Қазақстан обыр ауруын емдеудің халықаралық пішініне толықтай көшеді - ДСМ
Жыл сайын елімізде 33 мыңдай обырға шалдыққан адамдар анықталады, олардың ішінде бірінші орында сүт безі обыры, одан кейін өкпе, ас қорыту ағзалары және тері обыры.
Алматы. 27 ақпан. Kazakhstan today. Астанада Мемлекет басшысының тапсырмасымен әзірленген Қазақстан Республикасында онкологиялық көмекті дамыту бағдарламасын іске асырудың алғашқы жылының қорытындысы шығарылды.
Бүгінгі күні Қазақстанда әлемнің көптеген дамыған елдеріндегідей обырдан болатын өлім-жітім қан айналымы жүйесінен кейін 2-ші орын алады. Жыл сайын елімізде 33 мыңдай обырға шалдыққан адамдар анықталады, олардың ішінде бірінші орында сүт безі обыры, одан кейін өкпе, ас қорыту ағзалары және тері обыры.
Жалпы республикада есепте 146 мыңнан астам обырға шалдыққан науқас тіркелген. Жыл сайын бұл қатерлі дерттен 10 мың адам қайтыс болады. Өлімнің негізгі себебі 3-4 сатысында обырды кеш анықтау болып табылады.
Осыған байланысты, обырды ерте анықтауға бағытталған 6 скрининг енгізілді (2008 жылдан - сүт безі және жатыр мойыны, 2011 жылдан - тік ішек обыры, 2013 жылдан - қуық безі, өңеш, асқазан және бауыр обыры). Скринингтер жақсы нәтиже беруде.
Сүт безі обырын ерте анықтау көрсеткіштері скринингтерге дейін 74% құраған болса, 2013 жылдың қорытындысы бойынша 85%-ға жетті. Илемдік тәжірибеде бұл көрсеткіштерді 95%-ға жеткізу мүмкіндігі бар.
Мұндай нәтижелерге тұрғындардың белсенділігі, дер кезінде профилактикалық және скринингілік тексерулерден өту арқылы жетуге болады. Обырды емдеу нәтижесі ерте диагностикалауда тиімді екенін есте сақтау керек.
Мамандар Қазақстанда обырды әлемдік стандарттар деңгейінде емдеу үшін барлық жағдай жасалып жатқанын атап өтуде: биыл 5 өңіраралық жоғары технологиялық онкологиялық орталықтар құрылады. Орталықта емдеу және диагностикалаудың ең озық әдістері қолданылатын болады.
Одан басқа, Астанада обырды емдеудің жаңа әдістерін әзірлеумен айналысатын ғылыми орталық жұмыс жасайды. Ондағы мамандар өздері әзірлеген емдеу әдістемесі бойынша бас миы және сүйек обырын емдеудегі жетістіктерді атап отыр.
Қажетті қаржыландыру нәтижесінде енгізілген халықаралық стандарттар, балалардың онкологиялық ауруларын емдейтін Астана және Алматыдағы екі орталыққа, лейкозға шалдыққан балалардың өміршеңдігін 75%-ға жеткізуге мүмкіндік берді. Бұл көрсеткіш әлемнің үздік клиникаларында 80% құрайды. 4 жыл бұрын осындай онкологиялық ауруларға шалдыққан балалардың 50% қайтыс болатын.
Қазақстан толығымен обырды емдеудің халықаралық стандарттарына көшті. Тек былтыр 150 астам жас маман Еуропа, Азия және Американың жетекші клиникаларында оқытылды. Сондай-ақ, жетекші шетелдік мамандарды шақыру арқылы шеберлік-кластар шеңберінде еліміздің онкологиялық қызметінің 520 астам маманы онкология және радиологияның өзекті мәселелері бойынша оқытылды.
Бүкіл қызметті тиімді үйлестіру үшін ҚР Денсаулық сақтау министрлігі жанында арнайы штаб құрылды және медицина қызметкерлері алдында Қазақстанда әлемдік стандарттарға сай жаңғыртылған онкологиялық қызмет құру міндеті тұр.
Онкологиялық бағдарламаның іске асырылуы қазақстандық орталықтарға обырды едеуде және диагностикалауда халықаралық деңгейге жетуге мүмкіндік береді.
Обырды ерте анықтауды насихаттау мақсатында наурыздың 1-нен 15-не дейін еліміздің барлық онкологиялық орталықтарында кез-келген адам қажетті тексерулерден өте алады.
тақырып бойынша жаңалықтар
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.