Қазақстан Республикасыныӊ 18 миллионыншы тұрғыны 2017 жылдыӊ 11 мамырында Талдықорғанда туған
Жалпы, тәуелсіздік жылдарында халық саны 1 562,5 мыӊ адамға немесе 9,5%-ға өсіп, ағымдағы жылдыӊ 1 маусымға 18 014,2 мыӊ адамды құрады.1991 жылымен салыстырғанда туғандар саны 353,2-ден 400,7 мыӊ адамға немесе 13,5%-ға өсті.
Астана. 5 шілде. Kazakhstan Today - Қазақстан Республикасы Ұлттық экономика министрлігі Статистика комитетініӊ деректері бойынша 2017 жылғы мамырда Қазақстан Республикасы халқыныӊ саны 18 миллион адамға жетті, ал 18 миллионыншы тұрғынныӊ туған күні 2017 жылдыӊ 11 мамыр күніне сай келді, - деп хабарлады ұлттық экономика министрі Тимур Сүлейменов.
18-ші миллионыншы тұрғынныӊ туған күнін анықтау барлық демографиялық оқиғаларды: халқы саныныӊ өсім (туу және иммиграция) және төмендеу (өлім және эмиграция) компоненттерін ескере отырып жасалды. Комитет 18-ші миллионыншы тұрғынды АХАТ органдары 2017 жылғы 11 мамырда тіркеген туу туралы акт жазбалары мәліметтері негізінде қалыптастырылған туған күндер базасындағы туған балаларды іздеу жолымен анықтады. Кандидатура олардыӊ аналарыныӊ тұрғылықты жеріне (қалалық/ауылдық жер), олардыӊ білім деӊгейі мен кәсіптер түріне, сондай-ақ жаӊа туған нәрестелердіӊ жынысы, салмағы мен бойына қарамастан тұтастай алғанда республика бойынша анықталды.
Осылайша, 18 миллионыншы тұрғын ретінде Алматы облысы Талдықорған қаласында туған Саматқызы Мүслима анықталды. Мүслима отбасында туу кезектіліне қарай екінші нәресте. Туған кездегі нәрестеніӊ салмағы туу сәтінде 3300 грамм, ал бойы 51 см болды. Нәрестеніӊ ата-анасы Талдықорған қаласында тұрады: анасы - Омарханова Диана Ерікқызы - дефектолог, 1991 жылы туған, әкесі - Бестібаев Самат Еркінбекұлы - мұғалім - 1982 жылы туған, - деп атап өтті министр.
Жалпы, тәуелсіздік жылдарында халық саны 1 562,5 мыӊ адамға немесе 9,5%-ға өсіп, ағымдағы жылдыӊ 1 маусымға 18 014,2 мыӊ адамды құрады.
1991 жылымен салыстырғанда туғандар саны 353,2-ден 400,7 мыӊ адамға немесе 13,5%-ға өсті.
Қарастырылып отырған кезеӊде қайтыс болғандар саны 2,3%-ға азайып 2016 жылғы 131,2 мыӊ адамды құрады.
Өлім-жітімніӊ жалпы коэффициенті 1000 адамға шаққанда 1991 жылғы 8,2-дан 2016 жылғы 7,4 қайтыс болғандарға төмендеді. Нәресте өлім-жітімі 1000 тұғандарға шаққанда 1991 жылғы 27,3-тен 2016 жылы 8,6 оқиғасына азайды.
Туудыӊ жалпы коэффициенті 1000 адамға шаққанда туылғандар саны көрсетеді. Тәуелсіздіктіӊ жылдар ішінде 1991 жылы 21,5-ден 2016 жылғы 22,5 туылғандарға өсті.
Туудыӊ жиынтық коэффициенті - туудыӊ маӊызды көрсеткіштерініӊ бірі, мемлекеттік тәуелсіздіктіӊ алғашқы жылдарында 1 әйелге есептегенде 1991 жылғы 2,7-ден 1999 жылы 1,8 нәрестеге төмендеп, одан кейін біртіндеп өсті. 2016 жылы 1 әйелге есептегенде туудыӊ жиынтық коэффициенті 2,8 нәресте құрады.
Халықтыӊ күтілетін өмір сүру ұзақтығы 1991 жылмен салыстырғанда 4,7 жылға, оныӊ ішінде ерлерде - 5,3, әйелдерде 4,5 жылға өсті. 2016 жылы күтілетін өмір сүру ұзақтығы 72,3, ерлерде - 67,9, әйелдерде - 76,9 жылды құрады.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
650 мыңнан астам қазақстандық тұрғын үйге кезекте тұр
Үкімет отырысында Премьер-Министр Олжас Бектенов тұрғын үй құрылысы және проблемалық объектілерді аяқтау мәселесі бойынша өнеркәсіп және құрылыс министрі Қанат Шарлапаевтың, сондай-ақ бірқатар өңірлер әкімдерінің баяндамасын тыңдады, деп хабарлайды ҚР Үкіметінің баспасөз қызметінен.
Олжас Бектенов Үкімет алдына биыл тұрғын үй құрылысына қатысты көптеген маңызды міндеттер қойылғанын атап өтті. Бұл - рекордтық 18 млн шаршы метр тұрғын үйді тапсыру, Мемлекет басшысының жаңа ипотекалық бағдарламаны іске қосу туралы тапсырмасын жүзеге асыру, сондай-ақ үлестік құрылыс пен заңсыз құрылыстың қордаланып қалған проблемаларын түпкілікті шешу.
