Қазақстан президенті республиканың күш құрылымдарының өкілдеріне жоғары әскери және арнаулы атақтар мен сыныптық шендер берді
Қазақстан президенті республиканың күш құрылымдарының өкілдеріне жоғары әскери және арнаулы атақтар мен сыныптық шендер берді
Астана. 7 мамыр. "Қазақстан Бүгін" - Бүгін Қазақстан Қарулы Күштерінің құрылған күніне орай Астанадағы Ақордада Елбасы, ҚР Қарулы күштерінің бас қолбасшысы Нұрсұлтан Назарбаев республиканың күш құрылымдарының өкілдеріне жоғары әскери және арнаулы атақтар мен сыныптық шендер берді, деп хабарлайды Қазақстан Бүгін тілшісі.
Атап айтсақ, ҰҚК Шекара қызметінің бас барлау басқармасының бастығы Болат Қырғызбаевқа, ІІМ ішкі әскерлер комитеті төрағасының орынбасары Владимир Козакқа, төтенше жағдайлар вице-министрі Валерий Петровқа, президенттің күзет қызметі бастығының орынбасары Ануар Садықұловқа, "Астана" өңірлік қолбасшылығының қолбасшысы басқармасының штаб бастығы Василий Рысбаевқа және "Шығыс" өңірлік қолбасшылығының қолбасшысы басқармасының штаб бастығына генерал-майор әскери атағы берілді.
Шығыс Қазақстан және Павлодар облыстық ІІД төрағалары Арман Жалмаханбетов пен Қанат Түксейітов полицияның генерал-майоры арнаулы атағына ие болды. Қылмыстық-атқару жүйесі комитетінің төрағасы Мейрам Аюбаев әділет генерал-майоры арнаулы атағына лайық деп танылды.
Мемлекеттік әділет кеңесшісі 3-ші сыныптық шенін ҚР бас прокурорының бірінші орынбасары Иоганн Меркель мен Маңғыстау облысының прокуроры Асқар Дүйсекенов тағынды.
"Мен сіздерді осынау жоғары әскери атақтарыңызбен шын жүректен құттықтаймын, сіздер оған лайықсыздар. Сіздердің еңбектеріңіздің бағасы берілетін күн бүгін", -деді Н.Назарбаев республиканың күш құрылымдарының өкілдеріне қаратып айтқан сөзінде. "Еліміз тәуелсіздік алған жылдардың ішінде сіздер отанымыздың біртұтастығы мен азаматтардың құқығын лайықты қорғадыңыздар", - деді ол.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
650 мыңнан астам қазақстандық тұрғын үйге кезекте тұр
Үкімет отырысында Премьер-Министр Олжас Бектенов тұрғын үй құрылысы және проблемалық объектілерді аяқтау мәселесі бойынша өнеркәсіп және құрылыс министрі Қанат Шарлапаевтың, сондай-ақ бірқатар өңірлер әкімдерінің баяндамасын тыңдады, деп хабарлайды ҚР Үкіметінің баспасөз қызметінен.
Олжас Бектенов Үкімет алдына биыл тұрғын үй құрылысына қатысты көптеген маңызды міндеттер қойылғанын атап өтті. Бұл - рекордтық 18 млн шаршы метр тұрғын үйді тапсыру, Мемлекет басшысының жаңа ипотекалық бағдарламаны іске қосу туралы тапсырмасын жүзеге асыру, сондай-ақ үлестік құрылыс пен заңсыз құрылыстың қордаланып қалған проблемаларын түпкілікті шешу.
Премьер-Министр қазіргі уақытта 650 мыңнан астам адам үй кезегінде тұрғанын атап өтті. 2023 жылы өңірлер әкімдіктері тұрғын үй бағдарламасына қатысуға өтініш берушілердің талаптарға сәйкестігін тексеру бойынша жұмыстарын бастады. Мәселен, Мысалы, Ақмола облысында баспана кезегінде тұрғандардың ішінде талаптарды бұзған 16 мыңға жуық азамат, Шымкент қаласында 36 мыңнан астам адам анықталды. Бірақ, олардың аз ғана бөлігі кезектен шығарылған.
Премьер-Министр әкімдіктерге тізімдерді бірінші жартыжылдықтың соңына дейін өзектендіруді және тұрғын үй бағдарламасының іске асырылуына мониторинг жүргізуді тапсырды.
Барлық әкімдіктер осы тізімдерді қайта қарап, жұмысты І жартыжылдықтың соңына дейін аяқтауы қажет. Бәрі белгіленген ережеге сай болуға тиіс. Кезекке қабылдауды ашық әрі бәріне түсінікті етіп жасау керек. Сондай-ақ тізімге енгізілген адамдарға нақты мониторинг жүргізілуге тиіс", - деп атап өтті Олжас Бектенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда интернет-казино ұйымдастырғаны үшін қылмыстық жауапкершілік енгізілуде
Мәжіліс ойын бизнесі, лотереялар және лотерея қызметі мәселелері бойынша заңнамалық өзгерістерді Әкімшілік құқық бұзушылық туралы кодекске енгізілетін ілеспе түзетулерімен бірінші оқылымда мақұлдады, деп хабарлайды Төменгі палатаның баспасөз қызметінен.
Заң жобалары Мемлекет басшысының құмар ойындарға тәуелділікке қарсы күресті күшейту туралы тапсырмасы аясында әзірленді. Оған депутаттар бастамашы болды.
Заң жобасы бойынша жеке тұлғалардың құмар ойындарға және бәс тігуге қатысу жасы 21-ден 25 жасқа көтеріледі. Сонымен қатар алимент және несие берешегі өтелмеген азаматтардың, яғни борышкерлердің бірыңғай реестрінде тұрған тұлғалардың құмар ойын ойнауына тыйым салынады.
Аталған санаттарға заңсыз ойын ойнауға мүмкіндік берген заңды тұлғалар әкімшілік жауапкершілікке тартылады. Бұл жағдайда орта кәсіпкерлік субъектілеріне - 300 АЕК, ірі кәсіпкерлік субъектілеріне - 1000 АЕК көлемінде айыппұл салынады.
Сондай-ақ ойын бизнесін ұйымдастырушылар құмар ойындар мен бәс тігудің тәуекелдері мен зияны туралы хабарлауға міндеттеледі. Мұндай ақпарат ойын мекемелерінде, ғимараттарда, билет кассаларында және букмекерлік кеңселер мен тотализаторлардың электронды кассаларында, казино кассалары мен ойын автоматтары залдарында, сондай-ақ өздерінің интернет-ресурстарында орналастырылуы тиіс. Талаптарды орындамағандар әкімшілік жауапкершілікке тартылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Өнімсіз делдалдар электрмен жабдықтау тізбегінен шығарылады
Мемлекет басшысының экономиканы демонополизациялау және жасанды түрде құрылған делдалдық тізбектерді жою жөніндегі тапсырмасын іске асыру шеңберінде Үкімет энергиямен жабдықтау нарығында тәртіп орнатуға кірісті. Басты мақсат - тұтынушылар үшін электр энергиясының түпкілікті құнын негізсіз көтеретін делдалдарды алып тастау, деп хабарлайды Үкіметтің баспасөз қызметінен.
Премьер-Министр Олжас Бектеновтің тапсырмасы бойынша биылғы 1 сәуірден бастап нарықта 2004 жылдан бері жұмыс істеп келе жатқан және бизнес пен бірқатар бюджеттік ұйымдар үшін тарифтердің мөлшерін дербес белгілей алатын реттелмейтін энергиямен жабдықтаушы ұйымдардың (бұдан әрі - ЭЖҰ) жұмысы тоқтатылды. Бұл ретте талдау көрсеткендей, мұндай компаниялардың табыстылығы 1 кВтсағ үшін шамамен 30-50% немесе 5-20 теңгені құраған. Реттелмейтін ЭЖҰ-дан түскен пайда энергетикалық жүйені жаңғыртуға пайдаланылмады.
ҚР Парламенті Мәжілісінің бірінші оқылымында мақұлданған "Жылу энергетикасы туралы" жаңа заң аясында өнімсіз делдалдарды жою жұмыстары жалғасатын болады. Электрмен жабдықтау нарығындағы қазіргі проблемаларды шешу үшін ҚР Үкіметі бірінші кезеңде реттелмейтін ЭЖҰ қызметін шектеу туралы шешім қабылдады. Екінші кезеңде электрмен жабдықтау саласын өңірлік электр желілері компанияларына беру қарастырылады. Бұл электр энергиясының тарифіне жағымды әсер етеді, сонымен қатар келесідей оң әсерлерге әкеледі:
- заңды тұлғалар үшін тарифтерді төмендету, тиісінше, бизнеске жүктемені азайту, бұл халық үшін түпкілікті өнім бағасының тең шарттары мен төмендеуін қамтамасыз етеді;
- бюджет қаражатын үнемдеуге алып келетін және үнемделген қаражатты әлеуметтік маңызы бар жобаларға бағыттауға мүмкіндік беретін бюджеттік ұйымдар үшін тарифті төмендету;
- соңғы тұтынушылар үшін тарифке ең аз әсер ете отырып, энергетика секторына инвестицияларды ұлғайту.
Осындай жұмыстар өнімсіз делдалдар кесірінен бағаның негізсіз көтерілуі байқалатын өзге де салаларда жүргізілетін болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.