Қазақстан Республикасы Президенті жанындағы Орталық коммуникациялар қызметінде "Халықаралық бағдарламалар орталығы" АҚ президенті Гани Ныгыметовтіӊ қатысуымен "Болашақ" халықаралық стипендиясын тағайындау конкурсына қатысуға құжаттар қабылдаудыӊ жаӊа ережелері және құжаттарды қабылдау туралы" тақырыбында брифинг болып өтті.
1993 жылы құрылған Қазақстан Республикасы Президентініӊ "Болашақ" халықаралық стипендиясы - бұл ұлттық экономиканыӊ түрлі салалары үшін әлемніӊ үздік жоғары оқу орындарында 8 мыӊға жуық жоғары білікті маман даярлаған Қазақстандағы еӊ табысты білім беру бағдарламасы болып табылады
Астана. 21 сәуір. Kazakhstan Today - 1993 жылы құрылған Қазақстан Республикасы Президентініӊ "Болашақ" халықаралық стипендиясы - бұл ұлттық экономиканыӊ түрлі салалары үшін әлемніӊ үздік жоғары оқу орындарында 8 мыӊға жуық жоғары білікті маман даярлаған Қазақстандағы еӊ табысты білім беру бағдарламасы болып табылады, деп хабарлайды Kazakhstan Today агенттігініӊ тілшісі.
13 сәуірде "Болашақ" халықаралық стипендиясын тағайындауға құжаттар қабылдау ресми түрде басталды. Стипендиаттар оқи алатын 2015 жылға басым мамандықтар тізбесі 343 мамандықты қамтиды, олардыӊ арасында 141 - техникалық, 79 - медициналық және 123 - гуманитарлық бағыттағы мамандық. Оқуға ұсынылатын шетелдік жоғары оқу орындарыныӊ тізімі Times Higher Education, QS және Academic Ranking of World Universities, THE 100 under 50 және QS 50 under 50 халықаралық рейтингілерінде, ұлттық рейтингілерде тек алдыӊғы орындардағы 229 университетті қамтиды.
"Халықаралық бағдарламалар орталығы" АҚ президенті 2015 жылғы конкурстық іріктеу 13 сәуірден бастап 1 қазанға дейін жалғасатынын айтты, ол сонымен қатар Үміткерлерді іріктеудіӊ жаӊа ережесініӊ қабылданғандығын және оған сәйкес қазақстандық магистр дәрежесі бар адамдардыӊ да үміткер болуларына мүмкіндіктері бар екендігін атап өтті.
"Болашақ" бағдарламасы стипендиаттарын академиялық даярлау бағдарламаныӊ басым бағыты болып қалмақ, біз елді индустриализациялау, "Нұрлы Жол", АӨК, ЭКСПО өзекті жобалары үшін мамандар даярлауға көӊіл бөліп отырмыз. Үстіміздегі жылдан бастап еліміздегі 11 тірек жоғары оқу орнында "Болашақ" шеӊберінде ИИДМБ үшін кадрлар даярлау бойынша елдіӊ 11 тірек жоғары оқу орнында отандық ғалымдардыӊ ғылыми зерттеулерін қазақстандық мазмұнға бағытталуына мүмкіндік беретін Split PhD жаӊа моделі іске қосылды", деді өз сөзінде Гани Ныгыметов. Сонымен қатар, жаӊалықтардыӊ бірі тілдік даярлаудыӊ "6+6" жаӊа моделініӊ іске қосылуы, ол бойынша тілдік даярлықтыӊ алғашқы 6 айы Қазақстандағы екі тілдік мектеп - Назарбаев Университеті мен әл-Фараби атындағы ҚазҰУ базасында, кейінгі 6 ай шетелде өтетіндігі айтылды.
Бағдарлама іске асырылған жылдарда 11 126 стипендия тағайындалып, 7 929 маман даярланды. 98% бағдарлама түлегі жұмысқа орналастырылды, олардыӊ 45%-ы өз білімдерін мемлекеттік ұйымдар мен мекемелерде, 2,5% - ұлттық компанияларда, 11% - халықаралық ұйымдарда, 39,5% - жеке секторда қолдануда.
Ағымдағы жылы құжаттар қабылдау үш кезеӊде өтеті: 13 сәуірден 8 мамырға дейін, 8 маусымнан 10 шілдеге дейін, 10 тамыздан 1 қазанға дейін.
"Халықаралық бағдарламалар орталығы" АҚ
тақырып бойынша жаңалықтар
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Есірткі саудасының 50 пайыздан астамы Астана, Алматы және Алматы облыстарына тиесілі - ҚМА
ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде, деп хабарлайды агенттіктің баспасөз қызметінен.
Мессенджерлердегі 300-ге жуық арна, тыйым салынған заттар сатылатын 4 ірі Darknet маркетплейс көзге түсті.
Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды.
Интернет-кеңістіктің Қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң,
есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды.
Талдау көрсеткендей, тұтынушылардың 50% - дан астамы Астана, Алматы қалалары мен Алматы облысына тиесілі.
Агенттік өткен жылы айналымы 25,6 млрд теңгені құрайтын 36 есірткі дүкенін анықтады.
Биыл Telegram мессенджерінде 60 есірткі арнасына тиесілі 59 карт-шот анықталды.
Қаржылық барлау бөлімшесінің алдын ала талдау қорытындысы бойынша аталған дүкендердегі ақша қаражатының жалпы айналымы 3 млрд теңгені құрады.
Айналымы 82 млн теңгені құрайтын есірткі дүкендерінің бірі бойынша материалдар ІІМ-ге жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.