Премьер-Министр қазіргі уақытта 650 мыңнан астам адам үй кезегінде тұрғанын атап өтті. 2023 жылы өңірлер әкімдіктері тұрғын үй бағдарламасына қатысуға өтініш берушілердің талаптарға сәйкестігін тексеру бойынша жұмыстарын бастады. Мәселен, Мысалы, Ақмола облысында баспана кезегінде тұрғандардың ішінде талаптарды бұзған 16 мыңға жуық азамат, Шымкент қаласында 36 мыңнан астам адам анықталды. Бірақ, олардың аз ғана бөлігі кезектен шығарылған.
Премьер-Министр әкімдіктерге тізімдерді бірінші жартыжылдықтың соңына дейін өзектендіруді және тұрғын үй бағдарламасының іске асырылуына мониторинг жүргізуді тапсырды.
Барлық әкімдіктер осы тізімдерді қайта қарап, жұмысты І жартыжылдықтың соңына дейін аяқтауы қажет. Бәрі белгіленген ережеге сай болуға тиіс. Кезекке қабылдауды ашық әрі бәріне түсінікті етіп жасау керек. Сондай-ақ тізімге енгізілген адамдарға нақты мониторинг жүргізілуге тиіс", - деп атап өтті Олжас Бектенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда интернет-казино ұйымдастырғаны үшін қылмыстық жауапкершілік енгізілуде
Мәжіліс ойын бизнесі, лотереялар және лотерея қызметі мәселелері бойынша заңнамалық өзгерістерді Әкімшілік құқық бұзушылық туралы кодекске енгізілетін ілеспе түзетулерімен бірінші оқылымда мақұлдады, деп хабарлайды Төменгі палатаның баспасөз қызметінен.
Заң жобалары Мемлекет басшысының құмар ойындарға тәуелділікке қарсы күресті күшейту туралы тапсырмасы аясында әзірленді. Оған депутаттар бастамашы болды.
Заң жобасы бойынша жеке тұлғалардың құмар ойындарға және бәс тігуге қатысу жасы 21-ден 25 жасқа көтеріледі. Сонымен қатар алимент және несие берешегі өтелмеген азаматтардың, яғни борышкерлердің бірыңғай реестрінде тұрған тұлғалардың құмар ойын ойнауына тыйым салынады.
Аталған санаттарға заңсыз ойын ойнауға мүмкіндік берген заңды тұлғалар әкімшілік жауапкершілікке тартылады. Бұл жағдайда орта кәсіпкерлік субъектілеріне - 300 АЕК, ірі кәсіпкерлік субъектілеріне - 1000 АЕК көлемінде айыппұл салынады.
Сондай-ақ ойын бизнесін ұйымдастырушылар құмар ойындар мен бәс тігудің тәуекелдері мен зияны туралы хабарлауға міндеттеледі. Мұндай ақпарат ойын мекемелерінде, ғимараттарда, билет кассаларында және букмекерлік кеңселер мен тотализаторлардың электронды кассаларында, казино кассалары мен ойын автоматтары залдарында, сондай-ақ өздерінің интернет-ресурстарында орналастырылуы тиіс. Талаптарды орындамағандар әкімшілік жауапкершілікке тартылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Өнімсіз делдалдар электрмен жабдықтау тізбегінен шығарылады
Мемлекет басшысының экономиканы демонополизациялау және жасанды түрде құрылған делдалдық тізбектерді жою жөніндегі тапсырмасын іске асыру шеңберінде Үкімет энергиямен жабдықтау нарығында тәртіп орнатуға кірісті. Басты мақсат - тұтынушылар үшін электр энергиясының түпкілікті құнын негізсіз көтеретін делдалдарды алып тастау, деп хабарлайды Үкіметтің баспасөз қызметінен.
Премьер-Министр Олжас Бектеновтің тапсырмасы бойынша биылғы 1 сәуірден бастап нарықта 2004 жылдан бері жұмыс істеп келе жатқан және бизнес пен бірқатар бюджеттік ұйымдар үшін тарифтердің мөлшерін дербес белгілей алатын реттелмейтін энергиямен жабдықтаушы ұйымдардың (бұдан әрі - ЭЖҰ) жұмысы тоқтатылды. Бұл ретте талдау көрсеткендей, мұндай компаниялардың табыстылығы 1 кВтсағ үшін шамамен 30-50% немесе 5-20 теңгені құраған. Реттелмейтін ЭЖҰ-дан түскен пайда энергетикалық жүйені жаңғыртуға пайдаланылмады.
ҚР Парламенті Мәжілісінің бірінші оқылымында мақұлданған "Жылу энергетикасы туралы" жаңа заң аясында өнімсіз делдалдарды жою жұмыстары жалғасатын болады. Электрмен жабдықтау нарығындағы қазіргі проблемаларды шешу үшін ҚР Үкіметі бірінші кезеңде реттелмейтін ЭЖҰ қызметін шектеу туралы шешім қабылдады. Екінші кезеңде электрмен жабдықтау саласын өңірлік электр желілері компанияларына беру қарастырылады. Бұл электр энергиясының тарифіне жағымды әсер етеді, сонымен қатар келесідей оң әсерлерге әкеледі:
- заңды тұлғалар үшін тарифтерді төмендету, тиісінше, бизнеске жүктемені азайту, бұл халық үшін түпкілікті өнім бағасының тең шарттары мен төмендеуін қамтамасыз етеді;
- бюджет қаражатын үнемдеуге алып келетін және үнемделген қаражатты әлеуметтік маңызы бар жобаларға бағыттауға мүмкіндік беретін бюджеттік ұйымдар үшін тарифті төмендету;
- соңғы тұтынушылар үшін тарифке ең аз әсер ете отырып, энергетика секторына инвестицияларды ұлғайту.
Осындай жұмыстар өнімсіз делдалдар кесірінен бағаның негізсіз көтерілуі байқалатын өзге де салаларда жүргізілетін болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.