясының элементтерін, жекпе-жек ұрыстың үлгілерін көрсетті.
Шанхайда қазақстандық делегация контр-адмирал Сюй Вэйбин басшылық ететін Искери-теңіз базасында болды. База қолбасшысының сөзіне қарағанда бұл жерде қайтарымды қызмет етуге барлық жағдай жасалған. Қорғаныс министрін теңіз кемелерімен таныстырып, теңізшілердің қызмет ету үрдісін көрсетті.
Қазақстан және Қытай қорғаныс ведомстволары басшылары шекаралас округтер өзара тығыз байланыста болуы қажет екенін бірінші кезекте тәжірибе алмасу тұрғысында бірнеше рет қайтара айтты.
Искери-теңіз базасының қолбасшысы контр-адмирал Сюй Вэйбин мен кеме командирі II рангалы капитан Лю Мянь қазақстандық Искери-теңіз күштерінің қалыптасуы жолында барынша көмек көрсететіндеріне сендірді.
Ресми сапардың соңында Қорғаныс министрі Иділбек Жақсыбеков қазақстандық әскери делегацияға жоғары деңгейде көңіл бөлгені үшін қытай тарапына алғысын жеткізді. Бұл сапар екі ел арасындағы әскери қарым-қатынастың деңгейін тағы бір сатыға көтергенін тілге тиек етті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.