Система Orphus

Қазақстан мен Ливан парламентаралық ынтымақтастықты дамытуды көздеуде - СІМ

13.05.2014, 21:02 1153

Алматы. 12 мамыр. Kazakhstan today. ҚР Елшісі Б.Сәрсенбаев Ливанда іссапармен болып, аталған ел Парламентінің Төрағасы Набих Берримен және Ливанның бұрынғы Премьер-министрі, "Мустақбәл" партиясы парламенттік блогының жетекшісі Фуад Синиорамен кездесті.

Кездесу барысында Қазақстан мен Ливан екіжақты қатынастарын, оның ішінде парламентаралық деңгейдегі байланыстарды дамыту маңыздылығына назар аударылды, деп Сыртқы істер министрлігінен хабарлады.

Парламентаралық қатынастар саласындағы ынтымақтастықтың зор әлеуетін атап өте келіп, екі елдің жоғарғы заң шығару органдары арасында сындарлы үнқатысуды қалыптастыру жайында айтылды. Сондай-ақ, Елшілік әзірлеген соңғы жиырма жылдағы екіжақты ынтымақтастықтың даму жолын баяндайтын "Қазақстан-Ливан қатынастары: 20 жылдық табысты серіктестік" атты кітабын сыйға тартылды.

Бұған қоса Б.Сәрсенбаев еліміздің ішкі және сыртқы саясатын кемелдендіруде Елбасының стратегиялық жоспарларына қатысты имидждік құжаттар төңірегінде әңгімелей отырып, Қазақстанның халықаралық бастамаларына ливан тарапының ұдайы қолдау көрсетіп келе жатқанына алғыс білдірді.

Ф.Синиорамен болған кездесу барысында аталған тұлға жуық арада өтетін VII Астана экономикалық форумына (АЭФ) және Дүниежүзілік дағдарысқа қарсы ІІ-ші конференциясына қатысатынын растады.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны